ꓪꓴ-ꓢ ꓠꓲꓹ ꓒꓴˍ ꓟ ꓦꓲ ꓘꓴ

Tuesday, May 18, 2021

ꓟꓲ ꓠꓯ ꓕꓯꓽ ꓢꓲ ꓗꓪ ꓔꓬˍ ꓟ ꓕꓲꓽ ꓑ ꓤꓼ ꓗꓪ ꓪꓴ-ꓢ ꓔꓶꓸ ꓙꓱ ꓙꓳˍ ꓡꓳ= ꓠꓬꓲ ꓟ ꓡ ꓞꓳ ꓝꓱꓸꓸ ꓢꓲ ꓟꓲ ꓠꓯ ꓕꓯꓽ ꓢꓲ ꓗꓪ ꓔꓬˍ ꓐꓲ ꓡꓰ ꓝꓲ ꓐꓰ ꓕꓵꓼ ꓪꓽ ꓖꓶꓽ ꓔ ꓡꓳ= ꓤ ꓖꓴ ꓡꓯ ꓤꓸꓹꓳ ꓠꓴ ꓕꓲꓽ ꓣꓳ ꓡꓰ ꓟꓽ ꓥˍꓳ= ꓠꓬꓲ ꓣꓳꓸꓸ ꓕꓲꓽ ꓖꓳ ꓷꓱꓽ ꓦꓲ ꓘꓴ ꓒꓬꓱꓼ ꓡ ꓗꓷꓳ= ꓮ ꓫꓵꓽ ꓬꓰ ꓥˍ ꓟꓲ-ꓸ ꓮ ꓫꓵꓽ ꓓꓵꓽ ꓙ ꓟꓲ-ꓸ ꓕꓲꓽ ꓠꓲꓹ ꓕꓲꓽ ꓪ ꓠꓲꓹ ꓟ ꓣꓱꓽ ꓢꓲ-ꓸ ꓫꓸ ꓓꓴ ꓙꓳˍ ꓥ ꓟꓲ-ꓸ ꓢꓸꓹ ꓓꓴ ꓙꓳˍ ꓥ ꓟꓲ-ꓸ ꓪꓴ-ꓢ ꓔꓯ ꓶꓼ ꓓꓰ ꓡꓯꓼ ꓙꓱ ꓢꓲꓸ ꓡꓳ ꓐꓲꓸꓹ ꓟ ꓠꓵ ꓠꓲꓹ ꓦꓲ ꓘꓴ-ꓸ ꓐꓲ ꓜꓲꓼ ꓟ ꓠꓵ ꓠꓲꓹ ꓦꓲ ꓘꓴ ꓪꓴ-ꓢ ꓗꓪ ꓐꓰ ꓶꓼ ꓤ ꓫꓱꓸ ꓤ ꓟꓶ ꓝꓲ ꓶꓼ ꓙꓳˍ ꓟ ꓠꓵ ꓠꓲꓹ ꓦꓲ ꓘꓴ-ꓸ ꓢꓲ ꓡꓰ ꓟ ꓠꓵ ꓠꓲꓹ ꓦꓲ ꓘꓴ ꓪꓴ-ꓢ ꓠꓲꓹ ꓒꓴˍ ꓟ ꓦꓲ ꓘꓴ ꓒꓬꓱꓼ ꓡ ꓝꓲ=