ꓠꓴ ꓮ: ꓟ., ꓥ_ ꓡ :?

#rvalisu #Manila cathedral #rvagroup

ꓠꓴ ꓮ: ꓟ., ꓥ_ ꓡ:?

ꓡ ꓞꓳ ꓮ ꓟꓬ_ ꓠꓬ ꓠꓱꓸ ꓐꓯ ꓮ ꓡꓰ ꓗ_ ꓟ ꓾ ꓮ ꓡꓰ ꓓ_ ꓟ ꓔꓯ ꓮ ꓘꓶꓸ ꓢꓓ_ ꓟꓲ꓾ ꓚꓲꓸ ꓛꓬꓼ ꓛꓳ ꓚꓲ ꓚꓬ ꓠꓬ ꓾ ꓟꓽ ꓢꓷꓸ ꓡꓳ ꓫꓵꓽ ꓟꓬ_ ꓡꓳ= ꓮ ꓫꓵꓽ ꓑꓶꓸ ꓓꓴ ꓥ ꓡ?꓾ ꓐꓰ ꓐꓯ_ ꓠꓬ ꓚꓲꓸ ꓚꓬ ꓛꓳ ꓚꓲꓸ ꓛꓬ ꓢꓷꓸ ꓡꓳ ꓫꓵꓼ ꓟꓬ_ ꓡꓳ=

ꓮ ꓫꓵꓽ ꓑꓶꓸ ꓓꓴ ꓥ ꓡ?꓾ꓐꓰ ꓐꓯ_ ꓠꓬ ꓚꓲꓸ ꓛꓬ ꓛꓳ ꓚꓲꓸ ꓛꓬ ꓢꓷꓸ ꓠꓹ ꓟ ꓮ ꓘꓶꓸ ꓫꓸ ꓟ ꓑꓶꓸ ꓓꓴ ꓥ ꓡꓳ= ꓖꓳ ꓡꓱ ꓐꓯ ꓥ_ ꓟꓲ ꓚꓲꓸ ꓛꓬ: ꓮ ꓟ ꓥ ꓟ ꓟꓽ ꓢꓷ_ ꓕꓯ ꓠ꓾ ꓡ ꓞꓳ ꓣꓱꓽ ꓟ ꓚꓵꓹ ꓡ ꓟ ꓥ ꓡꓳ= ꓮ ꓫꓵꓽ ꓑꓶꓸ ꓓꓴ n ꓡ?

ꓚꓲꓸ ꓛꓬ ꓮ ꓟ ꓥ ꓟꓲ꓾ ꓟꓽ ꓢꓷ_ ꓠꓬ꓾ ꓚꓲꓸ ꓛꓬ ꓮ ꓫꓵꓽ ꓬꓰ ꓔꓬꓹ ꓟ ꓔꓯ_ ꓟꓲ ꓟꓽ ꓢꓷ= ꓖꓳ ꓕꓯ ꓠꓬ ꓙꓱꓽ ꓤ ꓕꓲꓽ ꓟ ꓔꓯ ꓫꓱꓸ ꓡꓰ_ꓥꓳ=

ꓙꓱ ꓤ ꓠꓬ ꓬꓲꓸ ꓮ ꓫꓵꓽ ꓬꓰ ꓔꓬꓹ ꓟ ꓬꓲꓸ ꓟꓽ ꓢꓷꓸ= ꓜꓽ ꓠꓬꓲ꓾ ꓓꓳꓻ ꓠꓬꓲ꓾ꓬꓲꓼ ꓔ ꓠꓬꓲ ꓐꓰ ꓕꓱ ꓡꓱ ꓫꓵꓽ ꓤ_ ꓡꓰꓽ ꓬꓰ ꓗꓴ_ ꓟ ꓥ ꓡꓳ=  ꓖꓳ ꓟ ꓑꓶ ꓓꓴꓸ꓾ ꓣꓳꓽ ꓥꓪ ꓮ ꓟ ꓥ ꓡꓽ ꓔꓯ ꓢꓷꓸ ꓔ ꓪ_ ꓟ ꓠꓬ ꓬꓲꓸ ꓪꓴꓸ ꓬꓳꓸ ꓙꓲ ꓓꓰ ꓡꓰ_ ꓟ ꓥ ꓡꓳ=  

