Crusade 7 ꓧꓪ ꓢꓰꓼ ꓡꓯ ꓘꓳ ꓟ ꓚꓱ, (Church history)

 Crusade 7 ꓧꓪ ꓢꓰꓼ ꓡꓯ ꓘꓳ ꓟ ꓚꓱ,

1243 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓝꓲ ꓓꓴ ꓐꓰ ꓰ‐ꓖ ꓗꓴꓷꓼ ꓫꓵꓽ ꓪꓴꓽ ꓒꓬꓱꓼ ꓗꓷ ꓟ ꓥ ꓡꓳ꓿Muslim ꓟꓯꓼ ꓜꓲꓼ ꓒꓽ Al-kamil ꓠꓬ ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓔꓯ ꓟꓯꓼ ꓢꓰꓼ ꓟ ꓥ ꓡꓳ꓿ Crusade ꓟꓯꓼ ꓜꓴꓻ ꓥ ꓟꓲ Muslim ꓐꓴ ꓐꓰ ꓠꓬꓲꓽ ꓦꓬ ꓢꓰꓼ ꓡꓯ ꓘꓳ ꓗꓷ ꓗ. ꓠꓯ ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓠꓬ Muslim ꓐꓴ ꓡꓯ ꓒꓯ ꓗꓪ ꓛꓲˍ ꓡꓰꓳ꓿

ꓕꓱ ꓕꓲ ꓧꓪ ꓟꓯꓼ ꓞꓳˍ ꓡꓰ ꓟ ꓔꓯ 1187 ꓘꓳꓼ ꓡꓰ ꓐꓰ ꓑ ꓫꓬ ꓐꓴ ꓟꓽ ꓬꓰ ꓙ ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ Crusade ꓟꓯꓼ ꓜꓴꓻ ꓧꓳꓽ ꓪꓴ. ꓟꓴ ꓠ, ꓟ ꓐꓲ‐ꓔꓲ ꓪ ꓔꓲ ꓠꓬ ꓧꓳꓽ ꓣꓱ ꓗꓷꓳ꓿ Crusade ꓟꓯꓼ ꓜꓴꓻ ꓠꓬ Egyph ꓗꓴꓷꓼ ꓔꓯ ꓟꓯꓼ ꓓꓶꓽ ꓗꓷ ꓟ ꓟꓲ ꓟꓽ ꓧꓪ ꓡꓰ ꓐ‐ꓔꓲ ꓪ ꓔꓲ ꓥ ꓟꓲ Muslim ꓐꓴ ꓡꓰ ꓣꓴ ꓟꓶ ꓡꓰꓳ꓿ ꓝꓮꓲ 1251 ꓘꓳ ꓕꓯ ꓙꓲˍ ꓟ ꓮꓽ ꓣꓳ ꓜꓴꓻ ꓐꓰ ꓟꓬꓱꓺ ꓔ ꓟ Crusade ꓟꓯꓼ ꓜꓴꓻ ꓔꓯ ꓔꓲꓺ ꓒ ꓕꓲ ꓪ ꓡꓰ ꓧꓳꓽ ꓪꓴ. ꓟꓴ ꓗꓷꓳ꓿ ꓙꓱ‐ꓣꓱ‐ꓢ‐ꓡꓱ ꓔꓯ Muslim ꓡꓯ ꓒꓯ, ꓗꓪ ꓐꓰ ꓣꓴ ꓠ, ꓟ ꓢꓯꓼ ꓥ ꓟꓲ ꓟꓽ ꓒꓬꓱꓼ ꓡ꓿

1320 ꓘꓳꓼ ꓕꓯ ꓑꓲ‐ꓔꓲ ꓗꓴꓷꓼ ꓗꓪ ꓐꓰ ꓠꓳ‐ꓟ‐ꓓꓲ ꓟꓬꓱꓺ ꓟ ꓮꓽ ꓣꓳ ꓡꓳ. ꓒꓽ ꓕꓲ ꓣꓳ ꓠꓬ ꓪꓴ‐ꓢ ꓡꓰ ꓬꓲ ꓔꓯ ꓝꓲ ꓔ ꓡꓳ ꓐꓰ ꓐꓯ ꓢꓲ ꓠꓬꓲ Crusade ꓟꓯ ꓜꓴꓻ ꓐꓰ ꓰ‐ꓖ ꓗꓴꓷꓼ ꓔꓯ ꓟꓯꓼ ꓓꓶꓽ ꓗꓷꓳ꓿ꓕꓱ ꓡꓱ ꓐꓰ Crusade ꓟꓯꓼ ꓜꓴꓻ ꓠꓬ ꓟꓽ ꓙꓲˍ ꓟ ꓟꓬꓱꓽ ꓮ ꓟꓬ, ꓬꓰ ꓗꓷ ꓟ ꓪꓴ. ꓠꓬꓲ ꓔꓲꓺ ꓒ ꓪ ꓔꓲ ꓠꓬ ꓟꓽ ꓙꓲˍ ꓟ ꓟꓬꓱꓽ ꓬꓰ ꓔꓬ ꓟ ꓗꓪ ꓐꓰ ꓠꓽ ꓡꓰ ꓠ, ꓟ Crusade ꓟꓯꓼ ꓜꓴꓻ ꓔꓯ ꓐꓯ ꓗꓷ ꓥ ꓟꓲ ꓟꓽ ꓠꓻ ꓡꓺꓳ꓿ ꓕꓱ ꓡꓱ ꓐꓰ 7 ꓧꓪ ꓕꓲ ꓧꓪ Crusade ꓟꓯꓼ ꓜꓴꓻ ꓠꓬ ꓮ ꓫꓵꓽ ꓙꓲꓻ ꓖꓴ ꓟꓽ ꓙꓳ ꓟ ꓟꓬꓱꓽ ꓬꓰ ꓗꓷ ꓟ ꓥ ꓡꓳ꓿