ꓡ ꓞꓳ ꓐꓴ ꓠꓯꓼˍ ꓗꓪ ꓪ ꓙꓵꓽ ꓙꓳˍ ꓟ ꓚꓱꓹꓔꓯꓸ ꓓꓰꓽ ꓑꓶꓸ ꓠ ꓗ ꓡꓳ-ꓸ

ꓡ ꓞꓳ ꓐꓴ ꓠꓯꓼˍ ꓗꓪ ꓪ ꓙꓵꓽ ꓙꓳˍ ꓟ ꓚꓱꓹꓔꓯꓸ ꓓꓰꓽ ꓑꓶꓸ ꓠ ꓗ ꓡꓳ-ꓸ

ꓟꓲ ꓠꓯ ꓗꓴꓷꓼ ꓕꓱ ꓟ ꓗꓪ ꓡꓽ ꓞꓳ ꓕꓲ ꓣꓳ ꓐꓰ ꓕꓲ ꓣꓳ ꓠꓬ ꓚꓵꓸ ꓛꓬꓽꓠꓲꓹ-ꓟ ꓗꓪ ꓐꓰ ꓔꓱꓹˍꓟ ꓚꓱꓸ ꓗꓪ ꓬꓰ ꓠꓲꓹ ꓫꓵˍ ꓟ ꓐꓰ ꓫꓸ ꓕꓱ ꓠꓲꓹ ꓫꓵˍ ꓟ ꓔꓯ ꓒꓴ ꓒꓴ ꓡꓯꓽ ꓡꓯꓽ ꓬꓰ ꓙꓵꓽ ꓙꓳ ꓡꓳ=

