ꓤ ꓠꓱ ꓤ ꓔꓯ ꓟꓸ ꓖꓶ ꓡꓯ

ꓢꓷꓸ ꓠꓲꓹ ꓢꓳ ꓦꓲ ꓗꓪ ꓟꓽ ꓟꓸ ꓖꓶ ꓔꓬ ꓟ ꓬꓲꓸ ꓫꓵ ꓬꓲ ꓙꓰ ꓔꓯ ꓦꓲ ꓘꓴ ꓗꓪ ꓐꓰ ꓟꓸ ꓖꓶ꓿ꓰ-ꓖ-ꓡꓲꓼ ꓥꓳꓽ ꓫꓵꓽ English Language ꓟꓸ ꓖꓶ꓿ (ꓟꓲ ꓠꓯ ꓗꓪ ꓟꓬ ꓑꓳ ꓠꓸ ꓐꓳꓽ ꓡꓰ ꓐꓰ ꓟꓽ ꓗꓷ ꓡꓰ ꓠꓹ ꓟ ꓥ ꓡꓳꓦꓲ ꓘꓴ ꓢꓲꓽ ꓫꓬ ꓟꓬꓱꓽ꓾ ꓜꓽ ꓓꓴ ꓫꓬꓹ ꓜꓽ ꓟꓬꓱꓽ ꓮ ꓙꓵꓽ ꓟꓸ ꓖꓶ꓿ (ꓦꓲ ꓗꓪ ꓮ ꓔꓳ ꓔꓳ ꓕꓽ ꓠꓬꓹ ꓝꓲ꓿ ꓦꓲ ꓗꓪ ꓐꓰ ꓓꓳ ꓙꓰ ꓕꓯ ꓮ ꓫꓵ ꓡꓲꓸ ꓬꓰ ꓟꓽ ꓗꓴ꓾ ꓬꓲ ꓠꓲꓹ ꓟ ꓮ ꓘꓶꓸ ꓙꓬ ꓡꓰ ꓡ ꓥ꓿)ꓒꓴ ꓔꓯ ꓚꓹ ꓢꓲꓸ ꓣꓱꓽ ꓗꓴꓸ ꓠꓹ ꓟ ꓟꓸ ꓖꓶ꓿ (ꓒꓴ ꓮ ꓔꓳ ꓔꓳ ꓕꓽ ꓖꓶ꓿ ꓒꓴ ꓠꓽ ꓮ ꓔꓳ ꓔꓳ ꓪ ꓓ ꓡꓳ ꓐꓰ ꓓꓵ ꓙ ꓙꓰ ꓡ ꓥ꓿)ꓜꓱꓽ ꓜꓯꓼ ꓟ ꓐꓰ꓾ ꓠꓲꓹ ꓫꓵ ꓟ ꓒꓯꓽ ꓗꓴꓸ ꓠꓹ ꓟ ꓟꓸ ꓖꓶ꓿ (ꓠꓲꓹ ꓫꓵ ꓟ ꓔꓯ ꓪꓴꓻ ꓖꓴ ꓟꓽ ꓓ)ꓞꓳꓸ ꓡꓰ ꓟ ꓔꓯ ꓘꓳ ꓣꓴ ꓗꓴꓸ ꓠꓹ ꓟ ꓟꓸ ꓖꓶ꓿ (ꓠꓲꓹ ꓟ ꓟꓽ ꓙꓬ꓾ ꓟꓽ ꓠꓲꓹ ꓢꓲꓼ ꓢꓲꓼ ꓢꓷ ꓠꓲꓹ ꓣꓴ ꓐ ꓡ ꓝꓲ)ꓮ ꓗꓪ ꓛꓲ ꓟꓲ ꓟꓬꓱꓽ ꓮ ꓡꓲꓳ ꓫꓵꓽ ꓗꓪ ꓟꓲ ꓢꓯꓼ ꓕꓵꓼ ꓗꓴꓸ ꓠꓹ ꓟ ꓟꓸ ꓖꓶ꓿ (ꓟꓬꓱꓽ ꓟꓽ ꓬꓰ ꓢꓴ ꓔꓯ ꓞꓳ ꓟꓽ ꓠꓵ꓾ ꓠꓲꓽ ꓟꓽ ꓠꓵ)ꓶꓽ ꓤ ꓗꓪ ꓛꓲ ꓓꓵꓽ ꓙ ꓢꓲ ꓟꓬꓱꓽ ꓬꓰ ꓐ ꓡ ꓠꓹ ꓟ ꓟꓸ ꓖꓶ꓿ (ꓕꓲ ꓑꓹ ꓐꓱ ꓶ ꓕꓽ ꓬꓰ꓿ ꓠꓲꓹ ꓟ ꓓꓴꓸ ꓓꓴꓸ ꓬꓰ ꓟꓽ ꓓ)ꓙꓰ ꓙꓰ ꓡꓽ ꓡꓽ ꓓꓵ ꓙ ꓗꓴꓸ ꓠꓹ ꓟ ꓟꓸ ꓖꓶ꓿ (ꓠꓴ ꓓꓵ ꓙ ꓟ ꓐꓰ ꓢꓴ ꓓꓵ ꓙ ꓟ ꓔꓯꓺ ꓠꓬꓲ)ꓢꓴ ꓐꓯ ꓘꓶ ꓔꓯ ꓠ ꓠꓹ ꓟ ꓗꓪ ꓞꓽ ꓠꓹ ꓟ ꓟꓸ ꓖꓶ꓿ (ꓫꓸ ꓕꓱ ꓟꓬꓽ ꓬꓰ ꓝꓴꓲꓸ ꓟꓳ ꓡ)ꓕꓳ ꓶ ꓵꓻ ꓠꓲꓹ ꓫꓵ ꓟ ꓠꓲꓹ ꓟ ꓙꓳ ꓡ ꓠꓹ ꓟ ꓟꓸ ꓖꓶ꓿ ( ꓢꓳ ꓣꓴ ꓓꓴ ꓮ ꓙꓵꓽ ꓢꓳ ꓐ ꓡ ꓟ ꓚꓱꓹ ꓥ ꓡꓳ)ꓛꓳ ꓒꓯꓹ ꓔꓯ ꓔꓱꓹ ꓜꓳ ꓜꓳ ꓪꓽ ꓗꓴꓸ ꓠꓹ ꓟ ꓟꓸ ꓖꓶ꓿ (ꓙꓲ ꓟ ꓛꓳ ꓒꓯꓹ ꓔꓯ ꓮ ꓟˍ ꓟꓲ ꓠꓲꓹ ꓫꓵ ꓡꓳ)ꓟꓽ ꓖꓳꓼ ꓟꓽ ꓒꓯꓸ ꓟꓬꓱꓽ ꓬꓰ ꓗꓴꓸ ꓡ ꓠꓹ ꓟ ꓟꓸ ꓖꓶ꓿ (ꓞꓳ ꓔꓱꓹ ꓠꓬ ꓠꓲꓹ ꓟ ꓢꓲꓽ ꓫꓬ ꓢꓴ ꓥꓳ)ꓕꓲ ꓫꓵ ꓕꓲ ꓪꓳꓼ ꓔꓯ ꓚ ꓗꓴꓸ ꓡ ꓠꓹ ꓟ ꓟꓸ ꓖꓶ꓿ (ꓣꓳ ꓥꓳꓽ꓾ ꓣꓳ ꓡꓲꓽ ꓒꓰꓼ ꓣꓳ ꓫꓵꓽ ꓔꓯ ꓠꓲꓹ ꓠꓵ ꓠ ꓔ ꓡꓳ)ꓮ ꓟ ꓔꓯ ꓟꓲ꓾ ꓮ ꓫꓵꓽ ꓦ ꓡꓱ ꓢꓴ ꓔꓯ ꓟꓲ ꓞꓳ ꓒꓵꓽ ꓗꓴꓸ ꓠꓹ ꓟ ꓟꓸ ꓖꓶ꓿ (ꓣꓳ ꓚꓲ ꓛꓬ ꓐꓱ ꓶ ꓦ ꓡꓱ ꓚꓱꓹ ꓕꓲ ꓟ ꓧꓪ ꓣꓴ ꓔꓸ꓿ ꓖꓳ ꓡꓱ ꓥ ꓟꓲ ꓠꓱꓸ ꓐꓯꓼ ꓢꓴ ꓦ ꓡꓱ ꓚꓱꓹ ꓐꓰ ꓡꓲꓽ ꓒꓰꓼꓐꓔꓯ ꓒꓵꓽ ꓗꓴꓸ ꓠꓯ ꓡꓳ=