ꓟꓶꓽ ꓛꓲ ꓔꓶꓸ ꓛꓵ ꓙꓲꓻ ꓖꓴ ꓙꓳˍ ꓟ ꓚꓱꓹ

ꓠꓬꓲꓸ ꓠꓬꓲ ꓗꓪ ꓐꓯ ꓟꓳꓸ ꓖꓶ ꓠꓹ ꓟ ꓠꓬ ꓟꓶꓽ ꓛꓲ ꓔꓶꓸ ꓜꓽˍ ꓟ ꓗꓪ ꓐꓰ ꓟꓶˍ ꓟ ꓙꓲꓻ ꓖꓴ ꓐꓴ ꓔꓯ ꓐꓯ ꓖꓶ ꓩꓴ ꓡˍ ꓥꓳ=

1. ꓟꓶꓽ ꓛꓲ ꓔꓶꓸ ꓜꓽˍ ꓟ ꓗꓪ ꓐꓰ ꓧꓪꓽ ꓖꓳ ꓓꓱꓽ ꓢꓯꓼ ꓒ ꓐꓲ ꓟꓶ ꓡꓰ ꓝꓲˍ ꓡꓳ=

ꓟꓶꓽ ꓛꓲ ꓔꓶꓸ ꓠꓬ ꓦꓲꓔꓮꓟꓲꓠ ꓢꓯꓼ꓾ ꓝꓲꓐꓰꓣ ꓢꓯꓼ꓾ ꓟꓲꓠꓰꓣꓮꓡ ꓢꓯꓼ ꓐꓴ ꓮ ꓟꓬꓹ ꓙꓳˍ ꓟ ꓥ ꓡꓳ= ꓟꓶꓽ ꓛꓲ ꓔꓶꓸ ꓗꓪ Calories꓾ Carbohydrates꓾ Protein꓾ꓬꓲ ꓞꓶꓻ ꓢꓯꓼ꓾ Fiber꓾ Vitamin A/D꓾ Magnesium꓾ Vitamin B6꓾ Potassium꓾ ꓢꓯꓼ ꓕꓱ ꓟꓬ ꓙꓰꓽ ꓙꓳˍ ꓟ ꓥ ꓡꓳ=

1. ꓬꓲ ꓪꓴꓻ ꓚꓱꓹ ꓔꓯ ꓔꓬ ꓢꓻ ꓡꓰ ꓝꓲˍ ꓡꓳ=

ꓟꓶꓽ ꓛꓲ ꓔꓶꓸ ꓗꓪ ꓦꓰꓼ ꓟ ꓐꓰ ꓬꓲ ꓪꓴꓻ ꓔꓯ ꓔꓬ ꓢꓻ ꓝꓲˍ ꓟ ꓝꓲꓐꓰꓣ ꓢꓯꓼ ꓐꓰ ꓮꓠꓔꓲꓳꓫꓲꓓꓮꓠꓔꓢ ꓢꓯꓼ ꓮ ꓟꓬꓹ ꓙꓳˍ ꓟ ꓥ ꓡꓳ= ꓟꓶꓽ ꓛꓲ ꓔꓶꓸ ꓗꓪ ꓙꓳˍ ꓟ ꓝꓲꓐꓰꓣ ꓢꓯꓼ ꓠꓬ ꓦꓰꓼ ꓟ ꓙꓲꓺˍ ꓟ ꓗꓪ ꓬꓰ ꓙ ꓖꓶˍ ꓠꓬꓲ ꓬꓲ ꓪꓴꓻ ꓔꓯ ꓔꓬ ꓢꓻ ꓝꓲˍ ꓟ ꓥ ꓡꓳ= ꓟꓶꓽ ꓛꓲ ꓔꓶꓸ ꓔꓯ ꓮ ꓕꓯ ꓟꓲ ꓜꓽ ꓖꓶˍ ꓕꓯ ꓬꓲ ꓪꓴꓻ ꓓꓽ ꓟ ꓔꓯ ꓔꓬ ꓢꓻ ꓝꓲˍ ꓟ ꓝꓮꓔꓔꓬ ꓮꓚꓲꓓ ꓟꓬꓽ ꓡ ꓝꓲˍ ꓟˍ ꓡꓰ ꓐꓰ ꓬꓲ ꓪꓴꓻ ꓓꓽ ꓟ ꓚꓮꓠꓚꓰꓣ ꓟꓽ ꓒꓬꓱꓼ ꓡ ꓠꓹ ꓟˍ ꓟꓲ ꓗꓽ ꓕꓸ ꓙ ꓖꓶˍ ꓡꓳ=

