ꓡꓲꓖꓧꓔ ꓑꓳꓡꓡꓴꓔꓲꓳꓠ ꓐꓯ_ ꓟ ꓮ ꓫꓵ ꓥ ꓡ꓾

ꓡꓲꓖꓧꓔ ꓑꓳꓡꓡꓴꓔꓲꓳꓠ ꓐꓯ_ ꓟ ꓮ ꓫꓵ ꓥ ꓡ꓾ ꓕꓱ ꓟ ꓠꓬ ꓮꓲꓣ ꓑꓳꓡꓡꓴꓔꓲꓳꓠ ꓐꓯ ꓟ ꓟꓲꓽ ꓦꓲ ꓔꓯ ꓠꓯ ꓡꓰ ꓝꓲ_ ꓟ꓾ ꓟꓲ ꓦꓲ ꓟꓽ ꓫꓬ ꓗꓷ ꓡꓰ ꓝꓲ_ ꓟ ꓡꓰ ꓐꓰ ꓥꓳ꓾ ꓣꓳ ꓠꓬꓲ ꓟꓳ ꓓꓴ ꓮ ꓔꓳꓸ ꓔꓯ ꓟꓽ ꓫꓬ ꓗꓷ ꓡꓰ ꓝꓲ_ ꓫꓵ ꓟꓲ ꓮ ꓘꓶꓸ ꓓꓳ ꓡ ꓡꓳ꓾ ꓮ ꓫꓵ ꓗꓪ ꓐꓰ ꓮ ꓔꓳꓸ ꓔꓯ ꓟꓽ ꓫꓬ ꓗꓷ ꓡꓰ ꓝꓲ_ ꓡ꓾ ꓮ ꓟꓶ ꓣꓳ ꓣꓱꓽ ꓔꓬ ꓟ ꓰꓡꓣꓚꓔꓣꓲꓚꓲꓔꓬ ꓐꓯ ꓟ ꓙꓼ ꓮ ꓔꓳꓸ ꓗꓪ ꓐꓰ ꓓꓳꓺ ꓡ ꓟ ꓮ ꓔꓳꓸ ꓢꓶꓽ ꓠꓬ ꓣꓳ ꓔꓯ ꓟꓳꓼ ꓡꓳ ꓢ ꓘꓪ ꓟꓽ ꓢꓷꓸ ꓢꓷꓸ ꓐꓬ ꓔ ꓖꓶ_ ꓟ ꓑꓶ ꓓꓴ ꓣꓳ ꓧꓪ ꓖꓳ ꓓꓱ ꓗꓪ ꓟꓬꓱꓽ ꓬꓰ_ ꓟ ꓠꓬ ꓪꓴꓸ ꓓꓲꓸ ꓪꓴꓸ ꓑ ꓗꓷ ꓡꓰ ꓟ ꓥꓳ꓾

ꓖꓳ ꓡꓱ ꓠꓬꓲ ꓢ ꓘꓪ ꓛꓲ ꓡ ꓕꓯ ꓟꓹ ꓟ ꓟꓲ ꓠꓯ ꓡꓰ ꓖꓶ ꓡ ꓟ ꓦ ꓐ ꓛꓵ ꓠꓬꓲ ꓟꓳ ꓓꓴ ꓔꓯ ꓣꓳ ꓫꓬ ꓫꓬ ꓡꓰ ꓟꓳ ꓟꓽ ꓓꓳ꓾ ꓮ ꓫꓵ ꓑꓶ ꓓꓴ ꓥ ꓐꓯ ꓠꓬ꓾ ꓞꓳ ꓤ ꓡꓰ ꓫꓬꓹ ꓔ ꓟ ꓮ ꓔꓳꓸ ꓠꓬꓲ ꓟꓳ ꓓꓴ ꓡꓯ ꓡꓯ ꓡꓰ ꓙ ꓖꓴ ꓙ ꓐ ꓗꓪ ꓠꓬ ꓔ ꓟ ꓝꓮꓲ ꓦꓲꓻ ꓘꓴ ꓗꓪ ꓟꓬ ꓔ ꓟ ꓑꓶ ꓓꓴ ꓣꓳ ꓠꓬ ꓟꓲ ꓠꓯ ꓡꓰ ꓖꓶ ꓡ ꓟ ꓠꓬꓲ ꓟꓳ ꓓꓴ ꓔꓯ ꓣꓳ ꓟꓽ ꓟꓳ ꓐꓰ ꓣꓳ ꓚꓲ ꓛꓬ ꓡꓰ ꓫꓬ ꓔ ꓟ ꓟꓳꓼ ꓡꓳ ꓥ ꓟꓲ ꓢ ꓘꓪ ꓥ ꓟꓲ ꓮ ꓡ ꓕꓲ ꓡꓰꓹ ꓗꓷ ꓡꓰ ꓔꓬ ꓡꓳ꓾ ꓟꓶꓽ ꓘꓶꓼ ꓗꓪ ꓥ ꓟꓲ ꓟꓲ ꓠꓯ ꓕꓱ ꓟ ꓗꓪ ꓡꓬ ꓡꓬ ꓡꓰ ꓟꓳ ꓡꓳ ꓗꓪ ꓥ ꓟꓲ ꓡꓬ ꓡꓬ ꓡꓰ ꓖꓳ ꓡꓱ ꓠꓬꓲ ꓣꓳ ꓦꓱ ꓔ ꓟ ꓮ ꓬꓸ ꓬꓲꓸ ꓝꓲꓸ ꓟꓽ ꓐꓲ ꓐꓲ ꓟꓲ ꓕꓯ ꓟꓽ ꓡꓯ ꓡꓯ ꓮ ꓬꓸ ꓐꓵ ꓡ ꓟ ꓦꓬꓼ ꓠꓬꓲ ꓠꓬꓲꓹ ꓤ ꓠꓬꓲ ꓟꓲ ꓟꓲ ꓕꓯ ꓟꓽ ꓡꓬ ꓡꓬ ꓡꓰ ꓟꓶ_ ꓟ ꓠꓬꓲꓹ ꓤ ꓠꓬꓲꓹ ꓟꓲ ꓮꓽ ꓠꓱ ꓟ ꓦꓬꓼ ꓠꓬꓲ ꓗꓪ ꓠꓬ ꓟꓲ ꓕꓯ ꓙꓰ ꓡ ꓢꓲ꓾ ꓮ ꓬꓸ ꓐꓵ_ ꓡꓳ꓾ ꓮ ꓫꓵ ꓑꓶ ꓓꓴ ꓥ ꓡ꓾ ꓡꓲꓖꓧꓔ ꓑꓳꓡꓡꓴꓔꓲꓳꓠ ꓑꓶ ꓓꓴ ꓥ ꓡꓳ꓾ ꓡꓲꓖꓧꓔ ꓑꓳꓡꓡꓴꓔꓲꓳꓠ ꓐꓯ_ ꓟ ꓣꓳ ꓮ ꓔꓳꓸ ꓔꓯ ꓟꓽ ꓠꓯ ꓡꓰ ꓝꓲ ꓟꓽ ꓐꓬ ꓡꓰ ꓝꓲ ꓐꓯ ꓠꓬ ꓮ ꓔꓳꓸ ꓢꓲ ꓣꓱꓽ ꓟ ꓗꓪ ꓐꓰ ꓟꓹ ꓟ ꓟꓲ ꓠꓯ ꓔꓯ ꓗꓪ ꓫꓵ ꓔꓬ ꓡꓳ ꓐꓯ ꓟ ꓢꓷꓸ ꓡꓰ ꓝꓲ_ ꓡꓳ=