ꓦ-ꓓꓴꓽ-ꓢꓶꓽ ꓜꓲ ꓔꓯ ꓪꓴꓸ ꓔꓲꓸ ꓪꓴꓸ ꓑ ꓔꓶ ꓚꓱꓹ

ꓠꓬꓲꓸ ꓠꓬꓲ ꓔꓶ ꓫꓵꓽ ꓔꓶ ꓙꓰꓼ ꓔꓶˍ ꓟ ꓚꓱꓹ ꓔꓯ ꓟꓳꓸ ꓢꓳ ꓣꓴˍ ꓟ ꓙꓵꓹ ꓗꓪ ꓠꓬ Tomato ꓦ-ꓓꓴꓽ-ꓢꓶ ꓔꓶ ꓚꓱꓹ ꓔꓯ ꓟꓳꓸ ꓢꓳ ꓣꓴ ꓓꓴ ꓬꓰ ꓡꓯ=

ꓔꓶ ꓫꓵꓽ ꓔꓶ ꓙꓰ ꓔꓶˍ ꓐꓯꓸ ꓟ ꓕꓲ ꓒꓳꓹ ꓗꓪ ꓠꓬ꓾ ꓟꓲ ꓠꓯ ꓕꓯꓽ ꓢꓲ ꓗꓪ ꓔꓶˍ ꓟˍ ꓟꓲ ꓙꓳ꓾ ꓬꓲꓻ ꓙꓬ ꓘꓴꓽ ꓗꓪ ꓔꓶˍ ꓟ ꓟꓲ ꓙꓳ ꓾ ꓢꓲꓹ ꓜꓲ ꓕꓯ ꓢꓲ ꓔꓶˍ ꓟ ꓟꓲ ꓙꓳˍ ꓡꓳ ꓫꓵꓽ ꓥꓳ= ꓮ ꓡꓲ ꓕꓲ ꓖ ꓗꓪ ꓔꓶˍ ꓥ ꓟꓲ ꓟꓬꓽ ꓠꓬꓲ ꓠꓬꓲ꓾ ꓮ ꓠꓱ ꓮ ꓒꓵꓽ ꓮ ꓑ ꓗꓪ ꓐꓰ ꓝꓸ ꓩꓴ ꓡꓹ ꓟ ꓔꓶ ꓚꓱꓹ ꓔꓯ ꓣꓱꓽ ꓢꓲ ꓔꓶ ꓜꓽ ꓔꓬ ꓢꓴ ꓐꓴ ꓥ ꓡꓳ= ꓝꓮꓲ  ꓠꓬ ꓔꓶ ꓜꓽ ꓔꓶ ꓓꓳ ꓚꓱꓹ ꓔꓯ ꓟꓳꓸ ꓢꓷꓸ ꓠꓲꓹ ꓙꓳ ꓢꓴ ꓐꓴ ꓡꓰ ꓧꓪ ꓔ ꓟ ꓔꓶ ꓚꓱꓹ ꓬꓲꓸ ꓫꓵꓼ ꓔꓯ ꓣꓱꓽ ꓢꓲ ꓔꓶ ꓢꓴˍ ꓟꓲ ꓙꓳ ꓡꓳꓽ ꓫꓵꓽ ꓥꓳ=

ꓕꓱ ꓕꓲ ꓑꓹ ꓗꓪ ꓠꓬ ꓣꓦꓮ ꓗꓪ ꓐꓰ ꓦ-ꓓꓴꓽ-ꓢꓶꓽ ꓔꓯ ꓪꓴꓸ ꓔꓲꓸ ꓪꓴ ꓑ ꓔꓶ ꓚꓱꓹ ꓔꓯ ꓟꓳꓸ ꓐꓯ ꓟꓳꓸ ꓖꓶ ꓩꓴ ꓡˍ ꓥꓳ= ꓮ ꓕꓯ ꓟꓲ ꓟꓽ ꓔꓶ ꓠꓬꓲ ꓐꓯˍ ꓥ ꓟꓲ ꓾ ꓔꓶ ꓫꓵꓽ ꓔꓶ ꓙꓰꓽ ꓔꓶ ꓟ ꓚꓱꓹ ꓐꓴ ꓔꓯ ꓟꓳꓸ ꓖꓶ ꓔꓬ ꓟ page ꓗꓪ ꓐꓰ ꓐꓯ ꓖꓶ ꓔ ꓟ ꓠꓬ꓾ ꓮ ꓙꓵꓽ ꓐꓱ ꓶ ꓙꓲˍ ꓡꓳ ꓐꓰ ꓓꓵꓽ ꓙ ꓢꓲ꓾ ꓐꓯ ꓟꓳꓸ ꓖꓶ ꓩꓴ ꓡˍ ꓟ ꓥꓳ=

