Nestorius and the Council of Ephesus ꓬꓲ‐ꓩꓴ‐ꓢꓳ ꓡꓳ ꓒꓱ ꓗꓪ ꓬꓰ ꓗꓷ ꓟ ꓖꓪ ꓙꓱ ꓜꓲꓼ ꓓꓴ ꓚꓱ,

Nestorius and the Council of Ephesus ꓬꓲ‐ꓩꓴ‐ꓢꓳ ꓡꓳ ꓒꓱ ꓗꓪ ꓬꓰ ꓗꓷ ꓟ ꓖꓪ ꓙꓱ ꓜꓲꓼ ꓓꓴ ꓚꓱ,

ꓮꓓ 428 ꓘꓳꓼ ꓕꓯ Constantinople ꓡꓳ ꓒꓱ ꓗꓪ ꓐꓰ ꓔꓲꓺ ꓒ ꓓꓽ ꓔꓲ ꓪ ꓥ ꓟ ꓔꓲꓺ ꓒ ꓓꓽ Nestorius ꓡꓰ ꓟ. ꓟꓲꓽ ꓚꓺ ꓟ ꓚꓱ, ꓠꓬ ꓮ ꓡꓱ ꓫꓵꓽ ꓤ ꓟꓶ ꓤ ꓥ ꓟꓲ ꓪꓴ‐ꓢ ꓬꓰ ꓟ, ꓟ ꓚꓬꓴ ꓢꓲꓺ ꓒ ꓬꓲ ꓟ. ꓟ ꓟꓽ ꓒꓬꓱꓼ ꓓꓽ ꓐꓰ ꓟ. ꓟꓲꓽ ꓚꓺ ꓟ ꓥ ꓡꓳ꓿ ꓔꓲꓺ ꓒ ꓓꓽ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓕꓱ ꓡꓰ ꓐꓰ ꓟ. ꓟꓲꓽ ꓮ ꓟꓬ, ꓚꓺ ꓟ ꓥ ꓡꓳ꓿

ꓖꓳ ꓟ. ꓡꓰ ꓟꓽ ꓞꓲ ꓢꓲꓺ ꓒ ꓬꓰ‐ꓢꓴ ꓠꓬ ꓪꓴ‐ꓢ ꓟꓽ ꓥ  ꓐꓰ ꓟ. ꓟꓲꓽ ꓚꓺ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓬꓲ ꓟ. ꓟ ꓟ‐ꓡꓲ ꓥ ꓟꓲ ꓢꓲꓺ ꓒ ꓬꓰ‐ꓢꓴ ꓟ. ꓟ ꓟꓽ ꓥ  ꓐꓰ ꓥꓳꓽ ꓡꓰ ꓟ ꓟ. ꓟꓲꓽ ꓔꓯ ꓚꓺ ꓗꓷ ꓟ ꓥ ꓡꓳ꓿

ꓕꓱ ꓡꓰ ꓐꓰ ꓐꓰ ꓥꓳꓽ ꓡꓰ ꓟ ꓙꓵꓻ ꓠꓲ, ꓚꓱ, ꓠꓬ ꓠꓱ. ꓐꓯꓼ ꓟꓵꓽ ꓮ ꓟꓬ, ꓗꓪ ꓥ ꓟꓲ ꓚꓱ ꓡꓰ ꓟ ꓥ ꓡꓳ꓿ ꓮꓓ (341) ꓘꓳꓼ ꓕꓯ ꓘꓴ ꓜꓲꓼ ꓞꓳ ꓠꓯ, ꓗꓪ ꓖꓪꓽ ꓙꓱ ꓜꓲꓼ ꓓꓴ ꓓꓽ General Council ꓬꓰ ꓢꓲ ꓠꓬꓲ ꓥꓳꓽ ꓡꓰ ꓟ ꓚꓱ, ꓔꓯ ꓫꓬ, ꓔꓱ, ꓗꓷ ꓟ ꓥ ꓡꓳ꓿ Nestorius ꓔꓯ ꓮ ꓘꓶ. ꓛꓲ ꓓꓽ ꓔꓳ ꓢꓴ ꓠꓬ ꓙꓲꓻ ꓫꓬ ꓢꓴ Cyril ꓥ ꓡꓳ꓿

ꓬꓲ ꓠꓬ Alexandria ꓡꓳ ꓒꓱ ꓗꓪ ꓐꓰ ꓔꓲꓺ ꓒ ꓓꓽ ꓔꓲ ꓣꓳ ꓥ ꓡꓳ꓿ ꓝꓮꓲ ꓖꓪꓽ ꓙꓱ ꓜꓲꓼ ꓓꓴ ꓗꓪ ꓔꓲꓺ ꓒ ꓪ ꓔꓲ ꓝꓲ ꓓꓴ ꓐꓰ ꓬꓲ ꓠꓬ ꓖꓪ ꓙꓱ ꓗꓷ ꓟ ꓥ ꓡꓳ꓿ Nestorius ꓡꓰ ꓚꓺ ꓟ. ꓥꓳꓽ ꓡꓰ ꓟ ꓙꓵꓻ ꓠꓲ, ꓚꓱ, ꓔꓯ ꓟꓽ ꓚꓺ ꓠ, ꓟ ꓗꓽ ꓕꓽ ꓗꓷ ꓟ ꓥ ꓡꓳ꓿ ꓖꓳ ꓡꓱ ꓟꓽ ꓛꓲ ꓬꓲ ꓔꓯ Egypt ꓗꓴꓷꓼ ꓗꓪ ꓗꓼ ꓓꓳꓻ ꓗꓷ ꓟ ꓥ ꓡꓳ꓿ ꓬꓲ ꓠꓬ (440) ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓺꓳ ꓬꓰꓳ꓿

ꓬꓲ ꓗ. ꓠꓯ ꓢꓲ ꓛꓳꓽ ꓢꓴ ꓐꓴ ꓔꓯ ꓥ ꓟꓲ ꓠꓱ. ꓐꓯꓼ ꓗꓴꓷꓼ ꓗꓪ ꓗꓼ ꓗꓷ ꓟ ꓥ ꓡꓳ꓿ꓬꓲ ꓪ ꓠꓬ Armenia Persia Egypt ꓗꓴꓷꓼ ꓗꓪ ꓘꓰ ꓙꓰ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓠꓬꓲ. ꓠꓬꓲ ꓗꓪ ꓛꓲ ꓕꓱ ꓗꓴꓷꓼ ꓗꓪ ꓥꓳꓽ ꓡꓰ ꓟ ꓙꓵꓻ ꓠꓲ, ꓚꓱ, ꓙꓳ ꓟ ꓔꓯ ꓡꓳ. ꓟꓳ ꓪ ꓡꓳ꓿