ꓖꓳ ꓓꓱ ꓔꓶ, ꓖꓶ ꓢꓴ ꓬꓳ‐ꓦ ꓦꓲꓻ ꓑꓮꓲ꓿

 ꓖꓳ ꓓꓱ ꓔꓶ, ꓖꓶ ꓢꓴ ꓬꓳ‐ꓦ ꓦꓲꓻ ꓑꓮꓲ꓿      

ꓖꓳ ꓓꓱ ꓔꓲ, ꓖꓶ ꓢꓴ ꓬꓳ‐ꓦ ꓠꓬ ꓟ, ꓟ ꓟ‐ꓡ‐ꓬ ꓐꓰ ꓕꓲ ꓪ ꓟꓴ ꓗꓪ ꓗꓪ ꓛꓲ ꓬꓰ ꓢꓴ ꓥˍ ꓡꓳ꓿    ꓖꓳ ꓓꓱ ꓔꓶ, ꓖꓶ ꓢꓴ ꓬꓳ‐ꓦ  ꓬꓲ ꓐꓽ ꓐ ꓐꓰ ꓟ, ꓟ ꓠꓬ ꓙꓵˍ ꓠꓲ ꓮ ꓟꓬ ꓙꓳˍ ꓟ ꓕꓲ ꓦꓲꓻ ꓢꓴ ꓥ ꓡꓳ꓿ ꓢꓲꓽ ꓫꓬ ꓕꓳ ꓶ ꓗꓪ (ꓡꓴ‐ꓘ ꓕꓳ ꓶ 1ꓽ57‐66) ꓗꓪ ꓡꓳ. ꓟꓳ ꓪ ꓡꓳ꓿    ꓟ-ꓡꓲ ꓠꓬ ꓬꓲ-ꓡꓲ-ꓫ-ꓑꓷˍ ꓐꓰ ꓦꓻ ꓐ ꓢ ꓟ ꓛꓲ ꓔꓬ ꓗꓷ ꓠꓬ꓾ ꓬꓲ ꓦꓲ ꓗꓪ ꓬꓲꓼ ꓙꓰˍ ꓡꓳ꓿  ꓬꓲ-ꓡꓲ-ꓫ-ꓑꓷ ꓤ ꓠꓱ ꓦꓵꓻ ꓝꓲꓸ ꓛꓲ ꓡ ꓠꓬ ꓤꓽ ꓕꓲ ꓣꓳ ꓦꓵꓻ ꓡ ꓡꓳ꓿ ꓢꓲ ꓒꓽ ꓬꓲ ꓔꓯ ꓮꓺ ꓘꓶꓻ ꓛꓲ ꓫꓱꓸ ꓤˍ ꓟ ꓔꓯ ꓠꓶꓽ ꓛꓳ ꓕꓲ ꓛꓳꓺˍ ꓐꓰ ꓬꓲ ꓫꓵꓽ ꓬꓲ ꓧꓪ ꓑ ꓙꓽ ꓗꓷ ꓠꓬ꓾ ꓬꓲ ꓪꓽˍ ꓟꓲ ꓬꓲˍ ꓐꓰ ꓕꓲꓽ ꓪꓺꓼ ꓗꓹ ꓛꓲˍ ꓡꓳ꓿  ꓦꓰꓼ ꓠꓬꓲ ꓕꓲ ꓠꓬꓲ ꓗꓪ꓾ ꓬꓲ ꓪꓽ ꓠꓬ ꓤ ꓠꓱ ꓤ ꓔꓯ ꓶꓺˍ ꓟ ꓗ ꓫꓵ ꓬꓰ ꓖꓶˍ ꓐꓰ ꓡꓻ ꓢꓲ꓾ ꓬꓲ ꓐꓹ ꓐ ꓔꓯˍ ꓡꓰ ꓐꓰ ꓬꓲ ꓔꓯˍ ꓟꓲ꓾ ꓢ-ꓚꓬ-ꓡꓲ-ꓬ꓾ ꓐꓰ ꓟꓬꓱꓺ ꓖꓶ ꓠꓲꓹ ꓫꓵˍ ꓡꓳ꓿  ꓖꓳ ꓡꓱ ꓥ ꓟꓲ ꓬꓲ ꓟꓹ ꓟ ꓡꓰ꓾ ꓟꓽ ꓥ꓾ ꓬꓲ ꓔꓯ꓾ ꓬꓳ-ꓦ꓾ ꓟꓬꓱꓺ ꓖꓶ ꓠ ꓗꓹ ꓡꓳ꓾ ꓐꓯ ꓖꓶˍ ꓡꓳ꓿

