AD 600 ꓘꓳꓼ ꓗꓪ ꓐꓰ 700 ꓘꓳꓼ ꓗꓪ ꓘꓴ ꓜꓲꓼ ꓞꓳ ꓚꓺ ꓟꓲꓽ

AD 600 ꓘꓳꓼ ꓗꓪ ꓐꓰ 700 ꓘꓳꓼ ꓗꓪ ꓘꓴ ꓜꓲꓼ ꓞꓳ ꓚꓺ ꓟꓲꓽ

ꓮꓓ 600 ꓘꓳꓼ ꓗꓪ ꓐꓰ 700 ꓘꓳꓼ ꓗꓪ ꓛꓲ ꓘꓴ ꓜꓲꓼ ꓞꓳ ꓚꓺ ꓟꓲꓽ ꓔꓯ ꓡꓳ. ꓠꓬꓲ ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓐꓶ ꓓꓳꓺ ꓕꓲ ꓒꓳ, ꓐꓰ ꓐꓶ ꓓꓵꓽ ꓕꓲ ꓒꓳ, ꓐꓰ ꓠꓬꓲꓽ ꓐꓱ ꓧꓻ ꓙꓰꓳ꓿ ꓐꓶ ꓓꓳꓺ ꓕꓲ ꓒꓳ, ꓗꓪ ꓠꓬ Greek ꓐꓯ, ꓟ ꓦꓲ‐ꓡꓲ ꓫ. ꓕꓱ ꓢꓴ ꓮ ꓟꓬ, ꓗꓷ ꓡꓲ ꓢꓲ ꓠꓬꓲ ꓐꓶ ꓓꓵꓽ ꓕꓲꓽ ꓒꓳ ꓗꓪ ꓠꓬ Lattine ꓥꓳꓽ ꓫꓵꓽ ꓫ. ꓕꓱ ꓢꓴ ꓮ ꓟꓬ, ꓙꓳ ꓡꓰꓳ꓿

ꓖꓳ ꓡꓱ ꓥ ꓟ ꓪꓴ.ꓟ ꓠꓬꓲ ꓦꓲ‐ꓡꓲ ꓥꓳꓽ ꓫ. ꓕꓱ ꓢꓴ  Greek ꓗꓴꓷꓼ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓒ ꓐꓴ ꓠꓬ ꓪꓴꓽ ꓟꓴ ꓡ ꓓꓴ ꓮ ꓟꓬ, ꓟꓽ ꓙꓳ ꓗꓷ ꓡꓰ ꓡꓳ꓿ ꓐꓶ ꓓꓵꓽ ꓕꓲ ꓒꓳ, ꓗꓪ ꓠꓬ ꓣꓳ‐ꓟ ꓗꓪ ꓟ ꓔꓲꓺ ꓒ ꓓꓽ ꓡꓰ ꓧꓳꓽ ꓪꓴ. ꓟꓴ ꓔꓬ ꓟ ꓪꓴ. ꓠꓬꓲ ꓪꓴꓽ ꓟꓴ ꓡ ꓓꓴ ꓮ ꓟꓬ, ꓙꓳ ꓡꓰꓳ꓿ Geek ꓟꓵꓽ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓔꓲꓺ ꓒ ꓪ ꓔꓲ ꓐꓰ ꓙꓻ ꓡꓯ ꓘꓳ, ꓗꓷ ꓡꓳ꓿

ꓘꓴ ꓜꓲꓼ ꓞꓳ ꓠꓬ ꓪꓴꓽ ꓟꓴ ꓡ ꓠ, ꓟ ꓐꓱ ꓶ England ꓗꓴꓷꓼ ꓗꓪ ꓖꓪꓽ ꓙꓱ ꓜꓲꓼ ꓓꓴ ꓮ ꓟꓬ, ꓧꓪ, ꓬꓰ ꓗꓷꓳ꓿

AD 600 ꓘꓳꓼ ꓐꓰ 700 ꓘꓳꓼ ꓗꓪ Arab ꓞꓳ ꓫꓵꓽ ꓐꓴ ꓗꓪ ꓐꓰ ꓙꓵꓻ ꓠꓲ, ꓕꓲ ꓟ ꓓꓳꓺ ꓡ ꓪ ꓿ ꓟꓴꓧꓮꓟꓮꓠꓓ ꓟꓬꓱꓺ ꓔ ꓢꓴ ꓡꓰ ꓕꓱ ꓙꓵꓻ ꓠꓲ, ꓔꓯ  ꓧꓳꓽ ꓪꓴ. ꓟꓴ ꓗꓷ ꓟ ꓥ ꓡꓳ꓿ ꓬꓲ ꓠꓬ ꓢꓲꓽ ꓫꓬ ꓕꓲ ꓫꓵꓽ ꓥ ꓟ Quran ꓔꓯ ꓣꓱ ꓢꓲ ꓠꓬꓲ ꓟ. ꓟꓲꓽ ꓚꓺ ꓗꓷ ꓡꓳ꓿ ꓕꓱ ꓢꓲꓽ ꓫꓬ ꓕꓳꓽ ꓶ ꓠꓬ ꓬꓴ‐ꓔ ꓙꓵꓻ ꓠꓲ, ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓙꓵꓻ ꓠꓲ, ꓡꓰ ꓪ ꓡꓯ ꓘꓳ ꓟ ꓥ ꓡꓳ꓿ ꓕꓱ ꓙꓵꓻ ꓠꓲ, ꓠꓬ ꓪꓴ‐ꓢ ꓔꓯ ꓞꓳ ꓒꓴ ꓠ, ꓟ ꓥ ꓡꓳ꓿

ꓮ‐ꓡ ꓐꓱ ꓟ ꓠꓬ ꓪꓴ‐ꓢ ꓐꓯ ꓟ ꓥ ꓡꓳ꓿ꓮꓓ 600 ꓘꓳꓼ ꓗꓪ ꓐꓰ 700 ꓘꓳꓼ ꓗꓪ ꓲꓢꓡꓮꓟ ꓙꓵꓻ ꓠꓲ, ꓦꓻ ꓡꓱ ꓢꓴ ꓮ ꓟꓬ, ꓟꓬꓽ ꓡ ꓟ ꓪꓴ. ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓓꓴ ꓙ ꓫ. ꓓꓴ ꓗꓷ ꓡꓰꓳ꓿ ꓮꓓ 630 Irabian ꓬꓲꓻ ꓡꓳ ꓐꓱ ꓒ ꓕꓲꓽ ꓗꓪ ꓙꓳ ꓟ ꓡꓳ ꓒꓱ ꓮ ꓟꓬ, ꓗꓪ Islam ꓙꓵꓻ ꓠꓲ, ꓔꓯ ꓘꓳ ꓣꓴ ꓢꓴ ꓮ ꓟꓬ, ꓗꓷ ꓡꓰꓳ꓿

ꓗꓳ. ꓗꓷ ꓟ ꓙꓵ, ꓕꓯ ꓙꓲ‐ꓢꓴ ꓢꓲꓺ ꓤ ꓗꓴꓷꓼ ꓥ ꓟ ꓬꓰ‐ꓟꓰꓠ ꓗꓴꓷꓼ ꓐꓰ ꓐꓱ ꓐꓯꓼ ꓗꓴꓷꓼ ꓮ ꓟꓬ, ꓠꓬ ꓲꓢꓡꓮꓟ ꓙꓵꓻ ꓠꓲ, ꓔꓯ ꓘꓳ ꓣꓴ ꓢꓴ ꓒꓬꓱꓼ ꓡꓰꓳ꓿