ꓗꓽ-ꓔꓲ ꓪꓳꓸ ꓠꓳ (ꓟꓸ-ꓒ-ꓮ-ꓒꓵꓽ ꓪꓳꓸ ꓠꓳ) ꓔꓶ ꓚꓱꓹ

ꓗꓽ-ꓔꓲ ꓪꓳꓸ ꓠꓳ (ꓳꓣ) ꓬꓽ-ꓢꓲꓹ-ꓗꓪ ꓪꓳꓸ ꓠꓳ (ꓳꓣ) ꓟꓸ-ꓒ-ꓮ-ꓒꓵꓽ

ꓗꓽ-ꓔꓲ ꓜꓲ ꓔꓯ ꓪꓳ ꓠꓳ ꓜꓽ ꓓꓴ ꓔꓶˍ ꓠꓬ 9 ꓦ 10 ꓕꓯ ꓡꓰ ꓪꓴꓸ ꓔꓴ ꓢꓲ 12 ꓦ ꓗꓪ ꓛꓲꓺ ꓔꓶ ꓐ ꓡꓹ ꓡꓳ= ꓔꓶ ꓓꓴ ꓐꓱ ꓶ ꓬꓲ ꓢꓶꓽ ꓟꓳꓽˍ ꓟ ꓔꓯ ꓔꓶ ꓠ ꓗꓹ ꓡꓳ= ꓬꓲ ꓢꓶꓽ ꓗꓪ ꓬꓲ ꓠꓲꓹ ꓟ ꓙꓳˍ ꓥ ꓟꓲ ꓠꓱ ꓐꓯ ꓬꓲ ꓜꓲ ꓡꓰ ꓬꓲ ꓠꓲꓹ ꓟ ꓗꓳꓸ ꓢꓲ ꓔꓶ ꓟꓽ ꓓ= ꓬꓲ ꓠꓲꓹ ꓟ ꓟꓽ ꓘꓶꓽ ꓘꓶꓽ ꓬꓲ ꓢꓶꓽ ꓔꓯ ꓔꓶ ꓠ ꓔ ꓟ ꓥꓳ=

ꓔꓶ ꓓꓴ ꓐꓱ ꓶ ꓙ ꓖꓶˍ ꓟ ꓗꓪ ꓠꓱꓸ ꓐꓯ ꓪꓳ ꓜꓲ ꓔꓶˍ ꓟ ꓡꓰ ꓬꓲ ꓟꓲꓺ ꓔꓯ ꓘꓪꓺ ꓢꓲ ꓬꓲ ꓫꓵꓸ ꓢꓶꓽ ꓔꓶ ꓓꓴ ꓐꓱ ꓶ 1’ ꓠꓯꓸ ꓟ ꓬꓲ ꓘꓴꓺ ꓘꓪ ꓢꓲ ꓠꓬꓲ ꓩꓲꓸ ꓛꓲ ꓟꓵꓽ ꓛꓵꓽ ꓧꓳꓽ꓾ ꓮ ꓠꓬꓲꓽ ꓛꓲꓽ ꓧꓳꓽ ꓗꓷ ꓢꓲ ꓙ ꓖꓶ ꓔ ꓠ ꓗꓹ ꓡꓳ= ꓙ ꓖꓶ ꓓꓳ ꓡꓰ ꓠꓬ ꓬꓲ ꓢꓶꓽ ꓔꓯ ꓐꓶꓽ ꓓꓹ ꓟ ꓬꓲ ꓠꓲꓹ ꓟ ꓓꓹ ꓟ ꓕꓲ ꓛꓱꓽ ꓔꓯ ꓕꓯ ꓢꓲ ꓗꓪ ꓗꓶ ꓢꓲ ꓡ ꓑꓸ ꓛꓲꓽ ꓐꓰ ꓑꓲꓸ ꓖꓶ ꓠ ꓗꓹ ꓥ= ꓬꓲ ꓫꓵꓸ ꓢꓶꓽ ꓔꓶˍ ꓕꓯ ꓮ ꓔꓲꓸ ꓐꓱꓽ ꓢꓲ ꓔꓶ ꓠ ꓔ ꓡꓳ= ꓔꓶ ꓓꓳ ꓡꓰ ꓠꓬ ꓬꓲꓻ ꓙꓬ ꓧꓳꓽ ꓗꓷ=

