Constantinople ꓡꓳ ꓒꓱ ꓚꓱ, (Constantinople City)

#credtiphoto #Constantinople City

Monday, September 04, 2023

Constantinople ꓡꓳ ꓒꓱ ꓚꓱ, (Constantinople City)

ꓪ ꓔꓲ Constantine ꓪ ꓔꓲ ꓡꓰ ꓙ ꓣꓳ‐ꓟ ꓗꓴꓷꓼ ꓔꓯ ꓙꓵꓽ ꓕꓯ ꓐꓶ ꓓꓳ ꓕꓲ ꓒꓳ, ꓗꓪ ꓠꓬ ꓪ ꓔꓲ ꓐꓱ ꓶ ꓮ ꓘꓶ. ꓛꓲ ꓣꓳ ꓚꓵ. ꓟ ꓥ ꓡꓳ꓿ ꓪ ꓔꓲ Constantine ꓡꓰ ꓗ‐ꓣ ꓡꓳ ꓒꓱ ꓥ ꓟ Byzantium ꓡꓳ ꓒꓱ ꓒ ꓕꓲ ꓗꓪ Constantinople ꓡꓳ ꓒꓱ ꓫꓬ, ꓔꓶ ꓗꓷ ꓟ ꓥ ꓡꓳ꓿ ꓕꓱ ꓡꓱ Constantinople ꓔꓶ ꓗꓷ ꓟ ꓠꓬ ꓟꓽ ꓟꓶ ꓫꓵˍ ꓟ ꓙꓵ, ꓕꓯ ꓮ ꓘꓶ. ꓛꓲ ꓙꓲ ꓖꓴ ꓙꓳˍ ꓟ ꓥ ꓡꓳ꓿

ꓮ ꓘꓶ. ꓛꓲ ꓒꓵꓽ ꓟ ꓡꓲꓼ ꓒꓲꓼ ꓔꓯ ꓣꓳ‐ꓟ ꓞꓳ ꓫꓵꓽ ꓐꓴ ꓗꓪ ꓐꓰ ꓦꓻ ꓗꓷ ꓢꓲ ꓠꓬꓲ ꓣꓱ ꓠ, ꓟ ꓙꓵꓽ ꓪ ꓟꓶ ꓡꓰ ꓟ ꓥ ꓡꓳ꓿ ꓖꓳ ꓡꓰ ꓥ ꓟꓲ ꓡꓲꓼ ꓒꓲꓼ ꓐꓰ ꓪꓴꓽ ꓟꓴ ꓡ ꓚꓱ, ꓮ ꓟꓬ, ꓫꓵꓽ ꓔꓯ ꓣꓱ ꓔꓬ ꓥ ꓟꓲ ꓟꓽ ꓟꓶ ꓫꓵˍ ꓟ ꓙꓵ, ꓕꓯ ꓐꓬ ꓡꓰ ꓝꓲ ꓟꓲ ꓥ ꓡꓳ꓿ ꓮ ꓫꓵꓽ ꓑꓶ. ꓓꓴ ꓥ ꓐꓯ ꓠꓬ ꓣꓳ‐ꓟ ꓗꓴꓷꓼ ꓔꓯ Barbarian ꓜꓴꓻ ꓡꓰ ꓟꓯꓼ ꓓꓶꓽ ꓡ ꓟ ꓪꓴ. ꓠꓬꓲ ꓥ ꓡꓳ꓿ Barbarian ꓜꓴꓻ ꓠꓬ ꓣꓳ‐ꓟ ꓖꓴ ꓟꓶ. ꓕꓲ ꓒꓳ, ꓐꓰ Italy ꓗꓴꓷꓼ ꓗꓪ ꓛꓲ ꓟꓯꓼ ꓢꓰꓼ ꓡ ꓗꓷ ꓟ ꓪꓴ. ꓠꓬꓲ ꓥ ꓡꓳ꓿

ꓖꓳ ꓡꓱ ꓥ ꓟꓲ ꓘꓴ ꓜꓲꓼ ꓞꓳ ꓠꓯ, ꓗꓪ ꓫꓵꓽ ꓪꓴꓽ ꓟꓽ ꓖꓶ ꓦꓻ ꓕꓲ ꓒꓳ, ꓗꓪ ꓢꓯꓼ ꓕꓵꓼ ꓠ, ꓟ ꓙꓲˍ ꓟ ꓟꓬꓱꓽ ꓮ ꓟꓬ, ꓫꓵꓽ ꓬꓰ ꓪ ꓡꓰ ꓟ ꓥ ꓡꓳ꓿ ꓣꓳ‐ꓟ ꓐꓱ ꓓꓳꓽ ꓕꓲ ꓒꓳ, ꓗꓪ ꓘꓴ ꓜꓲꓼ ꓞꓳ ꓠꓬ ꓗꓴꓷꓼ ꓙꓵꓽ ꓢꓴ ꓢꓲꓽ ꓒꓽ ꓐꓴ ꓡꓰ ꓙꓵꓽ ꓟ ꓗꓪ ꓛꓲ ꓡꓰ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓔꓲꓺ ꓒ ꓪ ꓔꓲ ꓡꓰ ꓧꓳꓽ ꓣꓱ ꓟ ꓗꓪ ꓐꓰ ꓶꓻ ꓤ ꓗꓷ ꓡꓰ ꓟ ꓥ ꓡꓳ꓿