ꓔꓲꓺ ꓒ ꓪ ꓔꓲ ꓬꓳ‐ꓦ (1) ꓑꓮꓲꓽ (St.Pope John (1)

ꓔꓲꓺ ꓒ ꓪ ꓔꓲ ꓬꓳ‐ꓦ (1) ꓑꓮꓲꓽ

ꓔꓲꓺ ꓒ ꓪ ꓔꓲ ꓬꓳ‐ꓦ (1) ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓔꓬ ꓟ ꓙꓵ, ꓕꓯ ꓲꓔꓮꓡꓬ ꓗꓴꓷꓼ ꓗꓪ ꓪ ꓔꓲ Theodoric ꓙꓵꓽ ꓔꓬ ꓟ ꓙꓵ, ꓟꓲ ꓥ ꓡꓳ꓿ ꓪ ꓔꓲ ꓠꓬ ꓥꓳꓽ ꓡꓰ ꓟ ꓙꓵꓻ ꓠꓲ, ꓚꓱ, ꓔꓯ ꓘꓳ, ꓣꓴ ꓢꓴ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓪ ꓔꓲ ꓠꓬ ꓪꓴ‐ꓢ ꓦꓻ ꓡꓱ ꓢꓴ ꓐꓴ ꓔꓯ ꓫ. ꓢꓴ ꓟꓶ ꓢꓴ ꓟꓽ ꓖꓶ ꓢꓴ ꓪ ꓔꓲ ꓥ ꓡꓳ꓿ Byzantine Constantinople ꓪ ꓔꓲ Justin (1) ꓠꓬ ꓪ ꓔꓲ ꓒꓬꓱꓼ ꓡ ꓗꓸ ꓠꓯ ꓥꓳꓽ ꓡꓰ ꓟ ꓙꓵꓻ ꓠꓲꓹ ꓚꓱꓹ ꓔꓯ ꓮ ꓟꓬꓹ ꓛꓲ ꓗꓹ ꓕꓽ ꓗꓷꓳ꓿

ꓖꓳ ꓕꓲ ꓙꓵꓹ ꓗꓪ ꓔꓲꓺ ꓒ ꓪ ꓔꓲ ꓬꓳ˗ꓦ (1) ꓠꓬ Tusscany ꓡꓳ ꓒꓱ ꓗꓪ ꓦꓵꓻ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓪꓴ‐ꓢ ꓟꓬꓱꓽ ꓬꓰ ꓠ, ꓟ Deacon ꓙꓵꓽ ꓪ ꓘꓳꓹ ꓣꓴ ꓟꓶ ꓡꓰ ꓟ ꓙꓵꓹ ꓕꓯ ꓔꓲꓺ  ꓒ ꓪ ꓔꓲ ꓙꓵꓽ ꓪ ꓔꓯ ꓘꓳꓹ ꓣꓴ ꓠꓹ ꓟ ꓢꓲꓻ ꓗꓷꓳ꓿ ꓔꓲꓺ ꓒ ꓪ ꓔꓲ ꓬꓳ˗ꓦ (1) ꓠꓬ 523 ꓘꓳꓼ ꓕꓯ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓬꓳ‐ꓦ (1) ꓠꓬ ꓲꓔꓮꓡꓬ ꓪ ꓔꓲ (Theodoric ) ꓕꓲ ꓒꓳ, ꓗꓪ ꓐꓰ ꓢꓲ ꓡꓲ ꓟꓶ ꓠ, ꓟ (Constantinople ) (Byzantine ) ꓪ ꓔꓲ ꓠꓯ, ꓗꓪ ꓙꓰ ꓢꓲ ꓠꓬꓲ ꓖꓪꓽ ꓙꓱ ꓡꓯ ꓘꓳ, ꓗꓷꓳ꓿

