ꓬꓲꓽ-ꓫꓴꓲꓸ (Cilantro) ꓔꓶ ꓚꓱꓹ

ꓬꓲꓽ-ꓫꓴꓲꓸ (ꓟꓳꓼ-ꓛꓱꓽ-ꓠꓱꓻ) ꓔꓶ ꓚꓱꓹ

ꓬꓲꓽ-ꓫꓴꓲꓸ ꓔꓯ ꓣꓳꓽ ꓮ ꓙꓵꓽ ꓢꓷꓸ ꓔ ꓟ ꓕꓲ ꓫꓵꓽ ꓥꓳ= ꓟꓬ-ꓟ ꓗꓴꓷꓼ ꓗꓪ ꓮ ꓘꓶꓸ ꓣꓱꓽ ꓟꓬꓽˍ ꓟ ꓪꓳꓽ ꓒꓬꓽ ꓫꓬꓺ ꓓꓴ (ꓛꓱꓽ ꓠꓱꓻ ꓗꓹ ꓛꓲꓽ ꓓꓴ) ꓣꓱꓽˍ ꓟ ꓣꓱꓽ ꓫꓵꓽ ꓕꓲ ꓟˍ ꓟꓲ ꓥꓳ= ꓬꓲꓸ ꓒꓬꓽ ꓡꓰꓽ ꓟꓽ ꓛꓲ ꓬꓲꓸ ꓫꓵꓸ ꓔꓯˍ ꓟꓲ ꓣꓱꓽˍ ꓡꓳ ꓫꓵꓽ ꓥꓳ= ꓪꓳꓽ ꓒꓬꓽ ꓗꓪ ꓡꓰꓽ ꓟꓽ ꓛꓲꓺ ꓟꓳꓠ-ꓦꓲ-ꓖꓸ ꓾ ꓘꓮꓳ-ꓢꓪꓰ ꓾ ꓡꓹ-ꓝꓲꓼ ꓔꓲꓸ ꓔ ꓟ ꓗꓪˍ ꓟ ꓣꓱꓽˍ ꓡꓳ ꓫꓵꓽ ꓥꓳ= ꓬꓲꓽ-ꓫꓴꓲꓸ ꓜꓲ ꓠꓬ ꓙꓬꓻ ꓝꓲꓸ ꓕꓯ ꓮ ꓟꓬꓹ ꓙꓳˍ ꓟ ꓥ ꓢꓲ꓾ ꓟꓶꓽ ꓦ ꓦ ꓝꓲ ꓐꓰ ꓡꓱꓻ ꓝꓲ ꓕꓯ ꓠꓽ ꓬꓲꓸ ꓒꓵꓽ ꓮ ꓟꓬꓹ ꓖꓶ ꓢꓲ ꓪꓴ ꓠ ꓔ ꓡꓳ ꓫꓵꓽ ꓥ=

ꓔꓶ ꓠꓹ ꓟ ꓬꓲꓸ ꓟꓲ ꓙ ꓖꓶꓼˍ ꓟ

ꓬꓲꓽ-ꓫꓴꓲꓸ ꓔꓶ ꓓꓴ ꓙ ꓖꓶꓼˍ ꓕꓯ ꓠꓱꓸ ꓐꓯꓼ ꓜꓽ ꓪꓳ ꓡꓳ ꓪꓳ ꓡꓰ ꓐꓰ ꓙ ꓖꓶ ꓐ ꓡˍ ꓡꓳ= ꓟꓽ ꓔꓶ  ꓧꓶꓸ ꓕꓯ ꓬꓲꓸ ꓟꓲ ꓘꓪꓺ ꓢꓲ ꓾ ꓮꓸ ꓠꓬꓲꓽ ꓛꓰꓽ ꓾ ꓩꓲꓸ-ꓛꓲꓺ ꓟꓵꓽ ꓛꓵꓽ ꓐꓴ ꓧꓳꓽ ꓢꓲ ꓙ ꓖꓶꓼ ꓠꓯꓹ ꓡꓳ=

