ꓔ-ꓟ-ꓣꓲꓗ ꓜꓲ (ꓔꓴꓣꓟꓰꓣꓲꓚ) ꓔꓶꓺ ꓚꓱꓹ

ꓔ-ꓟ-ꓣꓲꓗ(Turmeric) ꓠꓬ ꓮ ꓘꓶꓸ ꓔꓶꓺ ꓢꓹ ꓟ ꓬꓲ ꓜꓲ ꓥ ꓡꓳ= ꓬꓽ-ꓬꓲꓸ-ꓢꓶꓽ꓾ ꓚꓬꓻ ꓡꓰ ꓐꓰ ꓬꓲ ꓛꓵꓺ ꓬꓲ ꓧꓹ ꓔꓯ ꓔꓶꓺ ꓪˍ ꓟ ꓔꓶꓺ ꓙꓰꓽ ꓥ= ꓫ ꓢꓹ ꓟ ꓡꓰꓽ ꓟꓽ ꓞꓲꓺ ꓬꓲ ꓒꓵꓽ ꓮ ꓟꓬꓹ ꓟꓽ ꓖꓴ ꓟ ꓥ ꓡꓳ= ꓔ-ꓟ-ꓣꓲꓗ  ꓠꓬ ꓬꓲ ꓫꓵꓸ ꓗꓪ ꓐꓰ ꓔꓶꓺˍ ꓟ ꓟꓽ ꓥ꓾ ꓬꓲ ꓛꓵꓺ ꓬꓲ ꓧꓹ ꓗꓪ ꓐꓰ ꓔꓶˍ ꓟ ꓥ ꓡꓳ= ꓔꓶˍ ꓟ ꓠꓬ ꓦ ꓐ 6 ꓟ ꓗꓪ ꓐꓰ 8 ꓟ ꓗꓪ ꓛꓲꓺ ꓥ ꓢꓲ꓾ ꓬꓲ ꓜꓲ ꓠꓬ 3' ꓐꓰ 3' ꓟꓽ ꓞꓲꓺ ꓟꓴˍ ꓡꓳ= ꓔꓶ ꓔ ꓟ ꓦ ꓐ 8 ꓟ ꓙꓳ ꓡˍ ꓕꓯ ꓬꓲ ꓛꓵꓺ ꓮ ꓟꓬꓹ ꓓꓲ ꓡˍ ꓡꓳ= ꓟꓵꓽ ꓘꓳꓼ ꓡꓱˍ ꓟ ꓔꓯ ꓟꓬꓽ ꓠꓬꓲ ꓠꓵˍ ꓡꓳ=

ꓟꓶ ꓛ ꓢꓯꓼ ꓠꓵˍ ꓥ ꓟꓲ ꓶꓻ ꓥꓳꓽ (ꓛ ꓗꓴꓸ) ꓙꓳˍ ꓠꓬ ꓪ ꓜꓲ ꓙꓲˍ ꓡꓳ= ꓟꓲ ꓛꓬ ꓟꓽ ꓘꓳꓹ (ꓬꓲ ꓟꓲ ꓟꓽ ꓗꓳꓹ ) ꓟ ꓗꓪ ꓟꓬꓽ ꓠꓬꓲ ꓔꓶꓺ ꓒꓬꓱꓼ ꓡ ꓢˍ ꓟ ꓥ ꓢꓲ꓾ ꓔꓶꓺ ꓖꓴ ꓬꓲ ꓟꓲ ꓟꓽ ꓙꓳ ꓠꓬ ꓑꓳꓽ꓾ ꓬꓽ ꓟꓳ ꓠꓳ ꓗꓪ ꓧꓳꓽ ꓗꓷ ꓢꓲˍ ꓟꓲ ꓔꓶꓺ ꓐ ꓡˍ ꓟ ꓥ ꓡꓳ=

ꓙꓬꓻ ꓟꓵꓽ ꓗꓪ ꓔꓶˍ ꓠꓬ ꓬꓲ ꓟꓲ ꓫꓬꓹ ꓖꓶˍ ꓟ ꓐꓰ ꓩꓲꓸ ꓛꓲꓻ ꓧꓳꓽˍ ꓟ ꓟꓽ ꓠꓽ ꓠꓽ ꓬꓰ ꓖꓶ ꓠ ꓔ ꓥ= ꓬꓲ ꓫꓵꓸ ꓐꓱ ꓶ ꓬꓲ ꓠꓻ ꓓꓴ ꓟꓽ ꓙꓳ ꓟ ꓬꓲ ꓛꓵꓺ ꓗꓪ ꓐꓰ ꓬꓲ ꓧꓹ ꓔꓯ ꓡꓰꓽ ꓣꓴ ꓢꓲ ꓔꓶꓺ ꓠꓯꓹ ꓟ ꓥ ꓡꓳ=

ꓔ-ꓟ-ꓣꓲꓗ ꓬꓲ ꓧꓹ ꓗꓪ ꓬꓲ ꓟꓬ ꓢꓶꓽ ꓮ ꓟꓬꓹ ꓙꓳ ꓢꓲ ꓬꓲ ꓧꓹ ꓔꓰꓹ (ꓗꓳꓹ) ꓟ ꓔꓯ ꓣꓴ ꓗꓷ= ꓔꓶꓺ ꓠꓯꓹ ꓟ ꓬꓲ ꓟꓲꓺ ꓗꓪ ꓬꓲ ꓟꓬ ꓢꓶꓽ ꓔꓯ ꓕꓯꓽ ꓢꓲ ꓗꓪ ꓟꓳꓸ ꓔ ꓢꓲ ꓔꓶꓺ ꓗꓷ= ꓟꓶꓽ ꓛ ꓮ ꓘꓶꓸ ꓛ ꓬꓯꓼˍ ꓟ ꓗꓪ ꓠꓬ ꓔꓶꓺ ꓟꓽ ꓓ= 4 ꓠꓽ (ꓦ ꓐ ꓕꓲꓽ ꓟ) ꓙꓳ ꓡˍ ꓕꓯ ꓬꓲ ꓜꓲ ꓤꓽ (ꓬꓲ ꓡꓯꓼ ꓐꓵꓼ) ꓓꓳ ꓡꓺꓳ=

ꓔ-ꓟ-ꓣꓲꓗ ꓬꓲ ꓜꓲ ꓗꓪ ꓐꓶꓽ ꓓꓲꓻ (ꓬꓲ ꓜꓲ ꓠꓻ) ꓒꓬꓱꓼ ꓡˍ ꓟ ꓟꓽ ꓙꓳ ꓟ ꓪꓴꓸ ꓠꓬꓲ ꓬꓲ ꓒꓵꓽ ꓮ ꓟꓬꓹ ꓟꓽ ꓖꓴ ꓟ ꓬꓲ ꓜꓲ ꓥ ꓡꓳ= ꓬꓲ ꓜꓲ ꓤ ꓣꓱꓻ ꓓꓳ ꓡ ꓗ ꓠꓯꓸ ꓦ ꓐ ꓡꓲꓺ ꓟ ꓙꓳ ꓡˍ ꓕꓯ ꓬꓲ ꓛꓵꓺ ꓓꓲ ꓡ ꓢꓲ꓾ ꓬꓲ ꓒꓬꓽ ꓠꓬ ꓧꓪꓼ ꓡꓰ ꓢꓲ ꓙꓴꓺ ꓡˍ ꓕꓯ ꓠꓬ ꓬꓲ ꓛꓵꓺ ꓔꓯ ꓫ ꓓ ꓡˍ ꓟ ꓥ ꓡꓳ= ꓕꓲ ꓜꓲ ꓡꓱꓸꓼ ꓔꓯ ꓚꓵꓹ ꓫ ꓟꓽ ꓛꓵ= ꓬꓲ ꓧꓹ ꓤ ꓔꓯ ꓡꓰ ꓧꓼ ꓣꓴ ꓗꓷ ꓢꓲ ꓬꓲ ꓟ ꓜꓲ ꓔꓯ ꓠꓬ ꓝꓮꓲ ꓕꓲ ꓘꓳꓼ ꓐꓱ ꓶ ꓝꓰꓺ ꓔ ꓓꓹ ꓡꓳ=

ꓔ-ꓟ-ꓣꓲꓗ ꓬꓲ ꓧꓹ ꓠꓬ ꓦ ꓐ 6 ꓟ ꓗꓪ ꓐꓰ ꓕꓲ ꓘꓳꓼ ꓗꓪ ꓛꓲ ꓟꓲꓽ ꓦꓲ ꓟꓽ ꓓꓵꓽ ꓟ ꓗꓪ ꓫ ꓔ ꓐ ꓡˍ ꓡꓳ=

Add new comment

7 + 4 =