ꓬꓰ-ꓢꓴ ꓐꓰ ꓟꓵꓽ ꓘꓳꓼ ꓚꓱꓹ (5) (Dialogue with Environment)

ꓢꓲꓺ ꓒ ꓬꓰ-ꓢꓴ ꓠꓬ ꓣꓱꓽ ꓙˍ ꓟ ꓟꓬꓱꓽ ꓬꓰˍ ꓟ ꓗꓪ ꓐꓰ ꓬꓲ ꓠꓬ ꓟꓲ ꓠꓯ ꓞꓳ ꓤꓽ ꓕꓲꓽ ꓛꓱꓽ ꓔꓯ ꓢꓲ ꓮ ꓕꓯ ꓥˍ ꓟꓲ ꓣꓳ ꓟꓲ ꓠꓯ ꓞꓳ ꓤꓽ ꓐꓱ ꓶ ꓦꓰꓼ ꓔꓬ ꓡꓳ ꓐꓯˍ ꓟ ꓢꓷꓸ ꓡꓰ ꓝꓲˍ ꓟ ꓥ ꓪ= ꓬꓲꓸ ꓕꓱ ꓡꓰ ꓣꓱꓽ ꓙˍ ꓟ ꓟꓬꓱꓽ ꓗꓪ ꓐꓰ ꓬꓲ ꓠꓬ ꓫꓸ ꓙꓵ ꓟꓶꓽ ꓙꓵ ꓓꓴ ꓔꓯ ꓔꓳꓹ ꓜꓳꓽ ꓢꓲ ꓢꓯꓼ ꓟꓬ ꓖꓡ ꓗꓶ ꓗꓪ ꓛꓲ ꓣꓳꓽ ꓐꓱ ꓶ ꓕꓱ ꓡꓰ ꓣꓱꓽ ꓙ ꓡꓳ ꓬꓰ ꓟ ꓥ ꓪ= ꓖꓳ ꓟ ꓑꓶꓸ ꓓꓴ ꓢꓲꓺ ꓒ ꓬꓰ-ꓢꓴ ꓠꓬ ꓝꓴꓲ ꓙꓳ ꓢꓴ ꓟꓲ ꓠꓯ ꓞꓳ ꓤꓽ ꓐꓱ ꓶ ꓬꓲꓸ ꓢꓯꓼ ꓟꓬ ꓔꓯ ꓖꓶ ꓗꓷꓳ= ꓦꓲ-ꓐꓱ-ꓣꓴ 9ꓽ 12 ꓗꓪ ꓝꓲ ꓓꓴ ꓒꓳ-ꓡꓳ ꓡꓰ ꓢꓲꓺ ꓒꓽ ꓬꓰ-ꓢꓴ ꓠꓬ ꓟꓲ ꓠꓯ ꓞꓳ ꓤꓽ ꓒꓬꓱꓼ ꓡˍ ꓟ ꓚꓱꓹ ꓔꓯ ꓟꓳꓸ ꓐꓳ ꓔ ꓡꓳ= ꓒꓲ-ꓡꓲ-ꓒꓲ 2ꓽ 5-7 ꓘꓳ-ꓡꓵ-ꓕꓴ 1ꓽ 15- 20 ꓗꓪ" ꓢꓲꓺ ꓒ ꓬꓰ-ꓢꓴ ꓙꓳˍ ꓟ ꓠꓲꓹ ꓟ ꓡꓰ ꓐꓰ ꓕꓲꓽ ꓡꓰꓻ ꓠꓴ ꓪꓽ ꓠꓯꓸꓼ ꓗꓪ ꓥˍ ꓟꓲ ꓗꓶ ꓔ ꓐꓰ ꓕꓱ ꓡꓰ ꓐꓳ ꓔ ꓡꓳ= ꓐꓯ ꓟꓴ ꓫꓱˍ ꓟ ꓠꓬ ꓣꓳ ꓥˍ ꓟꓲ ꓢꓲꓺ ꓒ ꓬꓰ-ꓢꓴ ꓡꓰ ꓐꓰ ꓣꓱꓽ ꓙˍ ꓟ ꓠꓲꓹ ꓟ ꓙꓳ ꓠˍ ꓟ ꓐꓯ ꓠꓲꓹ ꓫꓵˍ ꓟ ꓥ ꓪ=

