AD (386) ꓘꓳꓼ ꓕꓯ ꓙꓵꓻ ꓠꓲ, ꓚꓱ, ꓔꓯ ꓗꓽ ꓕꓽ ꓢꓴ ꓙꓲꓻ ꓫꓬ ꓢꓴ St. John Chrysostom ꓚꓺ ꓟꓲꓽ 2 ꓕꓱ,

AD (386) ꓘꓳꓼ ꓕꓯ ꓙꓵꓻ ꓠꓲ, ꓚꓱ, ꓔꓯ ꓗꓽ ꓕꓽ ꓢꓴ ꓙꓲꓻ ꓫꓬ ꓢꓴ St. John Chrysostom ꓚꓺ ꓟꓲꓽ 2 ꓕꓱ,

 ꓙꓲꓻ ꓫꓬ ꓢꓴ St. John Chrysostom ꓔꓯ ꓫꓵꓽ ꓪꓴꓽ ꓮ ꓟꓬ, ꓛꓲ ꓖꓶ ꓢꓴ ꓠꓬ ꓔꓲꓺ ꓒ ꓓꓽ Alexandrai ꓥ ꓡꓳ꓿ ꓔꓲꓺ ꓒ ꓓꓽ ꓠꓬ ꓘꓴ ꓜꓲꓼ ꓞꓳ ꓗꓪ ꓦꓻ ꓕꓲ ꓒꓳ, ꓗꓪ ꓢꓯꓼ ꓕꓵꓼ ꓔꓬ ꓟ ꓔꓲꓺ ꓒ ꓐꓴ ꓮ ꓟꓬ, ꓔꓯ ꓘꓴ ꓜꓲꓼ ꓞꓳ ꓗꓪ ꓐꓰ ꓓꓳꓻ ꓡꓰ ꓝꓲ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓘꓴ ꓜꓲꓼ ꓞꓳ ꓗꓪ ꓐꓰ ꓗꓼ ꓓꓳꓻ ꓟꓶ ꓡꓰ ꓢꓴ ꓔꓲꓺ ꓒ ꓐꓴ ꓠꓬ ꓙꓲꓻ ꓫꓬ ꓢꓴ Chrysostom ꓔꓯ ꓐꓯ ꓟ. ꓖꓶ ꓡ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓙꓲꓻ ꓫꓬ ꓢꓴ St. John Chrysostom ꓠꓬ ꓔꓲꓺ ꓒ ꓓꓽ ꓔꓯ ꓕꓱ ꓡꓱ ꓟꓽ ꓬꓰ ꓠ, ꓟ ꓗꓴꓷꓼ ꓙꓵꓽ ꓢꓴ ꓪ ꓔꓲ ꓔꓯ ꓐꓯ ꓟ. ꓖꓶ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓪ ꓔꓲ ꓠꓬ ꓔꓲꓺ ꓒ ꓓꓽ Alexandria ꓔꓯ ꓮ ꓫꓵꓽ ꓑꓶ. ꓓꓴ ꓦꓻ ꓕꓲ ꓒꓳ, ꓗꓪ ꓢꓯꓼ ꓕꓵꓼ ꓔꓬ ꓟ ꓔꓲꓺ ꓒ ꓐꓴ ꓔꓯ ꓘꓴ ꓜꓲꓼ ꓞꓳ ꓗꓪ ꓐꓰ ꓗꓼ ꓓꓳꓻ ꓗꓷ ꓟ ꓚꓱ, ꓔꓯ ꓟ. ꓖꓶ ꓠ, ꓟ ꓐꓯ ꓗꓷ ꓟ ꓥ ꓡꓳ꓿

