ꓢꓲꓹ ꓒꓬꓽ ꓛꓵꓽ ꓩꓲꓸ-ꓛꓲꓻ ꓫꓬ ꓚꓱꓹ

ꓢꓲꓹ ꓒꓬꓽ ꓛꓵꓽ ꓩꓲꓸ-ꓛꓲꓻ ꓟꓵꓽ-ꓛꓵꓽ ꓫꓬ ꓚꓱꓹ

ꓢꓲꓹ ꓒꓬꓽ ꓛꓵꓽ ꓫꓬꓹ ꓚꓱꓹ ꓠꓬ ꓟꓵꓽ ꓗꓳꓹ ꓓꓵꓺ ꓓꓵꓺ ꓗꓪ ꓔꓶ ꓜꓽ ꓔꓶ ꓓꓳ ꓢꓴ ꓐꓴˍ ꓟꓲ ꓫꓬꓹ ꓢꓲ ꓣꓱꓽ ꓔꓬ ꓟ ꓥꓳ= ꓝꓮꓲ ꓢꓲꓹ ꓒꓬꓽ ꓐꓱ ꓶ ꓬꓲ ꓒꓵꓽˍ ꓟꓲ ꓓꓳ ꓟꓽ ꓛꓵ ꓮ ꓔꓳ ꓔꓳ ꓟꓶ ꓓꓹ ꓟ ꓥꓳ= ꓦꓲ ꓕꓲ ꓚꓳ ꓡꓳ ꓗꓪˍ ꓟꓲ ꓙꓳˍ ꓥꓳ= ꓪꓳꓽ ꓐꓱ ꓗꓪˍ ꓟꓲ ꓙꓳˍ ꓥꓳ= ꓬꓲ ꓙꓵꓹ ꓟꓲ ꓮ ꓟꓬꓹ ꓖꓶꓽ ꓟꓽ ꓛꓵꓽ= ꓕꓲ ꓠꓬꓲ ꓕꓲ ꓠꓬꓲ ꓦꓲ ꓫꓵꓹ ꓕꓯ꓾ ꓬꓲ ꓜꓲ ꓔꓲꓺ ꓗꓪ ꓫꓵ ꓡꓲˍ ꓕꓯ ꓫꓵꓹ ꓟꓶ ꓔ ꓟ ꓢꓲꓹ ꓒꓬꓽ ꓐꓴ ꓔꓯ ꓡꓳꓽ ꓗꓷ ꓕꓲ ꓖꓼˍ ꓥꓳ=

ꓟꓽ ꓥ ꓡꓲꓸ ꓣꓳ ꓠꓬ ꓡꓳꓽ ꓔ ꓟ ꓢꓲꓹ ꓒꓬꓽ ꓐꓴ ꓔꓯ ꓞꓴꓺ ꓦ ꓔꓬ ꓡꓳ ꓟꓽ ꓥ ꓡ? ꓕꓱ ꓡꓱ ꓮ ꓔꓳ ꓞꓴˍ ꓟ ꓠꓬ ꓟꓵꓽ ꓘꓳꓼ ꓔꓯ ꓐꓬ ꓡꓰ ꓝꓲ ꓔꓬ ꓟ ꓪꓴꓸ ꓠꓬꓲ ꓢꓲꓹ ꓒꓬꓽ ꓐꓴ ꓔꓯ ꓮ ꓔꓳꓺ ꓔꓳꓺ ꓟꓽ ꓛꓴ ꓦ ꓦ ꓐꓰ ꓞꓳ ꓤ ꓐꓱ ꓶ ꓔꓶ ꓜꓽ ꓓꓴ ꓐꓱ ꓶ ꓣꓱꓽ ꓬꓯꓼˍ ꓟ ꓩꓲꓸ-ꓛꓲꓻ ꓫꓬꓹ ꓡꓯ ꓐꓰ ꓰ-ꓬ-ꓪ-ꓔꓲ ꓓꓳꓽ ꓦ ꓖꓴ ꓗꓪ ꓐꓰ ꓐꓯ ꓔ ꓡꓳ= ꓕꓱ ꓡꓱ ꓬꓰˍ ꓠꓬ ꓟꓵꓽ ꓘꓳꓼ ꓐꓱ ꓶˍ ꓟꓲ ꓙꓲꓻ ꓖꓴ ꓙꓳ ꓢꓲ꓾ ꓚꓲꓸ ꓛꓬ ꓔꓶ ꓓꓴ ꓐꓱ ꓶˍ ꓟꓲ ꓙꓲˍ ꓟ ꓥꓳ꓾ ꓐꓰ ꓐꓯ ꓔ ꓡꓳ= ꓰ-ꓬ-ꓪ-ꓔꓲ ꓓꓳꓽ ꓦ ꓖꓴ ꓗꓪ ꓐꓰ ꓐꓯ ꓔ ꓟ ꓢꓲꓹ ꓒꓬꓽ ꓛꓵꓽ ꓫꓬꓹ ꓚꓱꓹ ꓠꓬ

