ꓔꓱꓹ ꓚꓵ_ ꓟ ꓘꓴ ꓜꓲꓼ ꓞꓳ

ꓘ- ꓕꓳ- ꓡꓲꓼ ꓘꓴ ꓜꓲꓼ ꓞꓳ ꓠꓬ ꓢꓲ ꓒꓽ ꓬꓰ-ꓢꓴ ꓡꓰ ꓔꓷ ꓦꓲꓹ ꓟ ꓘꓴ ꓜꓲꓼ ꓞꓳ ꓚꓽ ꓥ ꓐꓯꓹ ꓟ ꓬꓲ ꓢꓷꓸ ꓡꓰ ꓓꓴ ꓮ ꓟꓬ ꓠꓯꓼ ꓗꓪ ꓝꓲ ꓓꓴ ꓒꓲ- ꓕꓱ ꓔꓯ ꓢꓲ ꓒꓽ ꓬꓰ-ꓢꓴ ꓘꓴ ꓜꓲꓼ ꓞꓳ ꓪꓴꓸ ꓓꓵ ꓣꓱꓽ ꓢꓴ ꓔꓷ ꓦꓲꓹ ꓟ꓾ ꓖꓳ ꓟ ꓡꓰ ꓟꓽ ꓞꓲ ꓝꓲ ꓓꓴ ꓒꓲ- ꓕꓱ ꓬꓲ ꓪꓴ ꓛꓲ ꓕꓲ ꓣꓳ ꓫꓵ ꓠꓬ ꓕꓲꓽ ꓣꓳ ꓝꓸ ꓡꓰꓹ ꓟ ꓠꓬꓲꓸ ꓠꓬꓲ 266 ꓣꓳ ꓠꓯꓼ ꓗꓪ ꓕꓱ ꓡꓰ ꓛꓲ ꓡꓹ ꓟ ꓥ_ ꓡꓳ= ꓝꓲ ꓓꓴ ꓒꓲ- ꓕꓱ ꓫꓵ ꓡꓰ ꓗꓸ ꓠꓯꓸ ꓔꓲ ꓒꓽ ꓪꓸ ꓔꓲꓸ ꓡꓲ-ꓠꓴ ꓐꓯꓹ ꓢꓴ ꓟ ꓮꓓ 64 ꓘꓳꓼ ꓕꓯꓽ ꓔꓲ ꓒꓽ ꓪꓸ ꓔꓲꓸ ꓒꓬꓱꓼ ꓡꓹ ꓟ ꓥ_ ꓡꓳ= ꓖꓳ ꓟ ꓓꓳ ꓡꓰ ꓠꓬ ꓔꓲ ꓒꓽ ꓪꓸ ꓔꓲꓸ ꓮ-ꓠ-ꓚꓡꓰ-ꓔꓴꓢ ꓮꓓ 76 ꓘꓳꓼ ꓕꓯ ꓕꓱ ꓡꓰ ꓔꓲꓸ ꓒꓽ ꓪꓸ ꓔꓲꓸ ꓒꓬꓱꓼ ꓡꓹ ꓳ ꓫꓵꓽ ꓥ ꓐꓶ= ꓖꓳ ꓓꓳ ꓡꓰ ꓕꓯ ꓔꓲ ꓒꓽ ꓪꓸ ꓔꓲꓸ ꓚꓡꓰ- ꓟꓰꓠꓔ 1 ꓔꓲ ꓒꓽ ꓪꓸ ꓔꓲꓸ ꓒꓬꓱꓼ ꓡꓹ ꓟ ꓥ ꓐꓶ= ꓖꓳ ꓟ ꓓꓳ ꓡꓰ ꓠꓬ ꓮꓓ 99 ꓘꓳꓼ 11 ꓦ ꓟ 23 ꓠꓬꓲ ꓕꓯ ꓔꓲ ꓒꓽ ꓪꓸ ꓔꓲꓸ ꓰꓦꓮ-ꓣꓲꓢ-ꓔꓴꓢ  ꓔꓲ ꓒꓽ ꓪꓸ ꓔꓲꓸ ꓕꓱ ꓡꓰ ꓒꓬꓱꓼ ꓡꓹ ꓟ ꓥ_ ꓡꓳ= ꓖꓳ ꓡꓰ ꓢꓲ ꓕꓲꓽ ꓝꓸ ꓖꓴ ꓕꓲꓽ ꓝꓸ ꓕꓱ ꓡꓰ ꓒꓬꓱꓼ ꓡꓹ ꓟ ꓠꓬ ꓠꓬꓲ ꓠꓬꓲ ꓣꓳꓽ ꓢꓷꓸ ꓔ ꓟ ꓡꓰ ꓐꓰ ꓕꓲꓽ ꓡꓰ ꓔꓲ ꓒꓽ ꓪꓸ ꓔꓲꓸ ꓝꓣꓮꓠ-ꓢꓲꓢ ꓐꓯꓹ ꓢꓴ ꓟ ꓠꓬ 266 ꓣꓳ ꓕꓲꓽ ꓣꓳ ꓟ ꓥ_ ꓡꓳ= ꓕꓱ ꓟ ꓠꓬ ꓕꓲꓽ ꓣꓳ ꓫꓵ ꓕꓯ ꓕꓲꓽ ꓣꓳ ꓑꓶ ꓝꓸ ꓕꓲꓽ ꓣꓳ ꓝ ꓡꓹ ꓢꓲ 266 ꓗꓪ ꓛꓲ ꓡꓹ ꓟ ꓠꓬ ꓘꓴ ꓜꓲꓼ ꓞꓳ ꓠꓬ ꓚꓽ ꓥ ꓐꓯꓹ ꓟ ꓢꓷ ꓡꓰ ꓓꓴ ꓥ_ ꓡꓳ=

