ꓚꓬꓼ-ꓳꓹ-ꓢꓶꓽ (ꓳꓣ) ꓔꓼ-ꓡꓼ-ꓛꓱꓼ-ꓢꓶꓽ ꓔꓶ ꓚꓱꓹ

(ꓚꓬꓼ-ꓳꓹ ꓢꓶꓽ) (ꓔꓼ-ꓡꓼꓛꓱꓼ ꓢꓶꓽ) ꓔꓯ ꓬꓲꓸ ꓪꓴꓸ ꓔꓶ ꓖꓴ ꓠꓬ Brazil ꓗꓴꓷꓼ ꓗꓪ ꓥ ꓡꓳ= ꓬꓲ ꓢꓶꓽ ꓔꓯ ꓡꓳꓸ ꓢꓲ ꓬꓲꓸ ꓤ ꓤ ꓝꓳꓽ꓾ ꓬꓲꓸ ꓓꓽ ꓟ ꓝꓳꓽ ꓐꓰ ꓮ ꓘꓶꓸ ꓟꓽ ꓪꓴꓽ ꓟꓽ ꓣꓳ ꓟ ꓝꓳꓽ ꓐꓯ ꓢꓲ ꓢ ꓙꓰꓽ ꓙꓳˍ ꓡꓳ= (ꓚꓬꓼ-ꓳꓹ ꓢꓶꓽ) (ꓔꓼ-ꓡꓼꓛꓱꓼ ꓢꓶꓽ) ꓜꓲ ꓠꓬ ꓟꓵꓽ ꓡꓱꓻ ꓢꓲ ꓟꓵꓽ ꓟꓽ ꓙꓴꓺ ꓟ ꓗꓪ ꓔꓶ ꓐ ꓡˍ ꓡꓳ= ꓬꓲ ꓜꓲ ꓔꓶˍ ꓕꓯ ꓬꓲꓸ ꓢꓶꓽ ꓕꓯ ꓢꓲꓺ ꓗꓪ ꓟ ꓬꓲꓸ ꓜꓲ꓾ꓬꓲꓸ ꓢꓶꓽ ꓗꓪ ꓐꓰ ꓓꓳ ꓡˍ ꓟ ꓬꓲꓸ ꓧꓹ ꓐꓰ꓾ ꓬꓲꓸ ꓜꓲ ꓗꓪ ꓟ ꓬꓲꓸ ꓧꓹ꓾ ꓬꓲꓸ ꓚꓰ ꓗꓪ ꓟ ꓬꓲꓸ ꓧꓹ ꓐꓴ ꓔꓯ ꓔꓶ ꓐ ꓡˍ ꓡꓳ=

ꓬꓲꓸ ꓢꓶꓽ ꓕꓯꓽ ꓢꓲ ꓗꓪ ꓟ ꓬꓲ ꓜꓲ ꓔꓯ ꓔꓶˍ ꓠꓬ ꓔꓶ ꓗꓷ ꓗꓸ ꓠꓯꓸ ꓠꓬꓲꓽ ꓘꓳꓼ ꓕꓯ ꓢꓲꓸ ꓬꓲꓸ ꓢꓶꓽ ꓓꓱꓼ ꓡˍ ꓥꓳ= ꓬꓲꓸ ꓜꓲ ꓗꓪ ꓟ ꓬꓲꓸ ꓧꓹ ꓐꓰ ꓬꓲꓸ ꓚꓰꓺ ꓗꓪ ꓐꓰ ꓓꓳˍ ꓟ ꓬꓲꓸ ꓧꓹ ꓔꓯ ꓔꓶˍ ꓠꓬ ꓕꓲ ꓘꓳꓼ ꓔꓶ ꓗꓷ ꓕꓯ ꓬꓲꓸ ꓢꓶꓽ ꓓꓱꓼ ꓡˍ ꓡꓳ= ꓬꓲ ꓜꓲ ꓔꓯ ꓬꓲꓸ ꓟꓲꓺ ꓫꓬꓹ ꓢꓲ ꓬꓲꓸ ꓚꓬꓸ ꓚꓬꓸ ꓔꓶ ꓐ ꓡˍ ꓡꓳ=

ꓕꓲ ꓜꓲ ꓐꓰ ꓕꓲ ꓜꓲ ꓠꓬꓲꓽ ꓗꓴꓸ ꓚꓸꓼ ꓗꓪ 2’ ꓗꓶꓹ ꓶꓽ ꓗꓷ ꓢꓲ꓾ ꓕꓲꓸ ꓚꓬꓸ ꓐꓰ ꓕꓲ ꓚꓬꓸ ꓠꓬꓲꓽ ꓗꓴꓸ ꓚꓸꓼ ꓗꓪ 4’ ꓛꓲꓺ ꓗꓶꓹ ꓶꓽ ꓢꓲ ꓔꓶ ꓠꓯꓹ ꓡꓳ= ꓔꓶ ꓢꓲ ꓶꓻ ꓡꓯꓼ ꓬꓰ ꓓꓴ ꓐꓱ ꓶ ꓙꓽ ꓖꓶꓼˍ ꓠꓬ ꓕꓲꓽ ꓰ-ꓗꓸ  ꓗꓪ ꓮꓸ ꓠꓬꓲꓽ ꓛꓲꓽ 10 ꓡꓳꓼ ꓧꓳꓽ ꓗꓷ ꓢꓲ꓾ ꓬꓲꓸ ꓜꓲ 4’ ꓛꓲꓺ ꓟꓴ ꓡˍ ꓕꓯ꓾ ꓕꓲꓽ ꓰ-ꓗꓸ ꓗꓪ urea ꓩꓲꓸ-ꓛꓲꓺ  (7) ꓕꓱꓻ꓾  t-super  ꓩꓲꓸ-ꓛꓲꓻ (30) ꓕꓱꓻ꓾ potash ꓩꓲꓸ-ꓛꓲꓻ (15) ꓕꓱꓻ ꓐꓴ ꓔꓯ (2) ꓧꓪꓹ ꓧꓳꓽ ꓖꓶ ꓠꓯꓹ ꓥ= ꓔꓶ ꓗꓷ ꓗꓸ ꓠꓯꓸ ꓦ ꓐ (6) ꓟ ꓐꓰ (8) ꓟ ꓗꓪ ꓬꓲꓸ ꓪꓰ ꓪꓰ ꓡ ꓢꓲ ꓠꓬꓲꓽ ꓘꓳꓼ ꓛꓲꓺ ꓙꓳ ꓡˍ ꓕꓯ ꓬꓲ ꓢꓶꓽ ꓓꓱꓼ ꓡˍ ꓟ ꓥꓳ=