ꓘꓴ ꓜꓲ ꓞꓳ ꓚꓸꓸ ꓟꓲ

ꓘꓴ ꓜꓲ ꓞꓳ ꓚꓸꓸ ꓟꓲ

ꓘꓴ ꓜꓲ ꓞꓳ ꓚꓸꓸ ꓟꓲ: ꓗꓪ ꓐꓰ ꓙꓲꓻ ꓫꓬ ꓢꓴ Augustine ꓚꓱꓹ ꓥ  ꓡꓳ= ꓙꓲꓻ ꓫꓬ ꓢꓴ Augustine ꓠꓬ ꓘꓴ ꓜꓲ ꓞꓳ ꓘꓴꓽ ꓗꓪ ꓟꓲ ꓠꓯ ꓢꓷꓸ ꓠꓲꓹ ꓕꓳꓽ ꓶ ꓮ ꓟꓬꓹ ꓢꓷꓸ ꓢꓴ ꓕꓲ ꓣꓳ ꓥ ꓡꓳ= ꓬꓲ ꓠꓬ Africa ꓗꓴꓷꓼ ꓗꓪ ꓔꓬ ꓢꓴ ꓕꓲ ꓣꓳ ꓥ ꓡꓳ= ꓙꓲꓻꓫꓬ ꓢꓴ Augustine ꓬꓲ ꓐꓹ ꓐ ꓠꓬ ꓪꓴ-ꓢ ꓟꓽ ꓦ ꓡꓱ ꓢꓴ ꓕꓲ ꓣꓳ ꓥ ꓡꓳ= ꓬꓲꓸ ꓟꓹ ꓟ ꓠꓬ ꓪꓴ-ꓢ ꓔꓯ ꓦ ꓡꓱ ꓢꓴ ꓙꓲ-ꓢꓴ ꓢꓲ ꓤ ꓕꓲ ꓣꓳ ꓥ ꓡꓳ=

ꓙꓲꓻ ꓫꓬ ꓢꓴ Augustine ꓠꓬ ꓬꓲ ꓞꓲꓼ ꓣꓳˍ ꓟ ꓙꓵꓹ ꓗꓪ ꓬꓲ ꓐꓹ ꓐ ꓡꓰ ꓐꓰ ꓪꓴ-ꓢ ꓔꓯ ꓟꓽ ꓦ ꓡꓱ ꓢꓴ ꓕꓲ ꓣꓳ ꓥ ꓡꓳ= ꓖꓳ ꓡꓱ ꓥ ꓟꓲ ꓬꓲꓹ ꓟꓹ ꓟ ꓠꓬ  ꓮ ꓟꓬꓹ ꓛꓲ ꓪ ꓘꓴ ꓢꓲ  ꓢꓯꓼ ꓕꓵꓼˍ  ꓟ ꓪꓴꓸ ꓠꓬꓲ ꓙꓲꓻꓫꓬ ꓢꓴ Augustine ꓬꓲ ꓐꓹ ꓐ ꓠꓬ ꓪꓴ-ꓢ ꓔꓯ ꓦ ꓡꓱ ꓢꓴ ꓕꓲ ꓣꓳ ꓒꓬꓱꓼ  ꓡ ꓪ= ꓙꓲꓻ ꓫꓬ ꓢꓴ Augustine ꓬꓲ ꓟꓹ ꓟ Monica ꓠꓬ 12 ꓘꓳꓼ ꓛꓲꓺ ꓙꓲꓻ ꓫꓬ ꓢꓴ Augustine ꓐꓱ ꓶ ꓪꓽ ꓘꓴ ꓙˍ ꓟ ꓪꓴꓸ ꓠꓬꓲ ꓬꓲ ꓥˍ ꓟꓲ ꓪꓴ-ꓢ ꓦ ꓡꓱ ꓢꓴ ꓕꓲ ꓣꓳ ꓒꓬꓱꓼ ꓡ ꓪ=