ꓡ ꓞꓳ ꓤꓶ ꓐꓯ_ ꓟ ꓠꓬ꓾ ꓟꓲ ꓠꓯ ꓗꓪ ꓒꓵꓽ ꓓꓰ ꓡꓰ- ꓟ ꓥ ꓡꓳ=

ꓮ ꓫꓵꓽ ꓑꓶꓸ ꓓꓴ ꓥ ꓡ ꓐꓯ_ ꓠꓬ꓾   ꓡ ꓞꓳ ꓠꓬ ꓪꓴ-ꓢ ꓒꓬꓱꓽ ꓔꓯ ꓫꓱ_ ꓟ꓾ ꓙ ꓜꓲꓼ ꓠꓲꓹ꓾ ꓫꓪ’ꓸ ꓗꓴ_ ꓟ ꓪꓴꓸ ꓠꓷꓹ ꓙꓳ_ ꓟ ꓾ ꓕꓲ ꓝꓲꓽ ꓕꓲ ꓑ ꓪꓴ-ꓢ ꓤ ꓠꓱ ꓥ ꓢꓲ꓾ ꓪꓴ-ꓢ ꓐꓰ ꓕꓲ ꓪ ꓸꓸꓽꓔꓬꓹ ꓠꓹ ꓟ ꓬꓲꓸ ꓦ ꓙꓳ_ ꓟ ꓑꓶꓸ ꓓꓴ ꓥ ꓡꓳ=

ꓖꓳ ꓟ ꓑꓶꓸ ꓓꓴ ꓡ ꓞꓳ ꓠꓬ ꓮ ꓫꓵꓽ ꓬꓰ_ ꓟꓲ ꓬꓲꓸ ꓬꓲ ꓢꓶ ꓙꓳ_ ꓡꓳ= ꓬꓲꓸ ꓔꓶꓸꓸꓙꓱꓼ ꓙꓳ ꓪ- ꓡꓳ= ꓟꓽ ꓦ ꓕꓯ ꓠ꓾ ꓚꓮꓲꓸꓸ(ꓬꓲꓸꓚꓬꓼ) ꓡ ꓞꓳ ꓔꓯ ꓫꓱꓸ ꓡꓰ_ ꓥꓳ=

ꓖꓳ ꓡꓱ ꓠꓬꓲ ꓾ ꓡ ꓞꓳ ꓠꓬ ꓒꓵ- ꓟ  ꓬꓲꓸ ꓢꓶ ꓙꓳ- ꓟ ꓡ ꓞꓳ ꓥ ꓟ ꓑꓶꓸ ꓓꓴ꓾ ꓮ ꓫꓵꓽ ꓬꓰ_ ꓟꓲ ꓬꓲꓸ ꓬꓲ ꓢꓶꓻ ꓙꓳ ꓙꓳ_ ꓡꓰꓽ ꓬꓰ ꓠꓹ ꓟ ꓥ ꓡꓳ= ꓬꓲꓸ ꓔꓶ ꓙꓱꓹ ꓗꓷ ꓔ ꓢꓲ ꓬꓰ ꓪ_ ꓟ ꓥ ꓡꓳ= ꓟꓬꓽ ꓠꓬꓲ ꓣꓳꓽ ꓡ ꓞꓳ ꓐꓯ_ ꓟ ꓠꓬ ꓪꓴ-ꓢ ꓤ ꓠꓱ ꓥ ꓟ ꓔꓯ ꓬꓲꓸ ꓪꓴ ꓢꓷꓸ ꓔ ꓪ_ ꓡꓳ=

ꓝꓮꓲ꓾ ꓡ ꓞꓳ ꓐꓯ_ ꓟ ꓠꓬ꓾ ꓟꓲ ꓠꓯ ꓕꓱ ꓟ ꓗꓪ_ ꓡꓰꓽ꓾ ꓤꓶꓻ ꓖꓴ ꓡꓰ- ꓟ ꓟꓽ ꓥ ꓟ ꓔꓯ- ꓟꓲ ꓢꓷꓸ ꓔ ꓠ ꓗ_ ꓡꓳ=

ꓖꓳ ꓟ ꓑꓶꓸ ꓓꓴ ꓣꓳꓽ ꓡ ꓞꓳ ꓐꓯ- ꓟ ꓠꓬ ꓚꓲꓸ ꓚꓬ ꓔꓯ ꓚꓲꓸ ꓛꓬ ꓢꓷꓸ ꓪ ꓢꓲ꓾ ꓣꓳ ꓤꓶ ꓔꓯ ꓒꓵꓽ ꓒꓵ_  ꓡꓰ꓾ ꓬꓲꓸ ꓢꓶ ꓙꓳꓻ ꓙꓳ ꓡꓰꓽ ꓞꓳ ꓙꓳ ꓠ ꓗ_ ꓡꓳ=

ꓮ ꓔꓳ_ ꓡꓰꓽ ꓠꓲꓹ ꓟ ꓙꓬ ꓙꓬ_ ꓡꓰ ꓢꓯꓸ ꓔꓬ ꓠ_ ꓟ ꓟꓽ ꓥ ꓟ ꓔꓯ_ ꓟꓲ ꓢꓷꓸ ꓢꓲ꓾ ꓢꓯꓼ ꓕꓵꓼ ꓙꓰ ꓡꓯ=

 

Add new comment

4 + 7 =