ꓟꓲ ꓠꓯ ꓞꓻ ꓡ ꓟ ꓚꓱ, (Environment program)

Tuesday, March 21, 2023

ꓟꓲ ꓠꓯ ꓞꓻ ꓡ ꓟ ꓗꓪ ꓐꓰ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓞꓻ ꓡ ꓟ ꓚꓱ, ꓔꓯ ꓟ. ꓖꓶ ꓓꓴ ꓥꓳ꓿

ꓟꓲ ꓠꓯ ꓗꓪ ꓢꓯ. ꓔꓬ ꓟ ꓙꓱꓽ ꓤꓽ ꓟꓽ ꓞꓲ ꓐꓴ ꓐꓰ ꓧꓪꓽ ꓫꓵꓽ ꓧꓪꓽ ꓙꓵꓽ ꓐꓴ ꓮ ꓙꓵꓽ ꓐꓱ ꓶ ꓟꓲꓽ ꓟꓲꓻ ꓡꓰ ꓖꓶ ꓡ ꓟ ꓞꓻ ꓡ ꓟ ꓠꓬ ꓣ. ꓛꓲꓻ ꓟ ꓕꓲ ꓫꓵꓽ ꓥ ꓡꓳ꓿ ꓟꓲ ꓠꓯ ꓗꓪ ꓟꓽ ꓦꓲꓻ ꓟꓽ ꓙꓳˍ ꓡꓰ ꓕꓯ ꓠꓬ ꓡ ꓞꓳ ꓐꓰ ꓙꓱꓽ ꓤꓽ ꓠꓬ ꓢꓯ. ꓔꓬ ꓟꓽ ꓐꓽ ꓡ꓿

ꓟꓲ ꓠꓯ ꓗꓪ ꓦ‐ꓐ ꓟꓵꓽ ꓡꓰ ꓐꓰ ꓟꓲ ꓦꓲꓻ ꓟꓽ ꓙꓳˍ ꓠꓬ ꓢꓯ. ꓔꓬ ꓠ, ꓟ ꓫ. ꓡꓰ ꓓꓴ ꓥ ꓡꓳ꓿ ꓟꓲ ꓠꓯ ꓞꓻ ꓢꓯꓼ ꓠꓬ 18ʼꓚ ꓙꓳ ꓡꓳ꓿ ꓟꓲ ꓠꓯ ꓕꓱ ꓟ ꓞꓻ ꓟ ꓔꓯ ꓗꓽ ꓕꓽ ꓖꓶ ꓠ, ꓟ ꓟꓲ ꓦꓲꓻ ꓙꓳ ꓟ ꓪꓴ. ꓠꓬꓲ ꓡ ꓞꓳ ꓐꓱ ꓶ ꓞꓻ ꓟ ꓠꓬ 18ʼꓚ ꓟꓽ ꓙꓳ ꓙꓳ 15ʼꓚ ꓧꓶꓻ ꓢꓲ ꓙꓳ ꓡ ꓟ ꓥ ꓡꓳ꓿

ꓕꓱ ꓟ ꓠꓬ ꓟꓶꓽ ꓦꓲꓻ ꓑꓶ. ꓓꓴ ꓠꓲ ꓥ ꓡꓳ꓿

ꓝꓮꓲ ꓟꓲ ꓠꓯ ꓞꓻ ꓡ ꓟ ꓚꓱ, ꓔꓯ ꓐꓯ ꓟ. ꓖꓶ ꓥꓳ ꓐꓯ ꓠꓬ Green house ꓔꓯ ꓐꓯ ꓟ. ꓖꓶ ꓓꓴ ꓥ ꓡꓳ꓿ Green house ꓦꓲꓻ ꓠꓬ ꓟꓬ ꓐ ꓡꓰ ꓫꓬ, ꓔ ꓟ ꓦꓲꓻ ꓥ ꓢꓲ ꓠꓬꓲ ꓬꓲ. ꓐ ꓗꓪ ꓐꓰ ꓟꓶ ꓦꓲꓻ ꓟꓽ ꓓꓵꓽ ꓟ ꓦꓲꓻ ꓥ ꓡꓳ꓿ ꓟꓲꓽ ꓟꓲꓻ ꓞꓻ ꓟ ꓠꓬ ꓟꓬ ꓐ ꓔꓯ ꓙ ꓡ ꓢꓲ ꓠꓬꓲ ꓞꓻ ꓢꓯꓼ ꓓꓵꓽ ꓡ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓟꓬ ꓐ ꓘꓴꓽ ꓗꓪ ꓟꓶ ꓦꓲꓻ ꓟꓽ ꓙꓳ ꓟ ꓪꓴ. ꓠꓬꓲ ꓞꓻ ꓢꓯꓼ ꓔꓯ ꓣꓴ ꓠ, ꓟ ꓢꓯꓼ ꓟꓽ ꓙꓳ꓿

ꓟꓳ ꓓꓳ ꓔꓯ ꓘꓴꓽ ꓗꓪ ꓞꓻ ꓟ ꓠ, ꓬꓲ. ꓐ ꓞꓻ ꓟ ꓕꓯ ꓢꓲ ꓞꓻ ꓟ ꓥ ꓡꓳ꓿ ꓟꓳ ꓓꓳ ꓘꓴꓽ ꓗꓪ ꓟꓶ ꓦꓲꓻ ꓟꓽ ꓓꓵꓽ ꓡ ꓟ ꓪꓴ. ꓠꓬꓲ ꓮ ꓘꓶ. ꓞꓻ ꓡ ꓟ ꓥ ꓡꓳ꓿ ꓟꓲ ꓠꓯ ꓗꓪ ꓠꓬ ꓕꓱ ꓡꓰ ꓟꓽ ꓥ꓿ ꓟꓶ ꓦꓲꓻ ꓡꓰ ꓞꓻ ꓮ ꓟꓬ, ꓚꓵ, ꓔꓯ ꓡꓰ ꓟ ꓪꓴ. ꓠꓬꓲ ꓮ ꓟꓬ, ꓟꓽ ꓞꓻ ꓗꓷ ꓡꓰ ꓟ ꓥ ꓡ

ꓟꓲ ꓠꓯ ꓗꓪ ꓟꓶ ꓦꓲꓻ ꓡꓰ ꓞꓻ ꓟ ꓛꓬꓼ ꓟ ꓒꓬꓱꓼ ꓡ ꓟ ꓪꓴ. ꓠꓬꓲ ꓡ ꓞꓳ ꓢꓯꓼ ꓔꓬ ꓠ, ꓟ ꓙꓵꓽ ꓖꓴ ꓙꓳ ꓟ ꓥ ꓡꓳ꓿ ꓕꓱ ꓡꓱ ꓒꓬꓱꓼ ꓔꓬ ꓟ ꓠꓬ ꓟꓲ ꓠꓯ ꓗꓪ ꓒꓬꓱꓼ ꓔꓬ ꓟ ꓥ ꓡꓳ꓿