AD 50 ꓘꓳꓼ ꓕꓯ ꓘꓴ ꓜꓲꓼ ꓞꓳ ꓗꓪ ꓐꓰ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓪꓴ‐ꓢ ꓐꓯ ꓘꓶꓽ ꓔꓯ ꓟ. ꓖꓶ ꓟ ꓚꓱ, (2 ꓕꓱ)

Tuesday, April 25, 2023

AD 50 ꓘꓳꓼ ꓕꓯ ꓘꓴ ꓜꓲꓼ ꓞꓳ ꓗꓪ ꓐꓰ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓪꓴ‐ꓢ ꓐꓯ ꓘꓶꓽ ꓔꓯ ꓟ. ꓖꓶ ꓟ ꓚꓱ, (2 ꓕꓱ)

ꓢꓲꓽ ꓫꓬ ꓢꓴ (St.Ignatius) ꓔ ꓯ ꓣꓳ‐ꓟ ꓟꓯꓼ ꓢꓴ ꓡꓰ ꓙꓵꓻ ꓠꓲ, ꓐꓶ. ꓓꓴ ꓢꓰꓼ ꓠ, ꓟ ꓣꓳ‐ꓟ ꓡꓳ ꓒꓱ ꓗꓪ ꓧꓳꓽ ꓙꓰ ꓟ ꓙꓵ, ꓕꓯ ꓙꓲꓻ ꓫꓬ ꓢꓴ (St.Ignatius) ꓠꓬ ꓞꓲꓼ ꓮ ꓘꓶ. ꓪꓴꓽ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ Ignatius ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓟ. ꓖꓶ ꓠ, ꓟ ꓕꓳ ꓶ ꓫꓵꓽ ꓑꓬ ꓐꓳ ꓖꓶ ꓗꓷ ꓟ ꓥ ꓡꓳ꓿ ꓕꓱ ꓕꓳ ꓶ ꓑꓬ ꓗꓪ (Bishop) ꓐꓯ ꓟ ꓔꓲꓺ ꓒ ꓓꓽ ꓐꓴ ꓙꓵꓽ ꓪ ꓚꓱ, ꓔꓯ ꓥ ꓟꓲ ꓐꓳ ꓔ ꓡꓳ꓿

ꓢꓲꓺ ꓒ ꓬꓰ‐ꓢꓴ ꓔꓬ ꓟ ꓔꓶ. ꓗꓪ ꓘꓴ ꓜꓲꓼ ꓞꓳ ꓙꓳˍ ꓟ ꓡꓰ ꓐꓰ ꓔꓲꓺ ꓒ ꓓꓽ ꓐꓴ ꓔꓬ ꓟ ꓔꓶ. ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓔꓬ ꓟ ꓥ ꓢꓲ ꓠꓬꓲ ꓔꓲꓺ ꓒ ꓓꓽ ꓐꓴ ꓔꓯ ꓠꓲ, ꓠꓵ ꓠ, ꓟ ꓐꓰ ꓒꓵꓽ ꓠ, ꓟ ꓕꓳ ꓶ ꓗꓪ ꓐꓳ ꓔ ꓡꓳ꓿