ꓖꓳ ꓡꓱ ꓥ ꓟꓲ ꓙꓲꓻ ꓫꓬ ꓢꓴ St. John Chrysostom ꓔꓯ ꓟꓽ ꓠꓲ, ꓫꓵˍ ꓟ ꓔꓲꓺ ꓒ ꓓꓽ ꓐꓴ ꓔ ꓢꓲ ꓠꓬꓲ ꓝꓴꓲ ꓓꓲ ꓗꓷ ꓟ ꓪꓴ. ꓠꓬꓲ ꓪ ꓔꓲ ꓡꓰ ꓬꓲ ꓔꓯ ꓠꓱ. ꓐꓯꓼ ꓗꓴꓷꓼ ꓗꓪ ꓗꓼ ꓓꓳꓻ ꓗꓷ ꓟ ꓥ ꓡꓳ꓿ꓮꓓ (403) ꓘꓳꓼ ꓕꓯ ꓠꓱ. ꓐꓯꓼ ꓗꓴꓷꓼ ꓗꓪ ꓔꓬ ꓬꓰ ꓟ ꓥ ꓡꓳ꓿ ꓙꓲ‐ꓢꓴ ꓢꓲꓺ ꓤ ꓐꓴ ꓡꓰ ꓬꓲ ꓔꓯ ꓬꓯꓼ ꓡ ꓠ, ꓟ ꓘꓴ ꓗꓷ ꓥ ꓟꓲ ꓦ‐ꓐ ꓠꓬꓲ ꓟ ꓟꓶ ꓫꓵˍ ꓗꓷ ꓠꓯ. ꓝꓮꓲ ꓠꓱ. ꓐꓯꓼ ꓟꓵꓼ ꓗꓪ ꓗꓼ ꓓꓳꓻ ꓗꓷ ꓟ ꓔꓯ ꓔꓳ, ꓜꓳ ꓡꓰ ꓟ ꓥ ꓡꓳ꓿

ꓮ ꓫꓵꓽ ꓑꓶ. ꓓꓴ ꓥ ꓐꓯ ꓠꓬ ꓗꓴꓷꓼ ꓔꓯ ꓙꓵꓽ ꓪ ꓔꓲ ꓟ ꓐꓬꓱ ꓔꓯ ꓫ ꓔ ꓟ ꓪꓴ. ꓠꓬꓲ ꓥ ꓡꓳ꓿ ꓙꓲꓻ ꓫꓬ ꓢꓴ St. John Chrysostom ꓠꓬ ꓕꓱ ꓡꓱ ꓬꓰ ꓟ ꓠꓬ ꓟꓽ ꓦꓻ ꓡꓱ ꓢꓴ ꓐꓴ ꓬꓰ ꓟ ꓚꓱ, ꓥ ꓡꓳ ꓐꓰ ꓪ ꓔꓲ ꓟ ꓔꓯ ꓐꓯ ꓟ. ꓖꓶ ꓟ ꓥ ꓡꓳ꓿

ꓬꓲ ꓠꓬ ꓠꓱ. ꓐꓯꓼ ꓗꓴꓷꓼ ꓗꓪ ꓔꓬ ꓗꓷ ꓢꓲ ꓠꓬꓲ ꓟꓽ ꓙꓲ ꓢꓴ ꓐꓴ ꓡꓰ ꓢꓰꓼ ꓗꓷ ꓟ ꓔꓯ ꓔꓳ, ꓜꓳ ꓡꓰ ꓓꓴ ꓥꓳ ꓐꓰ ꓢꓴ ꓡꓰ ꓬꓲ ꓔꓯ ꓓꓴ ꓙ ꓗꓷ ꓟ ꓥ ꓡꓳ꓿ ꓕꓱ ꓡꓱ ꓐꓰ ꓢꓽ ꓘꓳꓼ ꓔꓬ ꓗꓷ ꓟ ꓥ ꓡꓳ꓿ ꓖꓳ ꓕꓲ ꓙꓵ, ꓗꓪ ꓙꓲꓻ ꓫꓬ ꓢꓴ St. John Chrysostom ꓠꓬ ꓬꓲ ꓛꓳꓽ ꓐꓯ ꓐꓴ ꓔꓯ ꓕꓳ ꓶ (240) ꓑꓬ ꓐꓳ ꓖꓶ ꓗꓷ ꓟ ꓥ ꓡꓳ꓿ ꓕꓱ ꓕꓳ ꓶ ꓠꓬ ꓮ ꓟꓬ, ꓟ ꓙꓵ, ꓗꓪ ꓛꓲ ꓙꓳ ꓟ ꓥ ꓡꓳ꓿

