ꓟꓲ ꓠꓯ ꓞꓻ ꓡ ꓟ (Environment program)

 ꓟꓲ ꓠꓯ ꓞꓻ ꓡ ꓟ

ꓟꓶꓽ ꓘꓳꓼ  ꓒꓳ, ꓡ ꓟ ꓚꓱ, ꓗꓪ ꓐꓰ ꓟꓲ ꓠꓯ ꓞꓻ ꓡ ꓟ ꓐꓰ ꓐꓬ ꓡꓰ ꓡ ꓟ ꓚꓱ, ꓟ. ꓟꓲꓽ ꓥ ꓡꓳ꓿

ꓟꓲ ꓠꓯ ꓗꓪ ꓫꓵꓽ ꓪꓴꓽ ꓓꓽ ꓟ ꓓꓳꓻ ꓡ ꓢꓲ ꓠꓬꓲ ꓟꓲ ꓠꓯ ꓗꓪ ꓮ ꓕꓯ ꓟꓲ ꓙꓳ ꓟ ꓪꓽ ꓐꓴ ꓥ ꓟꓲ ꓙꓲꓻ ꓡꓰ ꓟ ꓔꓯ ꓔꓳ, ꓜꓳꓽ ꓔꓬ ꓡꓳ꓿ ꓝꓮꓲ ꓬꓲꓻ ꓡꓳ ꓐꓱ ꓗꓪ ꓬꓲꓻ ꓙꓬ ꓟꓬꓽ ꓡ ꓙꓵꓽ ꓡ ꓢꓲ ꓠꓬꓲ ꓬꓲꓻ ꓡꓳ ꓐꓱ ꓘꓶꓽ ꓗꓪ ꓔꓬ ꓢꓴ ꓐꓴ ꓥ ꓟꓲ ꓠꓱ. ꓐꓯꓼ ꓟꓵꓽ ꓗꓪ ꓚꓵ. ꓡꓰ ꓠ, ꓟ ꓚꓱ, ꓔꓯ ꓗꓳ. ꓗꓷ ꓕꓲꓽ ꓫꓵꓽ ꓠ, ꓕꓯ ꓐꓯ ꓟ. ꓖꓶˍ ꓗꓷꓳ꓿

ꓠꓬꓲ. ꓠꓬꓲ ꓟꓲ ꓠꓯ ꓞꓻ ꓡ ꓟ ꓪꓴ. ꓠꓬꓲ ꓬꓲꓻ ꓡꓳ ꓐꓱ ꓗꓪ ꓟ ꓬꓲꓻ ꓙꓬ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓬꓽ ꓡ ꓟ ꓥ ꓡꓳ꓿ ꓕꓱ ꓬꓲꓻ ꓙꓬ ꓟꓬꓽ ꓡ ꓟ ꓠꓬ ꓕꓲ ꓞꓲꓼ ꓟꓽ ꓙꓲꓻ ꓙꓳ ꓟ ꓪꓽ ꓠꓬ ꓙꓲꓻ ꓡꓰ ꓟ ꓑꓶ. ꓓꓴ ꓥ ꓡꓳ꓿ ꓕꓱ ꓬꓲꓻ ꓙꓬ ꓟꓬꓽ ꓡ ꓟ ꓠꓬ ꓬꓲꓻ ꓡꓱ ꓐꓱ ꓘꓶꓽ ꓗꓪ ꓙꓳ ꓟ ꓭ. ꓒ ꓐꓴ ꓔꓯ ꓓꓶꓽ ꓡꓰ ꓟ ꓪꓴ. ꓠꓬꓲ ꓭ. ꓑ ꓕꓲ ꓟ ꓡꓱ ꓔꓯ ꓓꓵ ꓡꓰ ꓐ ꓡ ꓟ ꓥ ꓡꓳ꓿

