ꓬꓰ-ꓢꓴ ꓐꓰ ꓟꓵꓽ ꓘꓳꓹ ꓚꓱꓹ (6) (Dialogue with Environment)

ꓢꓲꓺ ꓒ ꓬꓰ-ꓢꓴ ꓗꓸ ꓠꓯꓸ ꓢꓲ ꓗꓪ ꓛꓳ ꓢꓴ ꓐꓴ ꓠꓬ ꓙꓵꓽ ꓪꓽ ꓕꓯ ꓧꓪ ꓠꓹ ꓟꓽ ꓥ= ꓢꓳ ꓔꓯ ꓥꓲ ꓠꓹ ꓟ ꓟꓽ ꓥ= ꓢꓳ ꓔꓯ ꓧꓪꓸ ꓡꓰ ꓠ ꓐꓱ ꓶ ꓬꓰ ꓠꓹ ꓟ ꓟꓽ ꓥ= ꓮꓽ ꓟ ꓥˍ ꓟꓲ ꓬꓲ ꓗꓸ ꓠꓯꓸ ꓢꓲ ꓗꓪ ꓛꓳ ꓢꓴ ꓠꓬ ꓮꓽ ꓟ ꓥꓪ ꓔꓯ ꓛꓳ ꓠꓲꓹ ꓫꓵˍ ꓠꓬ ꓬꓲ ꓚꓲ ꓛꓬ ꓔꓯ ꓟꓽ ꓓꓽ ꓔꓳꓹ ꓢꓲ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓬꓲ ꓡꓯꓼ ꓐꓳ ꓔꓶꓸ ꓓꓴ ꓑꓱꓸ ꓔ ꓢꓲ ꓠꓬꓲ ꓥꓪ ꓔꓯ ꓛꓳ ꓡꓯ ꓐꓰ ꓢꓲꓺ ꓒ ꓬꓰ-ꓢꓴ ꓡꓰ ꓡꓴ-ꓘ 9ꓽ 23 ꓝꓲꓸ ꓗꓪ ꓕꓱ ꓡꓱ ꓐꓯ ꓔ ꓡꓳ= ꓖꓳ ꓟ ꓪꓴꓸ ꓠꓬꓲ ꓕꓱ ꓡꓰ ꓢꓲꓺ ꓒ ꓬꓰ-ꓢꓴ ꓡꓰ ꓐꓯˍ ꓟ ꓠꓬ ꓝꓲ ꓓꓴ ꓐꓴ ꓔꓯ ꓢꓲ ꓚꓰ ꓔ ꓟ ꓝꓲ ꓓꓴ ꓐꓴ ꓔꓯ ꓘꓴˍ ꓟ ꓢꓯꓼ ꓥˍ ꓡꓳ= ꓖꓳ ꓟ ꓪꓴꓸ ꓠꓬꓲ ꓙꓲ-ꓢꓴ ꓢꓲꓺ ꓤꓼ ꓐꓴ ꓔꓯ ꓘꓴˍ ꓟ ꓢꓲ ꓚꓰꓼ ꓔ ꓟ ꓐꓯˍ ꓟ ꓠꓬ ꓣꓱꓽ ꓙ ꓠꓹ ꓟ ꓐꓱ ꓶ ꓥ ꓢꓲ ꓟꓲ ꓠꓯ ꓕꓱ ꓟ ꓔꓯ ꓮ ꓕꓯ ꓥˍ ꓟꓲ ꓗꓽ ꓕꓸ ꓙ ꓠˍ ꓟ ꓡꓳꓸ ꓙ ꓑꓳꓽ ꓙ ꓠˍ ꓟ ꓟꓬꓽ ꓠꓬꓲ ꓐꓶꓹ ꓠꓬꓲ ꓔꓱꓹ ꓚꓵˍ ꓟ ꓟꓲ ꓠꓯ ꓒꓬꓱꓼ ꓡ ꓠˍ ꓟ ꓐꓱ ꓶ ꓟꓬꓱꓽ ꓬꓰ ꓠˍ ꓟ ꓐꓶ ꓣꓳꓽ ꓔꓯ ꓘꓴˍ ꓟ ꓥ ꓪ= 