ꓔꓲꓺ ꓒ ꓪ ꓔꓲ ꓬꓳ‐ꓦ (1) ꓠꓬ Constantinople ꓡꓳ ꓒꓱ ꓗꓪ ꓙꓰ ꓟ ꓙꓵ, ꓕꓯ ꓙꓲ‐ꓢꓴ ꓢꓲꓺ ꓤ ꓐꓴ ꓡꓰ ꓮ ꓟꓬ, ꓛꓲ ꓘꓳ, ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓠꓬ ꓪꓴ‐ꓢ ꓦꓻ ꓡꓰ ꓢꓴ ꓪ ꓔꓲ ꓥ ꓟ Constantinople ꓪ ꓔꓲ ꓔꓯ ꓪꓴ‐ꓢ ꓟꓽ ꓦꓻ ꓡꓱ ꓢꓴ ꓐꓴ ꓔꓯ ꓢꓰꓼ ꓠ, ꓟ ꓟꓽ ꓬꓰ ꓠ, ꓟ ꓓꓲꓽ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓬꓳ‐ꓦ (1) ꓡꓰ ꓢꓲ ꓡꓲ ꓟꓶ ꓠ, ꓟ ꓚꓱ, ꓮ ꓟꓬ, ꓢꓯꓼ ꓕꓵꓼ ꓗꓷ ꓟ ꓪꓴ. ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓟꓬ, ꓛꓲ ꓪꓽ ꓡꓯ ꓘꓳ, ꓟ ꓙꓳˍ ꓡ ꓟ ꓥ ꓡꓳ꓿

ꓖꓳ ꓡꓱ ꓥ ꓟꓲ ꓪꓴ‐ꓢ ꓟꓽ ꓦꓻ ꓡꓱ ꓢꓴ ꓲꓔꓮꓡꓬ ꓗꓴꓷꓼ ꓗꓪ ꓪ ꓔꓲ (Theodoric ) ꓠꓬ ꓬꓲ ꓡꓰ ꓢꓲ ꓡꓲ ꓟꓶ ꓠ, ꓟ ꓝꓲ ꓩꓴ ꓗꓷ ꓟ ꓔꓲꓺ ꓒ ꓪ ꓔꓲ ꓐꓰ ꓪꓴ‐ꓢ ꓦꓻ ꓡꓱ ꓢꓴ Constantinople ꓪ ꓔꓲ ꓔꓯ ꓟꓽ ꓔꓱ, ꓟ  ꓟꓬꓱꓽ ꓬꓰ ꓢꓴ ꓐꓴ ꓓꓵꓽ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓐꓰ Constantinople ꓪ ꓔꓲ Justin ꓠꓬ Italy ꓪ ꓔꓲ (Theodoric) ꓔꓯ ꓢꓰꓼ ꓠ, ꓟ ꓖꓪꓽ ꓙꓱ ꓡꓯ ꓘꓳ, ꓡꓳ ꓐꓰ ꓓꓵꓽ ꓙ ꓟ ꓥ ꓡꓳ꓿ ꓖꓳ ꓡꓱ ꓟ ꓞꓲ ꓪꓴ‐ꓢ ꓦꓻ ꓡꓱ ꓢꓴ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓟꓽ ꓙꓲꓻ ꓢꓴ ꓐꓴ ꓐꓰ ꓢꓪ ꓢꓴ ꓥ ꓡꓳ꓿ AD (526) ꓘꓳꓼ ꓕꓯ ꓔꓲꓺ ꓒ ꓪ ꓔꓲ Italy ꓗꓴꓷꓼ ꓗꓪ ꓔꓲꓺ ꓒ ꓪ ꓔꓲ ꓡ ꓛꓲ ꓡ ꓟ ꓙꓵ, ꓕꓯ ꓐꓱꓻ ꓓꓵꓽ ꓗꓪ ꓐꓱꓻ ꓗꓷ ꓟ ꓥ ꓡꓳ꓿ ꓟꓽ ꓟꓶ ꓫꓵˍ ꓟ ꓙꓵ, ꓕꓯ ꓔꓲꓺ ꓒ ꓪ ꓔꓲ ꓠꓬ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ. ꓬꓰ ꓟ ꓥ ꓡꓳ꓿