ꓢꓲꓺ ꓒ ꓬꓰ-ꓢꓴ ꓠꓬ ꓪꓴ-ꓢ ꓚꓵ ꓚꓵ ꓥꓹ ꓥˍ ꓟꓲ ꓪꓴ-ꓢ ꓡꓰ ꓐꓰ ꓟꓽ ꓔꓬ꓾ ꓬꓲ ꓙꓳˍ ꓟ ꓮꓽ ꓙꓵ ꓡꓳ ꓗꓶ ꓢꓲ ꓛꓳ ꓑꓸ ꓕꓲꓽ ꓣꓳ ꓡꓰ ꓐꓰ ꓣꓱꓽ ꓙ ꓢꓴ ꓕꓲ ꓣꓳ ꓡꓰ ꓐꓰ ꓬꓲ  ꓠꓬ ꓟꓲ ꓠꓯ ꓗꓪ ꓬꓯꓼ ꓡ ꓢꓲ ꓛꓱꓽ ꓟꓳ ꓗꓷꓳ ꓐꓰ ꓒꓲ-ꓡꓲ-ꓒꓲ 2ꓽ 5- 7 ꓗꓪ ꓕꓱ ꓡꓰ ꓐꓳ ꓔ ꓡꓳ= ꓢꓲꓺ ꓒ ꓬꓰ-ꓢꓴ ꓡꓰ ꓟꓸ ꓖꓶ ꓡˍ ꓟ ꓪꓴꓸ ꓓꓵ ꓣꓱꓽ ꓢꓴ ꓐꓯˍ ꓟ ꓠꓬ ꓣꓱꓽ ꓙˍ ꓟ ꓗꓪ ꓐꓰ ꓪꓴꓸ ꓓꓵ ꓣꓱˍ ꓟ ꓐꓯˍ ꓟ ꓡꓰꓮꓓꓰꓣꓢꓧꓲꓑ ꓳꓝ ꓢꓰꓣꓦꓲꓚꓰꓢ ꓐꓯˍ ꓟ ꓕꓱ ꓡꓲꓳ ꓫꓵꓽ ꓔꓯ ꓟꓸ ꓖꓶ ꓠꓲꓹ ꓫꓵˍ ꓟ ꓥ ꓪ= ꓬꓲ ꓗꓸ ꓠꓯꓸ ꓢꓲ ꓗꓪ ꓛꓳ ꓢꓴ ꓝꓲ ꓓꓴ ꓐꓴ ꓠꓬ ꓮꓽ ꓟ ꓟꓬꓽ ꓠꓬꓲ ꓪˍ ꓡ꓾ ꓮꓽ ꓟ ꓟꓬꓽ ꓠꓬꓲ ꓙꓵꓽ ꓪꓽ ꓙꓳˍ ꓡ ꓐꓰ ꓕꓲꓽ ꓣꓳ ꓛꓳꓽ ꓕꓲꓽ ꓣꓳ ꓐꓯ ꓔꓯ ꓡꓯ ꓘꓳ ꓫꓸ ꓪ ꓟꓬꓽ ꓡꓯꓽ ꓘꓳˍ ꓟ ꓕꓱ ꓡꓲꓳ ꓫꓵꓽ ꓙꓳˍ ꓡꓳ= ꓖꓳ ꓕꓯ ꓢꓲꓺ ꓒ ꓬꓰ-ꓢꓴ ꓠꓬ ꓟꓲ ꓠꓯ ꓘꓪ ꓟ ꓪꓴꓸ ꓓꓵ ꓣꓱꓽ ꓢꓴ ꓐꓴ ꓠꓬ ꓖꓳ ꓟ ꓡꓰ ꓐꓰ ꓕꓲꓽ ꓡꓰꓹ ꓥ ꓪ= ꓖꓳ ꓡꓰ ꓥˍ ꓟꓲ ꓢꓲꓺ ꓒ ꓬꓰ-ꓢꓴ ꓡꓰ ꓟꓸ ꓖꓶ ꓡˍ ꓟ ꓪꓴꓸ ꓓꓵ ꓣꓱꓽ ꓢꓴ ꓐꓯˍ ꓟ ꓠꓯꓸꓼ ꓗꓪ ꓠꓬ ꓣꓱꓽ ꓙˍ ꓟ ꓟꓬꓱꓽ ꓗꓪ ꓐꓰ ꓪꓴꓸ ꓓꓵ ꓣꓱꓽ ꓠꓹ ꓟ ꓮ ꓕꓯ ꓥˍ ꓟꓲ ꓬꓲ ꓠꓬ ꓟꓸ ꓖꓶ ꓔꓬ ꓟ ꓥ ꓪ=

 ꓐꓶꓽ ꓞꓳ ꓗꓪ ꓟ ꓪꓸ ꓔꓲꓸ ꓐꓴ ꓠꓬ ꓑ ꓫꓬꓽ ꓐꓴ ꓔꓯ ꓥꓲ ꓢꓲ ꓙꓵˍ ꓡꓳ= ꓖꓳ ꓕꓲꓽ ꓘꓴ ꓗꓪ ꓙꓵꓽ ꓢꓴ ꓐꓴ ꓔꓯ ꓠꓬ ꓬꓰ ꓙ ꓔ ꓙ ꓢꓴ ꓫꓸ ꓟꓳ ꓐꓯ ꓒꓵꓽ ꓢꓴ ꓥˍ ꓡꓳ ꓐꓰ ꓕꓱ ꓡꓱ ꓓꓵꓽ ꓙˍ ꓡꓳ= ꓖꓳ ꓡꓰ ꓥˍ ꓟꓲ ꓠꓴ ꓪꓽ ꓠꓬ ꓕꓱ ꓡꓱ ꓟꓽ ꓥ= ꓠꓴ ꓪꓽ ꓗꓳꓹ ꓡꓳ ꓗꓪ ꓪꓴꓽ ꓢꓴ ꓠꓽ ꓞꓲꓼ ꓣꓳ ꓢꓴ ꓡꓰ ꓐꓰ ꓬꓰ ꓠꓯˍ ꓡꓳ= ꓪꓴꓸ ꓓꓵ ꓣꓱꓽ ꓢꓴˍ ꓟꓲ ꓣꓱꓽ ꓙ ꓢꓴ ꓡꓰ ꓐꓰ ꓬꓰ ꓠꓯˍ ꓡꓳ ꓐꓰ ꓢꓲꓽ ꓫꓬ ꓕꓳ ꓶ ꓗꓪ ꓕꓱ ꓡꓱ ꓐꓳ ꓔ ꓡꓳ=