ꓠꓴ ꓤꓶꓸꓹ ꓗꓪ ꓗꓹ ꓛꓲ ꓠꓲꓹ  ꓫꓵ_ ꓠꓬ ꓠꓱꓸ ꓐꓯ ꓢꓴ ꓔꓯ ꓗꓹ ꓛꓲ ꓠ ꓬꓰ ꓖꓶ=

ꓠꓴ ꓤꓶꓸꓹ ꓗꓪ ꓗꓹ ꓛꓲ ꓠꓲꓹ  ꓫꓵ_ ꓠꓬ ꓠꓱꓸ ꓐꓯ ꓢꓴ ꓔꓯ ꓗꓹ ꓛꓲ ꓠ ꓬꓰ ꓖꓶ=

ꓗꓹ ꓛꓲ ꓓꓴ ꓔꓯ ꓥ_ ꓟꓲ ꓣꓳ ꓖꓼ ꓧꓪꓸ- ꓠꓬ ꓧꓪ ꓟꓶ ꓟꓽ ꓓ= ꓟ ꓔꓵꓸꓼꓔꓬ ꓢꓲ ꓣꓳꓽ ꓬꓰ ꓙꓲꓽ ꓙꓳ_ ꓟ ꓡꓰꓽ ꓬꓰ ꓔꓬ ꓐꓭ ꓠꓬ ꓣꓳ ꓗꓹ ꓛꓲ ꓡˍ ꓡꓳ=  ꓠꓴ ꓪ ꓮ ꓕꓯ_ ꓟꓲ ꓗ ꓛꓲ ꓠꓲꓹ ꓫꓵꓽ ꓡ? ꓗꓹ ꓛꓲ ꓠꓲꓹ ꓫꓵˍ ꓠꓬ ꓠꓱꓸ ꓐꓯ ꓢꓴ ꓔꓯ ꓗꓹ ꓛꓲ ꓠ ꓬꓰ ꓖꓶ= ꓬꓲꓸꓪ ꓔꓯ ꓠꓲꓹ ꓠꓵ= ꓬꓲꓸ ꓪ ꓔꓯ ꓔꓳꓹ ꓙ= ꓬꓰ ꓙ= ꓡꓳꓸ ꓙ= ꓣꓳꓽ ꓡꓯꓼ ꓫꓴ ꓘꓳ ꓣꓴ ꓟꓶ_ ꓠꓬ ꓗꓹ ꓛꓲ_ ꓡꓳ= ꓠꓲꓹ ꓘꓪꓽ ꓫꓵ_ꓡꓳ= ꓖꓳ ꓡꓰ ꓥˍ ꓟꓲ ꓣꓳꓽ ꓢꓴ ꓔꓯ ꓡꓯꓼ ꓫꓴ ꓖꓶˍ ꓕꓯ ꓠꓽ ꓠꓬꓲꓽ ꓝꓸ ꓗꓹ ꓛꓲ_ ꓡꓳ= ꓪ ꓜꓲ_ ꓟꓲ ꓙꓲꓸꓹ ꓡꓳ= ꓐꓲꓸꓹ ꓜꓲꓼˍꓡꓳ= ꓣꓳ ꓠꓬ ꓟꓲ ꓠꓯ ꓗꓪ ꓕꓲ ꓑ ꓤ ꓡꓰ ꓔꓬ ꓪ ꓡꓳ= ꓣꓳ ꓫꓵꓸꓼ ꓕꓯ ꓠꓬ ꓪꓴ-ꓢ ꓡꓰ ꓣꓳ ꓔꓯ ꓠ ꓠꓬꓲ ꓚꓰꓼ ꓠꓬꓲ ꓡ_ ꓥꓳ= ꓠꓴ ꓟꓲ ꓠꓯ ꓗꓪ ꓔꓬ ꓕꓯ ꓠꓴ ꓠꓶ ꓛꓳ ꓐꓱ ꓶ ꓮ ꓫꓵꓽ ꓬꓰꓖꓶ ꓗꓷꓳ? ꓠꓴ ꓮ ꓡꓲ ꓟꓬ ꓛꓲ ꓠꓲꓹ ꓠꓵ ꓗꓷꓳ? ꓐꓰ ꓣꓳꓽ ꓔꓯ ꓠ ꓠꓬꓲ ꓡꓳˍꓥꓳ= ꓖꓳ ꓕꓯ ꓣꓳ ꓮ ꓡꓰ ꓐꓰ ꓒꓳꓹ ꓖꓶ ꓠꓯˍ ꓡ= ꓣꓳ ꓢꓯꓸ ꓔꓬ ꓕꓯ ꓣꓳ ꓙꓳˍ ꓟ ꓢꓴ ꓔꓯ ꓟꓲ ꓟꓽ ꓐꓱ ꓖꓶꓽ= ꓦꓲꓸꓹ ꓒ ꓕꓲꓸꓼ ꓗꓪ ꓜ ꓦꓰꓼ ꓟꓷꓼ ꓔꓬꓹ ꓟ ꓞꓳ ꓫꓸ ꓔꓯˍ ꓟꓲ ꓟꓽ ꓡꓳ= ꓕꓱ ꓡꓱ ꓬꓰ-ꓠꓬ ꓣꓳꓽ ꓙꓲꓸꓹ ꓖꓴ ꓙꓳ_ꓡ? ꓣꓳ ꓫꓵꓸꓹ ꓕꓯ ꓣꓳꓽ ꓖꓴ ꓙꓴꓽ ꓠꓬ ꓮ ꓟ ꓐꓱ ꓶ ꓒꓬꓱꓼ ꓬꓰ ˍ ꓥꓳ ꓪ? ꓓꓵꓽ ꓙ ꓠꓬꓲ ꓡꓯ=  ꓣꓳ ꓟꓲ ꓠꓯ ꓞꓳ ꓤ ꓤꓶꓸꓹ ꓠꓬ ꓮ ꓘꓶꓸ ꓒꓵˍ ꓡꓳ= ꓬꓲꓸ ꓙꓵꓹ ꓟꓲ ꓮꓽ ꓟꓬ ꓟꓽ ꓙꓳ= ꓖꓳ ꓡꓱ ꓠꓬꓲ ꓣꓳꓽ ꓢꓯꓼ ꓕꓵꓼ ꓡꓯ= ꓕꓲ ꓣꓳꓽ ꓛꓳꓽ ꓕꓲ ꓣꓳ ꓠꓲꓹ ꓠꓵ ꓡꓯ ꓘꓳ ꓡꓯ= ꓬꓰ ꓙ ꓡꓯ ꓘꓳ ꓡꓯ= ꓔ ꓙ ꓡꓯ ꓘꓳ ꓡꓯ= ꓚꓴꓽ ꓬꓲꓹ ꓖꓶꓽ ꓡꓯ ꓘꓳ ꓡꓯ= ꓕꓱ ꓡꓱ ꓬꓰˍ ꓠꓬ ꓢꓴˍ ꓟꓲ ꓗ ꓛꓲ ꓥꓳ= ꓣꓳꓽ ꓟꓲ ꓗꓹ ꓛꓲ ꓥꓳ= ꓣꓳꓽ ꓤꓶꓸꓹ ꓟꓲ ꓬꓲꓸ ꓬꓲ ꓢꓶ ꓙꓳ ꓡˍ ꓥꓳ=