1. ꓚꓮꓠꓚꓰꓣ ꓬꓲ ꓫꓵꓽ ꓬꓲ ꓙꓰꓽ ꓔꓯ ꓥ ꓟꓲ ꓗꓽ ꓕꓸ ꓙ ꓖꓶˍ ꓡꓳ=

ꓟꓶꓽ ꓛꓲ ꓔꓶꓸ ꓗꓪ ꓚꓮꓠꓚꓰꓣ ꓠꓻ ꓫꓵꓽ ꓐꓴ ꓔꓯ ꓗꓽ ꓕꓸ ꓙ ꓖꓶˍ ꓟ ꓮꓠꓔꓲꓳꓫꓲꓓꓮꓠꓔꓢ ꓢꓯꓼ ꓮ ꓟꓬꓹ ꓙꓰꓽ ꓓꓵˍ ꓟ ꓥ ꓡꓳ= ꓟꓶꓽ ꓛꓲ ꓔꓶꓸ ꓬꓲ ꓫꓵꓽ ꓫꓵꓽ ꓗꓪ ꓙꓳˍ ꓟ ꓮꓠꓔꓲꓳꓫꓲꓓꓮꓠꓔꓢ ꓢꓯꓼ ꓐꓴ ꓠꓬ ꓤꓲꓽ ꓒꓴꓽ꓾ ꓬꓲ ꓪꓴꓻ ꓓꓽ ꓟ꓾ ꓦꓰꓼ ꓟ ꓐꓰ ꓮ ꓚꓵꓹ ꓚꓮꓠꓚꓰꓣ ꓐꓴ ꓟꓽ ꓒꓬꓱꓼ ꓡ ꓠ ꓗꓽ ꓕꓸ ꓙ ꓖꓶ ꓢꓲ ꓚꓮꓠꓚꓰꓣ ꓚꓰꓡꓡ ꓟꓬꓽ ꓡ ꓖꓪ ꓡˍ ꓟ ꓔꓯ ꓠꓲꓸ ꓡꓰ ꓠˍ ꓟꓲ ꓬꓰ ꓙ ꓖꓶ ꓐ ꓡˍ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓝꓮꓲ ꓕꓲ ꓙꓰꓽ ꓠꓬ ꓟꓬꓽ ꓢꓶꓽ ꓢꓯꓼ ꓡꓴꓽ ꓖꓶˍ ꓡꓳ=

ꓟꓶꓽ ꓛꓲ ꓔꓶꓸ ꓬꓲ ꓧꓪꓼ ꓧꓪꓼ ꓗꓪ ꓙꓳˍ ꓟ ꓮꓠꓔꓲꓳꓫꓲꓓꓮꓠꓔꓢ ꓢꓯꓼ ꓐꓴ ꓠꓬ ꓧꓪꓽ ꓖꓳ ꓓꓱꓽ ꓗꓪ ꓓꓵꓽ ꓡˍ ꓕꓯ ꓦꓲꓔꓮꓟꓲꓠ ꓮ ꓢꓯꓼ ꓔꓯ ꓟꓳꓸ ꓒꓳꓹ ꓙꓰˍ ꓡꓳ= ꓦꓲꓔꓮꓟꓲꓠ ꓮ ꓠꓬ ꓟꓬꓽ ꓢꓶꓽ ꓢꓯꓼ ꓔꓯ ꓪꓽ ꓠꓬꓲ ꓡꓰ ꓝꓲ ꓢꓲ ꓟꓬꓽ ꓢꓶꓽ ꓶˍ ꓟ꓾ ꓟꓬꓽ ꓢꓶꓽ ꓢꓯꓼ ꓟꓽ ꓙꓳ ꓟ ꓗꓪˍ ꓟ ꓗꓽ ꓕꓸ ꓙ ꓖꓶˍ ꓡꓳ=