  1. ꓢꓲꓹ ꓒꓬꓽ ꓧꓳꓽ ꓖꓴ ꓫꓬꓹ ꓖꓶˍ ꓟ - ꓢꓲꓹ ꓒꓬꓽ ꓧꓳꓽ ꓖꓴ꓾ ꓗꓶ ꓖꓴ ꓠꓬ ꓟꓲ ꓛꓬ ꓗꓪ ꓬꓲ ꓘꓴ ꓝꓴꓸ ꓗꓷ꓾ ꓟꓽ ꓥ ꓠꓬ ꓧꓳꓹ ꓖꓽ ꓡꓯꓽ꓾ ꓟꓽ ꓥ ꓠꓬ ꓟꓺ ꓘꓪꓽ ꓓ ꓣꓱꓽ ꓢꓲ ꓬꓲ ꓐꓱ ꓓꓴ ꓫꓬꓹ
  2. ꓕꓲ ꓠꓬꓲ ꓡꓰ ꓕꓲ ꓠꓬꓲ ꓡꓳꓽ ꓔ ꓟ ꓢꓲꓹ ꓒꓬꓽ ꓐꓴ ꓔꓯ ꓙ ꓖꓶ ꓔ ꓟ ꓬꓲ ꓐꓱ ꓖꓴ ꓗꓪ ꓧꓳꓽ ꓗꓷ꓾ ꓧꓳꓽ ꓗꓷ ꓔ ꓟ ꓢꓲꓹ ꓒꓬꓽ ꓕꓯ ꓢꓲ ꓕꓳꓼ ꓠꓬꓲꓸ ꓖꓶ ꓗꓷ= ꓝꓮꓲ ꓬꓲ ꓙꓬꓻ ꓮ ꓟꓬꓹ ꓧꓳꓽ ꓖꓶꓽ꓾ ꓬꓲꓻ ꓙꓬ ꓧꓳ ꓖꓶˍ ꓟ ꓠꓬ ꓢꓲꓹ ꓒꓬꓽ ꓛꓵꓽ ꓡꓰ ꓢ ꓠꓹ ꓟ ꓥ ꓡꓳ=ꓖꓳ ꓟ ꓘꓴꓽ ꓗꓪ ꓮꓸ ꓠꓬꓲꓽ ꓛꓰꓽ ꓮ ꓭ ꓛꓰꓽ ꓧꓳꓽ ꓠꓲꓹ ꓫꓵˍ ꓠꓬ ꓧꓳ ꓓꓹ ꓡꓳ=
  3. ꓝꓮꓲ ꓠꓬ ꓜ ꓚꓬꓸ ꓖꓴ ꓗꓪ ꓐꓰ ꓓꓳ ꓡˍ ꓟ ꓢꓲꓺ ꓦ ꓗꓷ ꓟ ꓪꓳꓽ ꓒꓬꓽ ꓐꓴ꓾ ꓟꓳꓼ ꓐꓴ ꓔꓯˍ ꓟꓲ ꓬꓲ ꓐꓱ ꓖꓴ ꓐꓲ ꓡꓰˍ ꓗꓪ ꓛꓲ ꓧꓳꓽ ꓖꓶ= ꓬꓲꓻ ꓙꓬ ꓔꓯˍ ꓟꓲ ꓕꓲ ꓠꓬꓲˍ ꓡꓰ ꓧꓳꓽ ꓖꓶ=
  4. ꓢꓲꓹ ꓒꓬꓽ ꓛꓵꓽ ꓫꓬꓹ ꓟ ꓦ ꓐ 3 ꓟ ꓙꓳ ꓡꓰ ꓠꓬ ꓩꓲꓸ-ꓛꓲꓻ ꓒꓬꓱꓼ ꓡꓻꓳ= ꓩꓲꓸ-ꓛꓲꓻ ꓕꓱ ꓟ ꓔꓯ ꓔꓶ ꓔ ꓟ ꓬꓲ ꓜꓲ ꓐꓱ ꓶ ꓣꓱꓽ ꓓꓹ ꓡꓳ꓾ ꓐꓰ ꓐꓯ ꓔ ꓡꓳ=

Add new comment

3 + 6 =