AD 50 ꓘꓳꓼ ꓕꓯ ꓘꓴ ꓜꓲꓼ ꓞꓳ ꓗꓪ ꓐꓰ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓪꓴ‐ꓢ ꓐꓯ ꓘꓶꓽ ꓔꓯ ꓟ. ꓖꓶ ꓟ ꓚꓱ,

 AD 50 ꓘꓳꓼ ꓕꓯ ꓘꓴ ꓜꓲꓼ ꓞꓳ ꓗꓪ ꓐꓰ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓪꓴ‐ꓢ ꓐꓯ ꓘꓶꓽ ꓔꓯ ꓟ. ꓖꓶ ꓟ ꓚꓱ,

ꓢꓲꓺ ꓒ ꓬꓰ‐ꓢꓴ ꓡꓰ ꓬꓲ. ꓝꓲ ꓓꓴ ꓐꓴ ꓔꓯ ꓟꓵꓽ ꓗꓳ ꓓꓵ ꓓꓵ ꓗꓪ ꓙꓰ ꓢꓲ ꓠꓬꓲ ꓪꓴ‐ꓢ ꓐꓯ ꓘꓶꓽ ꓔꓯ ꓟ. ꓖꓶ ꓠ, ꓟ ꓐꓯ ꓟ. ꓖꓶ ꓗꓷꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ ꓐꓴ ꓠꓬ ꓕꓲ ꓟꓵꓽ ꓡꓰ ꓕꓲ ꓟꓵꓽ ꓗꓪ ꓙꓰ ꓢꓲ ꓠꓬꓲ ꓪꓴ‐ꓢ ꓐꓯ ꓘꓶꓽ ꓔꓯ ꓟ. ꓖꓶ ꓟ ꓠꓬ ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ ꓐꓴ ꓬꓲ. ꓪ ꓙꓵꓽ ꓪ ꓔꓯ ꓘꓳ, ꓣꓴ ꓢꓴ ꓥ ꓟ ꓔꓲꓺ ꓒ ꓓꓽ ꓐꓴ ꓥ ꓟꓲ ꓪꓴ‐ꓢ ꓐꓯ ꓘꓶꓽ ꓔꓯ ꓟꓵꓽ ꓗꓳ ꓓꓵ ꓓꓵ ꓗꓪ ꓙꓰ ꓢꓲ ꓠꓬꓲ ꓪꓴ‐ꓢ ꓐꓯ ꓘꓶꓽ ꓔꓯ ꓚꓺ ꓟ. ꓖꓶ ꓗꓷꓳ ꓟ ꓥ ꓡꓳ꓿

ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓪꓴ‐ꓢ ꓐꓯ ꓘꓶꓽ ꓐꓰ ꓟ. ꓖꓶ ꓐꓱ ꓖꓶ ꓟ ꓕꓳ ꓶ ꓔꓯ ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ ꓐꓴ ꓐꓰ ꓢꓲꓽ ꓫꓬ ꓕꓳ ꓶ ꓐꓳ ꓒꓽ ꓐꓴ ꓡꓰ ꓐꓳ ꓔ ꓥ ꓟꓲ ꓮ ꓙꓵꓽ ꓐꓳ ꓔ ꓟ ꓟꓽ ꓥ꓿ ꓓꓽ ꓪꓴ. ꓕꓯ ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ ꓐꓴ ꓠꓬ ꓬꓲ. ꓪ ꓡꓰ ꓖꓶ ꓔ ꓟ ꓙꓵꓽ ꓪ ꓔꓯ ꓘꓳ, ꓣꓴ ꓢꓴ ꓐꓴ ꓔꓲꓺ ꓒ ꓓꓽ ꓐꓴ ꓔꓲꓺ ꓒ ꓐꓴ ꓟꓬꓱꓽ ꓙ ꓣꓱ ꓢꓴ ꓐꓴ ꓔꓯ ꓟꓶ ꓠꓶꓻ ꓘꓶꓽ ꓗꓪ ꓐꓰ ꓟ. ꓖꓶ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓙꓵꓻ ꓠꓲ, ꓚꓱ, ꓔꓯ ꓗꓽ ꓕꓽ ꓠ, ꓟ ꓕꓳ ꓶ ꓐꓳ ꓠ, ꓟ ꓢꓯꓼ ꓖꓶ ꓗꓷ ꓟ ꓥ ꓡꓳ꓿

ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ ꓐꓴ ꓗ. ꓠꓯ, ꓪꓴ‐ꓢ ꓐꓯ ꓘꓶ ꓐꓰ ꓙꓵꓻ ꓠꓲ, ꓚꓱ, ꓕꓳ ꓶ ꓐꓳ ꓢꓴ ꓐꓴ ꓔꓯ (Apostolic Father) ꓐꓰ ꓘꓴˍ ꓟ ꓥ ꓡꓳ꓿ ꓬꓲ. ꓪ ꓠꓬ ꓢꓲꓺ ꓒ ꓬꓰ‐ꓢꓴ ꓝꓲ ꓓꓴ ꓐꓴ ꓐꓰ ꓕꓲ ꓪ ꓥ ꓟꓲ꓾ ꓝꓮꓲ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓪꓴ‐ꓢ ꓐꓯ ꓘꓶꓽ ꓔꓯ ꓕꓲ ꓣꓳ ꓣꓳ ꓗꓪ ꓐꓰ ꓟ. ꓖꓶ ꓔ. ꓢꓴ ꓐꓰ ꓠꓻ ꓡꓳ ꓪ ꓢꓴ ꓐꓴ ꓥ ꓡꓳ꓿

ꓬꓲ. ꓪ ꓡꓰ ꓐꓳ ꓔ ꓟ ꓠꓬ ꓓꓽ ꓪꓴ. ꓬꓲ. ꓪꓴ. ꓢꓲꓺ ꓒ ꓬꓰ‐ꓢꓴ ꓔꓯ ꓦꓻ ꓡꓱ ꓢꓴ ꓐꓴ ꓙꓵꓻ ꓠꓲ, ꓐꓰ ꓞꓳ ꓙꓳ ꓢꓯ. ꓔꓬ ꓚꓱ, ꓮ ꓟꓬ, ꓫꓵꓽ ꓔꓯ ꓐꓳ ꓔ ꓟ ꓪꓴ. ꓠꓬꓲ ꓮ ꓟꓬ, ꓒꓵꓽ ꓡꓳ ꓬꓰ ꓟ ꓕꓳ ꓶ ꓥ ꓡꓳ꓿ ꓕꓳ ꓶ ꓐꓳ ꓢꓴ ꓗꓳ, ꓡꓳ ꓗꓪ ꓐꓰ A.D (98) ꓘꓳꓼ ꓕꓯ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓢꓴ ꓡꓲ. ꓣꓳ ꓕꓲ ꓣꓳ ꓔꓲꓺ ꓒ ꓪ ꓔꓲ ꓥ ꓟ (St. Clement) ꓠꓬ ꓘꓳ‐ꓡꓱ‐ꓔꓴ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓠꓯ, ꓗꓪ ꓐꓳ ꓔ ꓟ ꓕꓳ ꓶ ꓗꓪ (Bishop of Rome) ꓣꓳ‐ꓟ ꓡꓳ ꓒꓱ ꓗꓪ ꓐꓰ ꓔꓲꓺ ꓒ ꓓꓽ ꓟꓬꓱꓺ ꓗꓪ ꓐꓰ ꓕꓳ ꓶ ꓔꓯ ꓐꓳ ꓗꓷ ꓟ ꓥ ꓡꓳ꓿

