Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓢꓴ ꓔꓯ ꓬꓰ ꓙ ꓠꓲꓹ ꓫꓵ ꓟ ꓠꓲꓹ ꓟ ꓙꓳ ꓟ ꓤ ꓠꓱ ꓤ
Monday, April 24, 2023
ꓢꓴ ꓔꓯ ꓬꓰ ꓙ ꓠꓲꓹ ꓫꓵ ꓟ ꓠꓲꓹ ꓟ ꓙꓳ ꓟ ꓤ ꓠꓱ ꓤ
ꓞꓲ; ꓟꓳꓽ ꓡꓰ ꓟ ꓞꓳ ꓟꓳ ꓕꓲ ꓣꓳ ꓠꓬ ꓬꓲꓸꓹ ꓡꓴ ꓐꓱ ꓗꓪ ꓙ ꓖꓴ ꓫꓱꓽ ꓔꓬ ꓕꓯ ꓤ ꓠꓱ ꓤ ꓕꓲ ꓣꓳ ꓠꓬ ꓬꓲꓸꓹ ꓙꓬ ꓙꓵꓽ ꓡ ꓟ ꓪꓴꓸ ꓠꓬꓲ ꓬꓲ ꓐ ꓗꓪ ꓜꓲ_ ꓟ ꓥꓪꓸ ꓕꓲ ꓟ ꓔꓯ ꓣꓴ ꓢꓲ ꓬꓲꓸꓹ ꓙꓬ ꓡꓳꓸꓸ ꓗꓪ ꓡꓳ ꓖꓶ ꓩꓴ ꓡꓳ=
ꓞꓳ ꓟꓳꓽ ꓠꓬ ꓤ ꓠꓱ ꓤ ꓔꓯ ꓠ ꓠꓬꓲ ꓡꓳ꓾ ꓮ ꓫꓵꓽ ꓑꓶ ꓓꓴ ꓥꓪꓸ ꓔꓯ ꓬꓲꓸꓹ ꓙꓬ ꓗꓪ ꓡꓳ ꓖꓶ ꓡ? ꓐꓰ ꓠ ꓠꓬꓲ ꓕꓯ ꓥꓪꓸ ꓕꓱ ꓕꓲ ꓘꓹ ꓟ ꓟꓽ ꓫꓵꓸꓹ ꓡꓰ ꓠ ꓬꓲꓸꓹ ꓙꓬ ꓗꓪ ꓡꓳ ꓖꓶ ꓗꓷ ꓟ ꓥ ꓡꓳ꓾ ꓐꓰ ꓒꓳꓹ ꓖꓶ ꓡꓳ= ꓞꓳ ꓟꓳ ꓡꓰ ꓥꓪꓸ ꓕꓱ ꓮ ꓟꓬꓹ ꓟ ꓔꓯ ꓠꓴ ꓮ ꓡꓰ ꓢꓲ꓾ ꓚꓬꓴ ꓙ ꓐ ꓡ ꓙꓳ ꓐꓯ ꓐꓰ ꓐꓯ ꓕꓯ ꓤ ꓠꓱ ꓤ ꓠꓬ ꓥꓪꓸ ꓕꓲ ꓟ ꓔꓯ ꓣꓴ ꓢꓲ ꓬꓲꓸꓹ ꓙꓬ ꓗꓪ ꓡꓳ ꓖꓶ ꓗꓷ ꓢꓲ ꓕꓱ ꓡꓱ ꓐꓯ ꓡꓳ=
ꓥꓪ ꓠꓬ ꓥꓪꓸ ꓮ ꓟꓬꓹ ꓔꓯ ꓚꓬꓴ ꓙ ꓟꓽ ꓐ ꓡ ꓐꓯ ꓥ ꓟꓲ ꓥꓪ ꓡꓰ ꓚꓬꓴ ꓙ ꓪ ꓡꓰ ꓟ ꓥꓪꓸ ꓠꓬ ꓬꓲ ꓤꓶꓸꓹ ꓫꓵꓺ ꓢꓲ꓾ ꓬꓲꓸꓹ ꓙꓬ ꓗꓪ ꓗꓹ ꓛꓲ ꓛꓲ ꓡꓰ ꓔꓬ ꓪ ꓡꓰ ꓡꓳ꓾ ꓐꓰ ꓒꓳꓹ ꓖꓶ ꓡꓳ= ꓠꓬꓲꓸ ꓠꓬꓲ ꓟꓸ ꓟꓲꓽ ꓗꓪ ꓐꓰ ꓣꓳ ꓮ ꓫꓵ ꓕꓯ ꓢꓳ ꓓꓴ ꓪ꓾ ꓐꓯ ꓠꓬ ꓟꓲ ꓠꓯ ꓕꓯ ꓢꓲ ꓗꓪ ꓫꓸ ꓢꓴ ꓟꓷꓼ ꓢꓴ ꓮ ꓟꓬꓹ ꓔꓬ ꓟ ꓥ ꓡꓳ= ꓬꓲꓸꓹ ꓪ ꓮ ꓙꓵꓽ ꓔꓯ ꓫꓸ ꓓꓴ ꓗꓪ ꓐꓰ ꓚꓬꓴ ꓙ ꓐ ꓡ ꓠ ꓗꓪ ꓛꓲ ꓣꓳ ꓟꓽ ꓐ ꓡ=
ꓖꓳ ꓡꓰ ꓐꓯ ꓥ ꓟꓲ ꓣꓳ ꓑ ꓕꓲ ꓗꓪ ꓔꓬ ꓟ ꓫꓸ ꓢꓴ ꓟꓷꓼ ꓢꓴ ꓔꓯ ꓐ ꓡ ꓟꓬ ꓛꓲ ꓬꓰ ꓙ ꓪ ꓡꓰ ꓢꓲ ꓬꓲ ꓪ ꓤꓶꓸꓹ ꓗꓪ ꓮ ꓔꓲꓸ ꓤ ꓔꓬ ꓢ ꓡꓰ ꓐꓭ ꓠꓬ ꓟꓲ ꓠꓯ ꓕꓱ ꓟ ꓔꓯ ꓠꓴ ꓐ ꓡ ꓟꓬ ꓛꓲ ꓬꓰ ꓙ ꓪ ꓡꓰ ꓟ ꓥ ꓡꓳ= ꓟꓬ ꓠꓬꓲ ꓐꓭ ꓠꓬꓲ ꓣꓳ ꓔꓯ ꓢꓳ ꓓꓴ ꓠꓬ ꓤ ꓠꓱ ꓤ ꓕꓱ ꓕꓲ ꓣꓳ ꓠꓬ ꓬꓲ ꓚꓲ ꓛꓬ ꓠꓲꓹ ꓟ ꓡꓰ ꓬꓰ ꓙ ꓖꓶ ꓗꓷ ꓟ ꓥ ꓡꓳ= ꓢꓴ ꓡꓰ ꓠꓴ ꓠꓬ ꓮ ꓘꓶꓸ ꓓ ꓐꓭ ꓐꓰ ꓐꓯ ꓡ ꓟ ꓫꓸ ꓪ ꓘꓶꓽ ꓔꓯ ꓠꓲꓹ ꓥꓳ ꓢꓲ ꓬꓰ_ ꓟ ꓟꓽ ꓥ ꓟ ꓔꓯ ꓣꓳ ꓢꓷꓸ ꓪ ꓔ ꓡꓳ=
Subscribe
Sign up to our newsletter and get latest news and updates straight to your inbox!
Download RVA App
Add new comment