ꓬꓲꓽ-ꓫꓴꓲꓸ ꓜꓲ ꓔꓯ ꓾ ꓟꓲ ꓛꓬ ꓟꓴ ꓙꓻ 4”-5” ꓙꓳˍ ꓟ ꓬꓲꓸ ꓟꓲ ꓫꓬꓹ ꓢꓲ ꓔꓶꓸ ꓕꓯ ꓠꓽ ꓪ ꓙꓲ ꓙꓲꓻˍ ꓡꓳ= ꓬꓲꓸ ꓫꓵꓸ ꓟꓽ ꓔꓶ ꓧꓶꓸ ꓕꓯ ꓬꓲꓸ ꓜꓲ ꓤ ꓤ ꓣꓱ ꓡ ꓠꓹ ꓟ ꓬꓲꓸ ꓫꓵꓸ ꓔꓯ ꓬꓲꓻ ꓙꓬꓻ ꓗꓪ ꓫꓵꓽ ꓫꓵ 24 ꓙꓵꓹ ꓛꓲ ꓔꓲꓹ ꓔ ꓠ ꓗˍ ꓡꓳ= ꓬꓲꓸ ꓫꓵꓸ ꓬꓲꓻ ꓙꓬꓻ ꓘꓴꓽ ꓗꓪ ꓟꓽ ꓔꓲꓹ ꓢꓰꓽ ꓕꓯ ꓟꓳ-ꓠꓳ ꓕꓯ ꓢꓲꓺ ꓗꓷ ꓢꓲ꓾ ꓬꓲꓸ ꓫꓵꓸ ꓠꓬꓲꓽ ꓐꓶꓽ ꓗꓷ ꓡꓰ ꓠ ꓡꓯꓸ-ꓩꓴ ꓐꓰ ꓮ ꓤ ꓤˍ ꓡꓱꓸ ꓠ ꓗˍ ꓡꓳ= ꓖꓳ ꓗ ꓠꓯꓸ ꓬꓲꓻ ꓙꓬꓻ ꓘꓴꓽ ꓗꓪ 24 ꓙꓵꓹ ꓔꓲꓹ ꓕꓯ ꓾ ꓬꓲ ꓻ ꓙꓬꓻ ꓠꓬꓲꓽ ꓧꓪꓹ ꓡꓶꓸ ꓖꓶꓽ ꓠ ꓔ ꓡꓳ= 24 ꓙꓵꓹ ꓗꓳꓸ ꓗꓷ ꓠꓬ ꓬꓲꓸ ꓫꓵꓸ ꓔꓯ ꓔꓲꓹ ꓔ ꓟ ꓗꓪ ꓐꓰ ꓣꓴ ꓓꓳ ꓗꓷ ꓢꓲ ꓬꓲ ꓙꓬ ꓛꓲˍ ꓔ ꓠ ꓗˍ ꓡꓳ= ꓖꓳ ꓗꓸ ꓠꓯꓸ ꓣꓳ ꓙ ꓖꓶꓽ ꓔ ꓟ ꓬꓲꓸ ꓟꓲꓽ ꓕꓯ ꓢꓲ ꓫꓵꓸ ꓗꓷ ꓢꓲ ꓾ ꓕꓯꓽ ꓢꓲ ꓗꓪ ꓮꓸ ꓠꓬꓲꓽ ꓛꓰꓽ ꓧꓶꓽ (ꓥ ꓠꓬ) ꓩꓲꓸ-ꓛꓲ ꓟꓵꓽ ꓛꓵꓽ ꓧꓶꓽ ꓧꓳꓽ ꓗꓷ ꓢꓲ꓾ ꓫꓵꓸ ꓙꓴꓺ ꓑꓲꓸ ꓖꓶ ꓠꓯꓹ ꓡꓳ= ꓖꓳ ꓡꓱ ꓬꓰ ꓖꓶꓽˍ ꓟ ꓠꓬ꓾ ꓬꓲꓸ ꓟꓲ ꓟꓽ ꓙꓴꓺ ꓡꓰ ꓠꓹ ꓟ ꓐꓰ ꓟꓳꓼ ꓮ ꓟꓬꓹ ꓣꓱˍ ꓟ ꓗꓪ ꓐꓰ ꓗꓽ ꓕꓸ ꓖꓶˍ ꓟ ꓡꓰꓽ ꓟꓽ ꓛꓲꓺ ꓬꓲꓸ ꓜꓲ ꓡꓲꓸ ꓤ ꓔꓯ ꓟꓲ ꓫꓬ ꓡꓰ ꓝꓲˍ ꓟ ꓥ ꓡꓳ= ꓕꓯꓽ ꓢꓲ ꓗꓪ ꓑꓲꓸ ꓔ ꓟ ꓫꓵꓸ ꓙꓴꓺ ꓐꓴ ꓛꓵꓽ ꓡꓰˍ ꓕꓯ ꓠꓬ ꓩꓲꓸ ꓟꓶˍ ꓡꓳ= ꓔꓶ ꓗꓷ ꓗꓸ ꓠꓯꓸ ꓠꓬ ꓕꓲ ꓠꓬꓲ ꓟ ꓬꓲꓻ ꓙꓬꓻ ꓠꓬꓲꓽ ꓧꓪꓹ ꓧꓳꓽ ꓖꓶ ꓠ ꓗˍ ꓡꓳ= ꓬꓲꓸ ꓜꓲ ꓡꓲꓸ ꓤ ꓣꓱꓺ ꓓꓳ ꓡˍ ꓕꓯ ꓘꓹ-ꓣꓲ ꓐꓯˍ ꓟ ꓬꓲꓸ ꓜꓲ ꓠ ꓒꓬꓱꓼ ꓡ ꓗꓴˍ ꓡꓳ=