(St. Patrick) ꓢꓳꓻ ꓦꓲꓻ ꓗꓪ ꓐꓰ ꓐꓯ ꓔ ꓟ ꓠꓬ ꓟꓲ ꓠꓯ ꓞꓻ ꓡꓰ ꓓꓵ ꓡ ꓟ ꓪꓴ. ꓠꓬꓲ ꓬꓲꓻ ꓡꓳ ꓐꓱ ꓗꓪ ꓬꓲꓻ ꓙꓬ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓬꓽ ꓡ ꓟ ꓥ ꓡꓳ꓿ ꓟꓲ ꓠꓯ ꓞꓻ ꓡ ꓟ ꓠꓬ ꓟꓵꓽ ꓘꓳꓼ ꓔꓯ ꓥ ꓟꓲ ꓕꓲ ꓫꓵꓽ ꓡꓰ ꓕꓲ ꓫꓵꓽ ꓒꓳ, ꓙꓰ ꓝꓲ ꓟ ꓒꓬꓱꓼ ꓡ ꓟ ꓥ ꓡꓳ꓿

ꓝꓮꓲ ꓟꓵꓽ ꓘꓳꓼ ꓒꓳ, ꓡ ꓟ ꓪꓴ. ꓠꓬꓲ ꓬꓲ. ꓙꓵ, ꓒꓳ, ꓡ ꓟ ꓥ ꓟꓲ ꓙꓳ ꓟ ꓥ ꓡꓳ꓿ 1990 ꓘꓳꓼ ꓗꓪ ꓪꓴꓽ ꓡꓳ. ꓬꓰ ꓟ ꓢꓯꓼ ꓟꓬ, ꓐꓱ ꓶ ꓒꓴ ꓛ ꓢꓲ ꓠꓬꓲ ꓟꓬꓱꓽ  ꓬꓰ ꓔꓬ ꓟ ꓟꓬꓱꓽ ꓬꓰ ꓜꓴꓻ ꓡꓰ ꓐꓯ ꓔ ꓟ ꓠꓬ ꓟꓬꓱꓽ ꓬꓰ ꓔꓬ ꓟ ꓔꓯ ꓥ ꓟꓲ ꓒꓳ, ꓡ ꓗꓴ. ꓡ ꓡꓳ ꓐꓰ ꓐꓯ ꓔ ꓡꓳ꓿

ꓢꓯꓼ ꓟꓬ, ꓐꓱ ꓶ ꓟꓬꓱꓽ ꓬꓰ ꓖꓶ ꓐꓯ ꓟ ꓠꓬ ꓠꓻ ꓓꓴ ꓔꓳ, ꓜꓳꓽ ꓟ ꓙꓵ, ꓕꓯ ꓠꓯꓻ ꓞꓲꓼ ꓫꓬ, ꓖꓶ ꓟ ꓐꓰ ꓫꓵꓻ ꓡ ꓟ ꓙꓵ, ꓕꓯ ꓥ ꓟꓲ ꓬꓲ. ꓪ ꓕꓲ ꓦꓲꓻ ꓔꓯ ꓒꓴ ꓡꓲ. ꓖꓶ ꓟ ꓟꓬꓱꓽ ꓬꓰ ꓟ ꓚꓱ, ꓥ ꓡꓳ꓿

ꓬꓲꓻ ꓙꓬ ꓠꓬ ꓡ ꓠ, ꓟ (50) ꓘꓳꓼ ꓕꓯ ꓮ ꓟꓬ, ꓟꓴꓻ ꓡ ꓠ, ꓟ ꓙꓳ ꓢꓲ ꓠꓬꓲ ꓟꓲ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓥꓳꓽ ꓐꓰ ꓐꓯ ꓔ ꓡꓳ꓿ ꓟꓲ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓪꓴ. ꓠꓬꓲ ꓬꓲꓻ ꓙꓬ ꓙꓵꓽ ꓡ ꓟ  ꓐꓰ ꓟꓲ ꓠꓯ ꓓꓵ ꓡ ꓟ ꓙꓳ ꓡ ꓓꓴ ꓥꓳ ꓐꓰ ꓐꓯ ꓔ ꓡꓳ꓿ ꓕꓱ ꓟꓲ ꓦꓲꓻ ꓕꓳꓽ ꓙꓱꓼ ꓡ ꓟ ꓠꓬ ꓟꓲ ꓠꓯ ꓗꓪ ꓢꓯꓼ ꓟꓬ, ꓔꓯ ꓬꓰ ꓙ ꓔ ꓙ ꓟꓬꓱꓽ ꓬꓰ ꓟ ꓜꓴꓻ ꓐꓱ ꓶ ꓙꓽ ꓫ. ꓓꓴ ꓒꓬꓱꓼ ꓡ ꓡꓳ꓿

