ꓪꓴꓽ ꓓꓲꓻ ꓐꓱ ꓶ ꓤ ꓟꓴ ꓠ ꓔ ꓟ (10) ꓫꓵꓽ

ꓪꓴꓽ ꓓꓲꓻ ꓐꓱ ꓶ ꓤ ꓟꓴ ꓠ ꓔ ꓟ 10 ꓙꓰꓽ

ꓪꓴꓽ ꓓꓲꓻ ꓠꓬ ꓫꓵꓽ ꓙꓴꓽ ꓗꓪ ꓙꓳˍ ꓟ ꓫꓵꓽ ꓔꓯ ꓢꓲꓽ ꓫꓬ ꓡꓰ ꓠꓹ ꓟ ꓬꓰ ꓖꓶ ꓢꓲ ꓜꓽ ꓫꓵꓽ ꓜꓽ ꓙꓰꓽ ꓗꓪ ꓐꓰ Vitamin ꓐꓰ Minerals ꓢꓯꓼ ꓔꓯ ꓣꓴ ꓢꓲ ꓖꓳ ꓓꓱꓽ ꓗꓪ ꓣꓱꓽ ꓬꓯꓼˍ ꓟ ꓢꓯꓼ ꓔꓯ ꓬꓰ ꓙˍ ꓟ ꓥꓳ= ꓖꓳ ꓓꓱꓽ ꓗꓪ ꓟꓽ ꓣꓱꓽ ꓬꓯꓼˍ ꓟ ꓔꓯ ꓥ ꓟꓲ ꓣꓴ ꓖꓶˍ ꓟ ꓥꓳ= ꓖꓳ ꓟ ꓑꓶꓸ ꓓꓴ ꓪꓴꓽ ꓓꓲꓻ ꓠꓬ ꓖꓳ ꓓꓱꓽ ꓐꓱ ꓶ ꓮ ꓘꓶꓸ ꓣꓱꓽ ꓬꓯꓼˍ ꓟ ꓥꓳ=

ꓪꓴꓽ ꓓꓲꓻ ꓐꓱ ꓶ ꓣꓳ ꓤ ꓟꓴ ꓠ ꓔ ꓟ (10) ꓫꓵꓽ ꓠꓬ

(1) ꓬꓲꓻ ꓙꓬ ꓡꓳꓼ ꓠ ꓓꓳˍ ꓟ

ꓣꓳ ꓖꓳ ꓓꓱꓽ ꓗꓪ ꓬꓲꓻ ꓙꓬ ꓡꓳꓼˍ ꓕꓯ ꓢꓲ ꓖꓳ ꓓꓱꓽ ꓘꓴꓽ ꓗꓪ ꓙꓳˍ ꓟ ꓮ ꓙꓵꓽ ꓠꓬ ꓟꓬꓱꓽ ꓬꓰ ꓘꓴˍ ꓟ ꓥꓳ= ꓬꓲꓻ ꓙꓬ ꓠꓬ ꓖꓳ ꓓꓱꓽ ꓘꓴꓽ ꓗꓪ ꓙꓳˍ ꓟ ꓟꓽ ꓙꓲꓻ ꓟ ꓔꓯ ꓥˍ ꓟꓲ ꓣꓴ ꓖꓶˍ ꓟ ꓡꓰꓽ ꓟꓽ ꓞꓲꓺ꓾ ꓪꓴꓽ ꓓꓲꓻ ꓗꓪ ꓡꓳ ꓓꓰ ꓟꓽ ꓙꓳ ꓠꓹ ꓟ ꓐꓱ ꓶˍ ꓟꓲ ꓬꓰ ꓙˍ ꓟ ꓥꓳ= ꓖꓳ ꓡꓱ ꓥˍ ꓟꓲ ꓬꓲꓻ ꓙꓬ ꓔꓯ ꓣꓳꓽ ꓣꓱꓽ ꓬꓯꓼˍ ꓟ ꓕꓯꓽ ꓢꓲꓺ ꓮ ꓟꓬꓹ ꓓꓳ ꓟꓽ ꓓ ꓟ ꓥꓳ= ꓕꓲ ꓠꓬꓲ ꓗꓪ ꓬꓲꓻ ꓙꓬ 2 ꓡꓲ-ꓔ ꓛꓲꓺ ꓓꓳˍ ꓕꓯ ꓟꓬꓽ ꓠꓬꓲ ꓙꓲˍ ꓟ ꓥꓳ=

