ꓚꓳ ꓑꓸ ꓕꓽ ꓗꓷ ꓡꓰ ꓝꓲ-ꓸ

ꓚꓳ ꓑꓸ ꓕ: ꓗꓷ ꓡꓰ ꓝꓲ-ꓸ

ꓣꓳꓽ ꓟꓵꓽ ꓠꓬ ꓓꓲ-ꓟꓲ ꓦ- ꓟꓲ ꓐꓰ ꓔꓶꓸꓹ ꓫꓵꓽ ꓔꓶꓸꓹ ꓙꓰꓽ ꓔꓯ ꓟꓽ ꓓ ꓬꓰ ꓔꓬ ꓟ ꓟꓵꓽ ꓥ ꓡꓳ= ꓖꓳ ꓡꓱ ꓥˍ ꓟꓲ ꓚꓵ ꓚꓵ ꓔꓶ ꓜꓼ ꓔꓬ  ꓢꓲ ꓟꓬꓱꓽ ꓬꓰ ꓔꓬ ꓢꓴ ꓟꓬꓽ ꓠꓬꓲ ꓠꓬ ꓞꓳ ꓐꓳ ꓟꓽ ꓒꓬꓱꓼ ꓔꓬ-ꓸ

ꓞꓲ ꓝꓴꓸ ꓫꓵꓽ ꓝꓴ (10ꓽ7) ꓟ ꓡꓽ ꓞꓳ ꓐꓴ ꓠꓬ ꓡꓳ ꓒꓱ ꓘꓴꓽ ꓗꓪ ꓟꓽ ꓔꓬꓸꓹ ꓚꓲꓸ ꓛꓬ ꓘꓹ ꓗꓪ ꓔꓬ ꓢꓲ ꓟꓬꓱꓽ ꓬꓰ ꓡꓳꓸ ꓬꓰ ꓜꓽ ꓔꓬ ꓟ ꓥˍ ꓠꓬꓲ ꓫꓸ ꓢꓴ ꓮꓽ ꓟꓬꓸ ꓙꓳ ꓔꓬ ꓡꓳ-ꓸ

ꓒꓴ ꓫꓵꓸꓸ ꓫꓸ ꓔꓸ ꓟ ꓪꓴꓸ ꓠꓬꓲ ꓢꓷꓸ ꓠꓲꓹ ꓥˍ ꓟꓲ ꓢꓳ ꓟ ꓡꓳꓼ ꓢꓓꓸ ꓠꓲꓹ ꓫꓸ ꓡ ꓠꓬ ꓙꓽ ꓜꓲꓼ ꓠꓲꓹˍ ꓟꓲ ꓚꓴ ꓬꓲꓸˍ ꓟꓲ ꓫꓸ ꓡꓰꓳ= ꓙꓽ ꓜꓲꓼ ꓠꓲꓹ ꓐꓰ ꓚꓴ-ꓬꓲꓸ ꓫꓸ ꓡ ꓠꓬ ꓘꓴ ꓜꓲꓼ ꓞꓳ ꓚꓱꓼ-ꓸ ꓧꓪꓽ ꓖꓳ ꓓꓱꓽ ꓠꓸꓹ ꓒꓬꓽ ꓚꓱꓼ ꓐꓰ ꓟꓲ ꓠꓯ ꓡꓽ ꓞꓳ ꓚꓱꓼ ꓥ ꓕ ꓑꓳꓸ ꓗꓪ_ ꓟꓲ ꓝꓸ ꓢꓲ ꓫꓸ ꓓꓴ ꓔꓳꓸ ꓜꓳꓽ ꓡ ꓥꓳ= ꓕꓱꓽ ꓟ ꓠꓬ ꓬꓰ ꓐ ꓡꓸ ꓡꓽ? ꓬꓰ ꓟꓽ ꓐ ꓡꓸ ꓡꓽ? ꓐꓰ ꓙꓽ ꓜꓲꓼ ꓠꓲꓹ ꓟꓽ ꓙꓳ-ꓸ  ꓢꓴ ꓡꓰꓽ ꓐꓯˍ ꓟ ꓔꓯ ꓛꓳ ꓢꓴ ꓗꓷ  ꓡꓰꓳ=

ꓠꓱꓸ ꓐꓯꓼ ꓶꓸꓹ ꓡꓯꓼ ꓬꓰ ꓢꓴ ꓡꓽ ꓞꓳ ꓐꓴ ꓝꓲ-ꓓꓴ ꓝꓲ-ꓟꓶꓸ ꓚꓳ ꓑꓸ ꓒꓬꓱꓼ ꓔꓬˍ ꓟ ꓚꓲꓸ ꓛꓬꓽ ꓟꓽ ꓢꓷ-ꓸ ꓖꓳ ꓡꓱ ꓥˍ ꓟꓲ ꓚꓳ ꓑꓸ ꓗꓷ ꓡꓰꓳ=

ꓮꓸ ꓫꓵꓽ ꓚꓳ ꓑꓸ ꓥˍ ꓡꓽ?

1ꓸ ꓜꓽ ꓫꓵꓹ ꓡꓳ ꓫꓵꓼ ꓚꓳ ꓑꓸ

2ꓸ ꓐꓶꓽ-ꓓꓰ ꓟꓬ ꓞꓲꓼ ꓚꓳ ꓑꓸ

3ꓸ ꓔꓶ ꓫꓵꓽ ꓔꓶ ꓙꓲꓽ ꓟꓬ ꓞꓲꓼ ꓚꓳ ꓑꓸ

4ꓸ ꓶ ꓡꓯꓼ ꓛꓳ ꓑꓸ ꓐꓰ

 ꓠꓱꓸ ꓐꓯꓼ ꓮꓽꓟꓬꓸ ꓚꓱꓹ ꓗꓪˍ ꓟꓲ ꓚꓳ ꓑꓸ ꓗꓷ ꓔꓬ ꓡꓳ=

ꓖꓳ ꓟ ꓪꓴꓸ ꓠꓬꓲ ꓠꓬꓲꓹ ꓠꓬꓲ ꓣꓳꓽ ꓐꓴ ꓚꓳ ꓑꓸ ꓟꓽ ꓗꓷ ꓡꓰ ꓠꓹˍ ꓟ  ꓣꓳꓽ ꓐꓴ ꓤ ꓟꓳ ꓓꓴ ꓬꓰ ꓡꓯ=

 ꓑꓰꓔꓰꓣ ꓥꓪ-ꓬꓳ-ꓢꓷ