ꓧꓪꓽ ꓗꓳꓼ ꓢꓶꓽ ꓙꓲꓻ ꓖꓴ ꓙꓳˍ ꓟ

ꓧꓪꓽ ꓗꓳꓼ ꓢꓶꓽ ꓗꓪ ꓠꓬ ꓦꓲꓔꓮꓟꓲꓠ ꓮ꓾ ꓦꓲꓔꓮꓟꓲꓠ ꓐ꓾ ꓦꓲꓔꓮꓟꓲꓠ ꓚ꓾ ꓦꓲꓔꓮꓟꓲꓠ ꓰ꓾ ꓦꓲꓔꓮꓟꓲꓠ ꓗ꓾ ꓢꓳꓓꓲꓴꓟ꓾ ꓑꓳꓔꓮꓢꓢꓲꓴꓟ꓾ ꓚꓮꓡꓚꓲꓴꓟ꓾ ꓚꓳꓑꓑꓰꓣ꓾ ꓲꓣꓳꓠ ꓢꓯꓼ꓾ ꓟꓮꓖꓰꓠꓰꓢꓲꓴꓟ꓾ ꓜꓲꓠꓚ꓾ ꓚꓮꓡꓳꓣꓲꓰ꓾ ꓚꓳꓟꓟꓳꓠ ꓧꓬꓓꓣꓮꓔꓰ꓾ ꓬꓲ ꓞꓶꓻ ꓢꓯꓼ꓾ ꓑꓣꓳꓔꓰꓲꓠ꓾ ꓚꓳꓡꓰꓢꓔꓰꓣꓳꓡ꓾ ꓐꓰ ꓝꓲꓐꓰꓣ ꓢꓯꓼ ꓮ ꓟꓬꓹ ꓙꓳˍ ꓟ ꓥ ꓡꓳ=

ꓧꓪꓽ ꓗꓳꓼ ꓢꓶꓽ ꓔꓯ ꓜꓽˍ ꓟ ꓗꓪ ꓐꓰ ꓣꓳꓽ ꓧꓪꓽ ꓖꓳ ꓓꓱꓽ ꓐꓱ ꓶ ꓙꓲꓻ ꓖꓴ ꓙꓳˍ ꓟ ꓚꓱꓹ ꓮ ꓟꓬꓹ ꓙꓳˍ ꓟ ꓥꓳ=ꓫꓵꓽ ꓔꓯ ꓕꓲ ꓟꓴ ꓗꓷ ꓡꓰˍ ꓟ ꓡꓰꓽ ꓟꓽ ꓞꓲꓺ ꓫꓵꓽ ꓓꓯˍ ꓟ ꓠꓻ ꓫꓵꓽ꓾ ꓓꓲꓮꓐꓰꓔꓰꓢ (ꓢꓰꓹ-ꓛꓬꓳ) ꓠꓻ ꓫꓵꓽ ꓔꓯ ꓥˍ ꓟꓲ ꓓꓻ ꓡꓰ ꓝꓲˍ ꓟ ꓥꓳ= ꓪꓳꓽ ꓔꓳ ꓐꓰ ꓢꓶꓽ ꓛꓲ ꓔꓯ ꓥˍ ꓟꓲ ꓔꓰꓹ ꓡꓰ ꓝꓲˍ ꓟ ꓥ ꓡꓳ= ꓧꓪꓽ ꓗꓳꓼ ꓢꓶꓽ ꓬꓲꓻ ꓔꓯ ꓣꓳ ꓮ ꓕꓯ ꓥˍ ꓟꓲ ꓓꓳˍ ꓕꓯ ꓓꓲꓮꓐꓰꓔꓰꓢ (ꓢꓰꓹ-ꓛꓬꓳ) ꓓꓯˍ ꓟ ꓔꓯ ꓥˍ ꓟꓲ ꓗꓽ ꓕ ꓖꓶˍ ꓟ ꓥꓳ=