(2) ꓠꓯꓻ ꓞꓲꓼ ꓔꓯ ꓐꓯ ꓔ ꓟ ꓡꓰ ꓐꓰ ꓟꓽ ꓓꓳ ꓟ

ꓣꓳ ꓠꓻˍ ꓕꓯ ꓥ ꓟꓲ꓾ ꓕꓲ ꓫꓵꓽ ꓫꓵꓽ ꓗꓹ ꓕꓯ ꓥˍ ꓟꓲ ꓠꓯꓻ ꓞꓲꓼ ꓔꓯ ꓣꓳ ꓚꓲꓸ ꓛꓬ ꓓꓳˍ ꓟ ꓗꓪ ꓐꓰ ꓪꓴꓽ ꓓꓲꓻ ꓔꓯ ꓐꓬ ꓡꓰ ꓓꓴ ꓚꓱꓹ ꓗꓪ ꓐꓰ ꓕꓲ ꓫꓵꓽ ꓥꓳ= ꓖꓳ ꓟ ꓑꓶꓸ ꓓꓴ ꓣꓳ ꓕꓲ ꓫꓵꓽ ꓫꓵꓽ ꓗꓷ ꓢꓲ ꓠꓯꓻ ꓞꓲꓼ ꓓꓳ ꓠ ꓔ ꓕꓯ꓾ ꓣꓳ ꓚꓲꓸ ꓛꓬ ꓗꓪ ꓐꓰ ꓟꓽ ꓥ꓾ ꓠꓯꓻ ꓞꓲꓼ ꓟꓸ ꓒ ꓐꓴ ꓐꓯ ꓟ ꓡꓰ ꓐꓰ ꓛꓳ ꓢꓲ ꓓꓳ ꓠ ꓔ ꓡꓳ=

(3) ꓢꓳ-ꓓꓲ-ꓬꓯ ꓐꓹ ꓟ ꓜꓽ ꓫꓵꓽ ꓔꓯ ꓜꓽˍ ꓟ

ꓢꓳ-ꓓꓲ-ꓬꓯ ꓐꓹ ꓟ ꓜꓽ ꓫꓵꓽ ꓔꓯ ꓮ ꓟꓬꓹ ꓜꓽˍ ꓕꓯ ꓣꓳ ꓖꓳ ꓓꓱꓽ ꓗꓪ ꓢꓳ-ꓓꓲ-ꓬꓯ ꓢꓯꓼ ꓮ ꓟꓬꓹ ꓟꓬꓽ ꓡ ꓢꓲ ꓪꓴꓽ ꓓꓲꓻ ꓡꓰ ꓢꓲꓽ ꓫꓬ ꓖꓶˍ ꓟ ꓢꓯꓼ ꓟꓽ ꓙꓳ ꓢꓲ꓾ ꓪꓴꓽ ꓓꓲꓻ ꓔꓯ ꓐꓬ ꓡꓰ ꓓꓴ ꓕꓱ ꓡꓱ ꓗꓹ ꓟ ꓥꓳ=

