ꓠꓲꓹ ꓟ ꓡꓳ. ꓐꓲ ꓠ, ꓟ ꓕꓳ ꓶ ꓵ ꓡꓯ꓾

ꓟꓬꓱꓽ ꓬꓰ ꓟ ꓐꓰ ꓢꓯꓼ ꓕꓵꓼ ꓟ ꓚꓱꓹ ꓪꓽ ꓥ ꓟꓲ ꓢꓴ ꓕꓯ ꓢꓲ ꓟꓬ ꓠꓬꓲ ꓧꓪꓸ ꓝꓲ ꓠꓲꓹ ꓫꓵ_ ꓟ ꓠꓲꓹ ꓟ ꓙꓳˍ ꓡ? ꓟꓲ ꓠꓯ ꓗꓪ ꓞꓳ ꓤ ꓮ ꓙꓵꓽ ꓪꓽ ꓡ ꓐꓯ ꓥ ꓟꓲ ꓞꓳ ꓤ ꓐꓴ ꓕꓯ ꓢꓲ ꓟꓬ ꓠꓬꓲ ꓬꓲ ꓒꓵꓽ ꓙꓳ ꓢꓴ ꓒꓬꓱꓼ ꓝꓲ ꓠꓲꓹ ꓫꓵ_ ꓡ?  ꓣꓳ ꓔꓯ ꓟꓽ ꓙꓲ ꓐꓯ ꓡ ꓢꓴ ꓐꓴ ꓮ ꓙꓵꓽ ꓐꓰ  ꓫꓸ ꓓꓴ ꓟꓬ ꓓꓴ ꓔꓯ ꓬꓲ ꓚꓱꓹ ꓙꓳ ꓙꓳ ꓒꓳꓹ ꓖꓶ ꓠꓲꓹ ꓫꓵ_ ꓟ ꓠꓲꓹ ꓟ ꓙꓳˍ ꓡ? ꓖꓳ ꓡꓱ ꓠꓲꓹ ꓟ ꓙꓳˍ ꓐꓭ ꓠꓬ ꓕꓳ ꓶ ꓵ ꓡꓯ=  ꓕꓳ ꓶ ꓗꓪ ꓠꓬ ꓙꓲ_ ꓟ ꓬꓲ ꓚꓱꓹ ꓙꓳˍ ꓡꓳ= ꓔꓳꓹ ꓜꓳ ꓠꓬꓲ_ ꓟ ꓬꓲ ꓚꓱꓹ ꓙꓳˍ ꓡꓳ= ꓠꓲꓹ ꓟ ꓢ ꓡꓰ ꓝꓲ ꓠ ꓟ ꓢꓷꓸ ꓡꓰ ꓓꓴ ꓮ ꓟꓬꓹ ꓙꓳˍ ꓡꓳ=  ꓣꓳ ꓗꓹ ꓛꓲ ꓓꓴ ꓔꓯ ꓧꓪ ꓟꓶ ꓠꓹ ꓟ ꓕꓳ ꓶ ꓵ ꓡꓯ= ꓥꓳꓽ ꓡꓰˍ ꓟ ꓗꓪ ꓐꓰ ꓢꓷꓸ ꓡꓰ ꓓꓴ ꓣꓴ ꓢꓲ꓾ ꓡ ꓠꓹ ꓟ ꓣꓳ ꓤꓶꓻ ꓐꓱ ꓶ ꓙꓲ_ ꓟ ꓒꓬꓱꓼ ꓡ ꓠꓹ ꓟ ꓕꓳ ꓶ ꓵ ꓡꓯ= ꓮꓽ ꓟ ꓥ ꓟꓲ ꓣꓳ ꓒ ꓕꓲ ꓗꓪ ꓟꓽ ꓔꓬ ꓡ ꓐꓯ ꓡꓰ꓾ ꓕꓲ ꓣꓳ ꓡꓰ ꓔꓬ ꓐ ꓡ ꓠꓹ ꓟ ꓐꓱ ꓶ ꓕꓳ ꓶ ꓵ ꓡꓯ= ꓠꓲꓹ ꓟ ꓡꓳꓸ ꓐꓲ ꓡ ꓠꓹ ꓟ ꓐꓱ ꓶ ꓕꓳ ꓶ ꓵ ꓡꓯ= ꓫꓱꓸ ꓤ_ ꓟ ꓠꓲꓹ ꓟ ꓙꓳ ꓡ ꓠꓹ ꓟ ꓐꓱ ꓶ ꓕꓳ ꓶ ꓵ ꓡꓯ= ꓢꓴ ꓡꓰ ꓣꓳ ꓔꓯ ꓠꓲꓹ ꓜꓳ ꓡ ꓐꓯ ꓡꓰ ꓪꓽ ꓢꓱ ꓐ ꓠꓲ ꓔꓬ ꓐ ꓡ ꓠꓹ ꓟ ꓢꓯꓼ ꓕꓵꓼ ꓡꓯ= ꓢꓴ ꓣꓳ ꓔꓯ ꓟꓽ ꓠꓲꓹ ꓠꓵ ꓡ ꓐꓯ ꓡꓰ꓾ ꓣꓳ ꓚꓲ ꓛꓬ ꓠꓲꓹ ꓠꓵ ꓐ ꓡ ꓠꓹ ꓟ ꓢꓯꓼ ꓕꓵꓼ ꓡꓯ= ꓢꓴ ꓟꓽ ꓙꓲ ꓡ ꓐꓯ ꓡꓰ꓾ ꓣꓳ ꓙꓲ ꓠꓹ ꓟ ꓢꓯꓼ ꓕꓵꓼ ꓡꓯ=  ꓮ ꓕꓯ ꓥ ꓟꓲ ꓕꓳ ꓶ ꓵ ꓕꓳ ꓶ ꓵ ꓟ ꓗꓪ ꓐꓰ ꓣꓳ ꓪꓴꓸ ꓠꓶꓸ ꓠꓲꓹ ꓟ ꓮ ꓙꓵꓽ ꓔꓯ ꓢꓷꓸ ꓠꓲꓹ ꓬꓲ ꓫꓵꓼ ꓖꓶ ꓡ ꓡꓳ=  ꓕꓲ ꓘꓶꓽ ꓵ ꓐ ꓡ ꓕꓲ ꓘꓶꓽ ꓵ ꓕꓲ ꓠꓬꓲ ꓠꓬ ꓢꓴ ꓕꓯ ꓢꓲ ꓓ ꓢꓴ ꓒꓬꓱꓼ ꓡ ꓢꓲ꓾ ꓠꓲꓹ ꓟ ꓥ ꓟꓲ ꓡꓳꓸ ꓐꓲ ꓡ ꓥꓳ=  ꓖꓳ ꓟ ꓪꓴꓸ ꓠꓬꓲ ꓣꓳ ꓤꓶꓻ ꓗꓪ ꓞꓳꓸ ꓡꓰ ꓢꓴ ꓕꓽ ꓗꓷ ꓡꓰ ꓝꓲ꓾ ꓠꓲꓹ ꓟ ꓡꓳꓸ ꓐꓲ ꓠꓹ ꓟ ꓕꓳ ꓶ ꓔꓯ ꓮ ꓕꓯ ꓥ ꓟꓲ ꓵ ꓪ ꓡꓰ ꓝꓲꓸ=