ꓢꓷꓸ ꓙ ꓟꓳ ꓙ ꓘꓶ (knowledge)

ꓝꓸ ꓢꓲ ꓕꓽ ꓥꓳꓽ ꓡꓰ ꓝꓲ ꓐꓯˍ ꓟ ꓐꓯ ꓘꓶꓽꓔꓯ ꓢꓷꓸ ꓙ ꓟꓳ ꓙ ꓩꓴ ꓡ ꓥꓳ= ꓞꓳ ꓤ ꓐꓯˍ ꓟ ꓒꓬꓱꓼ ꓡ ꓠꓬ ꓮ ꓡꓲ ꓟ ꓡꓰ ꓟ ꓥꓳꓽ ꓢꓴ ꓟ ꓠꓬˍ ꓡꓳ= ꓥꓳꓽ ꓬꓰ ꓟ ꓠꓽ ꓪꓴˍ ꓟ ꓐꓰ ꓣꓳˍ ꓟ ꓥ ꓡꓳ= ꓛꓳ ꓒꓯꓹ ꓔꓯ ꓝꓴꓲ ꓖꓶꓽ ꓠꓲꓹ ꓫꓵꓽ ꓠꓬ ꓣꓳ ꓚꓲ ꓛꓬ ꓝꓴꓲ ꓔꓯ ꓟꓶꓸ ꓕꓯ ꓙꓽ ꓟꓶ ꓠ ꓗ ꓡꓳ= ꓟꓽ ꓥꓳꓽˍ ꓟ ꓢꓷꓸ ꓠꓲꓸ ꓙꓳ ꓒꓽ ꓟꓽ ꓫꓵꓸꓹˍꓟ ꓠꓯ ꓞꓲꓼ ꓟꓹ ꓒꓽ ꓙꓳ_ꓡ?  ꓛꓳ ꓒꓯꓹ ꓔꓯ ꓡꓰ ꓝꓴꓲ ꓖꓶꓽ ꓠꓲꓹ ꓫꓵꓽˍꓟ ꓠꓬ ꓮ ꓘꓶꓸ ꓥꓳꓽˍꓟ ꓥ ꓡꓳ= ꓥꓳꓽˍꓟ ꓔꓯ ꓫꓬꓹ ꓔꓱꓹ ꓠꓬ ꓙꓵꓽˍꓟ ꓒꓬꓱꓼ ꓡ ꓥꓳ= ꓥꓳꓽ ꓬꓰ ꓠ ꓬꓰ ꓢꓴ ꓠꓬ ꓞꓳ ꓐꓰꓽ ꓟꓽ ꓥ = ꓠꓱꓸ ꓐꓯꓼ ꓞꓳ ꓤ ꓐꓴ ꓔꓯ ꓐꓯ ꓞꓷꓹ ꓔꓬ ꓠꓬ ꓞꓳ ꓙꓵꓽ ꓞꓳ ꓔꓱꓹ ꓕꓲ ꓣꓳ ꓟꓽ ꓥ ꓡꓳ= ꓣꓳ ꓝꓴꓲ ꓣꓳ ꓢꓷꓸ ꓢꓲ ꓥꓳꓽˍꓟ ꓗꓪ ꓐꓰ ꓙꓵꓽ ꓟ ꓗꓪ ꓒꓳꓹ ꓬꓲꓼ ꓡ ꓢꓴ ꓠꓬ ꓙꓵꓽˍꓟ ꓞꓳ ꓔꓱꓹ ꓒꓬꓱꓼ ꓡ ꓥꓳ= ꓕꓲ ꓧꓪꓹ ꓞꓳꓸ ꓡꓰ ꓟ ꓑꓶꓸ ꓓꓴ ꓠꓴ ꓔꓯ ꓝꓴꓡ ꓓꓲ ꓢꓲ ꓐꓯˍꓟ ꓟꓲ ꓙꓳˍꓥꓳ= ꓖꓳ ꓡꓰ ꓥˍꓟꓲ ꓠꓲꓸ ꓟ ꓕꓽ ꓫ= ꓮ ꓟꓶ ꓣꓳ ꓬꓰˍ ꓟ ꓟꓬꓱ ꓔꓯ ꓙꓵꓽ ꓙꓵꓽ ꓐꓰ ꓬꓰ ꓠꓬˍ ꓠ ꓗ ꓡꓳ= ꓞꓳ ꓤ ꓐꓯ ꓟ ꓠ ꓣꓳ ꓝꓴꓲ ꓔꓯˍ ꓟꓲ ꓟꓽ ꓟꓳ ꓛꓳ ꓒꓯ ꓔꓯ ꓡꓰ ꓝꓴꓡ ꓖꓶ ꓠꓲꓹ ꓫꓵꓽ ꓡꓳ= ꓠꓲꓹ ꓟ ꓫ ꓓꓴ ꓐꓯ ꓘꓶꓽ ꓣꓳ ꓔꓯ ꓐꓯ ꓞꓷꓹˍꓟꓲ ꓠꓲꓹ ꓟ ꓫ ꓢꓲ ꓠꓬ ꓟ ꓛꓲ ꓣꓳ ꓔꓯ ꓠꓲꓹ ꓟ ꓫ ꓓꓴ ꓐꓯ ꓘꓶꓽ ꓐꓯ ꓢꓴ ꓣꓳ ꓛꓳ ꓒꓯꓹ ꓡꓰ ꓥꓳꓽ ꓬꓰ ꓥꓳ= ꓣꓳ ꓥꓳꓽ ꓬꓰˍꓟ ꓗꓪ ꓝꓮꓲ ꓕꓲꓽ ꓧꓪꓹ ꓕꓽ ꓥꓳꓽ ꓡꓱ ꓝꓲ= ꓕꓲꓽ ꓧꓪ ꓥꓳꓽ ꓬꓰ ꓠꓬ ꓖꓳ ꓥꓳꓽ ꓬꓰ ꓗꓪ ꓐꓰ ꓢꓷꓸ ꓠꓲꓸꓹ ꓪ ꓡꓰ ꓝꓲ ꓡꓯ=