ꓙꓲꓻ ꓫꓬ ꓢꓴ St. John Chrysostom ꓔꓯ ꓗꓴꓷꓼ ꓗꓪ ꓐꓰ ꓗꓼ ꓓꓳꓻ ꓗꓷ ꓟ ꓙꓵ, ꓕꓯ ꓔꓬ ꓟ ꓟꓵꓽ ꓠꓬ Syria Lebanon ꓝꓮꓲ Persia ꓟꓵꓽ ꓗꓪ ꓥ ꓢꓲ ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓪꓴ‐ꓢ ꓐꓯ ꓘꓶꓽ ꓮ ꓟꓬ, ꓟ. ꓖꓶ ꓗꓷ ꓟ ꓥ ꓡꓳ꓿ Golths ꓞꓳ ꓫꓵꓽ ꓐꓴ ꓐꓰ ꓔꓯ ꓪꓴ‐ꓢ ꓦꓻ ꓡꓱ ꓡ ꓠ, ꓟ ꓐꓰ ꓝꓴꓲ ꓗꓪ ꓐꓰ ꓒꓳ, ꓡꓲꓼ ꓡ ꓠ, ꓟ ꓮ ꓘꓶ. ꓛꓲ ꓢꓯꓼ ꓕꓵꓼ ꓗꓷꓳ꓿ ꓦꓻ ꓕꓲ ꓒꓳ, ꓗꓪ ꓪꓴꓽ ꓟꓴ ꓡ ꓠ, ꓟ ꓢꓯꓼ ꓕꓵꓼ ꓗꓷꓳ꓿

ꓖꓳ ꓡꓱ ꓟꓽ ꓞꓲ ꓖꓳ ꓕꓲ ꓙꓵ, ꓗꓪ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓟꓴ ꓔꓬ ꓟ ꓔꓲꓺ ꓒ ꓪ ꓔꓲ (Innocent 1) ꓔꓯ ꓬꓲ ꓔꓯ  ꓗꓴꓷꓼ ꓗꓪ ꓡ ꓪ ꓠ, ꓟ ꓕꓳ ꓶ ꓐꓳ ꓖꓶ ꓗꓷꓳ꓿

ꓔꓲꓺ ꓒ ꓪ ꓔꓲ ꓠꓬ ꓬꓲ ꓔꓯ ꓘꓳ, ꓣꓴ ꓗꓷ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓖꓳ ꓕꓲ ꓙꓵ, ꓗꓪ ꓗꓴꓷꓼ ꓮ ꓟꓬ, ꓗꓪ ꓫꓵꓽ ꓪꓴꓽ ꓙꓳˍ ꓟ ꓥ ꓡꓳ꓿ Constantinople ꓡꓳ ꓒꓱ ꓗꓪ ꓥ ꓟꓲ ꓔꓲꓺ ꓒ ꓓꓽ ꓔꓯ ꓟꓽ ꓘꓳ, ꓣꓴ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ St. John Chrysostom ꓠꓬ ꓮꓓ (407) ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓺꓳ ꓬꓰ ꓪ꓿

ꓙꓲꓻ ꓫꓬ ꓢꓴ St. John Chrysostom ꓠꓬ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓺ ꓳ ꓟ ꓬꓰ ꓟ (30) ꓘꓳꓼ ꓟꓶ ꓫꓵˍ ꓗ. ꓠꓯ ꓣꓳ‐ꓟ ꓪ ꓔꓲ ꓒꓬꓱꓼ ꓡ ꓠ, ꓟ Theodosius (2) ꓠꓬ ꓙꓲꓻ ꓫꓬ ꓢꓴ St. John Chrysostom ꓧꓪꓽ ꓖꓳ ꓓꓱ ꓔꓯ Constantinople ꓡꓳ ꓒꓱ ꓗꓪ ꓓꓯꓺ ꓡ ꓟ ꓥ ꓡꓳ꓿ ꓖꓳ ꓟ ꓡꓰ ꓟꓽ ꓞꓲꓼ ꓙꓲꓻ ꓫꓬ ꓢꓴ ꓐꓴ ꓔꓯ ꓬꓲ. ꓐ, ꓐ ꓢꓲ ꓟ, ꓟ ꓕꓱ ꓡꓱ ꓐꓰ ꓬꓰ ꓗꓷ ꓟ ꓝꓴꓲ ꓔꓯ ꓖꓼ ꓖꓶ ꓠ, ꓟ ꓪꓴ‐ꓢ ꓠꓯ, ꓗꓪ ꓪꓽ ꓘꓴ ꓖꓶ ꓟ ꓥ ꓡꓳ꓿