Deacon ꓙꓵꓽ ꓪ ꓘꓳ, ꓣꓴ ꓟꓶ ꓢꓴ ꓪꓴ‐ꓢ ꓟꓬꓱꓽ ꓟꓯ ꓟ ꓚꓱ,

Deacon ꓙꓵꓽ ꓪ ꓘꓳ, ꓣꓴ ꓟꓶ ꓢꓴ ꓪꓴ‐ꓢ ꓟꓬꓱꓽ ꓟꓯ ꓟ ꓚꓱ,

ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓪꓴ‐ꓢ ꓟꓬꓱꓽ ꓬꓰ ꓟ ꓗꓪ Deacon ꓙꓵꓽ ꓪ ꓘꓳ, ꓣꓴ ꓟꓶ ꓢꓴ ꓐꓴ ꓥ ꓟꓲ ꓐ, ꓟ ꓥ ꓡꓳ꓿ Deacon ꓐꓴ ꓠꓬ ꓔꓲꓺ ꓒ ꓓꓽ ꓡꓰ ꓶ ꓥꓳꓽ ꓙꓱ ꓔ ꓢꓴ ꓥ ꓢꓲ ꓠꓬꓲ ꓔꓲꓺ ꓒ ꓒꓬꓱꓼ ꓡ ꓠ, ꓟ ꓡꓳ. ꓔꓬ ꓢꓴ ꓐꓴ ꓥ ꓡꓳ꓿ Deacon ꓐꓴ ꓠꓬ ꓔꓲꓺ ꓒ ꓐꓴ ꓔꓯ ꓪꓴ‐ꓢ ꓟꓬꓱꓽ ꓗꓪ ꓬꓰ ꓙ ꓔꓳ, ꓙ ꓢꓴ ꓐꓴ ꓥ ꓡꓳ꓿ Deacon ꓐꓴ ꓠꓬ ꓢ‐ꓗ‐ꓟꓲ‐ꓔꓴ ꓣꓱ ꓛꓰ ꓡꓯꓼ ꓫꓴꓻ ꓘꓳ, ꓣꓴ ꓟꓶ ꓢꓴ ꓐꓴ ꓥ ꓢꓲ ꓠꓬꓲ ꓔꓲꓺ ꓒ ꓓꓽ ꓐꓴ ꓐꓰ ꓔꓲꓺ ꓒ ꓐꓴ ꓔꓯ ꓟꓲ‐ꓢ ꓔꓲ (ꓪꓽ ꓘꓴ ꓙꓵ, ) ꓗꓪ ꓪꓴ‐ꓢ ꓢꓲꓽ ꓫꓬ ꓕꓳ ꓶ ꓵ ꓢꓲ ꓠꓬꓲ ꓪꓴ‐ꓢ ꓐꓯ ꓘꓶꓽ ꓶꓼ ꓓꓳ ꓫꓱ, ꓓꓳꓽ ꓚꓺ ꓠ, ꓟ ꓙꓵꓽ ꓪ ꓙꓳˍ ꓢꓴ ꓥ ꓡꓳ꓿

Deacon ꓐꓴ ꓠꓬ ꓝꓴꓲ ꓔꓲ, ꓖꓶ_ ꓟ꓾ ꓢꓲꓽ ꓫꓬ ꓖꓳꓽ ꓓꓱ ꓖꓶ_ ꓟ꓾ ꓡꓯ ꓒꓯ, ꓝ. ꓖꓶ ꓟ ꓐꓰ ꓟꓰ ꓞꓶ ꓟꓰ ꓖꓶ ꓟ ꓔꓯ ꓬꓰ ꓐ ꓡ ꓢꓴ ꓐꓴ ꓥ ꓡꓳ꓿ ꓝꓮꓲ Deacon ꓐꓴ ꓠꓬ ꓢꓲꓽ ꓫꓬ ꓕꓳ ꓶ ꓟ. ꓖꓶ_ ꓟ ꓐꓰ ꓪꓽ ꓘꓴ ꓙꓵ, ꓗꓪ ꓧꓳꓽ ꓪꓴ. ꓟꓴ ꓢꓴ ꓬꓰ ꓠ, ꓟ ꓙꓵꓽ ꓪ ꓙꓳ ꓢꓴ ꓐꓴ ꓟꓲ ꓥ ꓡꓳ꓿ Deacon ꓐꓴ ꓔꓯ ꓔꓲꓺ ꓒ ꓓꓽ ꓐꓴ ꓠꓬ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓔꓲꓺ ꓒ ꓐꓴ ꓔꓯ ꓬꓰ ꓙ ꓠ, ꓟ ꓙꓵꓽ ꓪ ꓖꓶ ꓔ ꓡꓳ꓿ ꓬꓲ ꓪ ꓠꓬ ꓟꓽ ꓟꓶ ꓫꓵˍ ꓟ ꓙꓵ, ꓕꓯ ꓔꓲꓺ ꓒ ꓒꓬꓱꓼ ꓠ, ꓟ ꓡꓳ. ꓠꓬ ꓔꓬ ꓢꓴ ꓐꓴ ꓥ ꓡꓳ꓿