 ꓬꓲ-ꓚꓰ-ꓬꓲ-ꓪꓴ 1ꓽ 26 ꓗꓪ ꓪꓴ-ꓢ ꓡꓰ ꓣꓳꓽ ꓠꓬ ꓣˍꓽ ꓐꓬꓱꓽ ꓐꓰ ꓣꓳꓽ ꓒꓬꓱꓽ ꓔꓯ ꓛꓳ ꓢꓲ ꓞꓳ ꓤꓽ ꓚꓰꓼ ꓡꓯ = ꓖꓳ ꓡꓰ ꓢꓲ ꓬꓲ ꓡꓴ ꓐꓱ ꓗꓪ ꓟ ꓥꓪ ꓐꓰ ꓟꓵꓽ ꓪꓳꓼ ꓗꓪ ꓟ ꓠꓬꓹ ꓤꓼ ꓙꓱꓽ ꓤꓼ ꓐꓰ ꓟꓲ ꓠꓯ ꓗꓪ ꓟ ꓥꓵꓺ ꓙꓱ ꓠꓲꓹ ꓙꓱ ꓐꓰ ꓟꓲ ꓠꓯ ꓕꓯ ꓢꓲ ꓗꓪ ꓚ ꓔꓬ ꓡꓺꓳ ꓫꓵꓽ ꓐꓶꓽ ꓓꓲ ꓡꓯꓹ ꓓꓲ ꓥ ꓕ ꓑꓳꓸ ꓕꓯ ꓢꓲ ꓗꓪ ꓬꓲ ꓪꓽ ꓔꓯ ꓙꓵꓽ ꓪꓽ ꓙꓳ ꓝꓲꓐ ꓰ ꓕꓱ ꓡꓰ ꓐꓯˍ ꓡꓳ= ꓢꓲꓺ ꓒ ꓬꓰ-ꓢꓴ ꓔꓯ ꓔꓯ ꓢꓲ ꓛꓳ ꓢꓴ ꓠꓬ ꓙꓵˍ ꓟ ꓙꓵꓽ ꓪ ꓐꓯˍ ꓟ ꓠꓬ ꓚꓰꓼ ꓔ ꓟ ꓮꓽ ꓙꓵꓽ ꓐꓰ ꓕꓲꓽ ꓪꓼ ꓐˍ ꓟ ꓢꓲꓹ ꓜꓲ ꓡꓳ ꓜꓲ ꓙꓱꓽ ꓤꓽ ꓟ ꓞꓲ ꓐꓰ ꓟꓵꓽ ꓘꓳꓹ ꓮꓽ ꓙꓵ ꓐꓯˍ ꓟ ꓰꓚꓳ ꓡꓳꓖꓲꓚꓮꓡ ꓡꓮꓪꓢ ꓐꓯˍ ꓟ ꓔꓯ ꓟꓬꓽ ꓠꓬꓲ ꓠꓯꓸ ꓠ ꓒꓵꓽ ꓠꓹ ꓟ ꓐꓱ ꓶ ꓐꓯ ꓠꓲꓹ ꓫꓵˍ ꓟ ꓥ ꓪ= ꓐꓯ ꓟꓵ ꓫꓱˍ ꓟ ꓠꓬ ꓪꓴ-ꓢ ꓡꓰ ꓚꓰꓼ ꓔ ꓟ ꓔꓯ ꓮꓽ ꓘꓶꓸ ꓒꓵꓽ ꓢꓲ ꓠꓬꓲ ꓟꓲ ꓠꓯ ꓞꓳ ꓤꓽ ꓠꓬ ꓡꓳꓸ ꓙ ꓑꓳꓽ ꓙ ꓔ ꓙ ꓠꓹ ꓟ ꓕꓱ ꓡꓰ ꓬꓰˍ ꓕꓯ ꓣꓳꓽ ꓠꓬ ꓣꓰꓽ ꓙˍ ꓟ ꓠꓲꓹ ꓟ ꓐꓰ ꓬꓰ ꓠꓹ ꓟ ꓔꓯ ꓐꓯ ꓠꓲꓹ ꓫꓵꓹ ꓟ ꓥ ꓪ= 

ꓡꓲꓺ ꓓꓽ ꓟ ꓕꓯ ꓢꓲ ꓗꓪ ꓙꓱꓽ ꓤꓽ ꓟ ꓞꓲ ꓮꓽ ꓙꓵꓽ ꓔꓯ ꓠꓳ-ꓪ ꓡꓰ ꓗꓷˍ ꓟ ꓡꓰ ꓐꓰ ꓕꓲꓽ ꓡꓰꓻ ꓣˍꓽ ꓥˍ ꓟꓲ ꓪꓴ-ꓢ ꓡꓰ ꓚꓰꓼ ꓔ ꓟ ꓮꓽ ꓙꓵꓽ ꓔꓯ ꓡꓳꓸ ꓙ ꓑꓳꓽ ꓔ ꓙ ꓠꓹ ꓟ ꓕꓱ ꓡꓰ ꓬꓰ ꓠꓹ ꓟ ꓐꓱ ꓶ ꓔꓯ ꓐꓯ ꓠꓲꓹ ꓫꓵˍ ꓟ ꓥ ꓪ= ꓟꓽ ꓟꓶꓽ ꓟꓽ ꓐꓬ ꓡꓰ ꓠ ꓡꓳꓸ ꓙ ꓑꓳꓽ ꓙ ꓠꓹ ꓟ ꓔꓯ ꓐꓯ ꓠꓲꓹ ꓫꓵˍ ꓟ ꓥ ꓪ=           

                             

Add new comment

6 + 5 =