ꓔꓲꓺ ꓒ ꓪ ꓔꓲ ꓬꓳ‐ꓦ ꓒꓳ‐ꓡꓳ (2) ꓧꓪꓽ ꓖꓳ ꓓꓱ ꓡꓳ, ꓬꓰ ꓟ ꓚꓱ,

ꓔꓲꓺ ꓒ ꓪ ꓔꓲ ꓬꓳ‐ꓦ ꓒꓳ‐ꓡꓳ (2) ꓧꓪꓽ ꓖꓳ ꓓꓱ ꓡꓳ, ꓬꓰ ꓟ ꓚꓱ,

ꓔꓲꓺ ꓒ ꓪ ꓔꓲ ꓬꓳ‐ꓦ ꓒꓳ‐ꓡꓳ (2) ꓠꓬ ꓬꓲ ꓧꓪꓽ ꓖꓳ ꓓꓱ ꓗꓪ ꓠꓻ ꓓꓴ ꓮ ꓟꓬ ꓔꓳ ꓜꓳ ꓗꓷꓳ꓿ ꓔꓲꓺ ꓒ ꓪ ꓔꓲ ꓬꓳ‐ꓦ ꓒꓳ‐ꓡꓳ (2) ꓠꓻ ꓗꓷ ꓟ ꓠꓻ ꓫꓵˍ ꓠꓬ (Parkinson) ꓟꓬꓺ ꓟ ꓠꓻ ꓫꓵˍ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓠꓻ ꓓꓴ ꓔꓳ ꓜꓳ ꓥ ꓟꓲ ꓟꓵꓽ ꓗꓳ ꓓꓵ ꓓꓵ ꓗꓪ ꓙꓰ ꓢꓲ ꓠꓬꓲ ꓪꓴ‐ꓢ ꓐꓯꓼ ꓘꓶꓽ ꓟ. ꓖꓶˍ ꓗꓷꓳ꓿ ꓔꓲꓺ ꓒ ꓪ ꓔꓲ ꓠꓬ ꓬꓲ ꓬꓰ ꓠ, ꓟ ꓟꓬꓱꓽ ꓮ ꓟꓬ ꓔꓯ ꓢꓯꓼ ꓕꓵꓼ ꓢꓲ ꓠꓬꓲ ꓬꓰˍ ꓗꓷꓳ꓿

ꓔꓲꓺ ꓒ ꓪ ꓔꓲ ꓠꓬ  ꓠꓻ ꓓꓴ ꓔꓳ ꓜꓳ ꓗꓷ ꓟ (10) ꓘꓳꓼ ꓟꓶ ꓫꓵˍ ꓡꓰ ꓥ ꓟꓲ ꓪꓴ‐ꓢ ꓟꓬꓱꓽ ꓔꓯ ꓮ ꓟꓬ, ꓢꓯꓼ ꓕꓵꓼ ꓗꓷꓳ꓿ ꓔꓲꓺ ꓒ ꓪ ꓔꓲ ꓠꓬ ꓠꓻ ꓓꓴ ꓮ ꓟꓬ ꓠꓻ ꓡ ꓟ ꓑꓶ. ꓓꓴ ꓬꓲ ꓔꓬ ꓦꓲꓻ ꓗꓪ ꓠꓻ ꓫꓬ, ꓗꓷꓳ꓿ ꓗꓳ ꓕꓲ ꓙꓵ, ꓗꓪ  ꓟꓵꓽ ꓗꓳ ꓓꓵ ꓓꓵ ꓗꓪ ꓔꓬ ꓟ ꓙꓲꓺ ꓢꓴ ꓢꓲ‐ꓤ ꓐꓴ ꓔꓲꓺ ꓒ ꓪ ꓔꓲ ꓐꓱ ꓶ ꓪꓽ ꓘꓴ ꓙ ꓗꓷꓳ꓿

ꓔꓲꓺ ꓒ ꓪ ꓔꓲ ꓬꓳ‐ꓦ (2) ꓠꓬ 2005 ꓘꓳꓼ 4 ꓦ  ꓠꓯꓼ 9ꓽ 37 ꓙꓵ, ꓕꓯ  ꓬꓲ ꓞꓲꓼ (84) ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ, ꓬꓰꓳ꓿ ꓔꓲꓺ ꓒ ꓪ ꓔꓲ ꓫꓵꓻ ꓕꓯ ꓣꓳ‐ꓟ ꓡꓳ ꓒꓱ ꓗꓪ ꓑ ꓫꓬ (40) ꓫꓬ, ꓞꓲꓼ ꓛꓲ ꓡ ꓟ ꓥ ꓡꓳ꓿ ꓣꓳ‐ꓟ ꓡꓳ ꓒꓱ ꓝꓲ ꓓꓴ ꓒꓲ‐ꓕꓱ ꓪꓽ ꓘꓴ ꓦꓲꓻ ꓗꓪ ꓔꓲꓺ ꓒ ꓪ ꓔꓲ ꓐꓱ ꓶ ꓟꓲ‐ꓢ ꓔꓲ꓾ ꓖꓶ ꓙꓵ, ꓗꓪ ꓡ ꓞꓳ (3) ꓫꓬ, ꓡ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓔꓯ ꓙꓲꓺ ꓢꓴ ꓢꓲ‐ꓤ ꓐꓴ ꓡꓰ (The great) ꓟꓬꓱꓺ ꓓꓳꓽ ꓙꓳ ꓟ ꓐꓰ ꓘꓴ ꓖꓶ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓬꓳ‐ꓦ ꓒꓳ‐ꓡꓳ (2) ꓠꓬ ꓘꓴ ꓜꓲꓼ ꓞꓳ ꓔꓯ ꓮ ꓟꓬ ꓠꓲ, ꓠꓵˍ ꓢꓴ ꓐꓰ ꓟꓲ ꓠꓯ ꓡ ꓞꓳ ꓮ ꓙꓵˍ ꓔꓯ ꓮ ꓘꓶ ꓠꓲ, ꓠꓵˍ ꓢꓴ ꓥ ꓡꓳ꓿

Add new comment

15 + 5 =