ꓟꓲ-ꓠꓯ ꓧꓪ: ꓖꓳ ꓓꓱ ꓞ ꓢꓯꓼ ꓟꓬ: ꓡꓹˍꓟ ꓔꓯ ꓫꓬ ꓑꓱ ꓓꓴ ꓚꓱꓼ (10) ꓫꓵ:꓾

ꓟꓲ-ꓠꓯ ꓧꓪ: ꓖꓳ ꓓꓱ ꓞ ꓢꓯꓼ ꓟꓬ: ꓡꓹˍꓟ ꓔꓯ ꓫꓬ ꓑꓱ ꓓꓴ ꓚꓱꓼ (10) ꓫꓵ:꓾

1. ꓗꓪ ꓠꓬ ꓟꓲ-ꓠꓯ ꓞꓺ ꓢꓯꓼ ꓟꓬ ꓡꓹˍꓟ ꓚꓱꓼ ꓔꓯ. ꓠꓴ ꓠꓯꓼˍ ꓗꓪ ꓓꓵ: ꓙ ꓢꓲ ꓠꓴ ꓬꓰ ꓐ ꓡꓹ ꓟ ꓚꓱꓼ ꓗꓪ ꓐꓰ ꓤ ꓟꓴ=

2. ꓞꓺꓢꓯꓼ ꓮ ꓘꓶ. ꓟꓬ:ˍꓟ ꓮ. ꓔꓳ. ꓟꓬ ꓢꓷ: (Compact Fluorescent Lightbulb- CFL)ꓔꓯ. ꓕ: ꓣꓱ: ꓬꓲ. ꓢꓯꓼ ꓙꓯ:ˍꓟ ꓔꓯ. ꓑ ꓗꓷꓺ ꓢꓲ ꓞꓺ ꓢꓯꓼ ꓔꓯ. ꓙꓯ: ꓡꓰ ꓝꓲ꓾

3. ꓙꓼ ꓮ. ꓔꓳ. ꓢꓯꓼ ꓣꓱ:ˍꓟ ꓖꓴ ꓙꓴ: ꓔꓯ. ꓟ: ꓣꓱ: ꓬꓯꓼˍ ꓔꓯ: ꓢꓰꓼ ꓨ꓾

4. ꓑꓡꓮꓢꓔꓲꓚ ꓬꓲ. ꓗꓷ ꓕꓴ: ꓔꓯ: ꓟ ꓣꓱ: ꓐ ꓡ ꓠ ꓤ ꓟꓳ꓾ ꓖꓳ ꓟ ꓠꓬ ꓟꓲ-ꓠꓯ ꓧꓪ: ꓖꓳ ꓓꓱ: ꓔꓯ. ꓘꓶ: ꓡꓶ: ꓝꓲˍ ꓟ ꓖꓴ ꓙꓴ ꓥ ꓡꓳ= ꓖꓳ ꓟ ꓔꓯ. ꓫꓯ ꓓꓳ ꓔꓬ ꓟ ꓗꓪ ꓥꓼˍꓟꓲ ꓟꓶ: ꓘꓴ: ꓢꓯꓼ ꓮ ꓟꓬ. ꓓꓳˍꓟ ꓖꓴ ꓙꓴ ꓣꓱ ꓫꓵ: ꓥꓹ ꓠꓬꓲ ꓤ ꓟꓴ ꓓꓴ ꓬꓰ=

5. ꓚꓵ. ꓛꓬ: ꓟꓵ: ꓗꓪ ꓙꓳˍ ꓟ ꓜ: ꓪꓳ ꓡꓳ. ꓪꓳ ꓐꓰ ꓣꓱ: ꓫꓵ: ꓔꓯ. ꓣꓱ ꓢꓲ ꓠꓱ. ꓐꓯꓼ ꓟꓵ: ꓗꓴꓷꓼ ꓗꓪ ꓐꓰ ꓡꓹˍ ꓟ ꓜ: ꓫꓵ: ꓐꓰ ꓣꓱ: ꓫꓵ: ꓔꓯ ꓞꓲ: ꓓꓴ ꓬꓰ꓾ꓠꓱ. ꓐꓯꓼ ꓟꓵ: ꓗꓴꓷꓼ ꓗꓪ ꓐꓰ ꓡꓹˍ ꓟ ꓖꓴ ꓙꓴ ꓠꓬ ꓣꓳ: ꓔꓬ ꓟꓵ: ꓗꓪ ꓛꓲ ꓡ ꓠꓹˍ ꓟ ꓙꓼ ꓢꓯꓼ ꓮ ꓟꓬ. ꓣꓱ: ꓔ. ꓟ ꓪꓴ. ꓠꓬꓲ ꓟꓲ-ꓠꓯ ꓞꓺ ꓢꓯꓼ ꓟꓬ ꓡ ꓔꓬ ꓡꓳ=

