Kailan ꓪꓳꓽ ꓒꓬꓽ ꓔꓶꓻ ꓚꓱꓹ

Thursday, January 14, 2021
  •  Kailan ꓜꓲ ꓗꓪ ꓠꓬ ꓣꓳ ꓧꓪꓽ ꓖꓳ ꓓꓱꓽ ꓐꓱ ꓶ ꓙꓲꓻ ꓓꓴ ꓙꓳˍ ꓟ ꓢꓯꓼ ꓮ ꓟꓬꓹ ꓓꓹ ꓟ ꓥ ꓢꓲ꓾ ꓖꓳ ꓟ ꓘꓴꓽ ꓗꓪ Vitamin ꓗ ꓠꓬ Cancer ꓠꓻ ꓮ ꓙꓵꓽ ꓔꓯ ꓗꓽ ꓔ ꓐ ꓡˍ ꓡꓳ= ꓪꓳꓽ ꓒꓬꓽ ꓪꓳꓽ ꓟꓲꓸ ꓪꓴꓽ ꓖꓴ ꓗꓪ ꓠꓬ Kailan ꓬꓲꓸ ꓒꓬꓽ ꓾ ꓬꓲꓸ ꓪꓳꓸ ꓠꓳꓺ ꓐꓯ ꓢꓲ ꓪꓴꓽ ꓔꓬ ꓟ ꓥ ꓡꓳ=
  •  Kailan ꓜꓲ ꓠꓬ ꓙꓬꓻ ꓢꓯꓼ ꓔꓯ ꓠꓵˍ ꓟ ꓪꓳꓽ ꓒꓬꓽ ꓕꓲ ꓙꓰꓽ ꓥ ꓢꓲ꓾ ꓬꓲ ꓜꓲ ꓠꓬ 1’ ꓗꓪ ꓐꓰ 1’ ꓐꓶꓽ ꓗꓪ ꓛꓲ ꓟꓴ ꓢꓲ ꓬꓲꓸ ꓒꓬꓽ ꓐꓴ ꓠꓬ 3’ ꓗꓪ ꓛꓲꓺ ꓒꓬꓱꓻ ꓙꓰˍ ꓡꓳ= ꓬꓲꓸ ꓜꓲ ꓠꓬ 2 ꓘꓳꓼ ꓛꓲ ꓔꓶ ꓔ ꓐ ꓡˍ ꓟꓲ ꓔꓶ ꓔ ꓕꓲ ꓘꓳꓼ ꓗꓪˍ ꓟꓲ ꓶꓼ ꓫ ꓓˍ ꓡꓳ=
  •  Kailan ꓘꓴꓽ ꓗꓪ ꓠꓬ ꓬꓲꓸ ꓒꓬꓽ ꓔꓵꓹ ꓠꓵ ꓠꓵ ꓗˍ ꓟˍ ꓟꓲ ꓙꓳ꓾ ꓬꓲ ꓒꓬ ꓛꓱꓺ ꓛꓱꓺ ꓐꓰ ꓬꓲꓸ ꓒꓬꓽ ꓡꓴꓸ ꓡꓴꓸˍ ꓟꓲ ꓙꓳˍ ꓡꓳ= ꓬꓲꓸ ꓜꓲ ꓐꓵꓽ ꓐꓰ ꓬꓲꓸ ꓫꓵꓺ ꓠꓬ ꓟꓵꓽ ꓘꓳꓼ ꓮ ꓘꓶꓸ ꓙꓬꓻ ꓮ ꓘꓶꓸ ꓙꓲˍ ꓟ ꓥꓳ=
  •  Kailan ꓜꓲ ꓔꓯ ꓕꓲ ꓘꓳꓼ ꓡꓱꓸꓼ ꓗꓪ ꓔꓶ ꓐ ꓡ ꓢꓲ꓾ ꓙꓬꓻ ꓝꓲ. ꓡꓳꓹ ꓬꓰˍ ꓗꓪ ꓐꓰ ꓟꓶꓽ ꓦ ꓦ ꓝꓲ ꓡꓳꓹ ꓬꓰˍ ꓟ ꓗꓪ ꓔꓶ ꓟꓬꓽˍ ꓡꓳ= Pyin Oo Lwin ꓗꓪ ꓔꓶˍ ꓟ Kailan ꓘꓴꓽ ꓗꓪ ꓟꓶꓽ ꓦ ꓦ ꓝꓲ ꓕꓯ ꓟ ꓬꓲ ꓜꓲ ꓠꓬ ꓬꓲꓸ ꓒꓬꓽ ꓫꓵꓺ ꓢꓲ꓾ ꓙꓬꓻ ꓝꓲ ꓗꓪ ꓔꓶˍ ꓟ ꓠꓬ ꓬꓲꓸ ꓒꓬꓽ ꓡꓴꓸ ꓡꓴꓸ ꓡꓰ ꓗˍ ꓡꓳ=
  • ꓙꓬꓻ ꓝꓲ ꓜꓲ ꓠꓬ ꓬꓲꓸ ꓜꓲ ꓱ ꓓˍ ꓥˍ ꓟꓲ꓾ ꓟꓶꓽ ꓦ ꓦ ꓝꓲ ꓕꓯ ꓔꓶˍ ꓟ ꓬꓲ ꓜꓲ ꓠꓬ ꓬꓲꓸ ꓜꓲ ꓟꓴˍ ꓕꓯ ꓢꓲ ꓡꓰ ꓔꓶ ꓢꓯꓸ ꓓˍ ꓡꓳ= ꓬꓲꓸ ꓜꓲ ꓱˍ ꓕꓯ ꓬꓲꓸ ꓒꓬꓽ ꓐꓴ ꓠꓬ ꓟꓶꓽ ꓦ ꓪꓴꓽ ꓬꓲꓻ ꓐꓰ ꓕꓲꓺ ꓡꓰ ꓢꓲ ꓛꓵꓽ ꓡꓰ ꓖꓴˍ ꓟ ꓪꓴꓸ ꓠꓬꓲ ꓥꓳ= ꓟꓶꓽ ꓦ ꓦ ꓝꓲ ꓕꓯ ꓔꓶ ꓔ ꓟ ꓠꓬ ꓙꓬꓻ ꓝꓲ ꓗꓪ ꓔꓶˍ ꓟ Kailan ꓕꓯ ꓢꓲ ꓬꓲꓸ ꓒꓵꓽ ꓮ ꓟꓬꓹ ꓟꓶˍ ꓡꓳ= ꓟꓶꓽ ꓦ ꓦ ꓝꓲ ꓥ ꓟ ꓪꓴꓸ ꓠꓬꓲ ꓮ ꓡꓰ ꓗꓪ ꓥˍ ꓟꓲ ꓔꓶ ꓟꓽ ꓒꓬꓱꓼ ꓡ ꓟ ꓠꓬ ꓬꓲꓸ ꓒꓵꓽ ꓮ ꓟꓬꓹ ꓟꓶ ꓡ ꓝꓲˍ ꓟ ꓥꓳ=

Add new comment

7 + 13 =

Quick Links