Crusade ꓟꓯꓼ ꓢꓰꓼ ꓡꓯ ꓘꓳ ꓟ 5 ꓧꓪ ꓚꓱ

                Crusade ꓢꓰꓼ ꓡꓯ ꓘꓳ ꓟ 5 ꓧꓪ ꓚꓱ,

 Crusade ꓢꓰꓼ ꓡꓯ ꓘꓳ ꓟ ꓠꓬ ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓔꓯ Muslim ꓐꓴ ꓡꓯ ꓒꓯ ꓗꓪ ꓐꓰ ꓪ ꓠ, ꓟ ꓢꓯꓼ ꓕꓵꓼ ꓟ ꓪꓴ. ꓠꓬꓲ ꓒꓬꓱꓼ ꓗꓷ ꓟ ꓫꓵꓽ ꓪꓴꓽ ꓥ ꓡꓳ꓿1215 ꓘꓳꓼ ꓔꓯ ꓖꓪꓽ ꓙꓱ ꓜꓲꓼ ꓓꓴ ꓑꓮꓲ ꓓꓽ ꓥ ꓟ (Fourth Council of the Lateran) ꓖꓪꓽ ꓙꓱ ꓡꓯ ꓘꓳ ꓗꓷ ꓢꓲ ꓠꓬꓲ ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓔꓯ ꓝꓮꓲ ꓕꓲ ꓪꓽ ꓙꓲ‐ꓢꓴ ꓢꓲꓺ ꓤ ꓐꓴ ꓡꓯ ꓒꓯ ꓡꓰ ꓧꓳꓽ ꓪꓴ. ꓟꓴ ꓠ, ꓟ ꓬꓰ ꓗꓷꓳ꓿ ꓥꓪꓽ ꓧꓪ ꓕꓲ ꓧꓪ ꓟ Crusade ꓢꓰꓼ ꓡꓯ ꓘꓳ ꓕꓯ Australia ꓗꓴꓷꓼ꓾ Hungry ꓗꓴꓷꓼ꓾ ꓟꓯꓼ ꓢꓰꓼ ꓙ ꓠ, ꓟ ꓐꓯˍ ꓗꓷꓳ꓿

1219 ꓘꓳꓼ ꓕꓯ ꓰ‐ꓖ ꓗꓴꓷꓼ ꓗꓪ ꓐꓰ ꓡꓳ ꓒꓱ ꓓꓽ ꓥ ꓟ Damietta ꓓꓶꓽ ꓧꓪ ꓡꓰꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ Crusade ꓟꓯꓼ ꓜꓴꓻ ꓐꓴ ꓮ ꓘꓶ. ꓢꓯꓼ ꓪ ꓙꓳ ꓡꓰꓳ꓿ꓖꓳ ꓡꓱ ꓥ ꓟ ꓪꓴ. ꓠꓬꓲ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓢꓴ ꓔꓲꓺ ꓒ ꓪ ꓔꓲ ꓠꓬ ꓙꓱ‐ꓣꓴ‐ꓢ‐ꓡꓱ ꓔꓯ Muslim ꓐꓴ ꓡꓯ ꓒꓯ ꓗꓪ ꓪ ꓠ, ꓟ ꓢꓯꓼ ꓕꓵꓼ ꓗꓷꓳ꓿ Crusade ꓟꓯꓼ ꓜꓴꓻ ꓠꓬ ꓟꓯꓼ ꓢꓷ. ꓠꓲ, ꓔꓯ ꓢꓳ ꓟꓽ ꓡꓳꓻ ꓟ ꓪꓴ. ꓠꓬ 1221 ꓘꓳꓼ ꓕꓯ ꓟꓯꓼ ꓢꓰꓼ ꓡꓯ ꓗꓷ ꓔꓯ Muslim ꓜꓴꓻ ꓔꓯ ꓧꓪ. ꓟꓽ ꓘꓴ ꓗꓷ ꓡꓰꓳ꓿

 Muslim ꓟꓯꓼ ꓜꓴꓻ ꓔꓯ ꓧꓳꓽ ꓪꓴ. ꓟꓴ ꓢꓴ (Ayyubid Sultan Al-Kamil) ꓟꓯꓼ ꓜꓴꓻ ꓡꓰ ꓢꓰꓼ ꓡꓯ ꓟ ꓪꓴ. ꓠꓬꓲ Crusade ꓟꓯꓼ ꓜꓴꓻ ꓗꓪ ꓐꓰ ꓟꓯꓼ ꓒꓽ ꓮ ꓟꓬ, ꓫꓵꓻꓡꓰꓳ꓿ Muslim ꓟꓯꓼ ꓒꓽ ꓓꓽ (Al-Kamil) ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓐꓰ ꓟꓯꓼ ꓟꓽ ꓢꓰꓼ ꓡꓯ ꓘꓳ ꓠ, ꓟ (8) ꓘꓳꓼ ꓕꓳ ꓶ ꓐꓳꓻ ꓓꓲ  ꓗꓷꓳ꓿