ꓫꓵ: ꓢꓯꓼ ꓠꓲ.ˍ ꓟ ꓐꓱ ꓶ ꓣꓱ: ꓬꓯꓼˍ ꓟ ꓜ: ꓫꓵ: ꓜ: ꓙꓰ: ꓚꓱꓹ

ꓧꓪ: ꓖꓳ ꓓꓱ: ꓐꓱ ꓶ ꓙꓲꓻ ꓖꓴ ꓙꓳˍ ꓟ ꓜ: ꓫꓵ: ꓜ: ꓙꓰ: ꓚꓱꓹ ꓔꓯ ꓐꓯ ꓟꓳ. ꓖꓶˍ ꓟ ꓙꓵꓹ ꓗꓪ ꓐꓰ ꓮ ꓟꓶ ꓕꓲ ꓧꓪꓹ ꓗꓪ ꓠꓬ ꓞꓳ ꓤ ꓐꓴ ꓗꓳ ꓡꓳ ꓗꓪ ꓟꓬ: ꓠꓬꓲ ꓒꓬꓱꓼ ꓟꓬ:ˍ ꓟ ꓫꓵ: ꓢꓯꓼ ꓠꓲ.ˍ ꓟ ꓐꓱ ꓶ ꓣꓱ: ꓬꓯꓼˍ ꓟ ꓜ: ꓫꓵ: ꓜ: ꓙꓰ: ꓚꓱꓹ ꓔꓯ ꓐꓯ ꓟꓳ. ꓖꓶ ꓠꓲꓹ ꓫꓵˍ ꓡꓳ=
ꓧꓪ: ꓖꓳ ꓓꓱ: ꓘꓴ: ꓗꓪ ꓫꓵ: ꓣꓰꓓ ꓐꓡꓳꓳꓓ ꓚꓰꓡꓡꓢ ꓐꓴ ꓡꓳꓼ ꓠ ꓛꓲ ꓟ: ꓟꓶ ꓕꓯ ꓫꓵ: ꓢꓯꓼ ꓠꓲ.ˍ ꓟ ꓒꓬꓱꓼ ꓡ ꓗꓴ.ˍ ꓡꓳ= ꓫꓵ:ˍ ꓓꓳˍ ꓟ꓾ ꓫꓵ: (ꓣꓰꓓ ꓐꓡꓳꓳꓓ ꓚꓰꓡꓡꓢ) ꓐꓬ ꓡꓰˍ ꓟ꓾ ꓫꓵ: (ꓣꓰꓓ ꓐꓡꓳꓳꓓ ꓚꓰꓡꓡꓢ) ꓡꓳꓼ ꓠ ꓛꓲ ꓓꓳ ꓡ ꓝꓲ ꓟ: ꓐ ꓡ ꓟ꓾ ꓕꓱ ꓟꓬ ꓫꓵ: ꓑꓶ. ꓓꓴ ꓒꓬꓱꓼ ꓡ ꓗꓴ.ˍ ꓟ ꓥ ꓡꓳ=
ꓟꓬ: ꓠꓬꓲ ꓟꓳꓻ ꓪˍ ꓟ ꓠꓬ ꓲꓣꓳꓠ ꓢꓯꓼ ꓠꓲ.ˍ ꓟ ꓑꓶ. ꓓꓴ ꓒꓬꓱꓼ ꓡˍ ꓟ ꓫꓵ: ꓢꓯꓼ ꓠꓲ.ˍ ꓟ ꓥ ꓡꓳ= ꓲꓣꓳꓠ ꓢꓯꓼ ꓟ: ꓡꓳꓼ ꓕꓯ ꓫꓵ: (ꓣꓰꓓ ꓐꓡꓳꓳꓓ ꓚꓰꓡꓡꓢ) ꓘꓴ: ꓗꓪ ꓦꓲ-ꓟꓳ-ꓖ-ꓡꓳ-ꓐꓰ (ꓧꓰꓟꓳꓖꓡꓳꓐꓲꓠ ꓑꓣꓳꓔꓰꓲꓠ) ꓠꓲ.ˍ ꓟ ꓪꓴ. ꓠꓬꓲ ꓟꓲ: ꓦꓲ ꓳꓫꓬꓖꓰꓠ ꓔꓯ ꓚꓵꓹ ꓣꓴ ꓟ: ꓐ ꓡ= ꓝꓳꓡꓮꓔꓰ ꓐꓰ ꓦꓲꓔꓮꓟꓲꓠ ꓐ12 ꓠꓲ.ˍ ꓟ ꓥ ꓟꓲ ꓖꓳ ꓓꓱ: ꓗꓪ ꓐꓰ ꓫꓵ: (ꓣꓰꓓ ꓐꓡꓳꓳꓓ ꓚꓰꓡꓡꓢ) ꓐꓴ ꓡꓳꓼ ꓠ ꓛꓲ ꓓꓳꓺ ꓡ ꓝꓲ ꓟ: ꓐ ꓡ=
