ꓢꓽ ꓒꓳꓼ ꓒꓬꓽ ꓙꓲꓻ ꓖꓴ ꓙꓳˍ ꓟ ꓚꓱ,

ꓕꓱ ꓕꓲ ꓠꓽ ꓧꓪꓽ ꓖꓳ ꓓꓱꓽ ꓐꓱ ꓶ ꓙꓲꓻ ꓖꓴ ꓙꓳˍ ꓟ ꓚꓱ, ꓔꓯ ꓐꓯ ꓟꓳ. ꓖꓶˍ ꓟ ꓙꓵ, ꓗꓪ ꓐꓰ ꓢꓽ ꓒꓳꓼ ꓒꓬꓽ ꓙꓲꓻ ꓖꓴ ꓙꓳˍ ꓟ ꓚꓱ, ꓔꓯ ꓐꓯ ꓟ. ꓖꓶ ꓩꓴ ꓡˍ ꓥꓳ꓿

ꓕꓲ ꓖ ꓖ ꓗꓪ ꓠꓬ ꓢꓽ ꓒꓳꓼ ꓒꓬꓽ ꓠꓴꓽˍ ꓟ ꓔꓯ ꓞꓲꓼ꓾ ꓬꓲꓻ ꓛ ꓗꓪ ꓔꓲ, ꓢꓲ꓾ ꓡꓽ‐ꓚꓬ. ꓒꓬꓽ ꓑꓯ. ꓔ ꓟ ꓗꓪ ꓗꓷ ꓢꓲ ꓜꓽˍ ꓟ ꓥꓳ꓿ ꓢꓽ ꓒꓳꓼ ꓒꓬꓽ ꓠꓴꓽˍ ꓟ ꓔꓯ ꓬꓲꓻ ꓛ ꓗꓪ ꓔꓲ, ꓢꓲ ꓕꓲ ꓫꓵꓽ ꓫꓵꓽ ꓐꓰ ꓜꓽˍ ꓟꓲ ꓜꓽ ꓙꓲˍ ꓟ ꓥꓳ꓿ ꓕꓱ ꓡꓱ ꓜꓽˍ ꓟ ꓑꓶ. ꓓꓴ ꓮ ꓟꓬ ꓙꓲꓻ ꓖꓴ ꓙꓳˍ ꓟ ꓔꓯ ꓐꓯ ꓖꓶ ꓩꓴ ꓡˍ ꓥꓳ꓿

ꓚꓮꓠꓚꓰꓣ ꓠꓻ ꓫꓵꓽ ꓔꓯ ꓥ ꓟꓲ ꓗꓽ ꓕ. ꓖꓶˍ ꓟ ꓥꓳ꓿ ꓢꓽ ꓒꓳꓼ ꓒꓬꓽ ꓗꓪ ꓠꓬ ꓰꓠꓜꓬꓟꓰ ꓮ ꓟꓬ, ꓙꓳˍ ꓟ ꓑꓶ. ꓓꓴ ꓳ ꓟꓶꓽ꓾ ꓤ ꓘꓶꓻ꓾ ꓐꓵꓼ ꓟꓵ ꓐꓰ ꓫꓵꓽ ꓒꓬ.(ꓫꓵꓽ ꓒꓯꓼ) ꓚꓮꓠꓚꓰꓣ ꓒꓬꓱꓼ ꓡ ꓓꓴ ꓔꓯ ꓥˍ ꓟꓲ ꓗꓽ ꓕ. ꓖꓶˍ ꓟ ꓥꓳ꓿ 

ꓖꓳ ꓟ ꓡꓰꓽ ꓟꓽ ꓞꓲꓺ ꓢꓽ ꓒꓳꓼ ꓒꓬꓽ ꓠꓬ ꓦꓬꓽ ꓕꓳ, ꓘꓳꓼ ꓗꓷ ꓟ ꓗꓪ ꓐꓰ ꓒꓬꓱꓼˍ ꓟ ꓠꓻ ꓫꓵꓽ (Dengue Fever) ꓔꓯ ꓥˍ ꓟꓲ ꓓꓻ ꓡꓰ ꓝꓲˍ ꓟ ꓥꓳ꓿ ꓖꓳ ꓡꓱ ꓥˍ ꓟꓲ ꓦꓬꓽ ꓕꓳ, ꓘꓳꓼ ꓗꓷ ꓟ ꓗꓪ ꓐꓰ ꓒꓬꓱꓼˍ ꓟ ꓠꓻ ꓫꓵꓽ (Dengue Fever) ꓗꓷ ꓡꓰ ꓕꓯ ꓠꓯꓻ ꓞꓲꓼ ꓦꓲ ꓗꓪ ꓮ ꓧꓶꓽ ꓟ. ꓠ ꓔ ꓡꓳ꓿

ꓢꓽ ꓒꓳꓼ ꓒꓬꓽ ꓠꓬ ꓠꓻ ꓧꓶ ꓠꓻ ꓫꓵꓽ(Malaria) ꓔꓯ ꓥˍ ꓟꓲ ꓓꓻ ꓡꓰ ꓝꓲˍ ꓟ ꓢꓯꓼ ꓙꓳˍ ꓟ ꓥ ꓡꓳ꓿ ꓢꓽ ꓒꓳꓼ ꓒꓬꓽ ꓠꓬ ꓠꓻ ꓐꓶꓽ ꓓꓲ ꓐꓴ ꓔꓯ ꓥˍ ꓟꓲ ꓗꓽ ꓕ. ꓖꓶˍ ꓟ ꓢꓯꓼ ꓙꓳˍ ꓟ ꓥꓳ꓿