ꓙꓲꓻ ꓫꓬ ꓢꓴ Augustine ꓠꓬ Italy  ꓗꓴꓷꓼ ꓗꓪ ꓟ ꓢꓳꓺ ꓦꓲꓻ ꓗꓪ ꓕꓳ ꓶ ꓟꓸ ꓒ ꓕꓲ ꓣꓳ ꓬꓰ ꓔꓬ ꓟ ꓕꓲ ꓙꓵꓹ ꓗꓪ ꓔꓲꓺ ꓒ Ambrose ꓡꓰ ꓚꓸꓸˍ ꓟ ꓪꓴ-ꓢ ꓐꓯ ꓘꓶꓽ ꓔꓯ ꓠ ꓡꓳꓸ ꓪˍ ꓟ ꓪꓴꓸ ꓠꓬꓲ ꓢꓲꓺ ꓒ ꓬꓰ-ꓢꓴ ꓔꓯ ꓦ ꓡꓱ ꓢꓴ ꓕꓲ ꓪ ꓒꓬꓱꓼ ꓡ ꓟ ꓥ ꓡꓳ=ꓙꓲꓻꓫꓬ ꓢꓴ Augustine ꓠꓬ ꓬꓲꓸ ꓔꓬ ꓟ ꓦꓲ ꓗꓪ ꓔꓬ ꓕꓯ “ ꓠꓴ ꓒ ꓕꓲꓺ ꓗꓪ ꓙꓳˍ ꓟ ꓕꓳ ꓶ ꓑꓷꓠꓽ ꓔꓯ ꓵ”  ꓐꓰ ꓐꓯˍ ꓟ ꓢꓯꓼ ꓔꓯ ꓠ ꓡꓳˍ ꓟ ꓪꓴꓸ ꓠꓬꓲ ꓬꓲꓸ ꓒ ꓕꓲꓺ ꓗꓪ ꓙꓳˍ ꓟ  ꓕꓳ ꓶ ꓔꓯ ꓵ ꓠꓬꓲˍ ꓕꓯ ( ꓣꓳ-ꓟ 8ꓽ13) ꓗꓪ ꓮ ꓡꓲꓳ ꓐꓯ ꓠꓬ ꓧꓪꓽ ꓠꓲꓹ ꓡꓶꓽ ꓔꓯ ꓛꓳ ꓢꓲ ꓞꓳ ꓙꓳ ꓔꓬ ꓠꓬ꓾ ꓠꓴ ꓪ ꓠꓽ ꓫꓵꓻ ꓠ ꓗꓹ ꓥꓳ= ꓖꓳ ꓡꓱ ꓥˍ ꓟꓲ ꓢꓲ-ꓫꓬ-ꓟ-ꓦ ꓗꓪ ꓐꓰ ꓧꓪꓽ ꓠꓲꓹ ꓡꓶꓽ ꓡꓰ ꓬꓰ ꓢꓳ ꓡ ꓝꓲˍ ꓟ ꓟꓽ ꓙꓲ ꓟꓽ ꓜꓳꓽ ꓟ ꓔꓯ ꓫꓵꓻ ꓝꓲˍ ꓕꓯ ꓠꓽ꓾ꓠꓴ ꓪ ꓠꓬ ꓢꓯꓸ ꓔꓬ ꓟꓶˍ ꓥꓳ= ꓪꓴ-ꓢ ꓔꓯ ꓡꓳꓸ ꓟꓳ ꓪ ꓡꓰ ꓪ=

ꓗ ꓠꓯ ꓠꓬ ꓬꓲ ꓔꓬ ꓟ Africa ꓗꓴꓷꓼ ꓗꓪ ꓡꓽ ꓙꓰ ꓢꓲ ꓠꓬꓲ ꓔꓲꓸꓸꓒ ꓜꓴ ꓗꓪ ꓓꓵꓽ ꓡꓰ ꓢꓲ ꓔꓲꓸꓸꓒ ꓕꓲ ꓪ ꓒꓬꓱꓼ  ꓡ ꓪ=ꓙꓲꓻꓫꓬ ꓢꓴ Augustine ꓠꓬ ꓮ ꓟꓬꓹ ꓢꓯꓼ ꓕꓵꓼ ꓢꓲ ꓠꓬꓲ ꓪꓴ-ꓢ ꓶ ꓓꓳꓽ ꓫꓱꓹ ꓓꓳꓽ ꓮ ꓟꓬꓹ ꓚꓺ ꓢꓴ ꓙꓲꓻꓫꓬ ꓢꓴ ꓕꓲ ꓣꓳ ꓥ ꓡꓳ= ꓙꓲꓻ ꓫꓬ ꓢꓴ Augustine ꓠꓬ ꓔꓲꓸꓸꓒ ꓓꓽ ꓕꓲ ꓪ ꓒꓬꓱꓼ ꓡ ꓕꓯ  ꓪꓴ-ꓢ ꓟꓽ ꓦ ꓡꓱ ꓢꓴ ꓡ ꓞꓳ ꓮ ꓟꓬꓹ ꓠꓬ ꓢꓲ ꓒ ꓬꓰ-ꓢꓴ ꓔꓯ ꓘꓳꓹ ꓣꓴ ꓡ ꓪ= ꓙꓲꓻꓫꓬ ꓢꓴ Augustine ꓠꓬ ꓪꓴ-ꓢ ꓦ ꓡꓱ ꓢꓴ ꓐꓴ ꓔꓯ ꓮ ꓟꓬꓹ ꓛꓲ ꓬꓰ ꓙ ꓢꓴ ꓐꓰ ꓙꓵꓻ ꓠꓲꓹ ꓐꓱ ꓶ ꓕꓳꓽ ꓶ ꓮ ꓟꓬꓹ ꓐꓳ ꓖꓶ ꓢꓴ ꓕꓲ ꓣꓳ ꓥ ꓡꓳ= ꓙꓲꓻ ꓫꓬ ꓢꓴ Augustine ꓔꓯ ꓘꓴ-ꓜꓲ-ꓞꓳ ꓠꓬ ꓢꓷꓸ ꓠꓲꓹ ꓙꓳ ꓢꓴ ꓕꓲ ꓣꓳ ꓐꓰ ꓟꓬꓱꓸꓸ ꓓꓳꓽ ꓖꓶˍ ꓟ ꓥ ꓡꓳ=

Add new comment

9 + 8 =