ꓕꓳꓽ ꓥꓳꓽ ꓙꓱꓼ ꓡ ꓪꓴ. ꓠꓬꓲ ꓡ ꓞꓳ ꓮ ꓟꓬ, ꓫꓵꓻ ꓡ ꓓꓴ ꓥꓳ ꓝꓮꓲ ꓬꓲ. ꓪ ꓟꓬꓱꓽ ꓬꓰ ꓔꓬ ꓥ ꓟꓲ  ꓞꓳ. ꓡꓰ ꓐꓬ ꓡꓰ ꓡ ꓓꓴ ꓥ ꓡꓳ ꓐꓰ ꓓꓴ ꓙ ꓡꓳ꓿

ꓗꓳ. ꓗꓷ ꓟ (200) ꓘꓳꓼ ꓕꓯ ꓴꓢꓮ ꓗꓴꓷꓼ ꓗꓪ ꓒꓬꓱꓼ ꓗꓷ ꓟꓲ ꓦꓲꓻ ꓕꓳꓽ ꓥꓳꓽ ꓠꓬ ꓟꓲ ꓠꓯ ꓗꓪ ꓮ ꓟꓬ, ꓪꓴꓽ ꓡꓳ ꓬꓰ ꓟ ꓡꓽ ꓞꓳ ꓮ ꓟꓬ, ꓫꓵꓻ ꓡꓰ ꓟ ꓐꓰ ꓐꓬ ꓡꓰ ꓮ ꓟꓬ, ꓙꓳ ꓟ ꓥ ꓡꓳ꓿ ꓟꓲ ꓠꓯ ꓞꓻ ꓡ ꓟ ꓪꓴ. ꓠꓬꓲ ꓟꓶꓽ ꓦ ꓦ ꓟ ꓥ ꓟꓲ ꓟꓽ ꓫꓱ ꓡꓯ, ꓘꓳ, ꓟ ꓙꓳ ꓡ ꓓꓴ ꓥꓳ ꓐꓰ ꓢꓷ. ꓠꓲ, ꓙꓳ ꓒꓽ ꓐꓴ ꓡꓰ ꓐꓯ ꓔ ꓡꓳ꓿

ꓕꓱ ꓟꓵꓽ ꓘꓳ, ꓒꓳ, ꓡ ꓕꓯ ꓠꓬ ꓜꓻ ꓪꓳ ꓡꓳ. ꓪꓳ ꓐꓱ ꓶ ꓦ ꓟꓲ ꓙꓼ ꓫ. ꓓꓴ ꓔꓳ, ꓜꓳꓽ ꓡ ꓓꓴ ꓥꓳꓽ ꓐꓰ ꓐꓯ ꓔ ꓡꓳ꓿ ꓟꓲ ꓠꓯ ꓗꓪ ꓜꓻ ꓫꓵꓽ ꓜꓻ ꓙꓵꓽ ꓮ ꓟꓬ, ꓙꓳ ꓟ ꓟꓵꓽ ꓥ ꓟ (ꓴꓢꓮ) ꓗꓴꓷꓼ ꓗꓪ ꓢꓲ, ꓜꓲ ꓡꓳ ꓜꓲꓻ ꓥ ꓟꓲ ꓐꓬ ꓡꓰ ꓢꓲ ꓠꓬꓲ ꓜꓻ ꓫꓵꓽ ꓔꓶ ꓠ, ꓟ ꓫ. ꓡ ꓓꓴ ꓥꓳꓽ ꓐꓰ ꓢꓷ. ꓠꓲ, ꓙꓳ ꓒꓽ ꓐꓴ ꓡꓰ ꓐꓯ ꓔ ꓡꓳ꓿