ꓬꓲꓽ ꓫꓴꓲꓸ ꓠꓬ ꓬꓲꓸ ꓒꓬꓽ ꓜꓽˍ ꓟ ꓜꓽ ꓪꓳ ꓡꓳ ꓪꓳ ꓥ ꓟ ꓪꓴꓸ ꓠꓬꓲ ꓮꓸ ꓠꓬꓲꓽ ꓛꓰꓽ ꓾ ꓩꓲꓸ-ꓛꓲꓺ ꓟꓵꓽ-ꓛꓵꓽ ꓐꓰ ꓬꓴꓸ-ꓣꓲ-ꓬ ꓩꓲꓸ ꓛꓲꓺ ꓧꓳꓽ ꓖꓶ ꓠ ꓔ ꓡꓳ=

ꓬꓲꓸ ꓜꓲ ꓣꓱꓺ ꓓꓳ ꓡ ꓗꓸ ꓠꓯꓸ 45 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ ꓠꓬꓲ ꓾ ꓶꓼ ꓜꓽ ꓓ ꓾ ꓪꓴꓽ  ꓓ ꓡꓻ ꓳ=

ꓬꓲꓽ-ꓫꓴꓲꓸ ꓬꓲꓸ ꓫꓵꓸ ꓚꓰꓺ ꓓꓴ ꓐꓱ ꓶ ꓠꓬ ꓾ 11 ꓦ ꓕꓯ ꓬꓲꓸ ꓜꓲ ꓡꓲꓸ ꓤ ꓔꓯ ꓚꓵꓹ ꓗꓷ ꓢꓲ ꓝꓮꓲ ꓕꓲ ꓖꓺ ꓗꓪ ꓔꓶ ꓠ ꓗꓹ ꓡꓳ= ꓕꓲꓽ ꓜꓲ ꓡꓰ ꓕꓲ ꓜꓲ ꓠꓬꓲꓽ ꓗꓴꓸ ꓚꓸꓼ ꓗꓪ  6”8” ꓛꓲꓺ ꓗꓷꓹ ꓶꓽ ꓢꓲ ꓔꓶ ꓖꓶˍ ꓠꓬ ꓬꓲꓸ ꓪꓰꓻ ꓪꓰꓻ ꓾ ꓬꓲꓸ ꓢꓶꓽ ꓓꓱꓼ ꓡ ꓡꓳ= ꓬꓲꓸ ꓢꓶꓽ ꓬꓲꓸ ꓫꓵꓸ ꓟꓲꓺ ꓡ ꓕꓯ ꓶꓼ ꓫ ꓗꓷ ꓢꓲ ꓬꓲꓸ ꓫꓵꓸ ꓣꓴ ꓐ ꓡˍ ꓡꓳ=