ꓖꓳ ꓡꓰ  ꓬꓰ ꓪ ꓓꓹ ꓟ ꓚꓱꓹ ꓥ ꓕ ꓑꓳꓸ ꓔꓯꓸ ꓗꓽ ꓕ ꓔꓬ ꓢꓴ ꓮꓽ ꓙꓵꓽ ꓔꓯꓸ ꓓꓽ ꓔꓳꓹ ꓠ ꓗ ꓡꓳ= ꓚꓵꓸ ꓛꓬꓽ ꓞꓳ ꓜꓴ ꓘꓴꓽ ꓠꓯꓼˍ ꓗꓪ ꓗꓽ ꓕ ꓔꓬˍ ꓟ ꓔꓯ ꓓꓽ ꓔꓳꓹ ꓠꓹˍ ꓟ ꓙꓵꓽ ꓪꓽ ꓥꓽ ꓟꓲ ꓙꓳˍꓡꓳ= ꓖꓳ ꓡꓱ  ꓢꓲꓸꓸꓹ ꓣꓳꓽ ꓘꓴꓽ ꓠꓯꓼ ꓗꓪ-ꓸ ꓣꓳꓽ ꓜꓴ ꓠꓯꓼˍ ꓗꓪ ꓔꓱˍ ꓟ ꓚꓱꓹ ꓓꓰꓽ ꓟꓽ ꓑꓶꓸ ꓐꓭ  ꓠꓬ ꓖꓳ ꓞꓳ ꓜꓴ ꓠꓬ ꓠꓸꓹ ꓒꓬꓽ ꓔꓬ ꓢꓴ  ꓥꓳ ꓐꓰ ꓐꓯˍ ꓔꓸ ꓡꓳ ꓐꓯ ꓔ ꓟ ꓙꓳ ꓡꓳ= ꓙꓴ ꓠꓲꓹ ꓗꓪ ꓐꓰ ꓚꓵꓸ ꓛꓬꓽ ꓠꓲꓹ ꓡꓶꓽ ꓔꓯꓸ ꓓꓰꓽ ꓟ ꓑꓶꓸ ꓐꓭ ꓠꓬ ꓠꓴ ꓕꓲꓽ ꓞꓲꓼ ꓡꓱꓼ ꓠꓲꓹˍ ꓟ ꓫꓸ ꓓꓴ ꓔꓳꓼ ꓜꓳꓽ ꓡ ꓥꓳ= ꓠꓬꓲꓸ ꓠꓬꓲ ꓣꓳꓽ ꓟꓬ-ꓟ ꓗꓴꓷꓼ ꓗꓪ ꓔꓳꓹ ꓜꓳꓽ ꓔꓬ ꓟ ꓗꓴꓷꓼ ꓫꓵꓽ ꓪꓴ ꓕꓱ ꓟ ꓠꓬ ꓐꓯ ꓗꓷˍꓟ ꓚꓱꓹ ꓔꓯꓸ ꓪ ꓠꓲꓹ ꓫꓵꓸꓸ ꓟ ꓪꓴꓸ ꓠꓬꓲ ꓓꓽ ꓔꓳꓼ ꓔꓬ ꓟ ꓥ ꓡꓳ=ꓚꓵꓸꓸꓚꓵꓸꓸ ꓠꓴ ꓠꓯꓼ ꓗꓪ ꓙꓴ ꓠꓲꓹ ꓐꓲ ꓞꓹ ꓔꓬ ꓐꓭ ꓠꓬ ꓠꓴ ꓠꓯꓼˍ ꓗꓪ ꓔꓱꓸꓸ ꓚꓵꓸ ꓟ ꓠꓲꓹ ꓢ ꓗꓹ ꓛꓵꓽ ꓚꓱ ꓠꓬ ꓠꓴ ꓕꓲꓽ ꓞꓲꓼ ꓟꓽ ꓪ ꓡ=ꓗ-ꓔꓳ-ꓡꓲ ꓘꓴ ꓜꓲꓼ ꓞꓳ ꓡꓰ ꓟꓸ ꓖꓶꓽ ꓑꓱ ꓖꓶꓽ ꓔꓬˍꓟ ꓚꓱ ꓗꓪ ꓠꓬ“ꓡꓽ ꓞꓳ ꓪꓸꓸ ꓙꓵꓽ ꓙꓳˍ ꓟ ꓐꓯꓸ ꓟ ꓠꓬ ꓞꓳ ꓤꓽ ꓤꓶꓽ ꓟꓽ ꓐꓬ ꓡꓰ ꓠꓼˍ ꓟ  ꓐꓰ ꓕꓲꓽ ꓞꓲꓼ ꓐꓲ ꓞꓸꓹ ꓟ ꓠꓲꓹ ꓢ ꓗꓸ ꓛꓵꓽ ꓚꓱꓸꓹ ꓐꓱ ꓶ ꓜꓲꓸꓸ ꓔꓳꓹ ꓓꓽ ꓕꓲꓽ ꓟ ꓥꓹ ꓡꓳ=ꓕꓱ ꓟꓬ ꓚꓵꓸꓸ ꓣꓳ ꓚꓵꓹˍ ꓟ ꓪ ꓙꓵꓽ ꓙꓳˍ ꓟ ꓚꓱꓹ ꓟꓶꓽ ꓡꓰˍ ꓠꓬ ꓖꓳ ꓗꓪ ꓟ  ꓡꓽ ꓞꓳ ꓐꓴ ꓠꓬ ꓤꓶꓸꓸ ꓐꓬ ꓡꓰˍꓟ ꓡꓰꓽ ꓐꓰ ꓗꓷ  ꓡꓰꓳ= ꓖꓳ ꓟ ꓪꓴꓸ ꓠꓬꓲ ꓣꓳꓽ ꓠꓯꓼˍ ꓗꓪ ꓪꓸꓸ ꓙꓵꓽ ꓙꓳ ꓟ ꓔꓯꓸ ꓝꓮꓲ ꓘꓴ ꓣꓴ ꓟꓶꓽ ꓠꓼ ꓟ ꓠꓬ ꓣꓳꓽ ꓡꓽ ꓞꓳ ꓐꓴ ꓮꓽ ꓙꓵꓽ ꓢꓴ ꓠꓯꓼ ꓗꓪ ꓶꓸꓹ ꓙꓳ ꓡꓳ-ꓸ ꓡꓽ ꓞꓳ ꓪꓸꓸ ꓙꓵꓽ ꓙꓳˍꓟ (Human Rights) ꓤꓶꓸꓸ ꓫꓵꓸꓸ ꓠꓼ ꓟ ꓐꓱ ꓶꓽ ꓗꓴꓷꓼ ꓚꓱꓹ ꓶꓸꓹ ꓡꓯꓼ ꓚꓱꓼ ꓐꓰ ꓡꓽ ꓞꓳ ꓞꓳ ꓙꓳ ꓚꓱ ꓮꓽ ꓙꓵꓽ ꓕꓲꓽ ꓡꓲꓼ ꓙꓵꓽ ꓪ ꓙꓳ ꓠ ꓗ ꓡꓳ=