ꓝꓮꓲ ꓕꓲ ꓙꓰꓽ ꓠꓬ ꓪꓴꓸ ꓠꓶꓸ ꓟꓬꓱꓽ ꓬꓰˍ ꓟ ꓔꓯ ꓢꓯꓼ ꓖꓶꓽ ꓐ ꓡˍ ꓡꓳ=

ꓟꓶꓽ ꓛꓲ ꓔꓶꓸ ꓫꓵꓽ ꓫꓵꓽ ꓗꓪ ꓓꓵˍ ꓟ ꓮꓠꓔꓲꓳꓫꓲꓓꓮꓠꓔꓢ ꓢꓯꓼ ꓐꓴ ꓠꓬ ꓪꓴꓸ ꓠꓶꓸ ꓐꓰ ꓪꓴꓸ ꓠꓶꓸ ꓟꓬꓱꓽ ꓬꓰˍ ꓟ ꓔꓯ ꓮ ꓟꓬꓹ ꓢꓯꓼ ꓖꓶ ꓐ ꓡˍ ꓡꓳ=

ꓝꓮꓲ ꓕꓲ ꓙꓰꓽ ꓠꓬ ꓖꓳ ꓓꓱꓽ ꓒꓸ ꓟ (ꓘꓪꓽˍ ꓟ) ꓗꓪ ꓐꓰ ꓚꓱ ꓡꓰ ꓠ ꓬꓰ ꓙ ꓖꓶˍ ꓡꓳ=

ꓟꓶꓽ ꓛꓲ ꓔꓶꓸ ꓗꓪ ꓬꓲ ꓢꓯꓼ ꓮ ꓟꓬꓹ ꓓꓹˍ ꓟ ꓡꓰꓽ ꓟꓽ ꓞꓲ ꓝꓲꓐꓰꓣ ꓢꓯꓼ ꓥˍ ꓟꓲ ꓮ ꓟꓬꓹ ꓓꓵˍ ꓟ ꓟꓶꓽ ꓛꓲ ꓔꓶꓸ ꓠꓬ ꓖꓳ ꓓꓱꓽ ꓒꓸ ꓟ (ꓘꓪꓽˍ ꓟ) ꓗꓪ ꓐꓰ ꓚꓱ ꓡꓰ ꓠ ꓬꓰ ꓙ ꓖꓶ ꓐ ꓡˍ ꓡꓳ= ꓟꓶꓽ ꓛꓲ ꓔꓶꓸ ꓜꓽˍ ꓟ ꓗꓪ ꓐꓰ ꓕꓲ ꓑꓹ ꓕꓲ ꓑꓹ ꓦꓰꓼ ꓟꓷꓼ ꓡˍ ꓟ꓾ ꓟꓽ ꓠꓽ ꓠꓽ ꓜꓽ ꓠꓲꓹ ꓫꓵˍ ꓟ ꓒꓬꓱꓼ ꓡˍ ꓟ ꓔꓯ ꓠꓲꓸ ꓡꓰ ꓝꓲˍ ꓟ ꓑꓶꓸ ꓓꓴ ꓚꓱ ꓠꓲꓹ ꓫꓵ ꓢꓴ ꓐꓴ ꓐꓱ ꓶ ꓙꓲˍ ꓟ ꓜꓽ ꓓꓴ ꓕꓲ ꓫꓵꓽ ꓥ ꓡꓳ=

ꓕꓱ ꓟ ꓠꓬ ꓟꓶꓽ ꓛꓲ ꓔꓶꓸ ꓙꓲꓻ ꓖꓴ ꓙꓳˍ ꓟ ꓚꓱꓹ ꓐꓴ ꓔꓯ ꓐꓯ ꓖꓶ ꓩꓴ ꓡˍ ꓟ ꓥ ꓡꓳ= ꓬꓲ ꓙꓵꓹ ꓖꓶ ꓢꓲ ꓢꓯꓼ ꓖꓶ ꓠ ꓠꓹ ꓢꓴ ꓮ ꓙꓵꓽ ꓔꓯ ꓮ ꓘꓶꓸ ꓫꓸ ꓟꓳ ꓪ=