ꓢꓯꓼ ꓛꓵꓽˍ ꓟ꓾ ꓔꓐ ꓐꓵꓼ ꓟꓵ ꓠꓻ ꓫꓵꓽ ꓔꓯ ꓥˍ ꓟꓲ ꓓꓻ ꓡꓰ ꓝꓲ ꓠꓹ ꓟ ꓐꓱ ꓶ ꓬꓰ ꓙˍ ꓟ ꓥꓳ= ꓧꓪꓽ ꓗꓳꓼ ꓢꓶꓽ ꓗꓪ ꓐˍ ꓟ ꓑꓳꓔꓮꓢꓢꓲꓴꓟ ꓠꓬ ꓠꓲꓹ ꓟ ꓔꓷꓹ ꓟ ꓔꓯˍ ꓟꓲ ꓕꓲ ꓟꓴ ꓤ ꓗꓷ ꓡꓰ ꓝꓲ ꓢꓲ ꓠꓲꓹ ꓟ ꓠꓻ ꓫꓵꓽ ꓔꓯ ꓓꓻ ꓡꓰ ꓝꓲˍ ꓟ ꓥꓳ= ꓣꓳ ꓫꓵꓽ ꓘꓴꓽ ꓗꓪ ꓞꓼ ꓛꓵ ꓢꓯꓼ ꓔꓯ ꓥˍ ꓟꓲ ꓕꓲ ꓟꓴꓹ ꓤ ꓗꓷ ꓡꓰ ꓝꓲˍ ꓟ ꓥꓳ=

ꓪꓴꓸ ꓠꓷꓸ ꓔꓯ ꓥˍ ꓟꓲ ꓙꓲꓻ ꓡꓰ ꓝꓲˍ ꓟ ꓥꓳ= ꓟꓬꓻ ꓢꓶꓽ ꓟꓳꓻ ꓡꓰ ꓓꓴ ꓔꓯ ꓥ ꓟꓲ ꓙꓲꓻ ꓖꓴ ꓙꓳˍ ꓟ ꓥꓳ= ꓖꓳ ꓟ ꓡꓰꓽ ꓟꓽ ꓞꓲꓺ ꓝꓲꓐꓰꓣ ꓢꓯꓼ ꓐˍ ꓟ ꓑꓶꓸ ꓓꓴ ꓖꓳ ꓓꓱꓽ ꓔꓯ ꓕꓲ ꓟꓴˍ ꓤ ꓗꓷ ꓡꓰ ꓠꓲꓹ ꓫꓵ ꓢꓴ ꓐꓱ ꓶ ꓙꓲꓻ ꓖꓴ ꓙꓳˍ ꓟ ꓥꓳ= ꓖꓳ ꓟ ꓡꓰꓽ ꓟꓽ ꓞꓲꓺ ꓫꓵꓽ ꓒꓯꓼ ꓚꓮꓠꓚꓰꓣ꓾ ꓫꓵꓽ ꓒꓯꓼ ꓗꓪ ꓗꓷ ꓡꓰ ꓠꓹ ꓟ ꓠꓻ ꓫꓵꓽ ꓔꓯ ꓥˍ ꓟꓲ ꓗꓽ ꓔ ꓖꓶˍ ꓟ ꓥ ꓡꓳ= ꓛꓲꓽ ꓚꓵꓸ ꓔ ꓟ꓾ ꓐꓵꓼ ꓟꓵ ꓳˍ ꓟ꓾ ꓡꓰ ꓐꓲ ꓙꓴꓽ ꓠꓻˍ ꓟ ꓔꓯˍ ꓟꓲ ꓓꓻ ꓡꓰ ꓝꓲˍ ꓟ ꓥ ꓡꓳ=

ꓕꓱ ꓗꓪ ꓠꓬ ꓧꓪꓽ ꓗꓳꓼ ꓢꓶꓽ ꓠꓬ ꓣꓳ ꓧꓪꓽ ꓖꓳ ꓓꓱꓽ ꓐꓱ ꓡ ꓮ ꓟꓬ ꓙꓲꓻ ꓖꓴ ꓙꓳˍ ꓟ ꓔꓯ ꓐꓯ ꓟꓳꓸ ꓖꓶ ꓗꓷ ꓟ ꓥ ꓡꓳ=