ꓫꓸ ꓟꓳ ꓮꓽ ꓐ ꓐꓰ ꓮ ꓟ

ꓫꓸ ꓟꓳ ꓮꓽ ꓐ ꓐꓰ ꓮ ꓟ

 ꓞꓲ; ꓣꓳꓺ ꓟ ꓕꓲ ꓙꓵ, ꓗꓪ ꓐꓰ ꓞꓲꓼ ꓪꓴ ꓡ ꓗꓪ ꓛꓲ ꓦꓵ ꓖꓶ ꓬꓰ ꓙ ꓔꓳ, ꓙ ꓡ_ ꓟ ꓮꓽ ꓐ ꓐꓰ ꓮ ꓟ ꓔꓯ ꓮ ꓘꓶꓸ ꓫꓸ ꓟꓳ= ꓮꓽ ꓠꓱ ꓕꓯ ꓞꓳ ꓘꓹ ꓕꓲ ꓘꓹ ꓗꓪ ꓢꓷꓸ ꓠꓲꓹ ꓓ ꓒꓽ ꓕꓲ ꓣꓳ ꓔꓬ ꓡꓳ= ꓬꓲꓸ ꓠꓬ ꓞꓳ ꓘꓹ ꓗꓪ ꓟ ꓤ ꓠꓱ ꓤ ꓐꓴ ꓔꓯ ꓢꓷꓸ ꓠꓲꓹ ꓕꓳꓽ ꓶ ꓟ. ꓖꓶ_ ꓡꓳ= ꓬꓲ ꓠꓬ ꓕꓳ ꓶ ꓥ ꓟꓲ ꓮ ꓘꓶꓸ ꓓ ꓢꓴ ꓕꓲ ꓣꓳ ꓥ ꓡꓳ= ꓖꓳ ꓟ ꓡꓰ ꓐꓰ ꓐ, ꓐ ꓟ, ꓟ ꓐꓯ ꓖꓶ ꓥ ꓟꓲ ꓮ ꓘꓶ. ꓐꓯ ꓓ ꓢꓴ ꓕꓲ ꓣꓳ ꓥˍ ꓡꓳ= ꓞꓳ ꓘꓹ ꓢꓴ ꓐꓴ ꓥ ꓟꓲ ꓬꓲ ꓔꓯ ꓮ ꓘꓶ. ꓠꓲꓹ ꓠꓵ ꓡꓳ= ꓕꓳ ꓶ ꓟ. ꓠꓽ ꓡꓰ_ ꓟ ꓕꓲ ꓙꓵ, ꓗꓪ ꓠꓬ ꓬꓲ ꓐ, ꓐ ꓟ, ꓟ ꓔꓬ ꓗꓪ ꓡ ꓙꓰ_ ꓡꓳ= ꓖꓳ ꓕꓯ ꓬꓲ ꓠꓬ ꓮꓽ ꓐ ꓐꓰ ꓮ ꓟ ꓮ ꓘꓶ. ꓫꓸ ꓟꓳ ꓠꓴ ꓪ ꓡꓰ ꓥꓪ ꓔꓯ ꓢꓷꓸ ꓠꓲꓹ ꓫꓴ. ꓖꓶ ꓡ ꓟ ꓑꓶ ꓓꓴ ꓮ ꓟꓶ ꓥꓪ ꓠꓬ ꓢꓴ ꓟꓲ ꓙꓬ ꓗꓪ ꓟꓬꓱꓺ ꓓꓳꓽ ꓙꓳ ꓢꓴ ꓕꓲ ꓣꓳ ꓒꓬꓱꓼ ꓡ ꓪ= ꓮ ꓡꓰ ꓗꓪ ꓛꓲ ꓬꓰ ꓥ ꓟꓲ ꓢꓴ ꓡꓰ ꓠꓲꓹ ꓠꓵ ꓞꓳ ꓒꓵꓽ ꓟ ꓔꓯ ꓘꓳ, ꓣꓴ ꓟꓶ ꓡꓰ ꓠꓬ ꓮ ꓘꓶꓸ ꓠꓲꓹ ꓘꓪꓽ ꓫꓵ_ ꓡꓳ= ꓮꓽ ꓐ ꓮ ꓟ ꓠꓴ ꓪ ꓠꓵ ꓠꓲꓹ ꓔꓯ ꓥ ꓟꓲ ꓮ ꓘꓶꓸ ꓫꓸ ꓟꓳ ꓡꓳ ꓐꓰ ꓐꓯ ꓡꓳ= ꓖꓳ ꓕꓯ ꓬꓲ ꓐ, ꓐ ꓐꓰ ꓬꓲ ꓟ, ꓟ ꓥ ꓟꓲ ꓮ ꓘꓶꓸ ꓗ, ꓛꓲ ꓡꓰ ꓪ=