(4) ꓫꓵꓽ ꓔꓯ ꓥˍ ꓟꓲ ꓟꓽ ꓚꓬꓹ ꓔ ꓟ

ꓫꓵꓽ ꓚꓬꓹ ꓔ ꓟ ꓔꓯˍ ꓟꓲ ꓣꓳ ꓮ ꓕꓯ ꓥˍ ꓟꓲ ꓬꓰ ꓖꓶ ꓠ ꓔ ꓟ ꓥꓳ= ꓫꓵꓽ ꓟꓬꓽˍ ꓐꓯ ꓟ ꓠꓬ ꓫꓵꓽ ꓘꓴꓽ ꓗꓪ꓾ ꓫꓵꓽ ꓙꓴꓽ ꓗꓪ ꓕꓲ ꓫꓵꓽ ꓫꓵꓽ ꓗꓷˍ ꓟ ꓡꓰ ꓐꓰ ꓫꓵꓽ ꓓꓯˍ ꓟ ꓠꓻ ꓫꓵꓽ ꓒꓬꓱꓼ ꓡ ꓕꓯ ꓥˍ ꓟꓲ ꓫꓵꓽ ꓙꓴꓽ ꓠꓬ ꓣꓳꓺ ꓡˍ ꓟ ꓥꓳ= ꓖꓳ ꓕꓯ ꓫꓵꓽ ꓘꓴꓽ ꓗꓪ ꓟꓽ ꓙꓲꓻ ꓡꓳ ꓫꓵꓽ ꓟꓬꓽ ꓡ ꓢꓲ ꓕꓱ ꓟ ꓔꓯ ꓪꓴꓽ ꓓꓲꓻ ꓠꓬ ꓢꓲꓽ ꓫꓬ ꓡꓰ ꓝꓲ ꓠꓹ ꓟ ꓢꓯꓼ ꓟꓽ ꓙꓳ ꓡ ꓟ ꓥꓳ= ꓠꓲꓹ ꓟ ꓫꓵꓽ ꓙꓴꓽ ꓗꓪ ꓕꓲ ꓫꓵꓽ ꓫꓵꓽ ꓒꓬꓱꓼ ꓡ ꓕꓯ ꓪꓴꓽ ꓓꓲꓻ ꓔꓲꓢꓢꓴꓰ ꓠꓬ ꓣꓱꓽ ꓬꓯꓼˍ ꓟ ꓢꓯꓼ ꓔꓯ ꓟꓽ ꓣꓴ ꓖꓶ ꓟ ꓑꓶꓸ ꓓꓴ ꓪꓴꓽ ꓓꓲꓻ ꓔꓯ ꓐꓬ ꓡꓰ ꓝꓲˍ ꓟ ꓥꓳ=

(5) ꓙꓲꓽ ꓫꓵˍ ꓫꓵˍ ꓡꓲ ꓔ ꓟ ꓔꓯ ꓮ ꓟꓶꓸ ꓟꓶ ꓜꓲꓽˍ ꓟ

(6) ꓛꓵˍ ꓟ ꓜꓽ ꓫꓵꓽ ꓔꓯ ꓮꓽ ꓟꓬꓹ ꓜꓽˍ ꓟ

ꓢꓳ-ꓓꓲ-ꓬꓯ ꓮ ꓟꓬꓹ ꓐꓹ ꓟ ꓜꓽ ꓓꓴ ꓔꓯ ꓜꓽˍ ꓕꓯ ꓪꓴꓽ ꓢꓲꓻ ꓔꓯ ꓐꓬ ꓡꓰ ꓝꓲˍ ꓟ ꓡꓰ ꓐꓰ ꓛꓵˍ ꓟ ꓜꓽ ꓫꓵꓽ ꓔꓯ ꓜꓽˍ ꓕꓯ ꓥ ꓟꓲ ꓕꓱ ꓡꓱ ꓗꓷ ꓡꓰˍ ꓟ ꓥꓳ=

