ꓮ ꓐ ꓐꓰ ꓠꓲ, ꓙ

ꓮ ꓐ ꓐꓰ ꓠꓲ, ꓙ ꓐꓯ ꓘꓶ ꓔꓯ ꓢꓷ. ꓙ ꓟꓳ ꓙ ꓩꓴ ꓡ ꓥꓳ꓿ ꓮ ꓐ ꓞꓲꓼ ꓟꓳꓽ ꓡꓰ ꓬꓰ ꓪ ꓮ ꓟ ꓡꓰ ꓮ ꓐ ꓡꓯꓼ ꓒꓯ, ꓜꓱꓽ ꓢꓲ ꓖꓳ ꓧꓳꓽ ꓙꓰ ꓠ, ꓟ ꓟ ꓙ ꓟꓶ., ꓠꓲ. ꓙ ꓡꓯꓽ ꓐꓯ ꓜꓱꓽ ꓢꓲ ꓖꓳ ꓧꓳꓽ ꓙꓰ ꓠ ꓟ ꓙ ꓟꓶ ꓟ   ꓣꓳ ꓤ ꓣꓳ ꓠꓱ ꓐꓴ ꓮ ꓟꓬ, ꓠꓬ ꓡꓳ꓿ꓮ ꓐ ꓟꓳꓽ ꓡꓰ ꓬꓳ ꓪ ꓜ ꓠꓲ, ꓫꓵ ꓐꓰ ꓜ ꓟ ꓘꓴ꓾ ꓙꓰ ꓠꓲ, ꓠꓵꓽ ꓐꓰ ꓙꓰ ꓟ ꓘꓴꓽ ꓬꓲ ꓙꓵ, ꓙꓳ ꓕꓯ ꓮ ꓐ ꓐꓰ ꓕꓲꓽ ꓪꓼ ꓜ ꓜ ꓠ ꓟ ꓮ ꓐ ꓐꓰ ꓕꓲꓽ ꓪ ꓙꓰ ꓚꓳ ꓠ, ꓟ ꓣꓳ ꓤ ꓣꓳ ꓠꓱ ꓐꓴ ꓟꓽ ꓙ ꓟꓶ., ꓪ ꓡꓳ꓿ꓠꓲ, ꓙ ꓐꓰ ꓕꓲ ꓪꓼ ꓙꓰ ꓚꓳ ꓠ, ꓟ ꓙ ꓟꓶ ꓔꓬ ꓟ ꓣꓳ ꓤ ꓣꓳ ꓠꓱ ꓮ ꓟꓬ, ꓠꓬ ꓡꓳ꓿ ꓮ ꓐ ꓞꓲꓼ ꓟꓳ ꓡꓰ ꓬꓳ ꓪ ꓮ ꓐ ꓐꓵ ꓞꓲ ꓐꓰ ꓧ ꓬꓰ ˍꓟ ꓔꓯ ꓟꓳ ꓥ ꓟ ꓬꓲ. ꓫꓵꓼ ꓪꓴ ꓠ, ꓟ ꓓꓵꓽ ꓙ ꓟ ꓪ ꓡꓳ꓿ ꓠꓲ, ꓙ ꓔꓯˍ ꓟꓲ ꓐꓵ ꓞꓲ ꓪꓴ ꓔꓬ ꓟ ꓙꓵ ꓗꓪ ꓙꓰ ꓢꓲ ꓠꓲ, ꓙ ꓔꓯ ꓐꓱ ꓶ ꓙ ꓟꓶ ꓔꓬ ꓟ ꓣꓳ ꓤ ꓣꓳ ꓠꓱ ꓐꓴ ꓮ ꓟꓬ, ꓠꓬ ꓡꓳ꓿ ꓮ ꓐ ꓞꓲꓼ ꓟꓳ ꓡꓰ ꓬꓳ ꓪ ꓮ ꓐ ꓖꓳ ꓓꓱ ꓟꓽ ꓢ ꓠꓯ., ꓞꓲꓼ ꓓꓳ ꓓꓴ ꓬꓰ ꓪ ꓐꓰ ꓠ ꓠꓬꓲ ꓔꓬ ꓟ ꓣꓳ ꓤ ꓣꓳ ꓠꓱ ꓟ ꓠꓬ ꓡꓳ꓿ ꓠꓲ, ꓙ ꓔꓯ ꓠꓬ  ꓖꓳ ꓓꓱ ꓟꓽ ꓢ ꓠꓯꓼ ꓞꓲ ꓓꓳ ꓓꓴ ꓬꓰ ꓪ ꓐꓰ ꓠ ꓠꓬꓲ ꓔꓬ ꓟ ꓣꓳ ꓤ ꓣꓳ ꓠꓱ ꓐꓴ ꓮ ꓟꓬ, ꓠꓬ ꓡꓳ꓿ ꓮ ꓐ ꓟꓳꓽ ꓡꓰ ꓬꓳ ꓪ ꓣꓳ ꓮ ꓐ ꓐꓰ ꓢꓯꓼ ꓐꓽ ꓡ ꓢꓲꓽ ꓮ ꓫꓵꓽ ꓟꓬꓱ ꓣꓰ ꓟꓽ ꓘꓴ ꓕꓯ ꓣꓳ ꓮ ꓐ ꓔꓯ ꓣꓱꓽ ꓙ ꓠ, ꓟ ꓣꓳ ꓤ ꓣꓳ ꓠꓱ ꓐꓴ ꓟ ꓙ ꓟꓶ., ꓪ ꓡꓳ꓿ꓠꓲ. ꓙ ꓔꓯ ꓠꓬ ꓢꓯꓼ ꓐ ꓠꓬ ꓥꓰ ꓮ ꓫꓵꓽ ꓬꓰ ꓙ ꓠ ꓔ ꓐꓵ ꓞꓲ ꓞꓲ ꓓꓴ ꓙꓳ ꓡ ꓐꓰ ꓠ ꓠꓬꓲ ꓔꓬ ꓟ ꓣꓳ ꓤ ꓣꓳ ꓠꓱ ꓐꓴ ꓮ ꓠꓬ ꓠꓬ ꓡꓳ꓿ ꓮ ꓐ ꓞꓲꓼ ꓟꓳꓽ ꓡꓰ ꓬꓳ ꓪ ꓣꓳ ꓮ ꓐ ꓫꓵ., ꓡꓰ ꓕꓯ ꓟꓬ ꓐꓰ ꓓꓳ ꓠ, ꓟ  ꓤ ꓣꓳ ꓠꓱ ꓐꓴ ꓟ ꓠꓬ ꓡꓳ꓿ꓖꓳ ꓡꓱ ꓥ ꓟꓲ ꓣꓳ ꓮ ꓐ ꓐꓴ ꓧꓪ ꓦ ꓟ ꓒꓴ ꓗꓴ ꓙꓴ ꓠꓲ, ꓫꓬ ꓟ ꓔꓯ ꓣꓳ ꓠꓲ, ꓙ ꓐꓰ ꓕꓲ ꓪꓼ ꓔꓬ ꓠ, ꓟ ꓓꓵꓽ ꓙ ꓔꓬ ꓟ ꓣꓳ ꓤ ꓣꓳ ꓠꓱ ꓐꓴ ꓮ ꓟꓬ, ꓠꓬ ꓡꓳ꓿ ꓣꓳ ꓞꓲꓼ ꓗꓪ ꓮ ꓐ ꓠꓬ ꓔꓬ ꓕꓯ ꓣꓳ ꓮ ꓐ ꓔꓯ ꓒꓴ ꓗ, ꓬꓰ ꓓꓴ ꓬꓰ ꓡꓯ꓿ ꓣꓳ ꓮ ꓐ ꓔꓯ ꓠꓲ, ꓠꓵ ꓗꓴ. ꓢꓴ ꓣꓳ ꓮ ꓙꓵꓽ ꓬꓰ ꓔꓬ ꓡꓯꓼ ꓮ ꓙꓵ ꓢꓴ ꓔꓯ ꓮ ꓘꓶ. ꓫ ꓟꓳ꓿