Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Mꓵꓽ ꓘꓳꓼ ꓐꓰ ꓫꓸ ꓕꓱ_ ꓟ ꓚꓱꓹ
Sunday, March 26, 2023
ꓟꓲ ꓠꓯ ꓖꓴ ꓪꓴꓸ ꓕꓲ ꓛꓱ ꓗꓪ ꓔꓬ ꓟ ꓗꓴꓷꓼ ꓐꓴ ꓠꓯꓼ ꓗꓪ ꓟꓽ ꓓ ꓟꓬꓱꓽ ꓟꓯ ꓠ ꓔ ꓟ ꓶꓻ ꓓꓽ ꓟ ꓬꓰ ꓠ ꓔ ꓟ ꓙꓳ_ ꓡꓳ ꓐꓰ ꓐꓯ ꓟ ꓚꓱꓹ ꓪꓴꓸ ꓓꓵ ꓚꓬ ꓢꓲ ꓐꓯ ꓖꓶ ꓓꓴ ꓥꓳ= ꓟꓲ ꓠꓯ ꓡꓱꓻ ꓡ_ ꓟ ꓞ ꓡ_ ꓟ ꓑꓶ ꓓꓴ ꓒꓬꓱꓼ ꓡ ꓟ ꓫꓵꓽ ꓪꓴ ꓔꓯ ꓣꓳ ꓟꓬ ꓢꓶꓽ ꓟꓬ ꓟꓳ ꓟꓳ_ ꓟ ꓡꓰ ꓐꓰ ꓖꓳ ꓟ ꓠꓬ ꓮꓽ ꓟ ꓑꓶ ꓓꓴ ꓥ ꓡ ꓐꓰ ꓝꓴꓲ ꓧꓪ ꓠꓬꓲ ꓕꓯ ꓟꓲ ꓠꓯ ꓕꓲ ꓟꓲ ꓠꓯ ꓡꓱꓼ ꓗꓪ ꓟ ꓞꓳ ꓤ ꓐꓴ ꓮ ꓙꓵ ꓠꓯꓼ ꓗꓪ ꓝꓴꓲ ꓙꓳ_ ꓟ ꓔꓯ ꓣꓳ ꓡꓳꓸ ꓟꓳ ꓪ ꓓ_ ꓡꓳ= ꓖꓳ ꓡꓱ ꓥ ꓟꓲ ꓚꓵ ꓚꓵ ꓐꓯ ꓠꓬ ꓟꓲ ꓠꓯ ꓞ ꓡ_ ꓟ ꓡꓱꓻ ꓡ_ ꓟ ꓠꓯꓼ ꓗꓪ ꓟꓽ ꓓ ꓝꓴꓲ ꓙꓳ ꓢꓴ ꓟꓬꓱꓽ ꓟꓯ ꓠ ꓔ ꓢꓴ ꓠꓬ ꓟꓲ ꓠꓯ ꓖꓳ ꓪꓴꓸ ꓕꓲ ꓛꓱ ꓢꓲ ꓗꓪ ꓔꓬ ꓟ ꓪꓴꓽ ꓡ ꓟꓴ ꓡ ꓖꓴ ꓡꓰ ꓢꓴ ꓗꓴꓷꓼ ꓐꓴ ꓠꓯꓼ ꓗꓪ ꓟꓬ ꓠꓬꓲ ꓝꓴꓲ ꓙꓳ ꓟ ꓔꓯ ꓣꓳ ꓡꓳꓸ ꓟꓳ ꓪ ꓓ_ ꓡꓳ= ꓬꓲꓸ ꓪ ꓠꓯꓼ ꓗꓪ ꓕꓱ ꓟ ꓟꓽ ꓒꓬꓱꓼ ꓡ ꓠ ꓶꓻ ꓓꓽ ꓟ ꓟꓲ ꓘꓳꓹ ꓣꓴ ꓢꓲ ꓟꓯ ꓠ ꓗꓹ ꓡꓳ=