(7) ꓙꓲ ꓒꓶꓽ ꓐꓰ ꓛꓵꓼ ꓡꓵ ꓓꓳˍ ꓟ

(8) ꓫꓵꓽˍ ꓟ ꓧꓪꓽ ꓐꓴ ꓔꓯ ꓜꓽˍ ꓟ

ꓮ ꓘꓶꓸ ꓫꓵꓽˍ ꓟ ꓧꓪꓽ ꓠꓬ ꓲꓣꓳꓠ ꓢꓯꓼ ꓐꓰ Protein ꓢꓯꓼ ꓔꓯ ꓮ ꓟꓬꓹ ꓖꓶˍ ꓟ ꓡꓰꓽ ꓟꓽ ꓞꓲꓺ ꓮ-ꓟꓳ-ꓠꓲ-ꓬ ꓐꓰ Nitrogen ꓢꓯꓼ ꓐꓹ ꓟ ꓑꓶꓸ ꓓꓴ ꓕꓲ ꓦꓬꓼ ꓡꓰ ꓕꓲ ꓦꓬꓼ ꓜꓽˍ ꓕꓯ ꓪꓴꓽ ꓓꓲꓻ ꓔꓯ ꓐꓬ ꓡꓰ ꓝꓲˍ ꓟ ꓥꓳ=

(9) ꓮ ꓘꓶꓹ ꓠꓬꓹ ꓢꓲ ꓟꓽ ꓡꓵꓺ ꓟ

ꓮ ꓘꓶꓸ ꓠꓬꓹ ꓢꓴ ꓠꓬ Diabetes ꓠꓻ ꓫꓵꓽ꓾ Cancer ꓠꓻ ꓫꓵꓽ ꓐꓰ ꓠꓲꓹ ꓟ ꓠꓻ ꓫꓵꓽ ꓗꓷ ꓡꓰ ꓝꓲˍ ꓟ ꓥꓳ= ꓕꓲ ꓠꓬꓲ ꓗꓪ 8 ꓙꓵꓹ ꓕꓯꓽ ꓢꓲ ꓠꓬꓹ ꓢꓴ ꓠꓬ ꓠꓱꓸ ꓐꓯ ꓢꓴ ꓕꓯꓽ ꓢꓲ ꓪꓴꓽ ꓓꓲꓻ ꓠꓻ ꓫꓵꓽ ꓒꓬꓱꓼ ꓡ ꓓꓴ 30% ꓛꓲꓺ ꓟꓬꓽˍ ꓟ ꓥꓳ=

(10) ꓟꓶꓽ ꓘꓶꓼ ꓙꓵꓹ ꓕꓯ ꓬꓲ ꓙꓲꓻ ꓟꓽ ꓬꓲꓼ ꓟꓶ ꓢꓴ

ꓟꓶꓽ ꓘꓶꓼ ꓗꓪ ꓒ ꓐꓳꓸˍ ꓬꓲꓼ ꓟꓶˍ ꓕꓯ ꓢꓲ ꓝꓮꓲ ꓕꓲ ꓠꓬꓲ ꓐꓱ ꓶ ꓖꓳ ꓓꓱꓽ ꓠꓬ ꓢꓯꓼ ꓙꓳˍ ꓟ ꓥꓳ= ꓬꓲꓼ ꓟꓶ ꓢꓯꓼ ꓟꓽ ꓡꓳꓼ ꓕꓯ ꓢꓯꓼ ꓟꓽ ꓙꓳ ꓢꓲ ꓫꓵꓽ ꓢꓯꓼ ꓥˍ ꓟꓲ ꓟꓬꓽ ꓡˍ ꓥꓳ= ꓖꓳ ꓕꓯ ꓪꓴꓽ ꓓꓲꓻ ꓔꓯ ꓥˍ ꓟꓲ ꓐꓬ ꓡꓰ ꓝꓲˍ ꓟ ꓥꓳ=

ꓕꓱ ꓟ ꓠꓬ ꓪꓴꓽ ꓓꓲꓻ ꓐꓱ ꓶ ꓤ ꓟꓴ ꓠ ꓔ ꓟ (10) ꓫꓵꓽ ꓥ ꓡꓳ=