ꓡꓮꓲ-ꓛꓲ ꓢꓶꓽ ꓙꓲꓻ ꓖꓴ ꓙꓳˍ ꓟ ꓚꓱꓹ

ꓕꓱ ꓕꓲ ꓠꓽ ꓧꓪꓽ ꓖꓳ ꓓꓱꓽ ꓐꓱ ꓶ ꓙꓲꓻ ꓖꓴ ꓙꓳˍ ꓟ ꓜꓽ ꓫꓵꓽ ꓜꓽ ꓙꓰꓽ ꓚꓱꓹ ꓔꓯ ꓐꓯ ꓟꓳꓸ ꓖꓶˍ ꓟ ꓙꓵꓹ ꓗꓪ ꓡꓮꓲ-ꓛꓲ ꓢꓶꓽ ꓙꓲꓻ ꓖꓴ ꓙꓳˍ ꓟ ꓚꓱꓹ꓾ ꓧꓶꓽ ꓒ ꓢꓲꓹ ꓢꓶꓽ ꓙꓲꓻ ꓖꓴ ꓙꓳˍ ꓟ ꓚꓱꓹ ꓔꓯ ꓐꓯ ꓟꓳꓸ ꓖꓶ ꓩꓴ ꓡˍ ꓥꓳ=

ꓕꓱ ꓢꓲꓹ ꓢꓶꓽ ꓠꓬ ꓞ ꓝꓲꓸ ꓕꓯ ꓓꓳˍ ꓟ ꓢꓲꓹ ꓢꓶꓽ ꓕꓲ ꓫꓵꓽ ꓥ ꓡꓳ= ꓢꓲꓹ ꓢꓶꓽ ꓕꓱ ꓟ ꓗꓪ ꓙꓲꓻ ꓖꓴ ꓙꓳˍ ꓟ ꓢꓯꓼ ꓮ ꓟꓬꓹ ꓐꓹ ꓟ ꓥ ꓡꓳ= ꓧꓶꓽ ꓟꓵꓽ ꓗꓪ ꓠꓬ ꓬꓲ ꓞꓲꓼ ꓐꓱ ꓶ ꓣꓱꓽˍ ꓟ ꓥ ꓡꓳ= ꓧꓪꓽ ꓖꓳ ꓓꓱꓽ ꓐꓱ ꓶ ꓙꓲꓻ ꓖꓴ ꓙꓳˍ ꓟ ꓢꓯꓼ ꓮ ꓟꓬꓹ ꓐꓹ ꓟ ꓑꓶꓸ ꓓꓴ ꓥ ꓡꓳ=

ꓕꓱ ꓢꓲꓹ ꓢꓶꓽ ꓗꓪ ꓠꓬ Antioxidant꓾ Vitamin C꓾ Vitamin B-complex꓾ Fiber ꓐꓰ ꓠꓱꓸ ꓐꓯ ꓢꓯꓼ ꓐꓴ ꓥ ꓟꓲ ꓮ ꓟꓬꓹ ꓙꓳˍ ꓟ ꓥ ꓡꓳ= ꓞꓼ ꓞꓼ ꓟꓳꓽˍ ꓟ ꓔꓯ ꓗꓽ ꓕꓸ ꓖꓶˍ ꓟ Antioxidant ꓥ ꓟꓲ ꓐꓹ ꓟ ꓥꓳ=

ꓫꓵꓽ ꓔꓲ ꓟꓴ ꓤ ꓗꓷ ꓡꓰ ꓢꓲ꓾ ꓟꓲꓽ ꓦꓲ ꓠꓻ ꓫꓵꓽ꓾ ꓠꓲꓹ ꓟ ꓠꓻ ꓫꓵꓽ ꓒꓬꓱꓼ ꓡ ꓓꓴ ꓔꓯ ꓥ ꓟꓲ ꓗꓽ ꓕꓸ ꓖꓶˍ ꓟ ꓥ ꓡꓳ= ꓫꓵꓽ ꓘꓴꓽ ꓗꓪ ꓖ-ꓡꓴ-ꓗꓳꓸ ꓢꓯꓼ ꓞꓰꓻ ꓡꓰ ꓠ ꓬꓰ ꓙ ꓖꓶˍ ꓡꓳ= ꓕꓱ ꓟ ꓡꓰꓽ ꓟꓽ ꓞꓲꓺ ꓠꓲꓹ ꓟ ꓗꓪ ꓐꓰ ꓖ-ꓡꓴ-ꓗꓳꓸ ꓟꓽ ꓓꓳ ꓠꓹ ꓟ ꓬꓰ ꓙˍ ꓟ ꓥꓳ=

ꓓꓲꓮꓐꓰꓔꓰꓢ ꓠꓻ ꓗꓪ ꓐꓰ ꓒꓬꓱꓼ ꓡˍ ꓟ ꓪꓴꓽ ꓓꓲꓻ ꓐꓬ ꓡꓰˍ ꓟ ꓔꓯˍ ꓟꓲ ꓗꓽ ꓕꓸ ꓖꓶˍ ꓟ ꓥ ꓡꓳ= ꓖꓳ ꓟ ꓡꓰꓽ ꓟꓽ ꓞꓲꓺ ꓓꓮꓲꓐꓰꓔꓰꓢ ꓠꓻ ꓗꓪ ꓐꓰ ꓟꓬ ꓢꓶꓽ ꓗꓪ ꓒꓬꓱꓼˍ ꓟ ꓒꓴ ꓛ ꓛ ꓗꓷ ꓡꓰˍ ꓟ ꓠꓻ ꓔꓯ ꓥ ꓟꓲ ꓗꓽ ꓕꓸ ꓖꓶˍ ꓟ ꓥꓳ=

ꓕꓱ ꓟ ꓠꓬ ꓧꓶꓽ ꓒ ꓢꓲꓹ ꓢꓶꓽ꓾ ꓡꓮꓲ-ꓛꓲ ꓢꓶꓽ ꓠꓬ ꓣꓳ ꓧꓪꓽ ꓖꓳ ꓓꓱꓽ ꓐꓱ ꓶ ꓮ ꓟꓬ ꓙꓲꓻ ꓖꓴ ꓙꓳˍ ꓟ ꓔꓯ ꓐꓯ ꓟꓸ ꓖꓶ ꓡˍ ꓟ ꓥꓳ=