ꓔꓶ ꓫꓵꓽ ꓔꓶ ꓙꓰꓽ ꓔꓶ ꓟ ꓚꓱꓹ ꓐꓴ ꓔꓯ ꓟꓳꓸ ꓖꓶ ꓔꓬ ꓟ page ꓗꓪ ꓐꓯ ꓔ ꓟ ꓠꓬ꓾ ꓪꓴꓸ ꓔꓲꓸ ꓪꓴꓸ ꓑ ꓔꓶ ꓚꓱꓹ ꓗꓪ ꓙꓲˍ ꓟ ꓕꓲꓽ ꓫꓵꓽ ꓠꓬ꓾ ꓬꓲꓸ ꓚꓰ ꓔꓯ ꓮ ꓟꓴ ꓗꓪ ꓓꓯ ꓝꓲˍ ꓟ ꓥ ꓡꓳ= ꓕꓱ ꓟ ꓠꓬ ꓟꓽ ꓓ ꓙꓲˍ ꓟ ꓔꓶ ꓚꓱꓹ ꓥ ꓡꓳ꓾ ꓐꓰ ꓐꓯ ꓖꓶ ꓠꓲꓹ ꓫꓵˍ ꓡꓳ= ꓧꓶꓸ ꓕꓯ ꓔꓶ ꓔꓬ ꓟ ꓚꓱꓹ ꓣꓱꓽ ꓢꓲ ꓔꓶˍ ꓠꓬ꓾ ꓬꓲꓸ ꓚꓰꓺ ꓐꓴ ꓟꓲ ꓠꓯ ꓠꓯꓸ ꓘꓪ ꓓꓵꓽ ꓡꓰˍ ꓥꓳ= ꓖꓳ ꓡꓱ ꓠꓬ꓾ ꓬꓲ ꓜꓲ ꓐꓱ ꓶ ꓣꓱꓽ ꓞꓹ ꓟ ꓬꓲꓻ ꓙꓬ ꓾ ꓩꓲꓸ-ꓛꓲꓺ ꓔꓯ ꓬꓲꓸ ꓚꓰꓺ ꓗꓪ ꓛꓲ ꓬꓰ ꓠꓹ ꓟ ꓠꓽ ꓟꓽ ꓢ= ꓣꓳ ꓔꓶ ꓔ ꓟ ꓬꓲꓸ ꓜꓲ ꓕꓲ ꓜꓲ ꓐꓰ ꓕꓲ ꓜꓲ ꓠꓶꓽ ꓡꓰˍ ꓟꓲ ꓬꓲꓸ ꓜꓲ ꓫꓵꓻ ꓡˍ ꓥꓳ=

ꓦ-ꓓꓴꓽ-ꓢꓶꓽ ꓜꓲ ꓗꓪ ꓒꓬꓱꓼˍ ꓟ ꓠꓬ ꓬꓲꓸ ꓒꓬꓽ ꓔꓯ ꓞꓰꓻ ꓡꓰ ꓝꓲ ꓢꓲ ꓾ ꓬꓲꓸ ꓜꓲ ꓫꓵꓻ ꓝꓲˍ ꓟ ꓬꓲꓸ ꓚꓰꓺ ꓐꓶꓽ ꓓꓲꓻ ꓥ ꓡꓳ= ꓠꓻ ꓐꓶꓽ ꓓꓲꓻ ꓕꓱ ꓟ ꓟꓲ ꓠꓯ ꓠꓯꓸ ꓘꓪ ꓟ ꓬꓲꓸ ꓚꓰꓺ ꓗꓪ ꓐꓰ ꓬꓲꓸ ꓜꓲ ꓗꓪ ꓓꓵꓽ ꓡˍ ꓕꓯ ꓠꓽ꓾ ꓕꓲ ꓜꓲ ꓡꓱꓸꓼ ꓙꓴꓺ ꓡꓰ ꓢꓲ꓾ ꓫꓵꓻ ꓢˍ ꓡꓳ=

