ꓡꓯꓽ ꓒꓯꓹ ꓟꓽ ꓝꓸ ꓔ ꓢꓰꓼ ꓧꓶꓸ ꓕꓯꓽ ꓗꓪ ꓧꓪꓽ ꓗꓳ ꓓꓱꓽ ꓑꓯꓹ ꓡꓯꓽ ꓘꓳꓹ ꓟ (Q & A)

ꓡꓯꓽ ꓒꓯꓹ ꓟꓽ ꓝꓸ ꓔ ꓢꓰꓼ ꓕꓯ ꓦꓲꓺ ꓢꓲꓺ ꓒꓽ ꓦꓲꓺ ꓢꓲꓺ ꓟ ꓡꓰ ꓐꓰ ꓕꓲꓽ ꓪꓼ ꓔꓬꓹ ꓢꓲ ꓤꓹ ꓠꓬꓲˍ ꓟ ꓐꓯꓹ ꓟ ꓔꓣꓲꓮꓡ ꓟꓮꓣꓣꓲꓮꓖꓰ ꓐꓯꓹ ꓟ ꓕꓲꓽ ꓣꓳ ꓛꓳꓽ ꓕꓲꓽ ꓣꓳ ꓫꓱꓹ ꓜꓳꓽ ꓡ ꓟꓽ ꓜꓳꓽ ꓡ ꓠꓬꓲ ꓔ ꓤꓹ ꓠꓬꓲꓹ ꓟ꓾ ꓕꓲꓽ ꓪꓼ ꓔꓬꓹ ꓐ ꓡ ꓠꓬꓲ ꓔ ꓡ? ꓧꓪꓽ ꓗꓳ ꓓꓱꓽ ꓐꓯꓹ ꓡꓯꓽ ꓘꓳꓹ ꓟ ꓠꓲꓹ ꓘꓪꓽ ꓫꓵ ꓐ ꓡ ꓠꓬꓲ ꓔ ꓡ? ꓢꓲꓽ ꓘꓪꓽ ꓓꓲꓼ ꓐ ꓡ ꓠꓬꓲ ꓔ ꓡ? ꓧꓶꓸ ꓕꓯꓽ ꓣꓹ ꓠꓬꓲ ꓢꓲ ꓠꓲꓹ ꓘꓪꓽ ꓫꓵ ꓐ ꓡ ꓠꓬꓲ ꓔ ꓕꓯ ꓢꓲ ꓡꓯꓽ ꓒꓯꓹ ꓝꓸ ꓓꓴ ꓕꓱ ꓡꓲꓳ ꓫꓵꓽ ꓮ ꓟꓶ ꓕꓲꓽ ꓞꓲꓼ ꓗꓪ ꓬꓰꓹ ꓟ ꓮ ꓘꓶꓸ ꓙꓳˍ ꓡꓳ= ꓕꓲꓽ ꓐꓱ ꓠꓬ ꓮ ꓟꓶ ꓕꓲꓽ ꓞꓲꓼ ꓗꓪ ꓡꓯꓽ ꓒꓯꓹ ꓝꓸ ꓠꓹ ꓟ ꓟꓽ ꓙꓳꓹ ꓥˍ ꓟꓲ ꓡꓲꓦꓲꓠꓖ ꓔꓳꓖꓰꓔꓧꓰꓣ ꓐꓯꓹ ꓟ ꓕꓲꓽ ꓪꓼ ꓔꓬˍ ꓟ ꓮꓽ ꓘꓶꓸ ꓙꓳˍ ꓡꓳ= ꓟꓬꓽ ꓠꓬꓲ ꓐꓶꓹ ꓠꓬꓲ ꓤꓽ ꓟꓶꓼ ꓤꓼ ꓐꓴ ꓠꓬ ꓚꓵꓸ ꓛꓬꓽ ꓒꓴ ꓣꓱꓽ ꓟꓽ ꓛꓲ ꓠ ꓤꓽ ꓑꓸ ꓤꓼ ꓐꓴꓹ ꓐꓰ ꓕꓲꓽ ꓪꓼ ꓔꓬ ꓢꓲ ꓠꓬꓲ ꓤꓽ ꓑꓸ ꓤꓼ ꓡꓰ ꓖꓶꓽ ꓜꓽ ꓡꓹ ꓟ ꓖꓶꓽ ꓓꓳ ꓡꓹ ꓟ ꓔꓯ ꓜꓽ ꓢꓲ ꓟꓬꓱꓽ ꓬꓰ ꓔꓬꓹ ꓢꓴ ꓕꓳꓽ ꓶ ꓢꓳ ꓔꓬꓹ ꓢꓴ ꓮꓽ ꓟꓬꓹ ꓙꓳˍ ꓡꓳ= ꓟꓬꓽ ꓠꓬꓲ ꓐꓶꓹ ꓠꓬꓲ ꓢꓳ ꓗꓴꓷꓼ ꓗꓪ ꓔꓬꓹ ꓢꓲ ꓟꓬꓱꓽ ꓬꓰ ꓔꓬꓹ ꓢꓴ ꓕꓳꓽ ꓶ ꓢꓳ ꓔꓬꓹ ꓢꓴ ꓕꓱ ꓡꓰ ꓬꓰ ꓢꓴ ꓮꓽ ꓟꓬꓹ ꓙꓳˍꓡꓳ= ꓚꓵꓸ ꓛꓬꓽ ꓧꓪꓽ ꓗꓳ ꓓꓱꓽ ꓔꓯ ꓒꓵꓽ ꓗꓴ ꓔ ꓟ ꓟꓽ ꓙꓳ ꓧꓪꓽ ꓗꓳ ꓓꓱꓽ ꓐꓯꓹ ꓡꓯꓽ ꓘꓳꓹ ꓟ ꓔꓯ ꓠꓬ ꓮꓸ ꓫꓵꓽ ꓡꓰ ꓟꓽ ꓢꓪꓼ ꓪꓴ-ꓢ ꓟꓲꓽ ꓙꓬꓽ ꓗꓪ ꓞꓳ ꓤꓽ ꓟꓲꓽ ꓙꓬꓽ ꓗꓪ ꓝꓴꓲꓸ ꓟꓽ ꓙꓳꓹ ꓪ ꓡꓰ ꓢ ꓢꓺ ꓕꓱ ꓡꓰ ꓕꓲꓽ ꓪꓼ ꓔꓬꓹ ꓢꓴ ꓮꓽ ꓟꓬꓹ ꓙꓳˍ ꓡꓳ= ꓕꓲꓽ ꓐꓱ ꓠꓬ ꓕꓽ ꓪꓼ ꓔꓬ ꓐ ꓡ ꓠꓬꓲ ꓔ ꓡ? ꓐꓰ ꓕꓱ ꓡꓰ ꓤꓹ ꓠꓬꓲꓹ ꓟ ꓙꓳˍꓡꓳ= ꓚꓵ ꓚꓵ ꓐꓯꓹ ꓠꓬ ꓕꓱ ꓟ ꓠꓬ ꓟꓽ ꓙꓲꓹ ꓟ ꓥ ꓪ= ꓮ ꓡꓲꓳ ꓐꓯꓹ ꓠꓬ ꓕꓱ ꓟ ꓠꓬ ꓠꓱ ꓠꓲꓹ ꓗꓪ ꓐꓰ ꓡꓹ ꓟ ꓟꓽ ꓥ= ꓧꓪꓽ ꓗꓳ ꓓꓱꓽ ꓡꓰ ꓢꓲ ꓢꓪꓼ ꓢꓲ ꓬꓰ ꓔꓬꓹ ꓟ ꓥ ꓪ= ꓕꓲꓽ ꓐꓱ ꓠꓬ ꓧꓪꓽ ꓗꓳ ꓓꓱ ꓔꓯ ꓡꓰ ꓟꓽ ꓥ ꓢꓰꓼ ꓚꓵꓸ ꓛꓬꓽ ꓒꓴ ꓟꓶꓽ ꓟꓽ ꓛꓵ ꓠ ꓢ ꓢꓹ ꓔꓬ ꓪ ꓠꓹ ꓟ ꓐꓱ ꓶ ꓡꓰ ꓢꓲ ꓙꓽ ꓟꓶ ꓢꓲ ꓕꓱ ꓡꓰ ꓔꓬꓹ ꓟ ꓥ ꓪ= 