 ꓘꓴ ꓜꓲꓼ ꓞꓳ ꓚ ꓟꓲꓽ ꓔꓯ ꓝꓸ ꓢꓲ ꓛꓳꓽ ꓠꓬꓲ ꓠꓬ ꓢꓲ ꓒꓽ ꓬꓰ-ꓢꓴ ꓟꓴꓽ ꓗꓪ ꓗꓪ ꓓꓰ ꓙꓰ ꓗ ꓠꓯꓸ ꓢꓲ ꓮꓓ 33 ꓘꓳꓼ ꓗꓪ ꓐꓰ ꓮꓓ303 ꓘꓳꓼ ꓗꓪ ꓛꓲ ꓠꓬ ꓫꓸ ꓙꓲꓹ ꓟꓹ ꓫꓸ ꓟꓴꓹ ꓟ ꓢꓰꓼꓹ ꓟ ꓮ ꓟꓬ ꓙꓳ ꓐꓶ= ꓟꓬ ꓠꓬꓲ ꓐꓶꓹ ꓠꓬꓲ ꓮꓓ 64 ꓘꓳꓼ ꓕꓯꓽ  ꓣꓳ-ꓟ ꓪꓸ ꓔꓲꓸ ꓠꓰ-ꓣꓳ ꓕꓲ ꓞꓲꓼ ꓗꓪ ꓠꓬ ꓣꓳ-ꓟ ꓡꓳ ꓒꓱ ꓔꓯ ꓮꓸ ꓔꓳꓸ ꓛꓴ ꓩꓴꓹ ꓟ ꓕꓱ ꓡꓰ ꓗꓷ ꓡꓰ ꓐꓶ= ꓖꓳ ꓡꓰ ꓢꓲ ꓠꓬꓲ ꓮꓸ ꓔꓳꓸ ꓐꓬ ꓡꓹ ꓟ ꓠꓬ ꓙꓲ-ꓢꓴ ꓢꓲ ꓤꓸ ꓐꓴ ꓡꓰ ꓛꓵ ꓩꓴ ꓡꓹ ꓟ ꓥ_ ꓡꓳ ꓐꓯ ꓢꓲ ꓠꓬꓲ ꓙꓲ-ꓢꓴ ꓢꓲ ꓤꓼ ꓐꓰ ꓣꓳ-ꓟ ꓞꓳ ꓫꓵꓹ ꓬꓴ-ꓓ ꓡꓽ ꓞꓳ ꓠꓬꓲ ꓗꓴꓸ ꓚꓸ ꓗꓪ ꓫꓸ ꓪ ꓟꓬꓽ ꓡꓯꓽ ꓘꓳꓹ ꓫꓵꓽ ꓠꓲꓹ ꓟ ꓟ ꓢ ꓡꓰ ꓫꓵꓽ ꓗꓷ ꓡꓰ ꓐꓶ= 

ꓮꓓ 303 ꓘꓳꓼ ꓗꓪ ꓠꓬ ꓣꓳ-ꓟ ꓪꓸ ꓔꓲ ꓓꓲꓳꓚꓡꓰꓔꓲꓮꓠ ꓙꓵꓽ ꓡꓳ ꓡꓰ ꓔꓯ ꓣꓳ-ꓟ ꓗꓴꓷꓼ ꓠꓬ ꓠꓬꓲ ꓐꓱ ꓗꓷ ꓡꓰ ꓐꓶ=