ꓠꓳꓲꓢꓰ ꓑꓳꓡꓡꓴꓔꓲꓳꓠ ꓐꓯˍ ꓟ ꓮ ꓫꓵ ꓥ ꓡ꓾

ꓠꓳꓲꓢꓰ ꓑꓳꓡꓡꓴꓔꓲꓳꓠ ꓐꓯˍ ꓟ ꓮ ꓫꓵ ꓥ ꓡ꓾
ꓣꓳ ꓣꓱꓽ ꓔꓬ ꓟ ꓬꓲꓻ ꓙꓬ ꓠꓬ ꓠꓶꓻ ꓡꓰ ꓗꓴꓸ ꓟ ꓡꓰ ꓐꓰ ꓣꓳ ꓣꓱꓽ ꓔꓬ ꓟ ꓣꓳ ꓢꓯꓼ ꓦ ꓔꓬ ꓟ ꓟꓲꓽ ꓦꓲ ꓥ ꓟꓲ ꓠꓶꓻ ꓡꓰ ꓗꓴꓸ_ ꓟ ꓡꓰ ꓐꓰ ꓣꓳ ꓬꓰ_ ꓟ ꓗꓪ ꓐꓰ ꓓꓳꓺ ꓡ ꓟ ꓢꓯꓼ ꓥ ꓟꓲ ꓮ ꓙꓵ ꓔꓯ ꓠꓶꓻ ꓡꓰ ꓝꓲ ꓗꓴꓸ ꓡꓳ꓾ ꓠꓳꓲꓢꓰ ꓑꓳꓡꓡꓴꓔꓲꓳꓠ ꓐꓰ ꓐꓯ_ ꓟ꓾ ꓢꓯꓼ ꓠꓶꓻ ꓡꓰ_ ꓐꓰ ꓐꓯ_ ꓟ꓾ ꓠꓬ ꓮ ꓫꓵ ꓥ ꓡ꓾
ꓣꓳ ꓟꓬꓱꓽ ꓬꓰ_ ꓟ ꓗꓪ ꓐꓰ ꓥ ꓟꓲ ꓟꓴ ꓖꓪ ꓒꓴ_ ꓟ ꓗꓪ ꓐꓰ ꓥ ꓟꓲ ꓝꓮꓲ ꓕꓲ ꓫꓵ ꓫꓵ ꓬꓲ ꓢꓯꓼ ꓟꓶꓻ ꓡ ꓕꓯ ꓬꓲ ꓢꓯꓼ ꓓꓳꓺ ꓢꓲ ꓟꓬꓱꓽ ꓬꓰ ꓕꓯ ꓬꓲ ꓢꓯꓼ ꓓꓽ ꓟ ꓖꓳ ꓟ ꓠꓬ꓾ ꓞꓳ ꓤ ꓔꓯ ꓡꓰ ꓟꓽ ꓞꓲ ꓙꓱ ꓤ ꓙꓱ ꓟꓲ ꓝꓮꓲ ꓟꓵ ꓪꓴ ꓮ ꓙꓵ ꓔꓯ ꓞꓰ ꓡꓰ ꓝꓲ_ ꓡꓳ꓾ ꓐꓯ_ ꓟ ꓔꓯ ꓣꓳ ꓡꓳꓸ ꓟꓳ_ ꓡꓳ꓾ ꓙꓼ ꓕꓲ ꓟ ꓗꓪ ꓐꓰ ꓟꓬꓱꓽ ꓬꓰ_ ꓟ ꓗꓪ ꓐꓰ ꓓꓳꓺ ꓡ ꓟ ꓢꓯꓼ ꓓ: ꓟ ꓐꓰ ꓮ ꓡꓰ ꓫꓵ ꓙꓪ ꓐꓰ ꓓꓳꓺ ꓡ ꓟ ꓠ. ꓟꓲ. ꓟ ꓢꓯꓼ ꓪ: ꓘꓴ ꓕꓯ ꓬꓲ. ꓢꓯꓼ ꓓ: ꓟ ꓒꓴˍ ꓟ ꓥ ꓟꓲ ꓮ ꓙꓵ ꓠꓬ ꓠꓳꓲꓢꓰ ꓑꓳꓡꓡꓴꓔꓲꓳꓠ ꓐꓯ ꓟ ꓢꓯꓼ ꓔꓯ ꓠꓶꓺ ꓡꓰ ꓝꓲˍ ꓟ ꓡꓳ. ꓟꓳ ꓡꓳ=
