ꓙꓲꓻꓫꓬ ꓢꓴ Cornelius ꓐꓰ Cyprian ꓑꓮꓲ=

#creditphoto #St.Cornelius and St.Cyprian #Saint

ꓠꓬꓲꓸ ꓠꓬꓲ ꓠꓬ ꓙꓲꓻ ꓫꓬ ꓢꓴ Conelius BE Cyprian ꓑꓮꓲꓽ  ꓥ ꓡꓳ

ꓙꓲꓻ ꓫꓬ ꓢꓴ Cornelinus ꓠꓬ ꓙꓲ-ꓢꓴ ꓢꓲ ꓤ ꓐꓴ ꓔꓯ ꓪ ꓔꓲ Decius ꓡꓰ ꓢꓰꓼˍ ꓟ ꓙꓵꓹ꓾ ꓮꓸꓓ 251 ꓘꓳꓼ ꓕꓯ ꓔꓲꓸꓸ ꓒ ꓪ ꓔꓲ ꓕꓲ ꓪ ꓒꓬꓱꓼ ꓡ ꓪ= ꓙꓲꓻ ꓫꓬ ꓢꓴ Cornelinus  ꓔꓲꓸꓸꓒ ꓪ ꓔꓲ ꓒꓬꓱꓼ ꓡꓹ ꓟ ꓟꓽ ꓟꓶ ꓫꓵꓺ ꓕꓯ Africa ꓗꓴꓷꓼ ꓗꓪ ꓙꓵꓻ ꓠꓲꓹ ꓚꓱꓹ ꓟꓽ ꓜꓳꓽ ꓡꓰ ꓟ ꓫꓵꓽ ꓪꓴꓽ ꓔꓳꓹ ꓜꓳꓽ ꓡꓰ ꓪ= Carthage ꓡꓳ ꓒꓱ ꓗꓪ ꓔꓬ ꓟ ꓔꓲꓸꓸꓒ ꓓ Cyrian ꓠꓬ ꓙꓵꓻ ꓠꓲꓹ ꓚꓱꓹ ꓗꓪ ꓥꓳꓽ ꓡꓰ ꓢꓴ ꓔꓯ ꓖꓽ ꓖꓶ ꓢꓲ꓾ ꓝꓮꓲ ꓘꓴ-ꓜꓲ-ꓞꓳ ꓗꓪ ꓘꓳꓹ ꓣꓴ ꓠꓹ ꓟ ꓓꓰˍ ꓡꓳ= ꓖꓳ ꓡꓱ ꓥˍ ꓟꓲ ꓔꓲꓸꓸꓒ ꓕꓲ ꓐꓱ ꓠꓬ ꓘꓳ ꓣꓴ ꓠꓲꓹ ꓟꓽ ꓫꓵ=ꓔꓲꓸꓸꓒ ꓪ ꓔꓲ Cornelius ꓠꓬ ꓔꓲꓸꓸꓒ ꓓ Cyrian ꓓꓰꓽˍ ꓟ ꓙꓵꓻ ꓠꓲꓹ ꓚꓱꓹ ꓗꓪ ꓟꓽ ꓜꓳꓽ ꓡꓰ ꓟ ꓒꓳꓹ ꓡꓰꓼ ꓡꓹ ꓟ ꓡ ꓞꓳ ꓐꓴ ꓔꓯ ꓘꓴ-ꓜꓲ-ꓞꓳ ꓗꓪ ꓘꓳꓹ ꓣꓴ ꓗꓷ ꓪ= ꓔꓲꓸꓸꓒ ꓪ ꓔꓲ ꓡꓰ ꓡ ꓞꓳ ꓘꓳꓹ ꓣꓴˍ ꓟ ꓔꓯ ꓟꓽ ꓠꓲꓹ ꓫꓵ ꓟ Novatian ꓟꓬꓱ ꓔ ꓟ ꓡ ꓞꓳ ꓠꓬ꓾ ꓔꓲꓸꓸꓒ ꓪ ꓔꓲ ꓔꓯ ꓓꓽ ꓪꓴꓸ ꓒꓳꓹ ꓔꓴ ꓢꓴ ꓕꓲ ꓪ ꓥ ꓡꓳ= Novitian ꓔꓯ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓗꓪ ꓐꓰ ꓖꓼ ꓩꓴ ꓗꓷ ꓪ= ꓖꓳ ꓡꓱ ꓥ ꓟꓲ Novitian ꓠꓯꓸ ꓘꓪ ꓗꓪ ꓙꓳ ꓢꓴ ꓡ ꓞꓳ ꓐꓴ ꓠꓬ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓔꓯ ꓮ ꓟꓬꓹ ꓫꓵꓽ ꓪꓴꓽ ꓖꓶˍ ꓟ ꓥ ꓡꓳ=

