Jesuit ꓔꓲꓺ ꓒ ꓜꓴ ꓚꓱꓹ

    Jesuit ꓔꓲꓺ ꓒ ꓜꓴ ꓚꓱꓹ

 Jesuit ꓔꓲꓺꓒ ꓜꓴꓻ ꓔꓯ AD 1534 ꓘꓳꓼ ꓕꓯ ꓙꓲꓻ ꓫꓬ ꓢꓴ Ignatius ꓗꓪ ꓐꓰ ꓓ ꓪꓴꓸ ꓔꓶ ꓔ ꓟ ꓥ ꓡꓳ=  Jesuit ꓔꓲꓺ ꓒ ꓜꓴꓻ ꓠꓬ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓙꓵꓻ ꓠꓲꓹ ꓚꓱꓹ ꓗꓪ ꓮ ꓟꓬꓹ ꓢꓯꓼ ꓕꓵꓼ ꓢꓲ ꓠꓬꓲ ꓕꓲ ꓟꓵꓽ ꓡꓰ ꓕꓲ ꓟꓵꓽ ꓗꓪ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓔꓲꓺ ꓒ ꓜꓴꓻ ꓥ ꓡꓳ=ꓙꓲꓻ ꓫꓬ ꓢꓴ Ignatius ꓠꓬ ꓔꓲꓺꓒ ꓕꓲ ꓣꓳ ꓟꓽ ꓒꓬꓱꓼ ꓡ ꓢꓰ ꓕꓯ ꓬꓲ ꓠꓬ ꓟꓯꓼ ꓙꓵꓽ ꓒꓽ ꓕꓲ ꓣꓳ ꓥ ꓡꓳ= ꓬꓲ ꓠꓬ ꓟꓯꓼ ꓢꓰꓼ ꓡꓯ ꓘꓳ ꓡ ꓕꓯ ꓠꓻ ꓓꓴ ꓡꓰ ꓢꓲ ꓠꓬꓲ ꓠꓯꓻ ꓞꓲꓼ ꓦꓲꓻ ꓗꓪ ꓠꓻ ꓫꓬꓹ ꓔꓬ ꓕꓯ꓾ ꓢꓲꓽ ꓫꓬ ꓢꓴ ꓐꓴ ꓚꓱꓹ ꓕꓳ ꓶ ꓵꓻ ꓪ ꓡꓰ ꓟ ꓪꓴꓸ ꓠꓬꓲ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓓꓵꓽ ꓙ ꓗꓷ ꓪ= ꓠꓻ ꓫꓬꓹ ꓓꓳ ꓡꓰ ꓕꓯ ꓙꓲꓻ ꓫꓬ ꓢꓴ Ignatius ꓠꓬ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓔꓲꓺ ꓒ ꓜꓴꓻ ꓗꓪ ꓓꓵꓽ ꓙꓰ ꓗꓷꓳ=

ꓙꓲꓻ ꓫꓬ ꓢꓴ Ignatius ꓠꓬ ꓪꓴ-ꓢ ꓟꓬꓱꓽ ꓬꓰ ꓢꓴ ꓐꓴ ꓐꓱ ꓶ ꓕꓳꓽ ꓶ ꓮ ꓟꓬꓹ ꓐꓳ ꓖꓶ ꓗꓷꓳ= ꓙꓲꓻ ꓫꓬ ꓢꓴ Ignatius ꓠꓬ ꓪꓴ-ꓢ ꓐꓯ ꓘꓶꓽ ꓶꓼ ꓓꓳ ꓫꓱ ꓓꓳ ꓔꓯ ꓮ ꓟꓬꓹ ꓢꓯꓼ ꓕꓵꓼ ꓢꓲ ꓚ ꓢꓴ ꓥ ꓡꓳ= Jesuit ꓔꓲꓺ ꓒ ꓜꓴꓻ ꓔꓯ ꓔꓲꓺꓒ ꓪ ꓔꓲ ꓒꓳ-ꓡꓳ(3) ꓡꓰ ꓒꓴ ꓖꓶ ꓗꓷꓳ= ꓟꓽ ꓙꓵꓻ ꓢꓴ ꓐꓴ ꓡꓰ  Jesuit ꓔꓲꓺ ꓒ ꓜꓴꓻ ꓔꓯ ꓐꓬ ꓡꓰ ꓠꓹ ꓟ ꓬꓰˍ ꓥ ꓟꓲ꓾ Jesuit ꓔꓲꓺ ꓒ ꓜꓴꓻ ꓠꓬ ꓮ ꓟꓬꓹ ꓪꓴꓽ ꓟꓴ ꓡꓹ ꓟ ꓔꓯ ꓡꓳꓸ ꓟꓳ ꓪ ꓡꓳ= Jesuit ꓔꓲꓺ ꓒ ꓜꓴꓻ ꓠꓬ ꓟꓵꓽ ꓗꓳꓹ ꓓꓵꓺ ꓓꓵꓺ ꓗꓪ ꓙꓰ ꓢꓲ ꓪꓴ-ꓢ ꓟꓬꓱꓽ ꓬꓰ ꓢꓴ ꓐꓴ ꓥ ꓡꓳ= Jesuit ꓔꓲꓺ ꓒ ꓜꓴꓻ ꓡꓰ ꓟꓲ ꓠꓯ ꓢꓷꓸ ꓠꓲꓹ ꓢꓳ ꓦꓲꓻ ꓐꓰ ꓠꓯꓻ ꓞꓲꓼ ꓦꓲꓻ ꓮ ꓟꓬꓹ ꓫꓬꓹ ꓖꓶˍ ꓟ ꓥ ꓡꓳ= Jesuit ꓔꓲꓺ ꓒ ꓜꓴꓻ ꓗꓪ ꓐꓰ ꓢꓲꓽ ꓫꓬ ꓢꓴ ꓮ ꓟꓬꓹ ꓣꓳ ꓓꓳ ꓡ ꓟ ꓥ ꓡꓳ= Jesuit ꓔꓲꓺ ꓒ ꓐꓴ ꓠꓬ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓘꓴꓽ ꓗꓪ ꓟꓲ ꓠꓯ ꓢꓷꓸ ꓠꓲꓹ ꓮ ꓟꓬꓹ ꓢꓷꓸ ꓢꓴ ꓐꓴ ꓥ ꓡꓳ=