ꓖꓳ ꓡꓱ ꓥ ꓟꓲ ꓡꓳ ꓑ ꓗꓴꓷꓼ ꓥ ꓟ ꓟꓲ ꓠꓯ ꓖꓴ ꓪꓴꓸ ꓕꓲ ꓛꓱ ꓗꓪ ꓔꓬ ꓟ ꓗꓴꓷꓼ ꓐꓴ ꓔꓯ ꓝꓴꓲ ꓟꓽ ꓐꓯ ꓠꓬꓲꓽ ꓧꓪꓹ ꓕꓲ ꓧꓪꓹ ꓟ ꓟꓲ ꓠꓯ ꓟꓵꓽ ꓘꓳꓼ ꓚꓱꓹ ꓔꓯ ꓟꓳꓸ ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓬꓰ ꓕꓯ ꓠꓬ ꓫꓸ ꓢꓴ ꓟꓷꓼ ꓢꓴ ꓬꓲꓸ ꓪꓴꓸ ꓪꓴ ꓟꓴ ꓡ ꓟ ꓗꓴꓷꓼ ꓔꓯ ꓢꓲ ꓠꓬꓲ ꓟꓬ ꓠꓬꓲ ꓐꓯ_ ꓟ ꓚꓱꓹ ꓔꓯ ꓟꓳꓸ ꓟꓬ ꓠꓬꓲ ꓡꓳꓸ ꓟꓳ ꓪ ꓡꓳ= ꓕꓱ ꓡꓱ ꓬꓲꓸ ꓪꓴꓸ ꓪꓴ ꓟꓴ ꓡ ꓟ ꓗꓴꓷꓼ ꓫꓸ ꓔ ꓟ ꓗꓴꓷꓼ ꓐꓴ ꓠꓬ ꓕꓱ ꓟ ꓔꓯ ꓢꓷꓸ ꓠ ꓗꓹ ꓡꓳ ꓐꓰ ꓐꓳ ꓔ ꓟ ꓔꓯ ꓡꓳꓸ ꓟꓳ ꓪ ꓡꓳ= 1990 ꓘꓳꓼ ꓡꓳꓹ ꓬꓰ ꓗꓸ ꓠꓯꓸ ꓟꓲ ꓠꓯ ꓗꓪ ꓟ ꓟꓲ ꓦꓲꓻ ꓞ ꓢꓯꓼ ꓔꓯ ꓟꓬ ꓠꓬꓲ ꓟꓳ ꓡ ꓝꓲ_ ꓟ Green House Gas ꓐꓯ ꓟ ꓕꓱ ꓟ ꓔꓯ ꓓꓳꓻ ꓡ ꓝꓲ ꓟ 1ꓦ ꓗꓪ ꓐꓰ 75 ꓩꓴꓸ 1 ꓦ ꓗꓪ ꓐꓰ 80 ꓩꓴꓸ ꓠꓬ ꓟꓲ ꓠꓯ ꓕꓲ ꓟꓲ ꓠꓯ ꓡꓱꓼ ꓗꓪ ꓟ 100 ꓩꓴꓸ ꓗꓪ ꓐꓰ 20 ꓩꓴꓸ ꓡꓰ ꓙꓳ ꓟ ꓙꓼ ꓔꓯ ꓢꓲ ꓟꓽ ꓓ ꓪꓴ ꓟꓴ ꓡ ꓟ ꓗꓴꓷꓼ ꓐꓴ ꓥ ꓢꓲ꓾ ꓟꓲ ꓠꓯ ꓡꓱꓻ ꓡ ꓟ ꓞ ꓡ ꓟ ꓠꓬ ꓬꓲ ꓪ ꓠꓯꓼ ꓗꓪ ꓟꓬ ꓠꓬꓲ ꓝꓴꓲ ꓙꓳ ꓟ ꓔꓯ ꓟꓸ ꓔ ꓡꓳ=
Subscribe
Sign up to our newsletter and get latest news and updates straight to your inbox!
Download RVA App
Add new comment