ꓮꓸꓓ 253 ꓘꓳꓼ ꓕꓯ ꓪ ꓔꓲ  ꓒꓬꓱꓼ ꓡ ꓟ Emperor Gallus ꓠꓬ꓾ ꓘꓴ-ꓜꓲ-ꓞꓳ ꓔꓯ ꓝꓮꓲ ꓢꓰꓼˍ ꓟ ꓥ ꓡꓳ= ꓪ ꓔꓲ ꓠꓬ ꓔꓲꓸꓸꓒ ꓪ ꓔꓲ Cornelius ꓔꓯ Civitabecchia ꓟꓬꓰ ꓔ ꓟ ꓟꓵꓽ ꓗꓪ ꓔꓬ ꓝꓲˍ ꓡꓳ= ꓔꓲꓸꓸꓒ ꓪ ꓔꓲ ꓠꓬ ꓮ ꓟꓬꓹ ꓫꓸ ꓙꓵ ꓢꓲ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱꓽ ꓡꓳꓹ ꓬꓰ ꓪ= ꓔꓲꓸꓸꓒ ꓪ ꓔꓲ ꓧꓪꓽ ꓖꓳ ꓓꓱꓽ ꓔꓯ Callistus ꓟꓬꓱ ꓔꓸ ꓟ ꓟꓵꓽ ꓗꓪ ꓔꓵꓸ ꓗꓷ ꓪ= ꓔꓲꓸꓸꓒ ꓪ ꓔꓲ Cornelinus ꓫꓵꓻ ꓗꓷ ꓗꓸ ꓠꓯꓸ 5 ꓘꓳꓼ ꓡꓳꓹ ꓬꓰ ꓕꓯ꓾ ꓙꓵꓻ ꓠꓲꓹ ꓚꓱꓹ ꓔꓯ ꓗꓽ ꓕ ꓠꓹ ꓟ ꓔꓲꓸꓸꓒ  ꓓ Cyprian ꓙꓵꓹ ꓛꓲꓺ ꓡ ꓪ= ꓡꓳ ꓒꓱ ꓔꓯ ꓙꓵꓽ ꓢꓲꓽ ꓒ ꓥ ꓟ Galerius Maximus ꓠꓬ ꓔꓲꓸꓸꓒ ꓓ ꓔꓯ ꓐꓯˍ ꓟ ꓫꓸ ꓕꓱ ꓘꓶꓽ ꓠꓬ꓾ ꓬꓲ ꓔꓯ ꓪꓴꓸ ꓓꓵ ꓕꓱꓽ ꓠꓹ ꓟ  ꓐꓯ ꓖꓶˍ ꓡꓳ= ꓙꓲꓻ ꓫꓬ ꓢꓴ Cyrian ꓠꓬ ꓫꓸ ꓕꓱꓻ ꓘꓶꓽ ꓔꓯ ꓟꓽ ꓘꓳꓹ ꓣꓴ ꓗꓷ= Galerius Maximus ꓠꓬ ꓙꓲꓻꓫꓬ ꓢꓴ ꓡꓰ-ꓐꓰ ꓔꓯ ꓮꓸ ꓕꓽ  ꓐꓰ ꓗꓸ ꓢꓰꓼ ꓗꓷˍ ꓡꓳ=ꓙꓲ-ꓢꓴ ꓢꓲ ꓤ ꓮ ꓟꓬꓹ ꓥˍ ꓟꓲ ꓙꓲꓻ ꓫꓬ ꓢꓴ Cyprian ꓔꓯ ꓢꓰꓼˍ ꓟ ꓗꓪ ꓙꓰ ꓬꓰˍ ꓡꓳ= ꓙꓲꓻ ꓫꓬ ꓢꓴ Cyprian ꓠꓬ ꓟꓽ ꓫꓵꓻ ꓕꓯ ꓪꓽ ꓘꓴˍ ꓡꓳ= ꓙꓲꓻ ꓫꓬ ꓢꓴ Cyprian ꓠꓬ ꓙꓵꓻ ꓠꓲꓹ ꓚꓱꓹ ꓐꓱ ꓶ ꓢꓰꓼ ꓗꓷˍ ꓟ ꓟꓶ ꓢꓴ ꓕꓲ ꓪ ꓥ ꓡꓳ=

Add new comment

4 + 1 =