6.ꓕꓲ: ꓧꓪꓼ ꓣꓱ:ˍꓟ ꓣꓱ: ꓫꓵ: ꓔꓯ. ꓕ: ꓣꓱ:꓾ ꓚꓵ. ꓛꓬ: ꓐꓱ ꓶ ꓣꓱ: ꓓꓴ ꓚꓵ. ꓛꓬ ꓔꓯ. ꓢꓲꓹ ꓣꓱ ꓓꓴ ꓬꓰ=

7. ꓟꓳ-ꓓꓳ ꓙꓼ ꓟꓶ: ꓘꓴ: ꓢꓯꓼ ꓙꓯ: ꓡꓰ ꓠꓹˍ ꓟ ꓚꓵ. ꓛꓬ: ꓟꓳ-ꓓꓳ ꓔꓯ. ꓠ: ꓔ. ꓢꓲ. ꓡ: ꓞꓳ ꓮ ꓟꓬ. ꓜꓶ:ˍ ꓟ ꓟꓳ-ꓓꓳ꓾ ꓧꓳ-ꓛꓱ ꓗꓪ ꓐꓰ ꓙ ꓫꓱ: ꓓꓴ ꓬꓰ=

8. ꓟꓳ-ꓓꓳ꓾ ꓚꓬꓚꓡꓰ ꓣꓱ:ˍ ꓟ ꓔꓯ. ꓞꓲ: ꓓꓴ ꓬꓰ ꓢꓲ. ꓒꓺ ꓕꓲ ꓒꓺ ꓠꓶ: ꓗꓪ ꓠꓬ ꓚ ꓚꓱ. ꓫꓱ: ꓓꓴ ꓬꓰ= ꓕꓱ ꓟ ꓠꓬ ꓠꓴ ꓟꓲ ꓠꓯ ꓕꓱ ꓟ ꓔꓯ. ꓚꓬꓴ ꓙ ꓢꓴ ꓥ ꓡꓳ=

9. ꓙꓵ: ꓖꓴ ꓟ ꓙꓳˍꓟ ꓗꓪ ꓬꓵ-ꓙꓯ ꓣꓱ ꓚꓱ. ꓔꓯ. ꓤ ꓟꓳ ꓡꓯ꓾

10. ꓢꓲꓼ ꓜꓲ ꓔꓶ ꓓꓴ ꓬꓰ꓾ ꓢꓲꓼ ꓜꓲ ꓠꓬ ꓟ: ꓙꓵˍ ꓟ ꓟꓲ ꓦꓲ ꓢꓯꓼ ꓔꓯ. ꓝꓮꓲ ꓙꓵˍꓟ ꓟꓲ ꓦꓲ ꓢꓯꓼ ꓔꓯꓺ ꓝꓮꓲ ꓒꓳ. ꓖꓶ: ꓔꓬ ꓡꓳ=

ꓖꓳ ꓟ ꓪꓴ. ꓠꓬꓲ ꓣꓳ: ꓐꓴ ꓠꓬ ꓣꓳ: ꓞꓳ ꓙꓳ ꓚꓱꓼ ꓘꓴ: ꓗꓪ ꓬꓰ ꓤꓼ ꓔꓬ ꓟ ꓡꓰ: ꓐꓰ ꓟꓲ-ꓠꓯ ꓧꓪ: ꓕꓱ ꓟ ꓞꓺ ꓢꓯꓼ ꓟꓬ: ꓔꓬ ꓟ ꓔꓯ. ꓥꓼˍ ꓟꓲ ꓚꓵ. ꓔ. ꓢꓲ. ꓐ ꓡꓹˍꓟ ꓚꓱꓼ ꓗꓪ ꓐꓰ ꓬꓰ ꓙ ꓔꓳꓹ ꓙ ꓡꓯ ꓐꓰ ꓘꓴ ꓪꓴ. ꓩꓴ ꓡ ꓥꓳ=

Ref: Global Warming Survival Handbook by David De Rothschild