ꓔꓶ ꓗꓷ ꓗ ꓠꓯꓸ ꓛꓵꓽ ꓡꓰˍ ꓟ ꓬꓲ ꓫꓵꓸ ꓢꓶꓽ ꓙꓳˍ ꓠꓬ ꓣꓴ ꓦ ꓗꓷ ꓢꓲ ꓬꓲ ꓫꓵꓼ ꓔꓶ ꓗꓷ= ꓕꓲ ꓠꓬꓲ ꓕꓲ ꓧꓪꓹ ꓬꓲꓻ ꓙꓬ ꓧꓳꓽ ꓖꓶ ꓠ ꓗꓹ ꓡꓳ= ꓖꓳ ꓡꓱ ꓥˍ ꓟꓲ ꓬꓲꓻ ꓙꓬ ꓮ ꓟꓬꓹ ꓟꓬꓽ ꓡꓰ ꓝꓲ ꓟꓽ ꓓ=

ꓔꓶ ꓔ ꓟ 2 ꓠꓽ 3 ꓠꓽ ꓛꓲꓺ ꓙꓳ ꓡꓹ ꓕꓯ ꓬꓲ ꓪꓳꓸ ꓠꓳ ꓠꓱꓽ ꓡꓺꓳ= ꓠꓱꓽ ꓡꓹ ꓟ ꓬꓲ ꓪꓳꓸ ꓠꓳ ꓐꓴ 5” ꓙꓳ ꓡꓹ ꓕꓯ ꓕꓯꓽ ꓢꓲ ꓗꓪ ꓐꓰ 2” ꓗꓪ ꓛꓲ ꓞꓲꓼ ꓦ ꓖꓶ ꓠꓯꓹ ꓡꓳ= ꓝꓮꓲ ꓪꓳꓸ ꓠꓳ ꓫꓵ ꓡꓹ ꓕꓯ ꓝ ꓢꓲ ꓞꓲꓼ ꓖꓶꓽ= ꓕꓱ ꓟ ꓠꓬ ꓮ ꓘꓶꓸ ꓞꓲꓼ ꓖꓶꓽ ꓮ ꓘꓶꓸ ꓠꓱꓽˍ ꓟ ꓥ ꓡꓳ= ꓬꓲ ꓪꓳꓸ ꓠꓳ ꓞꓲꓼˍ ꓟ ꓠꓬ ꓕꓲ ꓠꓽ ꓠꓬꓲꓽ ꓧꓪꓹ ꓬꓰ ꓖꓶ ꓠ ꓔ ꓟ ꓥꓳ= ꓖꓳ ꓡꓱ ꓟꓽ ꓞꓲꓼ ꓖꓶ ꓠꓬ ꓬꓲ ꓪꓳꓸ ꓠꓳ ꓐꓴ ꓟꓳꓽ ꓡꓰ ꓢꓲ ꓬꓲ ꓓꓻˍ ꓟꓲ ꓣꓳ ꓡꓰˍ ꓡꓳ=

ꓬꓲ ꓟꓲꓺ ꓗꓪ ꓟꓳꓼ ꓣꓱꓻ ꓡꓹ ꓟ ꓫꓬꓹ ꓡꓲꓸ ꓖꓶ ꓢꓲ ꓕꓲ ꓠꓬꓲ ꓕꓲ ꓧꓪꓹ ꓬꓲꓻ ꓙꓬ ꓧꓳꓽ ꓖꓶˍ ꓟ ꓡꓰꓽ ꓟꓽ ꓞꓲꓺ ꓦ ꓐ ꓠꓬꓲꓽ ꓟ ꓕꓲ ꓧꓪꓹ ꓩꓲꓸ-ꓛꓲꓻ ꓧꓳꓽ ꓖꓶ ꓠ ꓔ ꓡꓳ=

ꓮ ꓟꓬꓹ ꓔꓶ ꓔ ꓠꓬ ꓔꓶ ꓗꓷ ꓗ ꓠꓯꓸ ꓦ ꓐ ꓠꓬꓲꓽ ꓟ ꓢꓺ ꓟ ꓛꓲ ꓕꓯ ꓬꓲ ꓪꓳꓸ ꓠꓳ ꓧꓼ ꓪꓴꓽ ꓓ ꓡꓺꓳ=

Add new comment

3 + 0 =