A.D (50) ꓘꓳꓼ ꓕꓯ ꓔꓲꓺ ꓒ ꓓꓽ ꓣꓱ ꓗꓷ ꓢꓴ ꓙꓲꓻ ꓫꓬ ꓢꓴ ( St.Ignatius) ꓠꓬ ꓣꓳ‐ꓟ ꓡꓳ ꓒꓱ ꓗꓪ ꓟꓯꓼ ꓐꓴ ꓡꓰ ꓞꓳ, ꓢꓲ ꓠꓬꓲ ꓧꓳꓽ ꓙꓰ ꓢꓲ ꓠꓬꓲ ꓡ‐ꓟ ꓜ ꓖꓶ ꓜꓽ ꓗꓷ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ (St.Ignatius) ꓡꓰ ꓐꓳ ꓔ ꓟ ꓠꓬ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓟ. ꓖꓶ ꓡ ꓟ ꓙꓵꓻ ꓠꓲ, ꓐꓰ ꓘꓴ ꓜꓲꓼ ꓞꓳ ꓠꓬ ꓟꓽ ꓥꓳꓽ ꓡꓰ ꓐꓳ ꓔ ꓡꓳ꓿ ꓝꓮꓲ ꓬꓲ. ꓡꓰ ꓐꓯ ꓔ ꓟ ꓠꓬ ꓘꓴ ꓜꓲꓼ ꓞꓳ ꓠꓬ ꓢꓲꓽ ꓫꓬ ꓟ ꓘꓴ ꓜꓲꓼ ꓞꓳ ꓥ ꓟ ꓐꓰ ꓣꓳ‐ꓟ ꓡꓳ ꓒꓱ ꓗꓪ ꓐꓰ ꓟꓵꓽ ꓗꓳ ꓓꓵ ꓓꓵ ꓗꓪ ꓙꓳˍ ꓟ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓢꓴ ꓐꓴ ꓚꓱ, ꓔꓯ ꓕꓳ ꓶ (7) ꓑꓷꓠ ꓐꓳ ꓖꓶ ꓗꓷ ꓢꓴ ꓥ ꓡꓳ꓿

ꓢꓲꓽ ꓫꓬ ꓕꓳ ꓶ ꓐꓳ ꓒꓽ ꓢꓲꓺ ꓒ ꓬꓰ‐ꓢꓴ ꓬꓲ. ꓝꓲ ꓓꓴ ꓬꓳ‐ꓦ ꓔꓯ ꓞꓳ ꓢꓴ ꓢꓲꓽ ꓫꓬ ꓢꓴ (St.Polycarp) ꓥ ꓟꓲ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓢꓰꓼ ꓗꓷ ꓟ ꓔꓯ ꓔꓳ, ꓜꓳ ꓗꓷ ꓟ ꓥ ꓡꓳ꓿ ꓢꓲꓽ ꓫꓬ ꓢꓴ Polycarp ꓡꓰ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓡꓰ ꓞꓳ ꓙꓳ ꓢꓯ. ꓔꓬ ꓠ, ꓟ ꓚꓱ, ꓐꓰ ꓙꓵꓻ ꓠꓲ, ꓚꓱ, ꓔꓯ ꓕꓳ ꓶ ꓗꓪ ꓐꓳ ꓔ ꓟ ꓥ ꓡꓳ꓿ ꓕꓱ ꓕꓳ ꓶ ꓐꓷꓠ ꓔꓯ (Teaching of the twelve Apostles ꓐꓰ ꓟꓬꓱꓺ ꓔ ꓟ ꓥ ꓡꓳ꓿ ꓝꓮꓲ ꓬꓲ. ꓡꓰ The shepherd ꓮ. ꓣꓳ ꓡꓳ. ꓒꓽ ꓟꓬꓱꓺ ꓔ ꓟ ꓕꓳ ꓶ ꓔꓯ ꓥ ꓟꓲ Hermes ꓟꓵꓽ ꓗꓪ ꓔꓬ ꓢꓲ ꓠꓬꓲ  ꓕꓳ ꓶ ꓐꓳ ꓗꓷ ꓟ ꓥ ꓡꓳ꓿