ꓙꓲꓻ ꓫꓬ ꓢꓴ Ignatius ꓣꓳ ꓟ ꓟꓵꓽ ꓗꓪ ꓙꓰ ꓕꓯ ꓬꓲ. ꓠꓲ, ꓟ ꓫ. ꓓꓴ ꓕꓲ ꓫꓵꓽ ꓙꓳ ꓡꓳ꓿ ꓖꓳ ꓟ ꓠꓬ ꓣꓳ‐ꓟ ꓟꓵꓽ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓡꓰ ꓬꓲ. ꓞꓲꓼ ꓮ ꓟꓬ, ꓪꓴꓽ ꓟ ꓪꓴ. ꓠꓬꓲ ꓟꓯꓼ ꓐꓴ ꓡꓰ ꓟꓽ ꓢꓰꓼ ꓠ, ꓟ ꓓꓰꓽ ꓡ ꓥꓳꓽ ꓐꓰ ꓓꓴ ꓙ ꓫ. ꓗꓷꓳ꓿ ꓙꓲꓻ ꓫꓬ ꓢꓴ St.Ignatius ꓡꓰ ꓐꓳ ꓔ ꓟ ꓠꓬ ꓥꓪ ꓔꓯ ꓢꓰꓼ ꓟ ꓔꓶ. ꓗꓪ ꓧꓳꓽ ꓙꓰ ꓡꓯʼ ꓮ ꓡꓱ ꓐꓯ ꓠꓬ ꓬꓲ. ꓪ ꓑꓶ. ꓓꓴ ꓥꓪ ꓟꓴ ꓗꓪ ꓗꓴꓷꓼ ꓗꓪ ꓛꓲ ꓬꓰ ꓠ, ꓟ ꓥ ꓡꓳ꓿

ꓥꓪ ꓠꓬ ꓢꓲꓺ ꓒ ꓠꓴ ꓫꓪ ꓜꓲ ꓥ ꓡꓳ꓿ ꓟꓽ ꓙꓵꓻ ꓢꓴ ꓐꓴ ꓡꓰ ꓥꓪ ꓔꓯ ꓢꓰꓼ ꓗꓷ ꓕꓯ ꓢꓲ ꓠꓬꓲ ꓮ ꓘꓶ. ꓒꓵꓽ ꓡꓺ ꓳ ꓬꓰˍ ꓫ ꓟ ꓢꓲꓺ ꓒ ꓠꓴ ꓔꓯ ꓥꓪ ꓡꓳ. ꓟꓳ ꓓꓽ ꓡꓳ ꓐꓰ ꓕꓳ ꓶ ꓗꓪ ꓐꓳ ꓔ ꓡꓳ꓿

ꓣꓳ‐ꓟ ꓟꓯꓼ ꓐꓴ ꓡꓰ ꓙꓲꓻ ꓫꓬ ꓢꓴ Ignatius ꓔꓯ (Colosseum) ꓟꓬꓱꓽ ꓔ ꓟ ꓔꓶ. ꓗꓪ ꓢꓰꓼ ꓗꓷꓳ꓿ ꓕꓱ ꓬꓲ. ꓔꓶ. ꓠꓬ ꓟꓯꓼ ꓜꓲꓼ ꓒꓽ Titus ꓠꓬ ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓔꓯ ꓢꓰꓼ ꓧꓪ. ꓡꓰ ꓟ ꓙꓵ, ꓕꓯ ꓫꓬ, ꓔ ꓟ ꓬꓲ. ꓔꓶ. ꓥ ꓡꓳ꓿

ꓕꓱ ꓬꓲ. ꓔꓶ. ꓠꓬ ꓮ ꓟꓬ, ꓪꓴꓽ ꓦꓲꓻ ꓒꓽ ꓓꓽ ꓥ ꓡꓳ꓿ ꓣꓳ‐ꓟ ꓑ ꓫꓬ ꓐꓴ ꓔꓯ ꓟꓯꓼ ꓐꓴ ꓡꓰ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓢꓰꓼ ꓟ ꓙꓵ, ꓕꓯ ꓡꓳ. ꓠ, ꓟ ꓘꓴꓽ ꓢꓲ ꓠꓬꓲ ꓡ ꓞꓳ ꓢꓰꓼ ꓟ ꓬꓲ. ꓔꓶ. ꓟꓲ ꓥ ꓡꓳ꓿ ꓕꓱ ꓬꓲ. ꓔꓶ. ꓗꓪ ꓙꓲꓻ ꓫꓬ ꓢꓴ Ignatius ꓔꓯ ꓢꓱ ꓞꓲꓼ ꓡꓽ ꓢꓯ, ꓡꓰ ꓜꓽ ꓢꓰꓼ ꓗꓷ ꓟ ꓥ ꓡꓳ꓿