ꓒꓴ ꓔꓯ ꓮ ꓡꓰ ꓣꓱꓽ ꓠꓹ ꓟ꓾ ꓒꓴ ꓔꓯ ꓮ ꓡꓰ ꓫ ꓗꓴꓸ ꓠꓹ ꓟ (ꓢꓷꓸ ꓙ ꓟꓳ ꓙ ꓘꓶꓽ)

 ꓠꓬꓲꓸ ꓠꓬꓲ ꓐꓯ ꓖꓶ ꓠꓲꓹ ꓫꓵˍ ꓟ ꓢꓷꓸ ꓙ ꓟꓳ ꓙ ꓘꓶꓽ ꓠꓬ꓾ ꓒꓴ ꓔꓯ ꓮ ꓡꓰ ꓣꓱꓽ ꓠꓹ ꓟ꓾ ꓒꓴ ꓔꓯ ꓮ ꓡꓰ ꓫ ꓗꓴꓸ ꓠꓹ ꓟ (5) ꓚꓱꓹ ꓗꓪ ꓐꓰ ꓤꓰ ꓦˍ ꓟ (2) ꓚꓱꓹ ꓔꓯ ꓐꓯ ꓟꓳꓸ ꓖꓶ ꓩꓴ ꓡˍꓥꓳ= ꓒꓴ ꓠꓸ ꓓꓳ ꓕꓯ ꓢꓲ ꓒꓴ ꓣꓱꓽ ꓣꓳ ꓞꓳ ꓤ ꓮ ꓟꓬꓹ ꓥꓳꓽ ꓡꓰ ꓗꓴˍ ꓟ ꓠꓽ ꓒꓴ ꓣꓱꓽ ꓓꓳ ꓡꓰ ꓢꓲ ꓤꓰ ꓞꓹ ꓟ ꓒꓴ ꓔꓯ ꓠꓸ ꓔ ꓡꓳ=ꓖꓳ ꓡꓰ ꓬꓰˍ ꓟ ꓠꓽ ꓒꓴ ꓔꓯ ꓮ ꓡꓰ ꓡꓰ ꓠꓸ ꓪ ꓠꓹ ꓟꓽ ꓥ꓾ ꓮ-ꓟꓯ-ꓣꓲ-ꓗ ꓗꓴꓷꓼ ꓗꓪ ꓐꓰ ꓖ-ꓣꓰ-ꓙꓬ ꓞꓳ ꓐꓳ ꓓꓽ ꓟ ꓪarren Buffett ꓐꓯ ꓔ ꓟ ꓢꓷꓸ ꓙ ꓟꓳ ꓙ ꓘꓶꓽ ꓠꓬ (Do not save what is left after spending but spend what is left after saving ) (ꓬꓲ ꓪꓴ ꓒꓴ ꓣꓱ ꓢꓲ ꓤꓰ ꓞꓹ ꓟ ꓒꓴ ꓔꓯ ꓕꓽ ꓠꓸ꓾ ꓬꓲ ꓪꓴꓸ ꓒꓴ ꓠꓸ ꓢꓲ ꓤꓰ ꓞꓹ ꓟ ꓒꓴ ꓔꓯ ꓡꓰꓽ ꓣꓱ ) ꓐꓰ ꓐꓯ ꓔ ꓟ ꓥ ꓡꓳ= ꓠꓴ ꓠꓬ ꓕꓳ ꓶ ꓢꓳ ꓔꓬ ꓟ ꓞꓳ ꓡꓱ ꓥˍ ꓟꓲ꓾ ꓐꓹ ꓐ ꓟꓹ ꓟ ꓐꓴ ꓖꓶꓽ ꓡ ꓟ ꓒꓴ ꓔꓯˍ ꓟꓲ ꓬꓲ ꓪꓴꓸ ꓒꓴ ꓠꓸ ꓢꓲ ꓣꓱꓽ ꓠ ꓗ ꓡꓳ= ꓖꓳ ꓡꓰ ꓬꓰˍ ꓟ ꓠꓽ ꓞꓳ ꓐꓳ ꓕꓲ ꓣꓳ ꓒꓬꓱꓼ ꓡˍ ꓥꓳ= ꓢꓷꓸ ꓠꓲꓹ ꓙꓳ ꓒ ꓡꓰ ꓐꓰ ꓒꓴ ꓣꓱꓽ ꓣꓳ ꓠꓸ ꓦ ꓟ ꓒꓴ ꓔꓯ ꓣꓳ ꓠꓸ ꓠꓲꓹ ꓫꓵˍ ꓟ ꓬꓲ ꓙꓵꓹ ꓛꓲꓺ ꓡˍ ꓕꓯ ꓠꓸ ꓢꓲ꓾ ꓒꓴ ꓔꓯ ꓮ ꓟꓬꓹ ꓕꓽ ꓣꓱꓽ= ꓣꓳꓽ ꓐꓱ ꓶ ꓮ ꓡꓰ ꓟ ꓚꓵꓺ ꓚꓵꓺ ꓣꓱꓽ ꓬꓯꓼˍ ꓐꓯ ꓟ ꓔꓯ ꓬꓲ ꓪꓴꓸ ꓓꓵꓽ ꓙ ꓢꓲ ꓣꓱꓽ= ꓧꓪ-ꓒꓴ-ꓥꓳ ꓐꓯ ꓘꓶꓽ ꓙꓳˍ ꓡꓳ= ꓖꓳ ꓟ ꓠꓬ (Buy what you need not what you want) (ꓣꓱꓼꓬꓯꓼˍꓟ ꓡꓰꓽ ꓪꓴ꓾ ꓣꓳꓽ ꓠꓲꓹ ꓫꓵˍ ꓟ ꓔꓯ ꓕꓽ ꓪꓴ )ꓖꓳ ꓟ ꓑꓶꓸ ꓓꓴ ꓣꓳ ꓤꓶꓸꓹ ꓗꓪ ꓠꓲꓹ ꓟ ꓢꓸꓹ ꓢꓸꓹ ꓐꓰ ꓔꓬ ꓪ ꓠꓹ ꓟ ꓒꓴ ꓔꓯ ꓢꓷꓸ ꓠꓲꓹ ꓐꓰ ꓣꓱꓽ ꓗꓴꓸ ꓠꓹ ꓟ ꓐꓯ ꓟꓸ ꓖꓶ ꓠꓲꓹ ꓫꓵˍ ꓡꓳ= ꓖꓳ ꓟ ꓑꓶꓸ ꓓꓴ ꓣꓦꓮ ꓡꓲ-ꓢꓴ ꓢꓯꓼ ꓠ ꓡꓳꓸ ꓔꓬ ꓢꓴ ꓮ ꓙꓵꓽ ꓐꓰ ꓣꓳ ꓒꓴ ꓔꓯ ꓬꓲ ꓪꓴꓸ ꓠꓸ ꓢꓲ ꓒꓴ ꓣꓱꓽ ꓗꓴꓸ ꓠ ꓒꓴ ꓔꓯˍ ꓟꓲ ꓢꓷꓸ ꓠꓲꓹ ꓙꓳ ꓒ ꓡꓰ ꓣꓱꓽ ꓗꓴ ꓠ ꓢꓯꓼ ꓕꓵꓼ ꓙꓰ ꓡꓯ꓾ ꓐꓰ ꓢꓯꓼ ꓖꓶ ꓠꓲꓹ ꓫꓵˍ ꓡꓳ=ꓮ ꓟꓶ ꓐꓯ ꓟꓸ ꓖꓶ ꓗꓷ ꓟ ꓢꓷꓸ ꓙ ꓟꓳ ꓙ ꓘꓶꓽ ꓔꓯ ꓥꓪ ꓐꓰ ꓕꓲ ꓪ ꓢꓯꓼ ꓕꓵꓼ ꓪ ꓡꓰ ꓝꓲ ꓡꓯ=