ꓬꓲ ꓢꓯꓼ ꓓ: ꓕꓱ ꓡꓱ ꓐꓰ ꓟꓶ ꓡ ꓕꓯ ꓕꓲ: ꓠꓬ꓾ ꓣꓳ ꓧꓪ ꓖꓳ ꓓꓱ ꓗꓪ ꓙꓱ ꓬꓲꓼ ꓡ ꓡꓳ ꓐꓯ ꓟ ꓡꓳ. ꓟꓳ ꓡꓳ꓾ ꓮ ꓘꓶ. ꓠ. ꓟꓲ. ꓟ ꓢꓯꓼ ꓑ ꓙ ꓕꓯ ꓠꓻ ꓤ ꓒꓬ ꓤ ꓙꓳ ꓢꓴ ꓠꓬ ꓪ ꓙꓲ ꓠꓻ ꓡ ꓡꓳ= ꓢꓲ ꓓꓯ ꓢꓴ ꓥ ꓟꓲ ꓪ ꓙꓲ ꓢꓲ ꓓꓯ ꓡ ꓥꓳ= ꓮ ꓫꓵ ꓑꓶ ꓓꓴ ꓐꓯ ꓠꓬ ꓣꓳ ꓧꓪ ꓖꓳ ꓓꓱ ꓠꓬ ꓢꓲ ꓡꓲꓹ ꓡꓲꓹ ꓐꓰ ꓔꓬ ꓠꓹ ꓟ ꓐꓱ ꓶ ꓪꓴ-ꓢ ꓚꓰꓼ ꓔ ꓡꓳ= ꓖꓳ ꓡꓱ ꓐꓯ ꓥ ꓟꓲ ꓞꓳ ꓤ ꓡꓰ ꓕꓱ ꓡꓱ ꓬꓲ ꓢꓯꓼ ꓓ: ꓟ ꓩꓴ ꓗꓷ ꓡ ꓕꓯ ꓣꓳ ꓧꓪ ꓖꓳ ꓓꓱ ꓠꓯꓼ ꓗꓪ ꓙꓲˍ ꓟ ꓟꓬꓱ: ꓬꓰ ꓓꓴ ꓕꓲ ꓐꓱ ꓟ ꓠꓬ ꓫꓵꓻ ꓙꓰˍ ꓡꓳ=
ꓖꓳ ꓟ ꓡꓰ ꓐꓰ ꓞꓳ ꓤ ꓔꓯ ꓡꓰ ꓟ: ꓞꓲ ꓙꓱ ꓤ ꓙꓱ ꓟꓲ ꓔꓯ ꓥ ꓟꓲ ꓙꓱ ꓤ ꓙꓱ ꓟꓲ ꓔꓯ ꓬꓯꓼ ꓡꓰˍ ꓡꓳ= ꓙꓱ ꓤ ꓙꓱ ꓟꓲ ꓠꓬ ꓞꓳ ꓤ ꓔꓬ ꓗꓪ ꓟ: ꓔꓬ ꓘꓰꓹ ꓙꓰˍ ꓡꓳ꓾ ꓖꓳ ꓟ ꓡꓰ ꓟ: ꓞꓲ ꓬꓲꓻ ꓙꓬ ꓘꓴ: ꓠꓮꓼ ꓗꓪ ꓔꓬ ꓟ ꓥꓪ. ꓫꓵ ꓥꓪ. ꓙꓰ ꓥ ꓟꓲ ꓬꓯꓼ ꓡꓰ ꓡꓳ꓾ ꓣꓳ ꓥꓪ. ꓐꓳ: ꓐꓶ ꓕꓯ ꓐꓳ: ꓗꓪ ꓐꓰ ꓫꓵꓻ ꓫꓵ ꓟ: ꓥ꓾ ꓬꓲ ꓢꓯꓼ ꓗꓪ ꓐꓰ ꓫꓵꓻ ꓡꓳ꓾ ꓖꓳ ꓡꓱ ꓠꓬꓲ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓟꓵ: ꓘꓳꓼ ꓔꓯ ꓣꓳ ꓒꓵ ꓗꓹ ꓬꓰ ꓕꓯ ꓠꓲꓹ ꓠꓵꓻ ꓕꓯ ꓠꓬ ꓣꓱ: ꓟ: ꓞ ꓞ ꓬꓲ ꓢꓯꓼ ꓓ: ꓟ ꓒꓵˍ ꓟ ꓕ: ꓬꓰ꓾ꓣꓳ ꓚꓲ ꓛꓬ ꓥ ꓟꓲ  ꓢꓲ ꓡꓲꓹ ꓟ ꓠꓲꓹ ꓠꓵ ꓠꓹ ꓟ꓾ ꓢꓯꓼ ꓕꓵꓼ ꓙꓰ ꓡꓯ= 

Add new comment

16 + 3 =