ꓪꓴꓸ ꓔꓲꓸ ꓪꓴꓸ ꓑ ꓔꓶˍ ꓕꓯ ꓠꓽ 2 ꓫꓵꓽ ꓔꓶ ꓐ ꓡˍ ꓡꓳ= ꓕꓯꓽ ꓢꓲ ꓗꓪ ꓠꓬ ꓠꓱꓸ ꓐꓯꓼ ꓕꓲ ꓙꓰꓽ ꓔꓶ ꓢꓲ꓾ ꓠꓯꓸ ꓘꓪ ꓠꓬ ꓦ-ꓓꓴꓽ-ꓢꓶꓽ ꓜꓲ ꓔꓶ ꓓꓹ ꓡꓳ=  ꓔꓶ ꓚꓱꓹ ꓕꓱ ꓟ ꓠꓬ ꓾ ꓮ ꓢꓳ ꓕꓯ ꓐꓯ ꓗꓷ ꓟ ꓬꓲꓸ ꓜꓲ ꓠꓻ ꓔꓯ ꓗꓽ ꓕ ꓠꓹ ꓟ ꓮ ꓘꓶꓸ ꓢˍ ꓡꓳ= ꓬꓲꓸ ꓜꓲ ꓟꓽ ꓔꓶ ꓧꓶꓸ ꓕꓯ꓾ ꓩꓲꓸ-ꓛꓲꓺ ꓧꓳꓽˍ ꓕꓯ ꓐꓶꓽ ꓓꓲꓻ ꓢꓰꓼ ꓠꓯ ꓞꓲꓼ ꓮ ꓔꓲꓸ ꓤ ꓗꓷ ꓛꓵˍ ꓡꓳ= ꓟꓲꓽ ꓠꓯ ꓕꓯꓽ ꓢꓲ ꓕꓶˍ ꓟ ꓚꓱꓹ ꓢꓲꓸ ꓟꓽ ꓞꓲ ꓒꓴ ꓮ ꓟꓬꓹ ꓟꓽ ꓖꓴ ꓟꓽ ꓚꓱꓹ ꓥ ꓡꓳ=

ꓔꓶ ꓚꓱꓹ ꓠꓬ꓾

ꓣꓳꓽ ꓔꓶ ꓠꓲꓹ ꓫꓵˍ ꓟ ꓦ-ꓓꓴꓽ-ꓢꓶꓽ ꓬꓲꓸ ꓓꓽ ꓟ ꓾ ꓬꓲꓸ ꓤ ꓤ ꓔꓯ ꓡꓳꓸ ꓢꓲ ꓾ ꓔꓶ ꓓꓴ ꓑꓳ: (ꓬꓲꓸ ꓕꓴꓽ ꓕꓲ ꓕꓴꓽ) ꓙ ꓖꓶ ꓠ ꓗꓹ ꓡꓳ=

ꓑꓳꓽ ꓬꓲꓸ ꓓꓳꓺ ꓗꓪ ꓬꓲꓸ ꓘꓴ ꓕꓴꓺ ꓔ ꓢꓲ꓾ ꓬꓲꓸ ꓜꓲ ꓡꓲꓸ ꓤ ꓔꓯ ꓖꓳ ꓗꓪ ꓧꓳꓽ ꓖꓶ ꓠ ꓗꓹ ꓡꓳ=

ꓧꓳꓽ ꓓꓳ ꓡꓰ ꓠꓬ ꓕꓯꓽ ꓢꓲ ꓗꓪ ꓚꓳꓸ ꓟꓽ ꓙꓴꓺ ꓡꓰ ꓢꓰꓽ ꓟ ꓟꓵꓽ ꓛꓲꓺ ꓙꓳˍ ꓟ ꓠꓱꓸ ꓦꓱꓽ ꓐꓰ ꓩꓲꓸ-ꓛꓲꓺ ꓧꓳꓽ ꓖꓶ ꓠ ꓔ ꓥ=

ꓪꓴꓸ ꓔꓲꓸ ꓪꓴꓸ ꓑ ꓔꓶ ꓔ ꓟ ꓦ-ꓓꓴꓽ-ꓢꓶꓽ ꓜꓲ ꓔꓯ ꓾ ꓕꓲꓽ ꓠꓬꓲ ꓐꓱ ꓶ ꓟꓲꓽ ꓟꓲ ꓡꓱꓻ ꓢꓯꓼ  6 ꓙꓵꓹ ꓟꓽ ꓛꓲ ꓟꓶ ꓓꓹ ꓟ ꓗꓪ ꓥꓳꓺ ꓔ ꓠ ꓗꓹ ꓡꓳ= ꓮ ꓘꓶꓸ ꓞ ꓡˍ ꓕꓯ ꓠꓽ ꓾ ꓬꓲꓸ ꓜꓲ ꓗꓪ ꓕꓲꓽ ꓠꓬꓲ ꓬꓲꓻ ꓙꓬ ꓠꓬꓲꓽ ꓧꓪꓹ ꓧꓳꓽ ꓖꓶꓽ ꓠ ꓗꓹ ꓡꓳ=

ꓖꓳ ꓟ ꓡꓰꓽ ꓟ ꓛꓲ ꓕꓯꓽ ꓢꓲ ꓗꓪ ꓠꓱꓸ ꓐꓯꓼ ꓪꓳꓽ ꓒꓬꓽ ꓜꓲˍ ꓟꓲ ꓔꓶ ꓙꓲˍ ꓥ=

Add new comment

2 + 14 =