ꓕꓱ ꓡꓰ ꓬꓰꓹ ꓟ ꓠꓬ ꓞꓳ ꓤꓽ ꓔꓲꓽ ꓣꓳ ꓔꓯ ꓟꓽ ꓒꓵꓹ ꓟ꓾ ꓚꓵꓸ ꓛꓬꓽ ꓔꓵꓹ ꓚꓴꓸ ꓛꓬꓽ ꓟꓽ ꓒꓵꓽꓹ ꓟ ꓕꓱ ꓡꓲꓳ ꓫꓵꓽ ꓥ ꓪ= ꓚꓵꓸ ꓛꓬꓽ ꓐꓱ ꓶ ꓡꓰ ꓢꓲ ꓓꓵꓽ ꓙꓹ ꓟ ꓚꓱꓹ ꓥˍ ꓡꓳ= ꓕꓱ ꓟ ꓠꓬ ꓞꓳ ꓤꓽ ꓕꓲꓽ ꓣꓳ ꓢꓯꓸ ꓔꓬꓹ ꓟ ꓔꓯ ꓬꓲ ꓒꓵꓽ ꓟꓽ ꓒꓵꓽ ꓡꓰ ꓝꓲꓹ ꓟ ꓟꓬꓱ ꓓꓳꓽ ꓟꓽ ꓙꓳ ꓡꓰ ꓝꓲꓹ ꓟ ꓢꓯꓸ ꓔꓬ ꓚꓱꓹ ꓥˍ ꓡꓳ= ꓫꓸ ꓔꓳ ꓫꓸ ꓒꓯꓹ ꓢꓯꓸ ꓔꓬ ꓚꓱꓹ ꓕꓲꓽ ꓟ ꓥˍ ꓡꓳ= ꓬꓲ ꓪꓽ ꓠꓬꓲꓽ ꓣꓳ ꓠꓬ ꓠꓬꓲꓽ ꓣꓳ ꓟꓽ ꓥ= ꓕꓲꓽ ꓟꓹ ꓡꓰ ꓥˍ ꓡꓳ ꓐꓯꓹ ꓟ ꓕꓯ ꓟꓽ ꓜꓰꓼ ꓡꓰꓹ ꓟ ꓥˍ ꓡꓳ= ꓮ ꓡꓲꓳꓹ ꓐꓯ ꓠꓬ ꓕꓱ ꓟ ꓠꓬ ꓠꓵ ꓠꓲꓹ ꓗꓪ ꓐꓰ ꓟꓽ ꓥˍ ꓟ ꓪꓴꓸ ꓠꓬꓲ ꓠꓲ ꓪꓴ-ꓢ ꓠꓲꓹ ꓡꓶꓽ ꓗꓪ ꓐꓰ ꓡꓹ ꓟꓽ ꓥ= ꓢꓲꓽ ꓫꓬ ꓕꓳꓽ ꓶ ꓗꓪ ꓐꓯ ꓔ ꓡꓰ ꓐꓰ ꓕꓲꓽ ꓡꓰ ꓡꓯꓽ ꓒꓯꓹ ꓟꓽ ꓝꓸ ꓦꓹ ꓢꓴ ꓧꓪꓽ ꓗꓳ ꓓꓱꓽ ꓐꓯꓹ ꓡꓯꓽ ꓘꓳˍ ꓟ ꓥˍ ꓟꓲ ꓝꓴꓲꓸ ꓥˍ ꓡꓳ= ꓡꓯꓽ ꓐꓯꓹ ꓝꓸ ꓦꓹ ꓢꓲ ꓚꓵꓸ ꓛꓬꓽ ꓦꓲꓺ ꓢꓲꓺ ꓒꓽ ꓐꓰ ꓦꓲꓺ ꓢꓲꓺ ꓟ ꓐꓰ ꓟꓽ ꓥ ꓠꓱꓸ ꓐꓯꓼ ꓦꓲꓺ ꓢꓲꓺ ꓟ ꓐꓰ ꓝꓮꓲ ꓟꓽ ꓥ ꓠꓬ ꓠꓱꓸ ꓐꓯꓼ ꓤꓽ ꓖꓴꓽ ꓡꓯ ꓤꓽ ꓟꓶꓼ ꓡꓯꓹ ꓐꓰ ꓛꓬ ꓥꓳꓽ ꓡꓰꓹ ꓟ ꓠꓬ ꓝꓴꓲꓸ ꓓꓽ ꓟ ꓥˍ ꓡꓳ ꓐꓰ ꓐꓯ ꓡꓳꓹ ꓡꓰꓹ ꓟ ꓡꓰ ꓐꓰ ꓕꓲꓽ ꓡꓰꓻ ꓢꓲꓽ ꓫꓬ ꓕꓳꓽ ꓶ ꓝꓲꓸ ꓥˍ ꓟꓲ ꓮꓽ ꓟꓬꓹ ꓙꓳ ꓡꓳ= ꓖꓳ ꓟ ꓪꓴꓸ ꓠꓬꓲ ꓡꓯꓽ ꓒꓯꓹ ꓟꓽ ꓝꓸ ꓝꓸ ꓔꓬꓹ ꓟ ꓠꓬ ꓝꓴꓲꓸ ꓥˍ ꓡꓳ= ꓟꓬꓽ ꓠꓬꓲ ꓐꓶꓹ ꓠꓬꓲ ꓗꓳ ꓓꓱꓽ ꓔꓲꓹ ꓦ ꓢꓴ ꓠꓬꓲꓽ ꓣꓳ ꓕꓱ ꓡꓰ ꓔꓬꓹ ꓟ ꓠꓬ ꓪꓴ-ꓢ ꓠꓯꓸꓼ ꓗꓪ ꓟꓽ ꓤꓰꓼ ꓡꓰꓹ ꓟ ꓟ ꓥ ꓪ= ꓮ ꓡꓲꓳꓹ ꓐꓯꓹ ꓠꓬ ꓕꓲꓽ ꓦꓲꓺ ꓡꓽ ꓞꓳ ꓦꓲꓺ ꓕꓴꓽ ꓖꓪ ꓕꓴꓹ ꓟ ꓠꓬ ꓢꓲꓺ ꓒꓽ ꓬꓰ-ꓢꓴ ꓐꓰ ꓘꓴ ꓜꓲꓼ ꓞꓳ ꓕꓲꓽ ꓟꓼ ꓥˍ ꓟ ꓕꓲꓽ ꓠꓲꓹ ꓕꓲꓽ ꓪꓼ ꓥˍ ꓟ ꓬꓲ ꓢꓷꓸ ꓡꓰ ꓓꓴ (ꓢꓬꓟꓐꓳꓡ) ꓥˍ ꓡꓳ= ꓖꓳ ꓟ ꓪꓴꓸ ꓠꓬꓲ ꓕꓲꓽ ꓟ ꓗꓶ ꓡꓰ ꓠ ꓬꓰꓹ ꓟ ꓟꓽ ꓥ ꓥ ꓕꓲꓽ ꓟꓹ ꓗꓶ ꓡꓰ ꓐ ꓡꓹ ꓡ? ꓐꓰ ꓤꓹ ꓠꓬꓲꓹ ꓟ ꓠꓬ ꓟꓽ ꓜꓳꓹ ꓟ ꓥ ꓪ= ꓕꓲꓽ ꓑꓹ ꓤꓼ ꓔꓬ ꓠꓬꓲꓹ ꓟ ꓣꓹ ꓠꓬꓲꓹ ꓟ ꓕꓱ ꓟ ꓠꓬ ꓕꓱ ꓟ ꓠꓬ ꓕꓲꓽ ꓟꓼ ꓗꓶ ꓡꓰ ꓠꓹ ꓟ ꓐꓱ ꓶ ꓟꓽ ꓥ= ꓖꓳ ꓓꓱꓽ ꓔꓲꓹ ꓦ ꓢꓴ ꓠꓬꓲ ꓣꓳ ꓦꓲꓺ ꓕꓴ ꓗꓪ ꓕꓴꓹ ꓟ ꓠꓬ ꓲꓠꓓꓢꓢꓳꓡꓴꓐꓡꓰ ꓟꓮꓣꓣꓲꓮꓖꓰ ꓐꓯꓹ ꓟ ꓧꓹ ꓡꓯꓽ ꓘꓳ ꓟꓽ ꓓꓹ ꓟ ꓡꓯꓽ ꓒꓯꓹ ꓝꓸ ꓔ ꓟ ꓥˍ ꓡꓳ ꓐꓰ ꓢꓲꓺ ꓒꓽ ꓬꓰ-ꓢꓴ ꓡꓰ ꓐꓯ ꓔ ꓡꓳ=

ꓡꓯꓽ ꓒꓯꓹ ꓝꓸ ꓔ ꓟ ꓠꓬ ꓪꓴ-ꓢ ꓣꓱꓽ ꓛꓲ ꓥˍ ꓡꓳ= ꓤꓽ ꓑꓸ ꓤꓼ ꓥˍ ꓠꓬ ꓤꓽ ꓟꓶꓼ ꓤꓼ ꓕꓲꓽ ꓣꓳ ꓠꓬ ꓤꓽ ꓠꓱ ꓦꓱ ꓐ ꓡ ꓕꓯ ꓢꓲ ꓧꓪꓽ ꓗꓳ ꓓꓱꓽ ꓐꓯꓹ ꓡꓯꓽ ꓘꓳꓹ ꓟ ꓠꓯꓸꓼ ꓗꓪ ꓠꓲꓹ ꓘꓪꓽ ꓫꓵ ꓐ ꓡ ꓕꓯ ꓢꓲ ꓦꓲꓺ ꓕꓴ ꓗꓪ ꓕꓴ ꓓꓴ ꓐꓰ ꓐꓱ ꓡ ꓥˍ ꓡ? ꓦꓲꓺ ꓢꓲꓺ ꓟ ꓣꓴꓹ ꓟ ꓠꓬ ꓠꓲꓹ ꓘꓪꓽ ꓫꓵ ꓓꓴ ꓥˍ ꓡ? ꓦꓲꓺ ꓢꓲꓺ ꓟ ꓣꓴꓹ ꓟ ꓠꓬ ꓤꓽ ꓠꓱ ꓦꓱ ꓠꓹ ꓟ ꓐꓱ ꓶ ꓡꓰ ꓥˍ ꓡ? ꓞꓳ ꓤꓽ ꓕꓲꓽ ꓣꓳ ꓔꓯ ꓙꓼ ꓡꓰ ꓐꓰ ꓤꓹ ꓠꓬꓲ ꓢꓲ ꓟꓽ ꓙꓲꓹ ꓥꓳ ꓐꓯꓹ ꓠꓬ ꓟꓽ ꓪꓴ ꓤꓹ ꓠꓬꓲ ꓢꓲ ꓙꓲꓹ ꓕꓯ ꓢꓲ ꓪꓴꓹ ꓟ ꓕꓱ ꓟ ꓡꓰ ꓐꓰ ꓣꓳ ꓬꓰ ꓐ ꓡꓹ ꓡ? ꓬꓲ ꓫꓱꓹ ꓙꓲꓹ ꓟꓽ ꓙꓲꓹ ꓟ ꓕꓯ ꓣꓳ ꓛꓳꓹ ꓟ ꓥ ꓪ= ꓖꓳ ꓡꓰ ꓥˍ ꓟꓲ ꓧꓪꓽ ꓗꓳ ꓓꓱꓽ ꓔꓯ ꓤꓹ ꓠꓬꓲˍ ꓟ ꓠꓬ ꓞꓳ ꓤꓽ ꓔꓯ ꓟꓽ ꓒꓵꓹ ꓟ ꓢꓲ ꓗꓶ ꓡꓰꓹ ꓓꓴ ꓟ ꓥ ꓪ= ꓖꓳ ꓡꓰ ꓠꓬꓲ ꓕꓱ ꓡꓰꓳꓹ ꓫꓵꓽ ꓤꓹ ꓠꓬꓲꓹ ꓟ ꓔꓯ ꓠꓬ ꓬꓰ ꓟꓽ ꓓ= ꓪꓴ-ꓢ ꓠꓲꓹ ꓡꓶꓽ ꓔꓯ ꓟꓽ ꓜꓰꓼ ꓡꓰꓹ ꓟ ꓥ ꓪ= ꓥꓪ ꓠꓬ ꓬꓲꓹ ꓐꓰ ꓫꓱꓹ ꓙꓲꓹ ꓟꓽ ꓙꓲꓹ ꓟ ꓠꓬꓲ ꓘꓳꓼ 3 ꓘꓳꓼ ꓤꓹ ꓠꓬꓲ ꓕꓯ ꓢꓲ ꓣꓴ ꓓꓴ ꓥꓳ= ꓥꓪ ꓠꓬ ꓬꓲ ꓐꓰ ꓕꓲꓽ ꓪꓼ ꓔꓬ ꓢꓲ ꓧꓪꓽ ꓗꓳ ꓓꓱꓽ ꓠꓯꓸꓼ ꓗꓪ ꓢꓲꓽ ꓘꓪ ꓓꓲꓼ ꓕꓯ ꓢꓲ ꓣꓴ ꓓꓴ ꓥ ꓐꓯꓹ ꓟ ꓠꓬ ꓕꓱ ꓟ ꓠꓬ ꓞꓳ ꓤꓽ ꓕꓲꓽ ꓣꓳ ꓔꓯ ꓶ ꓤꓹ ꓶ ꓟꓲ ꓕꓲꓽ ꓟꓹ ꓡꓰ ꓐꓰ ꓢꓪꓼ ꓢꓲ ꓬꓰꓹ ꓟ ꓥˍ ꓡꓳ= ꓕꓱ ꓡꓰ ꓡꓲ ꓬꓰꓹ ꓟ ꓠꓬ ꓚꓵꓸ ꓛꓬ ꓔꓵꓹ ꓚꓴ> ꓛꓬꓽ ꓶ ꓤꓼ ꓶ ꓟꓲꓹ ꓡꓰ ꓐꓰ ꓢꓪꓼˍ ꓟ ꓥ ꓢꓲ ꓢꓳ ꓕꓯ ꓥˍ ꓟꓲ ꓟꓽ ꓒꓵꓽˍ ꓟ ꓥˍ ꓡꓳ= ꓞꓳ ꓤꓽ ꓠꓬ ꓠꓵ ꓠꓲꓹ ꓗꓪ ꓗꓪ ꓐꓰ ꓢꓯꓸ ꓔꓬꓹ ꓟ ꓞꓳ ꓤꓽ ꓥꓹ ꓠꓬꓲ ꓙꓼ ꓡꓰ ꓐꓰ ꓢꓪꓼ ꓠꓬ ꓬꓲ ꓒꓵꓽ ꓟꓽ ꓒꓵꓽˍ ꓟ ꓟꓬꓱ ꓓꓳꓽ ꓟꓽ ꓙꓳˍ ꓟ ꓥˍ ꓡꓳ=                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                             

Add new comment

2 + 1 =