ꓖꓳ ꓟ ꓑꓶ. ꓓꓴ ꓲꓣꓳꓠ ꓢꓯꓼ ꓐꓰ (ꓦꓲꓔꓮꓟꓲꓠ ꓐ) ꓮ ꓟꓬꓹ ꓙꓳˍ ꓟ ꓜ: ꓫꓵ: ꓜ: ꓙꓰ: ꓔꓯ ꓜ: ꓖꓶ ꓠ ꓗꓹ ꓡꓳ= ꓞꓳ ꓤ ꓕꓲ ꓣꓳ ꓗꓪ ꓕꓲ ꓠꓬꓲ ꓡꓱꓸꓼ ꓗꓪ ꓲꓣꓳꓠ ꓢꓯꓼ 150-200mg ꓗꓪ ꓛꓲ ꓣꓱ: ꓞꓹ ꓟ ꓥ ꓡꓳ=
ꓲꓣꓳꓠ ꓢꓯꓼ ꓡꓴ: ꓖꓶˍ ꓟ ꓠꓯꓻ ꓞꓲꓼ ꓜ: ꓐ ꓡˍ ꓟ ꓡꓰ: ꓟ: ꓞꓲꓺ ꓲꓣꓳꓠ ꓢꓯꓼ ꓮ ꓟꓬꓹ ꓙꓳˍ ꓟ ꓜ: ꓫꓵ: ꓜ: ꓙꓰ: ꓐꓴ ꓔꓯ ꓜ: ꓖꓶ ꓐ ꓡˍ ꓡꓳ=
ꓖꓳ ꓡꓱ ꓠꓬꓲ ꓮ ꓡꓲ ꓫꓵ: ꓜ: ꓓꓴ ꓔꓯ ꓜ: ꓖꓶ ꓠꓯꓹ ꓡ ꓐꓯ ꓠꓬ꓾
(1) ꓠꓲꓹ ꓛꓴꓼˍ ꓪꓳ: ꓒꓬ:
(2) ꓧꓪ:꓾ ꓮ ꓭ. ꓧꓪ:꓾ ꓯꓹ ꓧꓪ:
(3) ꓬꓲꓻ ꓙꓬ ꓗꓪ ꓔꓬ ꓟ ꓜ: ꓫꓵ:
(4) ꓮ. ꓠꓳ ꓬꓲ ꓫꓵ: ꓬꓲ ꓙꓰ:
(5) ꓬꓲ ꓗꓴꓹ ꓙꓲ ꓗꓳꓹ ꓟ ꓬꓲ ꓫꓵ. ꓬꓲ ꓢꓶ:
ꓕꓱ ꓗꓪ ꓚꓲ. ꓔ ꓓꓴ꓾ ꓩꓼ ꓔ ꓓꓴ ꓕꓲ ꓫꓵ: ꓠꓬ ꓲꓣꓳꓠ ꓢꓯꓼ ꓟꓬ:ˍ ꓟ ꓜ: ꓓꓴ ꓔꓯ ꓲꓣꓳꓠ ꓢꓯꓼ ꓚꓵꓹ ꓣꓴˍ ꓟ꓾ ꓛꓵꓼ ꓣꓴˍ ꓟ ꓔꓯ ꓗ: ꓔ ꓟ ꓜ: ꓓꓴ ꓐꓴ ꓐꓰ ꓕꓲ ꓪ ꓟ: ꓜ: ꓠꓯꓹ ꓟ ꓥ ꓡꓳ=
ꓕꓱ ꓟ ꓠꓬ ꓫꓵ: ꓢꓯꓼ ꓠꓲ.ˍ ꓟ ꓐꓱ ꓶ ꓣꓱ: ꓬꓯꓼˍ ꓟ ꓜ: ꓓꓴ ꓐꓴ ꓚꓱꓹ ꓔꓯ ꓐꓯ ꓟꓳ. ꓖꓶ ꓩꓴ ꓡˍ ꓟ ꓥ ꓡꓳ=