  ꓬꓲ ꓪꓽ ꓡꓰ ꓬꓲ ꓔꓯ꓾ ꓠꓴ ꓫꓵꓽ ꓠꓴ ꓧꓪ ꓗꓳ ꓡꓳ ꓗꓪ ꓖꓳ ꓡꓱ ꓟꓬꓱꓺ ꓔ ꓢꓴ ꓕꓲ ꓣꓳˍ ꓟꓲ ꓟꓽ ꓙꓳ꓾ ꓐꓯˍ ꓡꓳ꓿ ꓬꓲ ꓪꓽ ꓡꓰ ꓬꓲ ꓐꓹ ꓐ ꓔꓯ ꓟꓶꓻ ꓥꓳꓽ ꓡꓵꓹ ꓢꓲ꓾ ꓬꓲ ꓔꓯ ꓮ ꓡꓲ ꓟꓬꓱꓺ ꓖꓶ ꓠꓲꓹ ꓫꓵˍ ꓡ?꓾ ꓐꓰ ꓠ ꓠꓬꓲˍ ꓕꓯ꓾ ꓬꓲ ꓠꓬ ꓕꓳ ꓶ ꓐꓳ ꓒꓬꓸ ꓧꓪ ꓢꓲ꓾ ꓬꓲ ꓟꓬꓱꓺ ꓠꓬ ꓬꓳ-ꓦ ꓥ ꓡꓳ꓾ ꓐꓰ ꓐꓳ ꓓꓳ ꓡ ꓠꓬꓲ꓾ ꓬꓲ ꓪꓽ ꓮꓽ ꓙꓵ ꓢꓴ ꓓꓵꓽ ꓙ ꓟꓶꓻ ꓡꓰꓳ꓿ ꓖꓳ ꓕꓯ ꓞꓼ ꓐꓰ ꓢ-ꓚꓬ-ꓡꓲ-ꓬ ꓬꓲ ꓟꓷꓽ ꓠꓷꓹ ꓒꓴ ꓡ ꓢꓲ꓾ ꓡ ꓛꓱꓺˍ ꓟꓲ ꓐꓶꓻ ꓡ ꓢꓲ ꓠꓬꓲ꓾ ꓪꓴ-ꓢ ꓔꓯ ꓫꓱꓸ ꓖꓶ ꓟ ꓥꓳꓽ ꓫꓸ ꓕꓱ ꓓꓳ ꓡ ꓡꓳ꓿ ꓖꓳ ꓕꓯ ꓘꓹ ꓪꓳꓽ ꓡꓳ ꓛꓳꓽ ꓢꓴ ꓮꓽ ꓙꓵ ꓓꓵꓽ ꓙ ꓟꓶ ꓡꓰ ꓢꓲ꓾ ꓓꓳꓽ ꓕꓱ ꓟ ꓠꓬ ꓬꓴ-ꓔ ꓪꓽ ꓚꓲ ꓟꓵꓽ ꓮꓽ ꓙꓵ ꓗꓪ ꓚ ꓒꓬꓱ ꓙꓰˍ ꓡꓳ꓿ ꓓꓳꓽ ꓕꓱ ꓟ ꓔꓯ ꓑ ꓙꓽ ꓢꓴ ꓮꓽ ꓙꓵ ꓠꓬ꓾ ꓢꓲ ꓒꓽ ꓪꓴ-ꓢ ꓬꓲ ꓪꓽ ꓠꓬꓲˍ ꓟ ꓡꓯꓼ ꓒꓯꓹ ꓠꓽ ꓤ ꓠꓱ ꓤ ꓕꓱ ꓕꓲ ꓣꓳˍ ꓐꓰ ꓓꓹ ꓠꓬꓲ꓾ ꓤ ꓠꓱ ꓕꓱ ꓟ ꓠꓬ ꓮ ꓡꓲ ꓡꓴ ꓫꓵꓽ ꓕꓲ ꓣꓳ ꓒꓬꓱꓼ ꓡ ꓥꓳ ꓪ?꓾ ꓐꓰ ꓐꓯ ꓡꓯꓽ ꓘꓳˍ ꓡꓳ꓿ ꓬꓳ‐ꓦ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓪꓴꓽ ꓡ ꓢꓲ ꓠꓬꓲ ꓙꓵˍ ꓠꓲ ꓙꓳˍ ꓢꓴ ꓖꓳ ꓓꓱ ꓔꓲ, ꓢꓴ ꓕꓲ ꓣꓳ ꓒꓬꓱꓼ ꓡ ꓡꓳ꓿